06/02/2026
KULANKA DAAHFURKA GUDDIGA ABAARAHA GOBOLKA MUDUG
Galkacyo Febraayo 06, 2026 Guddiga Abaaraha Gobolka Mudug ayaa yeeshay kulankoodii labaad, kaas oo lagu daahfuray barnaamijka gurmadka abaaraha. Shirka waxaa ka soo qaybgalay mas’uuliyiin heer gobol iyo degmo, hay’adaha amniga, isuduwayaasha wasaaradaha her gobol, iyo qeybaha kala duwan ee bulshada sida culimo, hoggaan-dhaqan, ganacsato, haween, dhalinyaro iyo warbaahinta.
Xoghayaha Guddiga Abaaraha Marwo Caasha Gelle ayaa guddiga ku wareejisay lacag dhan $11,420 doolar, taas oo ahayd yabooh h**e iyo lacago samafal ah, iyadoo sidoo kale hoolka shirka lagu ururiyey $9,445 doolar, Isugeynta guud ee lacagaha ilaa hadda loo helay gurmadka abaaraha ayaana gaaraysa $20,865 doolar, kuwaas oo loogu talagalay taakuleynta dadka ay abaartu saameysay ee ku nool deegaanada Gobolka Mudug.
Kulanka daahfurka ayaa ku soo dhammaaday jawi wanaagsan, iyadoo dhammaan ka qaybgalayaasha ay la baxeen farriin cad oo ku saabsan dardargelinta gurmadka abaaraha iyo sii wadidda ururinta taakuleynta, Guddiga Abaaraha Gobolka ayaa shaaciyay in ay qorsheynayaan shirar kale oo taxane ah, kuwaas oo kan ugu horreeya lagu wajihi doono ganacsatada gobolka.
Guddoomiye Ku-xigeenka Gobolka ahna Kusimaha Gudoomiyaha gobolka iyo Gudoomiyaha Guddiga abaaraha gobolka mudug, Mudane Mohamed Hasan Hussein Wallore, oo Shirka Soo xiray ayaa sheegay muhiimadda midnimada iyo isxilqaanka guud, isagoo ku boorriyay shacabka, ganacsatada iyo qurbajoogta in la dardargeliyo gurmadka abaaraha si loo badbaadiyo nolosha dadka tabaaleysan Waxaan ugu dambeyn kulan lagu Soo bandhigay Akoonada lagu Soo hagaajin karo lacagaha
1: Amal Bank: 230103895123
2: Dahabshiil: GLK004308
3: Salaam Bank: 80711611
4: eDahab: 16035
5: Sahal: ACC-321187
DHAMAAD
