06/10/2025
HESHIISKA JSL IYO PL
Guud ahaan, tallaabo kasta oo xal iyo isfaham loogu raadinayo khilaafaadka u dhexeeya Jamhuuriyadda Somaliland iyo Puntland ee deriska ah, waa arrin mudan in la soo dhoweeyo oo la dhiirigeliyo.
Faaiidooyinka ku duugan heshiiska
1. Xoojinta Nabadda iyo Xasilloonida: Heshiiska noocan ahi wuxuu aasaas u noqon karaa in la yareeyo xiisadaha iyo colaadaha soo noqnoqda, iyo in uu u ogolaado bulshada ku kala dhaqan Jamhuuriyadda iyo derisked Puntland ee dhinaca Somaliya, inay noloshooda dib u dhistaan oo ay horumar sameeyaan kadib colaadihii beriga gobalka sool.
2. Furista Waddo Wada-hadal Joogto ah: Waxa ugu muhiimsan ee uu keeno waa in la abuuro kalfadhiyo iyo jawi siyaasadeed oo labada dhinacba u saamaxaya inay si toos ah u wada hadlaan. Wadahadalku waa jidka kaliya ee lagu gaadhi karo xal waara.
3. Faa'iidooyinka Bulshada iyo Dhaqaalaha: Marka la heshiiyo,wada-shaqaynta ayaa korodha. Tani waxay kobcin kartaa:
• Is dhaafka Ganacsiga: Fududaynta isku socodka dadka iyo badeecadaha ee labada dhinac.
• Wadaagidda La Dagaallanka Amni-darrada: Iska kaashiga la dagaallanka argagixisada, budhcadda, iyo dhibaatooyinka kale ee xuduudaha.
4. Yaraynta Saamaynta Dibadda: Isfahamka labada dhinac wuxuu yaraynayaa baahida loo qabo faragelin shisheeye oo xal loogu raadin karo is khilaaf kaste oo sababi kara isku dhac, sidii waqtiyo h**e dhacday.
