Daud Ahmed

27/07/2025

Calaamooyinkii oday lahaa caasha idin saarye

Qorax casarka joogtaan ahoo ciiri dabadeede
kuwaanu isku ciidamis ahayn caadna laga waaye
Hadba waxan calool doonayaa curufadaydiiye

Cindigaan hurdada fiiriyaa caam intaan jiraye
Naf cankuurka loo yimi Rabbaa caaqibuu garanne
Calool qulubtay waa yaab asaan cudur la taahayne
Cidla yuurur bay dilay sidii cawsha debadeede

Caad iyo kancaan iyo Namruud cadawyadii diinta
Cantar binu shadaad iyo kuwii coofka kor u taagey
Callaaq baa la sudhay reer Cimaad cadho daraadeede

Beryo wuxu cantoobsaday markii Ceejad laga waayey
Casha keliyabaa reer fircoon wiish la caaridaye
Cuqdud Eebbeheen geli wuxuu cudud lahaa xooge
Caqlow dhimoe Cooj-bini-Cunuuq ciidda lagu awdye
Cirkaa lagaga soo degey markay caamileen kibire

Ninkii Cabbasa ogi Eebbe waw toobad celiyaaye
Cama nin Akhristaa jeer danbuu ku cimri qaataaye
Cankabuudka caaradu xidhee lagu cayaaraayo
iyo wiil cartii qaba intuu amar la ceeryoomay
Cindallaahi waa simman yihiin waana laba cayne

Caddad mal leh rijal ladan intay calal ku duubene
Ooy meel cabbaar loo qodqoday kaga carraabeene

Marka inuu cidhiidhyamay waqtigu waa caddaan dhabahe
Ciyoonba haatan laysugu dhawaaq Calanki Suurkiiye
Maalintaan Curyaan wada nahee Caaddilka hor joogno

Qofba Culuqu laasimay markii lagu cashuuraayo
Isagoo Cadshaan qaba intuu Ciriqna maansheeyo
Limmaa-Tacuddu Alif-Caam haddaan cidi jawaab siinin

Ninkastoo Caniidaba markay talo ku ceeryoonto
Ifka nimad u cabataad maruun ciidan ka heshaaye
Camalkaaga mooyee halkaan hiil casabo joogin
Halkii adan Cashiiro u lahayn cuudna bixinaynin

Rasuulkii Cirshiga loo sakhiray Carajadii leylka
Isagaa Cibaadada anfaca Caaddilka hortiise
Codkii Maxamed(SCW)lagu caawimaan ka codsan doonaaye.

27/07/2025

Salaan Carrabey wuxuu noolaa badhtamihii qarnigii 19aad illaa badhtamihii qarniga 20 aad. Salaan, sida la caddeeyey, Sannadkii 1943kii ayuu ku geeriyooday baadiyaha magaalada Burco isagoo cimrigiisu aad u weyn yahay.

Gabaygan wuxuu Salaan u tirshey gabyaa uu adeer u ahaa oo la odhan jirey Cabdullaahi Baashe Shabeelle. Waxa taariikhdu werisaa in Salaan oo ku sugan Cadan uu magaaladaas yimi Cabdillaahi Baashe. Cabdillaahi Baashe oo rajaynayey in rag badan oo gabdho ka qabay soo dhaweeyaan ayaa gacma madhan kala kulmay intaan ka ahayn dhawr nin. Cabdillaahi oo raggii xididka ay ahaayeen gabay ku duraya ayaa yidhi;

Dhirta kale haddaad goyso waa gubayo hiireede
Geedkaan garaacnaaba waa Gawlaliyo Jiice
Ilaahbaa gacmaha noogu xidhay maydhax Gumareede
Geesigan ismaaciila iyo Godane mooyaane
Way guur xumaysteen hablii geelle dabadeede

Mamnuuc bay ahayd in nin xidid kula ah wax laga sheego sidaa darteed ayuu Salaan oo arkay khaladka Cabdillaahi uu ka codsaday inuu gabay kale oo uu raggaas ku xaal marinayo tiriyo. Cabdillaahi gabay kale ayuu u noqday laakiin sidii Salaan faray ma yeeline wuu is difaacay isagoo tabanaya inuu runta uu sheegay laga gubanayo:

Haddii aanan gaaliyo islaam eedba cid u geysan
Oon seedigay waxa u galo giirka ka caddeeyo
Ma la guban haddaan Geelle Mire sheego gacantiisa

Salaan Carrabey ayay markaa la gudboonaatay inuu wiilka yar ee uu adeerka u yahay waaniyo wuxuuna tirshay gabaygan oo aan halkan ku dhammayn.

Cabdillaahi Baashoow cataqay gabay caraadkiise
Maxaad cuni ha joogtee adduun caashaqii dhigaye
Sidan caddadka biluhu tirsaday waan cabsanayaye

Tixda waxan cashuuraba haddaan caynka ka higaadsho
Aniga cayda iiguma baxdiyo ceebta dibadeede
Carradaba nin laga naadiyoo caan baxaan ahaye

Cuqle midu u baxay baad tahoon caabudeyn axade
Cabbaar gabana meel uma fadhidid cisiyo maamuuse
Hadba tol aanu ceesh milix nahaad nagu cadhaysaaye

Cimrigiisa niman laasanayn looma caal helo'e
calliyohow cirradu waa dhabtii caammadaan garanne

10/07/2025

Waxaad tahay 20 jir 22 talo u baahan ... 🧏

1. Weligaa ha dib dhigan hawlahaaga.

2. Iska ilaali kibirka iyo dulmiga.

3. Ku dadaal sadaqada iyo hadalka wanaagsan.

4. Caawi oo garab istaag qof kasta oo u baahan garabkaaga, markaad awoodo.

5. Shaqo kasta oo aad qabanayso u qabo si aan hagrasho lahayn.

6. Iska ilow wixii h**e kaaga khaldamay, oo imika ka bilow nolol cusub.

7. Ka muuqo meel kasta, oo aad caafimaadkaaga, diintaada, cilmigaaga, dhaqaalahaaga iyo xidhiidhada wanaagsan ku kordhin karayso. 😊

8. Dulqaad u yeelo caqabadaha nolosha.

9. Wakhtigaaga ha dayicin, waayo waa hantida ugu qaalisan ee aad haysato. 👌

10. Markaad wax baranayso, u baro si hagrasho la'aan ah, sidoo kale markaad dad kale wax barayso u bar si hagrasho la'aan ah. 💯

Akhristaha sharfanow hadaad halkan soo gaadhay sidaynu mar kale isku aragno adage qoraalka xaqiisa sii ❤️ hal mar ii taabo mahadsanid hunnno. 👍

Add comment...

╭┈──────────────
╰┈➤ - Daauud ahmed Gurey

10/07/2025

Nolosha dhalinyaranimada

Waxaan dareensanahay adigaan qoraalkayga akhrinaya inaad tahay qof da, yar oo nolosha hami sare ka leh doonayana inuu wax un guul ah xaqiijiyo oo hadalfkiisa ka miro dhaliyo lehna riyo qurux badan inuu rumeeyana dadaal ugu jira.

Wllkay/wlshyda curadanka ah ee nolosha u hilacaysow dhalinyaro nimadu waa waqti aad u muhiima waa waqti aad dib usoo jaleeci doontid adiga oo jeclaysanaya waa waqti aan xasuustaada ka go, idoonin waa xiliga aad noloshaada qaabayn kartid si taban iyo si toganba waa waqtiga hadii uu ciyaar ciyaar kaaga lumo aadan dib dambe uga soo kaban karin aadna ka shalaayidontid intaad dunida guud sarantahay.

Haddaba akhristahan sharafta lahow iga qaado talooyinkan aan u arkay inay ku an facayan idam alle.

Gudo waajibadka alle sida salaada soonko iyo dhaman acmaasha khayrka ah waad kuu liibanaysa aduun iyo akhiraba arimahaagana ilaahy ayaa kuu fududayn dona.

Waxba ha shukaansan adiga oo anay noloshaaduba guur diyaar u ahayn ka faa,iidi maysid wax aan ka ahayn waqti dhumis khasaare iyo dib udhac.

Ugaara gabdhaha: gabarey raga u jirso intii uu alle amray inaad u jirsato,

_Haddii aad nin saxiib moodo dareenkaga, qalbi furnaantada iyo quruxdaduba waxay noqonayaan mindi lagu

Isticmaalo si laguu gawraco, ilaa kuwo alle u naxariistay moyane.

Ka dheerow daawashada aflaamta xun xun mukhaadaradka iyo wax walba oo la halmaala waxay dilayaan awoodaada jired iyo midaada maskaxeedba.

Jooji iska dabo socodka shahwaadka nafta ama waxa naftu jeceshahay oo mar walba ka hormari waxa muhiimka ah.

Dhiso oo ku dhaqan caadoyin wanaagsan haba yaraaden eh waxay qaabaynayan hab dhaqankaga dhanka wanaagsan ayayna kuu jiidayan.

Ka dheerow waxa loo yaqaan amraadul qalbi ama cudurada qalbiga sida kibirka istustuka faanka bilaa micnaha ah iyo isla waynida noloshaada ayay dabar adan ka baxsan karin ku noqonayaane.

Ugu yaraan ku bixi 30 daqiiqo maalinkii akhrinta, qorida iyo baarida waxa aad jeceshahay waxa kobcaya aqoontada si tartiib tartiib ah.

09/07/2025

وَفِي أَنفُسِكُمْ ۚ أَفَلَا تُبْصِرُونَ

Qof kastoo inaga mid ah waxaa ku dhexjira awood uu Alle SW ku maneystay laakiin badankeena maka faa'ideysanno mana isticmaalno awoodahaas uu Alle inagu talo galay inaan ku fakarno kana faa'ideysanno.

Ha is liidin... Noloshaada horumari... Waqtigaaga ka faa'ideyso... dadaal badanna bixi... waxaad arki doontaa inaad tahay qof ka duwan qofka aad hadda tahay.

09/07/2025

Luqmaan Al-Xakiim oo ahaa nin aad u xikmad badan ayaa nin uu u shaqayn jirey ka codsaday in uu neef adhi ah gawraco kadibna xubinta ugu wanaagsan uu u dubo.
Amarkii ayuu qaatay, waxa uu u dubay Carabkii.
Ninkiina wuu cunay.

Maalin labaad ayuu ka codsaday in uu neef kale gawraco, xubinta ugu liidatana uu u dubo kadib waxa uu u dubay isla carabkii.
Ninkii ayaa ku wareeray ooo weydiiyeyna sababta uu labbada jeerba ugu dubay Carabka.
Waxa uu ku jawaabay: "
Carabku waa mindi laba af leh; haddii aad wanaag (runta, hadalka wanaagsan, dikriga) u adeegsatid waa xubinta ugu wanaagsan jirka ee janno kugu hogaamin karta,
Haddii aad xumaanta (beenta, xanta, aflagaadada) u adeegsatana waa xubinta ugu xun ee naar kugu hogaamin karta".

09/07/2025

Hambalyo Dr Abdirahman Abdulahi Jinac.

Masuuliyad wayn baa qaaday alle hakulagarabgalo.

Hambalyo markale Gudoomiye

09/07/2025

09/07/2025

Laascaanood: Siyaasiyiinta ka hor-yimid hannaanka ay DFS u wajahday Gobollada Sanaag & Highland.

"Reer Maakhir oo midaysan ayaan sugeynaa, hadda doorasho halla qabto." — Ayey ku sheegeen shir-jaarid.