Saansoor MEDIA

20/11/2023

Madaxweynaha Jamhuuriyadda Somaliland oo ka qaybgalay Aas qaran oo loo sameeyey Marxuum Maxamed Xaashi Cilmi.

Hargeysa-20-11-2023-()-Madaxweynaha Jamhuuriyadda Somaliland, Mudane Muuse Biixi Cabdi, ayaa ka qayb-galay Aas Qaran oo xabaalaha Baqiic ee duleedka caasimadda Hargeysa loogu sameeyey Marxuum Maxamed Xaashi Cilmi oo kamid ahaa haldoorka qiimaha badan ee bulshada reer Somaliland.

Aaska Qaran ee loo sameeyey marxuumka waxa madaxweynaha kala qayb-galay madax kala duwan oo ay kamid yihiin guddoomiyaha golaha wakiillada, xildhibaanno, wasiirro, siyaasiyiin, mujaahidiin, saraakiil ka socota dawlad-deegaanka Soomaalida, madax-dhaqameed, haldoor iyo qaybaha kale ee bulshada reer Somaliland, waxana marxuumka salaadda jinaasada lagaga tukaday duleedka qubuuraha Baqiic lagu Aasay.

Qaar kamid ah mujaahidiintii ay soo wada halgameen marxuumka oo ay kamid yihiin Mujaahid Ibraahim Xuseen Dhego-weyne, Prof. Cabdisalaan Yaasiin iyo Mujaahid Xasan Jaamac Cali (Dayax) oo halkaas ka hadlay, ayaa ka hadlay kaalintii uu marxuumku ku lahaa Aas aaskii ururkii SNM iyo dib u xorayntii dalka, waxana ay ku sifeeyey halgamaa ku suntan wanaag iyo dal jacayl.

Abwaan Xasan Xaaji Cabdilaahi (Xasan-ganey) iyo suldaan Xasan Suldaan Cabdilaahi, ayaa iyaguna tacsi u diray ehelkii iyo qaraabadii uu marxuumku ka baxay, iyaga oo marxuumkana Eebbe uga baryey inuu jannooyinkiisa ku casuumo.

Aqoonyahan Ibraahim Aadan Doolaal oo kamid ah siyaasiyiinta Dawlad-deegaanka Soomaalida oo Aaska ka qaybgay, ayaa dhankiisa marxuumka Eebbe uga baryey inuu Jannadii Firdowsa ka waraabiyo, waxana uu ku sifeeyey shaqsiyad dunida kaga tagtay raad muuqda oo dhinaca wanaagga ah.

Qaar kamid ah haldoorkii Aaska ka qaybgalay oo ay kamid yihiin wasiirrada wasaaradaha arrimaha gudaha, Warfaafinta, Qorshaynta iyo Diinta iyo Awqaafta oo goobta jinaasada ka hadlay, ayaa ku dheeraaday taariikhdii marxuumka, waxana ay tacsiyeeyeen ehellada, qaraabada iyo qaranka Jamhuuriyadda Somaliland ee uu ka baxay marxuum Maxamed X

20/11/2023

Waxay ahayeen Laba walaalo ah oo in kanbadan17 sanadood aanu jaar ahayn wada sheekaysi dhawna aanu wada lahayn,
Waxaan qirayaa inay ahaayeen walaalo AHLUL Cibaado ah, Xaaraan diid ah dalkooda iyo dadkoodaba jecel.

Maanta Waxa si sharaf badan ku hoyday hoygiisii dhabta ahaa Muj/Eng: Maxamed Xaashi Cilmi.

Alle swt Ha ku casuumo jannooyinkiisa sar-sare. Ehelkii, qoyskii, qarabaadi, mujaahidiintii S.n.m iyo guud ahaan qaranka Jsl ee uu ka baxeyna samir Iyo iimaan saadiqa ha ka siiyo. Aamiin…. Aamiin.

Waxaan ugu danbayn Abdiqadir Hashi iyo Mohamed Hashi labadooda ugu ducaynayaa in uu Eebe ku kulansiiyo JANATUL FARDAWSA.
Aaamiin

Waa Qalinkii :- Xildhibaan H**e Maxamed Cali Xirsi (Obama)

20/11/2023

https://saansoormedia.blogspot.com/2023/11/geeridaa-kala-fogaysa-labadii-isjecel.html

Waxay ahayeen Laba walaalo ah oo in kanbadan17 sanadood aanu jaar ahayn wada sheekaysi dhawna aanu wada lahayn, Waxaan qirayaa inay ahaayee...

19/11/2023

Alle haw naxariiste waxaa saaka maydadkooda la helay labadii dhalinyaro ee baddu liqday 17 bishan.

Ciidanka Ilaalada xeebaha ee saldhiga 1-aad ee Berbera ayaa saaka ku guulaystay inay soo saaran maydadka labo wiil oo badu liqday kuwaasi oo la baadi-goobayey maalmihii udanbeeyey

Labada marxuun ayaa waxay badu liqday 17 bishii , waxaanu ciidanku saaka kasoo helay agagaarka noobiyada galbeedka halka midna laga soo helay meel kasii shishaysa oo xigta xeebta xeedho .

Ciidanka ayaa si toosa ugu wareejiyey labadan marxuun wasaarada Caafimaadka ee Gobolka iyo maduuliyiinta Gobolka iyo degmada Berbera

19/11/2023

19/11/2023

TACSI MADAXWEYNE: 14/11/2023 INNAA LILLAAHI WA INNAA ILAYHI RAAJICUUN Madaxweynaha Jamhuuriyadda Somaliland, Mudane Muuse Biixi Cabdi, isag...

15/11/2023

Jabwaabtii barbaraaawi hordhac ee sh umal

15/11/2023

Jawaabtii sh barbarawi ee uu sh umal siiyay

14/11/2023

TACSI MADAXWEYNE: 14/11/2023
INNAA LILLAAHI WA INNAA ILAYHI RAAJICUUN

Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Jamhuuriyadda Somaliland, waxa uu dhambaal tacsi ah u dirayaa, Qaranka, ehelladii, iyo shacbiga Somaliland ee uu ka baxay Alle ha u naxariistee taliyihii h**e ee Ciidanka Qaranka Marxuum Gerneral Maxamed Xasan Cabdillaahi (Jidhif) oo ku geeriyooday caawa oo ay taariikhdu tahay 14-11-2023 caasimada Somaliland ee Hargeysa.

Waxaanu Madaxweynuhu marxuumka ku sifeeyey taliye waayo arag ah oo door muhiima ka soo qaatay halgamadii kala danbeeyey ee dalka lagu xoreeyey, sidoo kalena qayb ka ahaa nabadayntii shacbiga Somaliland iyo dib u dhiskii dalka iyo ciidanka booliska Somaliland oo uu ka soo noqday Taliye ku xigeen, isagoo markii danbena noqday taliyaha Ciidanka Qaranka Somaliland.

Madaxweynuhu waxa uu marxuumka ALLE uga baryayaa inuu naxariistii janno ka waraabiyo, qaranka, qoyskii, ehelladii iyo shacbiga Somaliland ee uu ka baxayna samir iyo iimaan saadiqa ka siiyo.

ALLAA MAHAD LEH

Naasir Yuusuf Daahir
Agaasimaha Warbaahinta Madaxtooyada JSL.

14/11/2023

Digniin

Hay’adda Dhawrista Tayada iyadoo gudanaysa waajibaadka shaqo ee ay masuulka ka tahay, waxa ay bulshada Somaliland u cadaynaysaa in Kiniinka sawirkiisu halkan hoose ka muuqdo magaciisuna yahay EBUFAC ay tahay dawo laga been abuuray shirkada soo saaratay sidoo kalena markii Hay’addu samaysay shaybaadh (testing), kuna dhacday halbeega saamaynaya waxtarka iyo shaqada dawada ( active pharmaceutical ingredients).

Sida darteed waxaanu dawadaas ka saari doonaa dhamaan goobaha ganacsi ee ay taalo sida ugu dakhsaha badan. Bulshada waxa aanu ka codsanaynaa in ay nagu soo wargaliyaan goobkasta oo ay dawada ku arkaan.

Sidoo kale waxa ay Hay’addu bulshada iyo Ganacsatada Dawooyinka u sheegaysa in sharciga lala beegsan doono Shirkad kasta oo ka been abuurta dawada ay dalka keenayso.

Faahfaahinta daawada:
Generic name: Ibuprofen 400mg tablet
Brand name: EBUFAC
Batch Number: ER0512q

Xigasho Hay'adda Dhawrista Tayada JSL, Somaliland Quality Control Commission

14/11/2023

https://saansoormedia.blogspot.com/2023/11/wareegto-madaxweyne.html

Wareegtooyin Madaxweyne 14.11.2023 Madaxweynaha Jamhuuriyadda Somaliland, Mudane Muuse Biixi Cabdi waxa uu wareegtooyin Madaxweyne uu xilka...

14/11/2023

Isku shaadhaynta madaxwaynaha somaliland

Wareegtooyin Madaxweyne 14.11.2023

Madaxweynaha Jamhuuriyadda Somaliland, Mudane Muuse Biixi Cabdi waxa uu wareegtooyin Madaxweyne uu xilka qaadis, magacaabid iyo Isku-bedel ku sameeyey qaar ka mida xubnaha Golaha Wasiirrada Jamhuuriyadda Somaliland.

Waxaanay u dhignayd Wareegtada Madaxweynuhu Sidan:-

Ujeeddo: Xil Ka-qaadis.

1. Ku: Cabdiqaadir Iimaan Warsame;
Wasiirkii Wasaaradda Horumarinta Beeraha

2. Ku: Dr. Cabdiweli Sh. Cabdillaahi Suufi Jibriil;
Wasiirkii Wasaaradda Isgaadhsiinta iyo Tignoolajiyadda

3. Ku: Sh. Cabdirisaaq Xuseen Cali Albaani;
Wasiirkii Wasaaradda Diinta iyo Awqaafta

4. Ku: Cabdi Cismaan Cabdulle Dhaga-weyne;
Wasiirkii Wasaaradda Horumarinta Maal-gashiga

Mudanayaal,

Sida aad la socotaan, xilka Qaranka ayey dabcigiisa tahay in uu meerto noqdo, oo hadba loo igmado ciddii hanan karta. Sidaa darteed, waxaan gartay in laga bilaabo taariikhda maanta aan idinka qaado xilalkii aad u hayseen Qaranka. Waxaan idiinka mahad-celinayaa muddadii aad hayseen xilalka Qaran.

Ujeeddo: Magacaabid.

Wareegtooyin Madaxweyne; Magacaabid iyo Isku-beddel

Markaan Arkay: Dastuurka Jamhuuriyadda Somaliland, Qodobka 90aad;

Markaan Arkay: Aqoontooda, Kartidooda iyo Waaya-aragnimadooda;

Markaan ku Qancay: In ay Hanan Karaan Masuuliyadda ka Dhalanaysa Xilalkan;

Markaan Sameeyey: La-tashi;

Waxaan Go’aamiyey;
In laga bilaabo taariikhda maanta aan xilalkan u magacaabo masuuliyiinta hoos ku xusan:

1. Axmed Yuusuf Idiris Cawaale Wasiirka Wasaaradda Isgaadhsiinta iyo Tiknoolajiyadda.

2. Axmed Aadan Axmed Buuxane Wasiirka Wasaaradda Waxbarashada iyo Sayniska.

3. Axmed Maxamed Diiriye Cige Wasiirka Wasaaradda Qorshaynta iyo Horumarinta Qaranka.

4. Cabdirisaaq Ibraahim Maxamed Faarax Wasiirka Wasaaradda Horumarinta Maal-gashiga.

5. Cali Xasan Maxamed Jaamac Wasiirka Wasaaradda Warfaafinta, Wacyigelinta iyo Dhaqanka.

6. Saleebaan Yuusuf Cali Koore Wasiirka Wasaaradda Horumarinta Biyaha.

7. Maxamed Xaaji A