SALLO MEDIA

11/05/2026

Dayax-band Oo maayar cidin libaax ku dhuftay

11/05/2026

Wasaaradda Gaadiidka iyo Horumarinta Jidadka oo Hoggaaminaysa Shir Lagu Xoojinayo Kaabeyaasha Dhaqaalaha Dalka

Wasaaradda Gaadiidka iyo Horumarinta Jidadka Somaliland ayaa marti-gelisay shir heer sare ah oo ay isugu yimaaddeen Wasaaradaha iyo Hay’adaha Dawladda ee ku mideysan Qaybta Kaabeyaasha Dhaqaalaha, kaas oo lagaga hadlay horumarinta iyo dardar-gelinta adeegyada kaabeyaasha dhaqaalaha dalka.

Shirka ayaa lagu falanqeeyey dib-u-habeynta qaab-dhismeedka qaybta kaabeyaasha dhaqaalaha, xoojinta wada-shaqaynta hay’adaha ay khusayso, iyo sidii xal waara loogu heli lahaa caqabadaha hortaagan hirgelinta mashaariicda muhiimka ah ee horumarinta dalka.

Masuuliyiinta ka qayb-galay shirka waxaa ka mid ahaa Wasiirka Wasaaradda Isgaadhsiinta iyo Tiknoolajiyadda, Wasiirka Wasaaradda Duulista Hawada iyo Horumarinta Madaarrada, Agaasimaha Guud ee Wasaaradda Hawlaha Guud, Dhulka iyo Guriyeynta, iyo masuuliyiin kale oo door muhiim ah ku leh kaabeyaasha dhaqaalaha.

Gunaanadkii shirka, waxaa lagu heshiiyey in la joogteeyo kulamada Qaybta Kaabeyaasha Dhaqaalaha si loo dardargeliyo qorshayaasha horumarineed, isla markaana loo qabto shir ballaadhan oo ay ka qayb galaan dhammaan daneeyayaasha kaabeyaasha dhaqaalaha dalka
SALLO MEDIA .

11/05/2026

𝙓𝙤𝙜𝙝𝙖𝙮𝙞𝙝𝙞𝙞 𝙝𝙤𝙧𝙚 𝙚𝙚 𝘿𝙤𝙬𝙡𝙖𝙙𝙙𝙖 𝙃𝙤𝙤𝙨𝙚 𝙚𝙚 𝘾𝙖𝙖𝙨𝙞𝙢𝙖𝙙𝙙𝙖 𝙎𝙖𝙘𝙞𝙞𝙙 𝙉𝙪𝙪𝙧 𝙅𝙖𝙖𝙢𝙖𝙘 𝙖𝙮𝙖𝙖 𝙛𝙖𝙧𝙞𝙞𝙣 𝙣𝙖𝙗𝙖𝙙𝙚𝙚𝙙 𝙞𝙮𝙤 𝙬𝙖𝙖𝙣𝙤 𝙖𝙝 𝙪 𝙙𝙞𝙧𝙖𝙮 𝙭𝙪𝙗𝙣𝙖𝙝𝙖 𝙂𝙤𝙡𝙖𝙝𝙖 𝘿𝙚𝙚𝙜𝙖𝙖𝙣𝙠𝙖 𝘾𝙖𝙖𝙨𝙞𝙢𝙖𝙙𝙙𝙖, 𝙞𝙨𝙖𝙜𝙖 𝙤𝙤 𝙪𝙜𝙪 𝙗𝙖𝙖𝙦𝙖𝙮 𝙞𝙣𝙖𝙮 𝙠𝙝𝙞𝙡𝙖𝙖𝙛𝙖𝙖𝙙𝙠𝙖 𝙟𝙞𝙧𝙖 𝙠𝙪 𝙭𝙖𝙡𝙡𝙞𝙮𝙖𝙖𝙣 𝙬𝙖𝙙𝙖-𝙝𝙖𝙙𝙖𝙡, 𝙞𝙨𝙪 𝙩𝙖𝙣𝙖𝙖𝙨𝙪𝙡 𝙞𝙮𝙤 𝙗𝙞𝙨𝙖𝙮𝙡 𝙨𝙞𝙮𝙖𝙖𝙨𝙖𝙙𝙚𝙚𝙙

Saciid Nuur Jaamac ayaa sheegay in caasimaddu tahay laf-dhabarta dalka iyo muraayadda laga dheehdo sumcadda qaranka, sidaas darteedna aan loo baahnayn hadallo dhaawacaya mustaqbalka magaalada iyo wadajirka bulshada.
Waxa uu xusay in ugu dambayn 17-ka xubnood ee goluhu ay iyagu dooran doonaan Maayirka iyo Maayar Ku-xigeenka, sidaa darteedna loo baahan yahay in laga dheeraado hadallada xanafta abuuri kara ama kala fogayn kara bulshada.

Sidoo kale, wuxuu ugu baaqay odayaasha iyo masuuliyiinta warbaahinta isku mari waayey inay dib isu fadhiistaan oo ay arrimahooda ku dhamaystaan jawi deggan, isaga oo carrabka ku adkeeyey in khilaafka iyo kala aragti duwanaantu ay yihiin wax ka mid ah shaqada siyaasadda iyo maamulka.

Ugu dambayn, waxa uu ku boorriyey xubnaha golaha inay ilaaliyaan dedaalkii iyo tacabkii lagu horumariyey caasimadda, isla markaana ay muujiyaan midnimo, wada-shaqayn iyo masuuliyad si loo ilaaliyo danaha shacabka iyo horumarka magaalada.
SALLO MEDIA

11/05/2026

Afayeenka Baarlamanka Iiraan, Maxamed Ghalibaf ayaa sheegay in Iiraan ay si buuxda diyaar ugu tahay iney markale dhigto cashir, hadii lasoo weeraro.

11/05/2026

DEG DEG Fanaaniinta iyo Jaaliyada Somaliland Ee Ireland 🇮🇪oo Wacdaro Dhigi Doona Xuska 18 May

11/05/2026

“Maayir Mooge khal-khal buu geliyay dalkii…” Gudida hoodaale

11/05/2026

Wararka soo Baxaya oo sheegaya in la Dooranayo Maayar iyo Maayar-ku-xigeen cusub yeelanaysa berri Salaasada Hargeysa iyo duufaanada ku xeeran
Siday kula Tahay Adiga Aragtidaada

11/05/2026

Wasiirka Wasaaradda Horumarinta Caafimaadka Somaliland, Mudane Xuseen Bashiir Xirsi, ayaa xafiiskiisa ku qaabilay wafdi ka socday hay’adaha TaiwanICDF iyo KMUH ee dalka Taiwan. Kulanka ayaa diiradda lagu saaray xoojinta iskaashiga caafimaadka iyo ballaadhinta mashruuca Health Information System (HIS) oo wejigiisii koowaad horumar muuqda ka sameeyey maamulka xogta caafimaadka iyo adeegyada cusbitaallada qaar.

Labada dhinac ayaa ka wada hadlay hirgelinta wejiga labaad ee mashruuca, si nidaamka HIS loo gaadhsiiyo dhammaan cusbitaallada dawliga ah ee Somaliland, loona casriyeeyo adeegyada caafimaadka iyo maamulka xogta bukaannada. Waxa kale oo muhiimad gaar ah la siiyey tababarka shaqaalaha caafimaadka iyo horumarinta nidaamka dijitaalka ah ee caafimaadka.

Wafdiga Taiwan ayaa Somaliland joogi doona siddeed cisho, iyaga oo kormeerro ku samayn doona cusbitaallada dalka si ay u qiimeeyaan adeegyada caafimaadka iyo baahiyaha jira, ugana shaqeeyaan sidii mashruuca HIS si hufan loogu fidin lahaa guud ahaan dalka.
SALLO MEDIA

11/05/2026

Aqlabiyad Dhamaystiran

13 xildhibaan kulanka caawa waa socdaaa

Abdulrasaq M. Farah Wiiwaa & Xil Mideeye ✅🙌

Qaar buuqayaa xataa maoga xildhibaankoodu ciduuu wato

11/05/2026

Wasiir Ku-xigeenka Wasaaradda Horumarinta Caafimaadka Somaliland, Dr. Maxamed Daahir, iyo wafti uu hoggaaminayo oo kormeer shaqo ku marayey gobollada dalka ayaa gaadhay gobolka Awdal, halkaas oo ay kulamo kula yeesheen maamulka gobolka iyo masuuliyiinta caafimaadka.

Kulamadaasi waxa lagaga hadlay xaaladda adeegyada caafimaadka, caqabadaha jira iyo baahida loo qabo xoojinta gaar ahaan adeegyada caafimaadka maanka.

Waftigu waxa kale oo uu booqday Cisbitaalka Guud ee Boorama iyo Cisbitaalka Maanka, iyagoo u kuurgalay adeegyada caafimaad, xaaladda bukaanada iyo baahiyaha u baahan in wax laga qabto.

Dr. Maxamed Daahir ayaa sheegay in Wasaaraddu ka go’an tahay horumarinta adeegyada caafimaadka gobollada iyo joogtaynta kormeerada lagu qiimaynayo xarumaha caafimaadka dalka.

11/05/2026