12/04/2025
Maxay uga dhigan tahay maanta 12.04.2025 bulshada reer SSC-Khaatumo?
1. Waxaa dabarkii laga jaray aragtidii odhan jirtay beesha caalamku ma ogola in Garoowe lagu gudbo, oo Laascaanood la booqdo.
2. Waxaa burburtay oo hawada loo diray fikirkii gooni goosadka ee lagu dhawaaqay 18.05.1991, oo ay bulshada caalamka u tusi jireen gooni goosatadu in deegaankii Ingiriisku ka talin jiray isku wada raacsan yihiin gooni goosadka, Raysal wasaare Xamse Cabdi Barre arrintaa wuu beeniyey beesha Caalamkana wuxuu tusay saaka in uu dalka Soomaaliya oo dhan ka wada taliyo, oo amarkiisu ka shaqeeyo marka laga reebo Burco iyo Hargeysa oo ay ku nooliyiin fallaago mutamaridiin ah.
3. Haddii maamulka Hargeysa ee gooni goosadka ah awood milatari lagaga adkaaday 25.08.2023, maantana oo ay taariikhdu tahay 12.04.2025 waxaa lagaga adkaaday siyaasadii oo wax baa ballahooda yaaacay.
Aniga waxay ii tahay Taariikh gooni ah oo ka duwan ayaamihii aan u soo joogay, oo dhacdooyin aan u soo taagnaa 2005tii ayaa maanta ilaahay igu simay oo laga dhigay waxba k**a jiraan.
Xamse taariikhduu galay, wuxuuna ku galay.
1. Waa mas’uulkii ugu horeeyey, uguna sareeyey ee Laascaanood booqda tan iyo 1986 kii, markaas oo uu Madaxweyne maxamed Siyaad Barre Laascaanood booqasho shaqo ku tagay.
2. Waa Raysal wasaarihii ugu horeeyey ee Soomaaliyeed ee abid booqda Laascaanood tan iyo 1960kii.
3. Waa mas’uulkii koowaad ee reer SSC-Khaatumo siyaasad ahaan sidan ugu heeliya oo soo gebo gebeeya aragtidii Beesha Caalamka , isla markaana is garab taagay shacabka reer SSC-Khaatumo.
Waxaa la filayaa in uu mashruucyo xadhiga ka jaro, kuwo cusubna dhagax dhigo. Waa dal mideeye.
