08/05/2024
Dambi walba waxaa u asal ah moogganaanta iyo baahida ka raalli noqoshada nafta. Addeecitaan walbana waxaa u asal ah baraarugsanaanta, dhawrsashada, iyo ka raalli noqosha la’aanteeda. In jaahil aan naftiisa raalli ka ahayn aad la saaxiibtid ayaana ka fiican in aad la saaxiibtid caalim naftiisa ka raalli ah; oo hadde cilmi noocee ah ayaa uu leeyahay caalim naftiisa ka raalli ah! Jahli noocee ah ayaa se haya jaahil aan naftiisa ka raalli ahayn!
‘waxaan ka soo laabannay jihaadkii yaraa oo waxaan u soo noqonnay jihaadkii weynaa. Oo Rasuulkii Ilaahayoow: jihaadka kan ka weyn waa maxay? Waxa uu yiri: waa jihaadka nafta’. Waxaa la isu dirayba waa in naftaan la barbaariyo oo mar walba la tuhunsanaado, wax walba oo ay samaysana aan looga qancin in ay samaatay. Waa in mar walba la tuhunsanaado ‘nafihiinna ha ammaanina, Asagu [Ilaahay] waa u uku ogaal badan yahay cidda cabsata’. Aqoonta rasmiga ah ee qofka laga rabo waa tan waxtarka leh, waxtarka aqoontuna waa in ay naftaada iyo taagteeda ku barto, mar walbana aad tuhunsanaato ‘oo waardiyee ayada oo acmaasha san ku fooftay, haddii ay daaqa u macaansatana ha ku sii dayn’. Wuxuu Nebigu N.N.K.H ku ducaysan jiray ‘Ilaahayoow waxaan kaa magangalayaa cilmi aan waxtarayn, qalbi aan khushuucayn, duco aan la aqbalayn, iyo naf aan dhergayn.
Turjumid sh MAXAMMED GAANN
{فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى}
