12/03/2026
Wasiirka Wasaaradda Amniga Gudaha ee Dowladda Koonfur Galbeed, Mudane Hassan Cabdiqaadir, ayaa maanta tababar u soo xiray cutubyo ka tirsan Booliiska Gaarka ah ee Dowladda Koonfur Galbeed.
Halyeeyadan cusub ayaa qaatay tababar socday muddo lix bilood ah, waxaana si gaar ah loo xoojiyey tayadooda, loona dhammaystiray aqoontooda iyo agabkooda ciidan.
Munaasabadda xiritaanka tababarka waxaa Wasiirka ku wehliyey Xildhibaan Ibraahim Xaaji, Guddoomiyaha Guddiga Arrimaha Bulshada ee Baarlamaanka Koonfur Galbeed, iyo saraakiil ka tirsan laamaha ammaanka.
Mas’uuliyiintii ka qeyb gashay munaasabadda ayaa ku bogaadiyey halyeeyadan cusub dadaalka ay muujiyeen intii uu socday tababarka, iyagoo ku booriyey inay si hufan uga shaqeeyaan sugidda amniga iyo ilaalinta shacabka.
