30/01/2026
"Abuu dalxa oo Ansaarta ka mid ahaa ayaa u yimid Rasuulka ﷺ ﷺ wuxuuna ku yiri Alle Rasuulkiisiiyow Rabbi qur'aankiisa wuxuu ku yiri wanaaga gaari meysaan ilaa waxa aad jeceshihiin aad bixisaan mooyaane, hadaba Rasuulki Allow waxaan kuu sheegayaa xoolahayga waxaan ugu jeclahay beerta la yiraahdo beyruxaa, beyruxaa waa Beerta kasoo horjeedka Masjidka Nebiga ﷺ ﷺ
"Beer taasi waxay ahaan jirtay Mid Saxaabada iyo Nebiga ﷺ ﷺ ay galaan oo biyaha laga Cabo, hadaba Abuu dalxa wuxuu Rasuulku ku yiri, anigu khayrkaas uu alle sheegay baan rabaa in aan gaaro Xoolahaygana Beertan weyn ee Masjidka hortiisa ku taal baan ugu jecelahay waxaana u niyeystay Sadaqo aan Alle dartii ula baxay, Alle dartii in ay kayd iigu ahaato oo ii taal baana rajeynayaa,ee Rasuulki Allow meeshi Alle uu ku tusiyo dhig oo bixi"
"Nebigu ﷺ ﷺ wuxuu ku jawaabay, kani waa mid habeen iyo Maalinba uu ajarkiisu kuu socdo,warkaagina waan maqlay, Alle dartii inaad ula baxdayna waa lagaa aqbalaye, ee hadaba u qaybi Qaraabadaada iyo Dadka kuwa kuugu dhow, oo kuwa lasiinayaa kuwaa ha noqdaan"
"Abuu Dalxa wuxuu ku jawaabay Waan yeeli sidaas Rasuulki Allow,dabadeedna Dadki qaraabadiisa ahaa iyo Dadka kuwi ugu dhowaa ayuu u qaybshay Beerti weynayd ee uu bixinayey, yacni waxay taasi ku tusaysaa Taajiriinti Muslimiinta sidey xoolohooda ugu qaybinayeen Muslimiinta kale ee tirada badan ee aan waxba haysan, waxaad kalood ka arkaysaa qisadan sida ay muhiimka u tahay wax kasta oo aad bixinayso inaad ku horaysiiso Qaraabadaada iyo Dadka kuugu dhow kuwaasi oo ah Dad aan waxba haysan xaqna u leh in aad iyaga hantidaada ku sadaqeysato"
Shekh Mustafe Haji
