25/09/2024
Warar soo baxay ayaa sheegaya in xilkii Taliyenimo ee Booliiska Soomaaliya laga qaaday Sulub Axmed Firiin.
Xilkaan ayaa la wariyay in loo magacaabay Heneraal Asad Cismaan Asad Diyaano oo mar ahaa Taliyaha Ciidanka PSFta Puntland laba jeerna isku sharaxay xilka Madaxweynaha Puntland.
Si rasmi ah looma shaacin xil ka qaadistaan hayeeshee Saraakiil ka tirsan Booliiska oo xogtaan laga soo xigtay ayaa wariyay.
Asad Diyaano ayaa in muddo ah loo saadaalinayay xilkaan inkastoo marar badan oo lagu magacaabi rabay Golaha Wasiirrada aysan dhicin.
26 Janaayo ee 2023 ayaa loo magacaabay Xilka Taliyaha Booliiska Soomaaliya maantase waa laga qaaday.
Sulub sidoo kale horay waxa uu Xukuumadda hadda jirta ka ahaa wasiir ku xigeenka Wasaaradda Gaadiidka Soomaaliya.
Sulub Axmed Firiin ayaa maalma ka hor loo dalacsiiyay Sareeya Gaas maantane munaasabad dhacday baa loogu xiray.
