Sahan Media

Sahan Media Contact information, map and directions, contact form, opening hours, services, ratings, photos, videos and announcements from Sahan Media, Broadcasting & media production company, Mogadishu, Mogadishu.

Diyaaradda B-21 Raider waa jiilka cusub (new generation) ee bambo-tuurayaasha istaraatiijiga ah ee Mareykanka oo loogu t...
16/04/2026

Diyaaradda B-21 Raider waa jiilka cusub (new generation) ee bambo-tuurayaasha istaraatiijiga ah ee Mareykanka oo loogu talagalay inay beddesho diyaaradaha duugoobay ee B-1B iyo B-2 Spirit.
Diyaaraddan B-21 Raider waxay leedahay awoodda ay raadaarada uga dhuuman karto (Stealth), B-21 waxay leedahay awood aad u sarreysa ee ay isaga ilaaliso radar-ada cadowga (Next-generation stealth technology), taas oo u oggolaanaysa inay si hoose ku gasho hawada cadowga oo aysan ogaan difaaca cirka.

Ciidanka Cirka ee Mareykanka ayaa galay marxalad cusub oo lagu tijaabinayo laguna hawlgelinayo diyaaraddan, iyadoo ay samaysay shirkadda Northrop Grumman.
Diyaaraddan waxay qaadi kartaa bambooyin caadi ah iyo kuwa nukliyeerka labadaba, waxaana loogu talagalay in lagu fuliyo weerarro fog-fog.

Diyaaraddan waxaa lagu qalabayn doonaa difaac ka dhan ah shucaaca, weerarada elektromagnetic-ka (EMP), iyo weerarrada cyber-ka.

Warbixinnada ayaa sheegaya in diyaaradaha jiilka 6-aad ee Shiinaha loogu talagalay inay ka hortagaan diyaaradaha Mareykanka, oo ay ku jirto B-21, haddii ay dhacdo colaad ka dhacda jasiiradda Taiwan ama Guam.

Somalia oo cambaaraysay wakiilka Israel u magacday Somaliland.Dowladda federalka ah ee Somalia ayaa si adag u cambaarays...
16/04/2026

Somalia oo cambaaraysay wakiilka Israel u magacday Somaliland.

Dowladda federalka ah ee Somalia ayaa si adag u cambaaraysay tallaabadii ay xukuumadda Yuhuuddu safiirka cusub ugu soo magacawday deegaamada maamulka Somaliland oo qayb ka ah Jamhuuriyadda Somalia.

Qoraal ka soo baxay wasaaradda arrimaha dibadda Somalia ayaa lagu sheegay in Somaliland qayb ka tahay Somalia cidkasta oo hanaan diblumaasiyadeed ula macaamishana ay jebinayso shuruucda caalamiga ah.

“Dowladda Federaalku waxay si cad u diidaysaa isku day kasta oo lagu bixinayo aqoonsi diblomaasiyadeed ama siyaasadeed qayb kasta oo ka mid ah dhulkeeda; Somaliland waxay weli tahay qayb muhiim ah oo ka mid ah Jamhuuriyadda Federaalka ee Soomaaliya.

Cid kasta oo doonaysa in ay u muujiso inay tahay maamul gaar waa mid aan sal sharci ah lahayn, kana hor imanaysa axdiga caalamiga”, Ayaa lagu yiri qoraalka.

02/04/2026

Diyaarad E-3G Sentry AWACS ah ayaa si weyn loo burburiyay, sawirada laga soo qaaday waxay muujinayaan burbur baaxad leh.

Khasaarahan waxa uu ka dhacay saldhig muhiim ah oo ka mid ah howlgallada kormeerka hawada ee Mareykanka iyo taliska, taasoo ka dhigaysa dhacdadan mid ka mid ah dib u dhac weyn oo istiraatiiji ah.

Warbixinnada h**e waxay soo sheegayaan in hanti badan la burburiyay, iyadoo dhowr shaqaale ah ay ku dhaawacmeen weerarka.

26/02/2026

Sida laga soo xigtay warbixinnada Boqortooyada Midowday (UK) waxay u diiday Mareykanka inuu isticmaalo saldhigyadeeda diyaaradeed ee ku yaal Ingiriiska iyo saldhigga ciidamada badda ee Diego Garcia ee Badweynta Hindiya.

Diidmadan waxay ujeedadeedu tahay in laga hortago isticmaalka goobahan istaraatiijiga ah ee weerarrada Mareykanka ee ka dhanka ah Iiraan, taasoo abuuraysa xiisad ka dhex jirta UK iyo maamulka Trump.

Warbixintu waxay sheegtay London waxay xannibaysaa isticmaalka saldhigyadeeda weerarrada suurtagalka ah ee ka dhanka ah Iiraan.
Goobaha ay khusayso: Saldhigga muhiimka ah ee ciidamada badda ee Diego Garcia (Jasiiradaha Chagos) iyo garoon diyaaradeed oo ku yaal Ingiriiska.

Falcelinta Trump: Madaxweynaha Mareykanka ayaa si xooggan u dhaleeceeyay mowqifkan, isagoo ku nuuxnuuxsaday muhiimadda saldhigyadan ay u leeyihiin amniga.

26/02/2026

Baaq Nabadeed oo Ku Socda Dowladda Federaalka Soomaaliya iyo Mucaaradka

Ku: Hoggaanka Dowladda Federaalka Soomaaliya iyo Hoggaanka Mucaaradka
Og: Shacabka Jamhuuriyadda Federaalka Soomaaliya

Aniga oo ah Maxamad Cabdullaahi Axmad, musharrax u taagan kursiga HOP #24, waxaan dareemayaa mas’uuliyad qaran oo igu kallifaysa inaan codkayga ku biiriyo baaqa nabadeed ee maanta loo baahan yahay.

Dalkeenna Soomaaliya wuxuu soo maray marxalado adag—dagaallo sokeeye, argagixiso, abaaro, barakac iyo burbur dhaqaale. Bulshadeennu waa dad daalay, rajo doon ah, una baahan hoggaan mideeya oo ka hormariya danta guud tan gaar ahaaneed. Khilaafka ka dhashay shirarkii la xiriiray doorashooyinka 2026 iyo arrimaha dastuurka waa mid siyaasadeed, balse saamayntiisu waa mid qaran oo taabanaysa mustaqbalka ummadda oo dhan.

Waxaan ugu baaqayaa Dowladda iyo Mucaaradka:
1. Inay ka hormariyaan danta qaranka danaha siyaasadeed. Soomaaliya ma qaadi karto culays kale oo ka yimaada khilaaf horseeda kala shaki iyo firaaq dastuuri ah.
2. Inay dib ugu soo laabtaan miiska wada hadalka iyagoo aan shuruud ku xirayn wada xaajoodka. Wada hadal daacad ah oo ku saleysan is-qaddarin iyo isu tanaasul ayaa ah jidka keliya ee xal waara lagu gaari karo.
3. Inay ilaaliyaan xasilloonida iyo midnimada dalka. Doorasho xor iyo xalaal ah, iyo dastuur lagu wada qanacsan yahay, waa tiirarka dowladnimo iyo kalsoonida shacabka.
4. In laga fogaado hadal kicin iyo tallaabooyin sii fogeeya kala aragti duwanaanta. Siyaasadda waxaa saldhig u ah dulqaad, dhegeysi iyo isu tanaasul.

Bulshada Soomaaliyeed maanta waxay idinka sugaysaa masuuliyad, biseyl siyaasadeed iyo hoggaan aragti dheer leh. Maanta ma ahan waqtigii la is muquunin lahaa, waa waqtigii la isu muujin lahaa tanaasul iyo waddaniyad dhab ah.

Haddii aynaan ka feejignaan, waxaa iman kara firaaq dastuuri ah oo khatar gelin karta jiritaanka hay’adaha dowliga ah iyo kalsoonida shacabka. Taasi ma aha mid ay ummaddu qaadi karto. Sidaas darteed, waxaan ku boorinayaa labada dhinac inay si degdeg ah u qaadaan tallaabooyin mideyn ah oo lagu badbaadinayo hannaanka dowladnimo iyo geeddi-socodka doorashooyinka.

Ummaddeennu waxay mudan tahay nabad, horumar iyo hoggaan mideeya. Aan u turro dadka Soomaaliyeed—hooyooyinka, carruurta, dhallinyarada iyo waayeelka—kuwaas oo rajadoodu ku xiran tahay go’aannadiinna maanta.

Ilaahay ha ina waafajiyo midnimo, nabad iyo cadaalad.

Maxamad Cabdullaahi Axmad
Musharrax Kursiga HOP #24

26/02/2026

Sida laga soo xigtay ilo dhowr ah, Iiraan ayaa Shiinaha iyo Ruushka kasoo iibsatay qaar ka mid ah gantaalada lidka maraakiibta ee ugu casrisan adduunka.

Iraan waxay tijaaninaysa sida uu wax u burburin karo khaasatan maraakiibta qaada diyaaradaha ee ku dhawdhaw gacanka Hormuz.

Golaha Wasiirada Soomaaliya waxay si rasmi ah u ansixiyeen magacaabista S/Guuto Ibraahim Maxamed Maxamuud inuu noqdo Tal...
29/01/2026

Golaha Wasiirada Soomaaliya waxay si rasmi ah u ansixiyeen magacaabista S/Guuto Ibraahim Maxamed Maxamuud inuu noqdo Taliyaha cusub ee Ciidanka Xoogga Dalka Soomaaliyeed (SNA).

Magacaabistani waxay muujinaysaa isbedel weyn oo lagu sameeyay hoggaanka sare ee ciidanka, iyadoo loo dallacsiiyay darajada Sareeye Guuto (Brigadier General) isla markii xilka loo magacaabay.

Khibradda Ciidannimo: Wuxuu ka mid yahay saraakiisha dhalinyarada ah ee aqoonta sare u leh tababarrada casriga ah ee ciidanka. Wuxuu caan ku yahay hoggaaminta ciidamada safka h**e ee dagaalka.

Ka hor magacaabistan, wuxuu door muhiim ah ka ciyaaray hoggaaminta guutooyinka sida gaarka ah u tababaran, isagoo ka qayb qaatay howlgalladii ugu dambeeyay ee looga xoreynayay deegaannada dhaca bartamaha iyo koonfurta Soomaaliya.

Waxaa lagu yaqaannaa inuu yahay sarkaal ku takhasusay xeeladaha dagaalka dhuumaalaysiga ah (Guerrilla Warfare) iyo isku-duwidda.

Magacaabista Colonel Ibraahim waxay imaanaysaa xilli xasaasi ah oo ay Soomaaliya marayso marxaladda kala-guurka.

Xilli ciidamada shisheeye (AUSSOM/ATMIS) ay dhamaystirayaan bixitaankooda, loona baahan yahay hoggaan dhalinyaro ah oo la wareega amniga guud ee dalka.

Dagaalka Al-Shabaab: Waxaa laga filayaa inuu keeno dhiig cusub iyo xeelado ka duwan kuwii h**e si loo soo afjaro wejiyada dambe ee dagaalka iyo Casriyaynta ciidanka oo ah inuu sii amba-qaado dhismaha ciidan qaran oo leh hal talis iyo nidaam casri ah oo ku dhisan tignoolajiyada milatariga.

03/01/2026

Turkiga ayaa soo gebagebeeyey daraasado ku saabsan suurtagalnimada iyo naqshadeynta deked hawada sare la oo laga dhisayo Soomaaliya, waxaana si rasmi ah loo bilaabay wajigii koowaad ee dhismaha, sida uu sheegay Wasiirka Warshadaha iyo Tignoolajiyada Mehmet Fatih Kacır. Mashruucu wuxuu calaamad u yahay tillaabada ugu weyn ee hamiga Turkiga ee lagu xoojinayo helitaankeeda madaxbannaan ee hawada iyo ballaarinta doorka ay ku leedahay dhaqaalaha hawada sare.

Madaxweyne Recep Tayyip Erdoğan ayaa ugu h**eyn ka hadlay qorshaha lagu dhisayo deked hawada sare oo Turkiga uu ka sameysanayo Soomaaliya, xilli uu madaxweynaha Soomaaliya Xasan Sheekh Maxamuud kula hadlayay magaalada Istanbul. Qorshahan ayaa lagu fulinayaa heshiis iskaashi oo dhex maray labada dal, kaasoo dhul ku yaalla Soomaaliya loo qoondeeyay mashruucan Turkiga.

Kacır wuxuu sheegay in Soomaaliya loo aqoonsaday meesha ugu habboon ka dib baaritaanno la sameeyay. Wuxuu sharxay in wadamada ku yaal dhulbaraha u dhow ay bixiyaan faa’iidooyin farsamo oo hawada sare loo diro, taasoo Soomaaliya ka dhigaysa mid soo jiidasho leh si loo maalgashado deked hawada sare.

Mashruucu wuxuu ka kooban yahay qayb ka mid ah Barnaamijka Qaranka ee Turkiye. Shaqada ayaa waxaa iska kaashanaya Wasaaradda Warshadaha iyo Tignoolajiyada, iyadoo ay gacan weyn ka geysaneyso Hay’adda Hawada sare ee Turkiga iyo Hay’ado kale oo ay khuseyso.

Kacır ayaa ku tilmaamay dekedda hawada sare inay tahay maalgashi istiraatijiyad ah oo Turkiga ka dhigi doonato ciyaaryahan madax-bannaan oo tartan u gali karta hawlaha hawada sare ee caalamiga ah. Waxa uu sheegay in hindisaha la filayo in uu keeno faa’iidooyin dhaqaale oo mustaqbalka fog leh taasoo yeelan doonta saameyn badan oo isdaba-joog ah, gaar ahaan iyada oo awood u siinaya in si buuxda oo madax-bannaan loo diro qaadayaal ama gawaari dayax-gacmeedka ee lagu sameeyay gudaha.

Sida laga soo xigtay wasiirka mashruucu wuxuu gacan ka geysan doonaa sidii loo dhisi lahaa nidaam warshadeed waara oo tartan ah oo ku saabsan bilaabista tignoolajiyada Turkiga. Howlahan ama shaqooyinkan ayaa la filayaa inuu ku fido meelaha muhiimka ah sida matoorada gantaalada, shidaalka iyo nidaamka kicinta, agabyada horumarsan, avionics iyo kaabayaasha taageerada dhulka, yaraynta ku tiirsanaanta dibadda iyo hubinta guulaha tignoolajiyada waara.

Dekeddan ama xaruntan hawada sare waxaa sidoo kale loogu talagalay in ay u adeegto suuqa ganacsiga ee caalamiga ah. Kacır ayaa sheegay in ay Turkiga u noqon doonto dakhli istaraatiiji ah oo dhaqaale soo saara, iyadoo sidoo kale gacan ka geysan doonta horumarinta dhaqaalaha Soomaaliya.

Waxa uu iftiimiyay u dhawaanshaha Soomaaliya ee dhulbaraha, juquraafi ahaan xeebaheeda, xaaladaha cimilada wanaagsan ee sanadka oo dhan iyo isu socodka hawada iyo badda oo aad u hooseeya kuwaasaa ah qodobbada muhiimka ah ee kor u qaadaya badbaadada iyo waxtarka.

Kacır waxa uu xusay in dalal tiro yar oo adduunka ah ay haystaan ​​kaabayaal dayax-gacmeed oo madax-bannaan. Gelitaanka Turkiye ee kooxdan waxay ka dhigan tahay guul taariikhi ah oo ku saabsan qaan-gaarnimada tignoolajiyada, madaxbannaanida istaraatiijiga ah iyo mawqifka caalamiga ah ee qaybta hawada.

31/12/2025

✨ Hambalyo Sanadka Cusub 2026 ✨

Maamulka iyo shaqaalaha Sahan Media waxay hambalyo iyo bogaadin u dirayaan dhammaan daawadeyaasha, dhageysteyaasha, akhristayaasha iyo taageerayaasha nagu xiran meel kasta oo ay joogaan.

Waxaan idiin rajeyneynaa sanadkan cusub nabad, caafimaad, horumar, midnimo iyo guulo waaweyn. Waad ku mahadsan tihiin kalsoonida iyo garab istaagga aad nagu taageerteen sanadihii la soo dhaafay.

Sanadka 2026 ha noqdo mid aan wadaagno run, wacyigelin, adeeg bulsho iyo horumar warbaahineed.

Sanad Wacan – Hambalyo 2026
— Sahan Media

27/12/2025

Xisbiga jamhuuriga ee Aqalka Hoose ayaa sii xoojinaya dadaallada lagu doonayo in Xildhibaan Ilhan Omar looga saaro Kongareeska.

Dagaalka siyaasadeed ee ka socda Capitol Hill ayaa sii xoogaysanaya! Dhowr xildhibaan oo ka tirsan Aqalka Hoose, oo uu hoggaaminayo Xildhibaan Randy Fine oo uu taageerayo Xildhibaan Byron Donalds, ayaa si adag u riixaya inay Ilhan Omar ay ka eryaan Kongareeska sababo la xiriira eedeymo muddo dheer soo jiitamayay oo ku saabsan eedda khiyaanada socdaalka iyo dhaleecaynteeda kulul ee siyaasadda Mareykanka.

Madaxweyne Trump ayaa shidaal ku sii shubay dabkan isagoo faallooyin xooggan ka bixiyay isdhexgalka iyo socdaalka, halka Ilhaan Cumar ay weli diidan tahay eedeymahaas .

Si Ilhaan Cumar looga saaro Baarlamaanka waxaa loo baahan yahay laba meelood meel aqlabiyadda ugu badan .

Khubaradu waxay leeyihiin uma badna inay guuleystaan ​​Jamhuuriga iyada oo aan la helin taageero ballaaran oo labada geesood ah taas oo aan soo socon.

Waxaan si cad u diidanahay ogolaanshaha ay Israa'iil ku aqoonsanayso Somaliland, waa tallaabo halis ah oo ka baxsan qawa...
26/12/2025

Waxaan si cad u diidanahay ogolaanshaha ay Israa'iil ku aqoonsanayso Somaliland, waa tallaabo halis ah oo ka baxsan qawaaniinta caalamiga ah, isla markaana si cad u jebinaysa madax-bannaanida iyo midnimada dhuleed ee Jamhuuriyadda Federaalka Soomaaliya.

Tallaabo kasta oo ka hor imanaysa midnimada iyo madax-bannaanida Soomaaliya waa mid aan la aqbali karin, kana hor imanaysa sharciga

Waxaan ugu baaqayaa Midowga Afrika, Jaamacadda Carabta, iyo Qaramada Midoobay in ay garab istaagaan dawladda iyo shacabka Soomaaliyeed kana hortagaan fal kasta oo xadgudub ku ah midnimada, madax-bannaanida, iyo wadajirka dhuleed ee Soomaaliya.

Midnimada Soomaaliya waa lama taabtaan. 🇸🇴

Maxamad Cabdullaahi Axmad

24/12/2025

Fashil naadir ah oo Trump ka soo gaaray maxkamadda sare si uu ciidamada iyo ICE u geeyo Chicago.

Maxkamadda Sare uma oggolaan doonto Madaxweyne Donald Trump inuu ciidamada Ilaalada Qaranka geeyo Chicago hadda, waa markii ugu horreysay ee maxkamadda sare ay diiddo dadaallada madaxweynaha ee ah inuu adeegsado militariga si loo dhaqan geliyo sharciyada socdaalka iyo la dagaallanka dambiyada ee magaalooyinka ay Dimuqraadiyiintu hoggaamiyaan.

Fashil ayaa Trump ka soo gaaray maxkamadda sare, garsoorayaashu waxay Diseembar 23 keedii ogolaadeen in ay sii hayaan xayiraad ay maxkamad hoose ku soo rogtay isticmaalka ciidamada iyadoo dacwadda ku saabsan tahay falalka maamulka iyo dhaqanka ciidamada.

Waa ra'yi aan la saxiixin aqlabiyadna aan lahayn.
Maxkamadda ayaa sheegtay in maamulka Trump "uu ku guuldareystay inuu caddeeyo ilo awood u leh oo u oggolaan doona militariga inay fuliyaan sharciyada Illinois."

Ilaalada Qaranka oo inta badan ku shaqeeya gacanta guddoomiyeyaasha, waxaa madaxweynaha loogu yeeri karaa adeegga federaalka xaalado gaar ah oo keliya xaaladahaasna ma muuqdaan.

Maamulka Trump wuxuu ku doodayaa in laba ka mid ah xaaladahaas ay ka jiraan Chicago
- kacdoon ka dhan ah dowladda iyo awood la'aanta fulinta sharciga iyadoo la adeegsanayo ciidamada caadiga ah.

Address

Mogadishu
Mogadishu

Website

Alerts

Be the first to know and let us send you an email when Sahan Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category