Galmudug journalists association

Galmudug journalists association Contact information, map and directions, contact form, opening hours, services, ratings, photos, videos and announcements from Galmudug journalists association, Dhuusamarreeb.

Ururkan Suxufiyiinta Galmudug Waxa Uu Canbaareynayaa Cariga Labo Suxufi Oo lagu xiray Magaalada Cadaado.Ururka Suxufiyi...
05/08/2025

Ururkan Suxufiyiinta Galmudug Waxa Uu Canbaareynayaa Cariga Labo Suxufi Oo lagu xiray Magaalada Cadaado.

Ururka Suxufiyiinta Galmudug wuxuu si adag u canbaareynayaa xarigga sharci-darrada ah ee lagu xidhay labo wariye oo ka howlgala magaalada Cadaado, kuwaas oo kala ah Haashim Omar Hassan iyo Hassan Qasaaro. Wariyaashan ayaa lagu xiray saldhigga booliska Cadaado, kaddib markii ay si madax bannaan uga warbixiyeen dhacdo xanuun badan oo ku saabsan gabadh yar oo la kulantay tacaddi habeenkii xalay.

Ururku wuxuu si buuxda u garab taagan yahay wariyeyaasha la xiray, wuxuuna xasuusinayaa hay’adaha ammaanka in warbaahinta madaxa bannaan ay tahay tiir muhiim u ah dimuqraadiyadda, isla markaana aan loo adeegsan karin cadaadis, cabsi gelin ama xabsi, marka ay gudanayaan waajibaadkooda saxafadeed.

Waxaan codsaneynaa in la adkeeyo baahida loo qabo in la ixtiraamo madaxbannaanida warbaahinta, xuquuqda saxafiyiinta iyo xuquuqda aadanaha guud ahaan, iyadoo aan la oggolaan karin wax tallaabo ah oo lagu caburinayo xorriyadda hadalka iyo xaqa dadweynaha u leeyahay helidda xogta.

Ururka Suxufiyiinta Galmudug wuxuu ugu baaqayaa maamulka degmada Cadaado iyo laamaha ammaanka in si degdeg ah xorriyadooda loogu soo celiyo Haashim iyo Qasaaro, haddii aysan jirin eed rasmi ah oo sharciyan loo maray Sidoo kale, waxaannu ugu baaqeynaa dhammaan hay’adaha dowladda iyo kuwa maxalliga ahba in ay u hoggaansamaan xeerarka dalka iyo kuwa caalamiga ah ee damaanad qaadaya xorriyadda saxaafadda iyo xuquuqda aadanaha.

Ururka Suxufiyiinta Galmudug wuxuu mar kale muujinayaa sida uu uga go’an yahay difaaca xuquuqda saxafiyiinta Galmudug, wuxuuna sii wadi doonaa la socodka xaaladda wariyaasha la xiray ilaa ay xoriyadooda dib u helaan.

DHAMMAAD
Galmudug journalists association
United Nations Transitional Assistance Mission in Somalia

01/06/2025

Alaale faarax yaame :Saxaafadu way awoodaa in go,aan uu baarlamaanka soomaaliya uu gaaray ay karkariso misane dib wax looga badalo.
United Nations Transitional Assistance Mission in Somalia

25 SUXUFI OO LOO SOO XIRAY AQOON-IS-WEYDAARSIGA MUDO LABO MAALIN A H UGA SOCDAY GURICEELWaxaa si rasmi ah loo soo gabag...
28/05/2025

25 SUXUFI OO LOO SOO XIRAY AQOON-IS-WEYDAARSIGA MUDO LABO MAALIN A H UGA SOCDAY GURICEEL

Waxaa si rasmi ah loo soo gabagabeeyay Aqoon-is-weydaarsi muhiim ah oo ku saabsan Xuquuqda Aadanaha, Khilaafaadka iyo Dhismaha Nabadda, kaas oo muddo Labo maalmood ah uga socday magaalada Guriceel 25 suxufi.

Tababarkan oo ay soo qaban-qaabiyeen Ururka Suxufiyiinta Galmudug - GALJA iyadoo ay taageerayaan UNTMIS, ayaa si weyn uga qeyb qaatay kor u qaadidda wacyiga suxufiyiinta ee la xiriira tebinta arrimaha xuquuqda aadanaha iyo nabad-dhiska.

Agaasimaha Tababarada Wasaaradda Warfaafinta Galmudug, Xasan Cabdraxmaan "Fantastic", ayaa si rasmi ah u soo xiray tababarka isagoo tilmaamay muhiimadda uu u leeyahay horumarinta xirfadaha wariyeyaasha, gaar ahaan kuwa ku lug leh arrimaha bulshada sida xuquuqda aadanaha iyo xalinta khilaafaadka.

Dhankiisa, Xoghayaha Suxufiyiinta Galmudug, Maxamuud Cismaan Cabdulle, ayaa wariyeyaasha ku dhiirrigeliyay in ay sii xoojiyaan doorkooda wacyigelin iyo ka qeyb qaadashada nabad-dhiska. Wuxuu u mahadceliyay UNTMIS sida ay mar kasta garab ugu yihiin saxaafadda madax-bannaan ee Galmudug.

Waxaan rajeynaynaa in aqoontan la helay ay horseedi doonto warbaahin si xirfad leh u gudbisa wararka xuquuqda aadanaha, si dheellitiran.

.
United Nations Transitional Assistance Mission in Somalia

Aqoon-is-weydaarsi Ku Saabsan Xuquuqda Aadanaha, Khilaafaadka iyo Dhismaha Nabadda oo 25 Suxufi loogu Qabtay Guriceel.M...
27/05/2025

Aqoon-is-weydaarsi Ku Saabsan Xuquuqda Aadanaha, Khilaafaadka iyo Dhismaha Nabadda oo 25 Suxufi loogu Qabtay Guriceel.

Magaalada Guriceel ee Gobolka Galgaduud waxaa si rasmi ah looga furay aqoon-is-weydaarsi muhiim ah oo looga hadlayo tebinta xuquuqda aadanaha, xalinta khilaafaadka, iyo dhismaha nabadda.

Furitaanka tababarkan waxaa ka soo qeybgalay, Maxamuud Cismaan Cabdulle, Xoghayaha Suxufiyiinta Galmudug
,Xasan Cabdiraxmaan, Agaasimaha Tababarada Wasaaradda Warfaafinta, Dhaqanka, iyo Dalxiiska Galmudug iyo Bashiir Maxamed Salaad, Xoghayaha Degmada Guriceel
Xoghayaha degmada Guriceel ayaa uga mahadceliyay GALJA iyo UNTMIS sida ay markasta u garab taagan yihiin saxafiyiinta Galmudug. Waxa uu ku booriyay in saxafiyiintu xoogaa ka saaraan arrimaha ku saabsan nabadda, maxaa yeelay, nabada oo xooggan ayaa horseedi kara ilaalinta xuquuqda aadanaha.

Agaasimaha Tababarada Wasaaradda Warfaafinta, Xasan Cabdiraxmaan, ayaa dhankiisa soo dhoweeyay dadaalada saxafiyiinta Galmudug ee kor u qaadaya wacyiga ku saabsan xuquuqda aadanaha iyo nabadda, Waxaan ku faraxsanahay in intaan soo wariyaal ah ay iskugu yimadaan sidii ay u baran lahaayeen tabinta warbixinada xaquuqda aadanaha iyo dhismaha nabadda waxaana u arkaa in tababarkan uu yahay fursad muhiim ah oo kor loogu qaadayo xirfadda suxufiyiinta, gaar ahaan arrimaha xaquuqda aadanaha.

Xoghayaha Suxufiyiinta Galmudug, Maxamuud Cismaan Cabdulle, ayaa ka hadlay muhiimadda tababarkan, isagoo sheegay in wariyeyaasha ay si joogto ah u tebiyan warar ku saabsan xuquuqda aadanaha iyo khilaafaadka iyo dhismaha nabdda , Wuxuu xusay in tababarkan uu xooga saarayo sidii loo xoojin lahaa xirfadda wariyeyaasha si ay xal uga helaan khilaafyada iyo in sal u dhigida nabadda.

Xoghayaha ayaa u mahadceliayay taageerada UNTMIS sida ay markasta u garab taaganyihiin suxufiyiinta Galmudug Waxa uuna wariyaasha ku booriyay in ay ka faaideystaan macluumaadyada ay gudbinayaan macalimiinta bixinaya tababarkan.

Tababarkani waa mid ka mid ah dadaallada lagu xoojinayo saxaafadda madax banaan iyo kaalinteeda muhiimka ah ee nabad dhiska iyo ilaalinta xuquuqda aadanaha ee Soomaaliya.
Soomaaliyeed
United Nations Transitional Assistance Mission in Somalia

Ururka Suxufiyiinta Galmudug wuxuu Cambaarayn xarig loo geeystay weriye Cali Maalin Nuur oo ka tirsan Weriyaasha Gobolk...
24/05/2025

Ururka Suxufiyiinta Galmudug wuxuu Cambaarayn xarig loo geeystay weriye Cali Maalin Nuur oo ka tirsan Weriyaasha Gobolka Mudug kasoo ku xiran Saldhiga Booliiska Degmada Gaalkacyo ee Galmudug

Wariye Cali Maalin Nuur ayaa xalay lagu xiray Magaalada Gaalkacyo ee Xaruunta Gobolka Mudug xili uu ku sugnaa Gurigiisa waxaana Ka soo Ka xeystay dhacay Ciidamada booliska Saldhiga Gaalkacyo.

Ma jirto wax warqad sharci ah ama u yearis ah oo Weriyaha loo diray ama loo keenay sidoo kalena ma jirto wax Dacwo ah oo soo gaartay Xafiiska Ururka Suxufiyiinta Galmudug.

Waxaan Ku baaqeynaa in si Deg Deg ah xoriyadiisa dib loogu sooceliyo Wariye Cali Maalin Nuur Lana dhowro Xoriyatul Qowlka madaxbanaanida Hadalka .
Galmudug journalists association

Galkacyo: Tababar Ku Saabsan Xuquuqda Aadanaha iyo khilaafka iyo Dhismaha Nabada oo Loo Soo Gabagabeeyay Suxufiyiinta Go...
14/05/2025

Galkacyo: Tababar Ku Saabsan Xuquuqda Aadanaha iyo khilaafka iyo Dhismaha Nabada oo Loo Soo Gabagabeeyay Suxufiyiinta Gobolka Mudug.

Waxaa maanta magaalada Galkacyo si rasmi ah loogu soo gabagabeeyay tababar labo maalmood socday oo ay ka qeyb galeen 25 suxufi oo ka kala yimid Gobolka Mudug. Tababarkan oo uu soo agaasimay Ururka Suxufiyiinta Galmudug (GALJA) ayaa diiradda saaray tebinta xuquuqda aadanaha, xalinta khilaafaadka, iyo dhismaha nabadda.

Maxamuud Cismaan Cabdulle, Xoghayaha GALJA, ayaa sheegay in tababarku sare u qaaday fahamka wariyeyaasha ee arrimaha xuquuqda aadanaha, isagoo ku booriyay in ay si xirfad leh uga shaqeeyaan wacyigelinta bulshada.

Tababarkan oo ay taageertay UNTMIS, ayaa qeyb ka ah dadaallada lagu horumarinayo saxaafadda madaxa bannaan iyo doorkeeda dhismaha nabadda iyo ilaalinta xuquuqda aadanaha ee Soomaaliya.
Galmudug journalists association
United Nations Transitional Assistance Mission in Somalia

Maalintii Labadaad Tababarka Qaar ka mid ah saxafiyiinta Gobolka Mudug- Galkacyo.Galmudug journalists association
14/05/2025

Maalintii Labadaad Tababarka Qaar ka mid ah saxafiyiinta Gobolka Mudug- Galkacyo.
Galmudug journalists association

13/05/2025

"Xoghayaha Saxafiyiinta Galmudug: Tababarkan Wuxuu Muhiimad Gaar ah Siinayaa Tebinta Xuquuqda Aadanaha, Khilaafaadka iyo Nabad-dhiska.
Galmudug journalists association
United Nations Transitional Assistance Mission in Somalia

13/05/2025

Hadal jeedintii Agaasimaha Warfaafinta Dowlada Hoose Degmada Galkacyo Siraaji Yusuf Sugaal.
Galmudug journalists association
United Nations Transitional Assistance Mission in Somalia

13/05/2025

Hanad Cabdi Farax Isku duwaha Wasaaradda Warfaafinta Galmudug ayaa daah Furay tababar mudo labo maalin ah U socondoona Qaar Ka mid ah suxufiyiinta Gobolka Mudug - Galkacyo.

25Suxufi oo Ka Howlgal Gobolka Mudug oo Galkacyo uga Furmay Aqoon-is-weydaarsi Ku Saabsan Tebin Xuquuqda Aadanaha, Khil...
13/05/2025

25Suxufi oo Ka Howlgal Gobolka Mudug oo Galkacyo uga Furmay Aqoon-is-weydaarsi Ku Saabsan Tebin Xuquuqda Aadanaha, Khilaafaadka iyo Dhismaha Nabadda.

Waxaa magaalada Galkacyo ee gobolka Mudug si rasmi ah uga furmay aqoon-is-weydaarsi muhiim ah oo lagu baranayo tebinta xuquuqda aadanaha, khilaafaadka iyo dhismaha nabadda, kaas oo ay ka qeybgalayaan 25 wariye oo ka kala yimid deegaannada Galmudug.

Furitaanka tababarka waxaa ka soo qeybgalay Agaasimaha Warfaafinta degmada Galkacyo Siraaji Yusuf sugaal , Iskuduwaha Wasaaradda Warfaafinta, Dhaqanka iyo Dalxiiska Galmudug Hanad Cabdi Farax , iyo wakiilka Wasaaradda Warfaafinta Soomaaliya ee deegaanada Galmudug Cilmi Kulan Geedi , Mas’uuliyiintan ayaa si qoto dheer ugu dardaarmay wariyeyaasha ka howlgala Galmudug in ay door weyn ka qaataan xoojinta arrimaha la xiriira xuquuqda aadanaha, xalinta khilaafaadka, iyo nabadeynta bulshada — kuwaas oo muhiimad weyn u leh horumarka bulshada Soomaaliyeed guud ahaan, gaar ahaan bulshada Galmudug.

Xoghayaha Saxafiyiinta Galmudug, Maxamuud Cismaan Cabdulle, ayaa sheegay in tababarkani uu muhiimad gaar ah u leeyahay wariyeyaasha, maadaama ay si joogto ah u tebiyan warar la xiriira xuquuqda aadanaha iyo khilaafaadka ka jira deegaannada. Wuxuu xusay in mowduucyada tababarka si gaar ah loo xulay, si loo xoojiyo aqoonta iyo xirfadda wariyeyaasha marka ay la tacaalayaan arrimahaasi muhiimka ah.

Wuxuu sidoo kale kula dardaarmay saxafiyiinta in ay ka faa’iideystaan aqoonta ay la wadaagayaan macallimiinta labada maalmood ee tababarku soconayo, isla markaana ay hirgeliyaan wixii ay ka barteen marka uu tababarku dhamaado.
Tababarkan ayaa qeyb ka ah dadaallada lagu horumarinayo saxaafadda madaxa bannaan iyo kaalinta ay ku leedahay nabadeynta iyo ilaalinta xuquuqda aadanaha ee Soomaaliya.

Soomaaliyeed

WAR-SAXAAFADEED 3 MAY 2025.
03/05/2025

WAR-SAXAAFADEED 3 MAY 2025.

Address

Dhuusamarreeb

Website

Alerts

Be the first to know and let us send you an email when Galmudug journalists association posts news and promotions. Your email address will not be used for any other purpose, and you can unsubscribe at any time.

Shortcuts

Share