22/06/2020
MASUQ MAASUQ iyo Hanti lagu boobay Sharka dowladda❗
Lataliyaha Ra’iisul Wasaaraha, ahna Shaqaale ka tirsan wasarada arrimaha gudaha Yaxye Cali Hareeri oo ka mid ahaa shaqaalihii dowladda Federaalka ee ka shaqeynayay dhismiha DG Galmudug ayaa waxaa ka cabanaya shirkado iyo ganacsato oo uu hantidoodii isticmaalay muddadii lagu guda jiray dhismaha maamulka Galmudug.
Ganacsatadaan oo isugu jira milkiilayaal Hoteelo, Guryo iyo Gaadiid ayaa ku eedaynaya Yaxye in uusan bixin qarashaadkii ay ku lahaayeen arrintantaas oo uu damiin uga ahaa Wasaaradda Arrimaha Gudaha.
Yaxye waxaa ku wehlinayay heshiisyadaas Sacdiyo Maxamed Cilmi oo ah madaxa Howlaha Tasiilaadka iyo Saadka ee Wasaaradda Arrimaha Gudaha, taas oo heshiisyada la gashay ganacsatada intooda badan.
Markii ay dhamaatay hawshii dhismaha maamulka, oo ay ganacsatadii soo gudbiyeen qaansheegadkoodii, ayey Yaxye iyo Sacdiya iskaga huleeleen Dhuusamareeb, kaddibna waxa ay xirteen telefoonadodii waa sida ay iyagu inoo sheegeene.
Cabashada ganacsatadaan oo sida ay sheegeen ay u gudbiyeen madaxweyne Qoorqoor ayaa waxa uu u sheegay in uusan mas’uul ka aheyn wixii dhacay inta uusan xilka la wareegin.
Haddaba, ganacsatadan oo aaminsan in hantidoodii la boobay ayaa raadinaya habkii ay u mari lahaayeen dacwad-oogid ka dhan ah Yaxye Cali Hareeri iyo Sacdiyo Cilmi oo magaca dowladda ku lunsaday Hanti shacab oo fara badan?
Go Subscribe my Youtube Channel
https://www.youtube.com/channel/UC9TjjvGUmU_-zsqt2egEflw
Go Follow my Instagram
👇
https://instagram.com/aliadanmumin?igshid=1mk8v7lsifmt8
