Hiiraan News Agency

18/09/2026

Golaha Sare ee Siyaasadda Beesha Xawaadle ayaa berri magaaladda Caasimadda ah ee Muqdisho ku qabanaysa kulan ballaaran oo lagu taageerayo go’aanka Madaxweyne Xasan Sheekh Maxamuud ee ku aaddan dhismaha maamulka seddexaad ee maamul goboleedka Hirshabeelle

Kulanka oo berri ka dhacaya Hotel Dorbin ayaa la filayaa inay ka soo qaybgalaan mas’uuliyiin xilal sare ka haya Dowladda Federaalka Soomaaliya iyo mas’uuliyiin dhaqameedyo ka tirsan Beelaha Xawaadle, sida ay Hiiraan News Agency u xaqiijiyeen ilo xog-ogaal ah

Dhanka kale, ilo kale oo lagu kalsoonaan karo oo ka tirsan aqalka Madaxtooyadda ee Villa Somalia ayaa sheegay in amar buuxa lagu siiyay dhammaan mas’uuliyiinta xilalka sare ka haya Dowladda Federaalka ee ka soo jeeda Beesha Xawaadle inay si buuxda uga qeyb-galaan kulanka berri ee ka dhacaya Muqdisho.

Kulankan Berri ka dhacaya Hotel Dorbin ayaa lagu wadaa in lagu muujiyo taageero iyo mahadcelin ku aaddan go’aanka Madaxweyne Xasan Sheekh Maxamuud ee uu kaarka Xisbiga JSP ee hoggaanka Hirshabeelle ku siiyay Madaxweyne Cali Cabdullaahi Xuseen Guudlaawe si uu mar kale hoggaanka Hirshabeelle u qabto

Si kastaba ha ahaatee, shirarka iyo kulamadda ay hormuudka ka yihiin Golaha Sare ee Siyaasadda Beesha Xawaadle ayaa si weyn isha loogu hayaa, iyadoo la filayo inay door wayn ku yeeshaan jihada siyaasadeed ee Beelaha Xawaadle iyo xaaladda siyaasadeed ee Hirshabeelle.

Hiiraan News Agency

18/09/2026

Kala aragti duwanaanshaha u dhexeeya Ugaas Yuusuf Ugaas Xasan Ugaas Khaliif iyo Beesha Xasan Maxamed ayaa salka ku haysa qaabka loo qaabilayo beesha, iyadoo Beesha Xasan Maxamed ay doonayso in si gaar ah oo magaca beesha ah loo qaabilo, halka Ugaasku uu doonayo qaab ka duwan, sida ay ilo xog-ogaal ah oo ku dhow Nabadoonka guud ee Beesha Xasan Maxamed u sheegeen Hiiraan News Agency

Ugaas Yuusuf, oo h**e beelaha kale ee Xawaadle si gaar-gaar ah u qaabilay, ayaa la sheegay inuu doonayo in Beesha Xasan Maxamed uu ku qaabilo magaca guud ee Beelaha Cabdalle Samatalis taasoo ugu dambeyn sababtay in uu baaqdo kulankii la filayay inuu maanta ka dhaco magaalada Baladweyne.

Dhanka kale, ilo kale oo xog-ogaal ah ayaa Hiiraan News Agency u sheegay in Xildhibaan Cabdi Naasir Xaaji Shirwac, oo ku fadhiya kursiga Xildhibaan ee Beelaha Cabdalle Samatalis, uu wado dadaal lagu doonayo in labada dhinac la isugu soo dhoweeyo, inkastoo aan weli la ogeyn sida ay qorshahaasi uga falcelin doonaan Beesha Xasan Maxamed ee Xawaadle.

Si kastaba ha'ahaatee, guud ahaan beelaha Cabdalle Samatalis oo ka mid ah Beelaha waa wayn ee Xawaadle ayaa ka kooban afar beelood oo kala gaar ah iyagoo dhanka matalaadda Dowladda Federaalka Soomaaliya ku leh hal Xildhibaan iyo hal Senator

18/09/2026

Khilaaf soo kala dhex galay Ugaaska Beesha Xawaadle, Ugaas Yuusuf Ugaas Xasan Ugaas Khaliif, iyo Beesha Xasan Maxamed ayaa sababay in uu baaqdo kulankii maanta lagu waday inuu ka dhaco magaaladda Baladweyne.

Wararka laga helayo dhinacyada ku dhow arrinta ayaa sheegaya in ay jirto kala aragti duwanaansho weyn oo labada dhinac ah, taasoo keentay in kulankii la wada sugayay uusan galabta ka qabsoomin maanta Baladweyne

Ilo xog-ogaal ah oo u waramay Hiiraan News Agency ayaa sheegaya in haddii aan la helin isfaham iyo tanaasul labada dhinac ah, khilaafku uu horseedi karo kala fogaansho iyo kala tag siyaasadeed iyo mid bulsho.

Si kastaba ha'ahaatee, khilaafkan labada dhinac ayaa noqonaya kii ugu horreeyay ee dhex maray beel ka mid Beelaha Xawaadle iyo Ugaas Yuusuf Ugaas Xasan Ugaas Khaliif, iyadoo Isha lagu haayo maalinta axadda ah tallaabada xigta ee Ugaaska iyo Beesha Xasan Maxamed ay wada qaadi karaaan si dib loo qabto kulanka

18/09/2026

🚨 Dag Dag 🚨

Alle ha u naxariistee, waxaa goor dhow dalka Jarmalka lagu dilay Wariye Boqorka Bartamaha, iyadoo faahfaahin dheeraad ah laga sugayo laamaha amniga ee dhacdada iyo cidda ka dambeysay falkan

Hiiraan News Agency

18/09/2026

Hiiraan News Agency ayaa heshay xog ay bixiyeen ilo wareedyo xog-ogaal ah oo dhanka Amniga ah, kuwaas oo si cad u beeniyay wararka sheegaya in Ciidamo hubeysan ay weerareen goob lagu qabanayay isu soo bax lagu taageerayay xisbiga JSP ee degmadda Jalalaqsi

Ilo wareedyada dhanka Ammaanka ah ee ku sugan degmadda Jalalaqsi ayaa sheegay in aysan jirin wax xaalad amni darro ah oo xaqiijinaysa sheegashadaasi, ayna yihiin warar been abuur ah oo aan sal iyo raad toona lahayn.

Hiiraan News Agency

18/09/2026

Kulankii lagu waday inuu galabta magaaladda Baladweyne ee xarunta Gobolka Hiiraan ku dhex maro Ugaaska Beesha Xawaadle Ugaas Xasan Ugaas Khaliif iyo Beesha Xasan Maxamed ee Xawaadle, oo ay abtiyaal u yihiin Madaxweyne Xasan Sheekh Maxamuud, ayaa baaqday, Sababta baaqashada iyo waqtiga dib loogu qabanayo kulanka weli lama shaacin

🔴 Baladweyne oo Berri marti gelinaysa kulan Xasaasi ah oo dhex mari doono Ugaas Yuusuf Ugaas Xasan Ugaas iyo Abtiyaasha rasmiga ah ee Madaxweyne Xasan Sheekh Maxamuud ee Beesha Xasan Maxamed ee Xawaadle

Waxaa si weyn isha loogu wada hayaa kulanka xasaasiga ah ee berri oo Jimca ah magaaladda Beledweyne ku dhex mari doona Ugaaska Beelaha Xawaadle, Ugaas Yuusuf Ugaas Xasan Ugaas Khaliif, iyo Beesha Xasan Maxamed oo ka mid ah beelaha Xawaadle ee shirarka muhiimka ah ee wadatashiga ah ka wada magaaladda Beledweyne, xarunta Gobolka Hiiraan.

Kulankan ayaa qayb muhiim ah ka ah kulamadda wadatashiga ah ee Ugaas Yuusuf Ugaas Xasan Ugaas Khaliif uu la yeelanayo beelaha kale ee Xawaadle, xilli xaaladda siyaasadeed, amni iyo tan bulshada ee Gobolka Hiiraan si gaar ah loo hadal hayo, waxaana si weyn loo sugayaa fariimaha, mowqifyada iyo go’aannadda ka soo bixi kara Berri galab kulanka labada dhinac.

Kulanka berri ayaa si gaar ah u dhex mari doona Ugaas Yuusuf Ugaas Xasan Ugaas Khaliif iyo Beesha Xasan Maxamed, oo ah abtiyaasha rasmiga ah ee Madaxweyne Xasan Sheekh Maxamuud, taasoo ka dhigaysa kulankan mid ka duwan kulamadii kale ee Ugaasku la yeeshay beelaha kale ee Xawaadle.

Ilo-wareedyo xog-ogaal ah oo lagu kalsoonaan karo, isla markaana ku dhow siyaasiyiinta iyo waxgaradka Beesha Xasan Maxamed, ayaa Hiiraan News Agency u sheegay in Madaxweyne Xasan Sheekh Maxamuud uu xiriir gaar ah la sameeyay qaar ka mid ah siyaasiyiinta Beesha Xasan Maxamed ee ku sugan Magaaladda Muqdisho, Dibadda iyo Nabadoonadda, waxgaradka Beesha Xasan Maxamed ee kulanka la leh Ugaas Yuusuf, isagoo ka codsaday in xaaladda la qaboojiyo, isla markaana la dejiyo xiisadda taagan.

Sida ay ilo-wareedyadu sheegeen, Madaxweyne Xasan Sheekh ayaa sidoo kale la sheegay inuu doonayo in Ugaas Yuusuf Ugaas Xasan Ugaas Khaliif loo gudbiyo farriin gaar ah oo ku saabsan sidii looga wada shaqeyn lahaa dejinta xiisad kasta iyo xaaladaha murugsan ee haatan ka taagan guud ahaan Gobolka Hiiraan.

Dhanka kale, ilo-wareedyo xooggan oo xog-ogaal ah ayaa Hiiraan News Agency u sheegay in abtiyaasha rasmiga ah ee Madaxweyne Xasan Sheekh Maxamuud ee berri galab kulanka la yeelanaya Ugaas Yuusuf Ugaas Xasan Ugaas Khaliif ay sheegeen inay berri si rasmi ah uga tanaasuli doonaan xiriirka abtinimo ee kala dhaxeeya Madaxweyne Xasan Sheekh, iyagoo la sheegay inay Ugaaska u gudbin doonaan warqad saxiixan oo caddeynaysa mowqifkooda, isla markaana ay sheegeen in wixii ka dambeeya aysan Madaxweynaha la yeelan doonin kulan ama wada-tashi ku salaysan abtinimo.

Fiiro gaar ah:

Beesha Xasan Maxamed ayaa h**ey u soo afjartay khilaafkii adkaa ee soo jiray ee u dhaxeeyay Madaxweyne Xasan Sheekh Maxamuud iyo Ugaas Xasan Ugaas Khaliif, xilli xiriirka labada dhinac uu gaaray heer adag, iyadoo lagu xasuusto Beesha Xasan Maxamed ee Abtiga ah Madaxweyne Xasan Sheekh Maxamuud dadaalladaas ayaa qayb ka noqday in dib loo soo celiyo xiriirka Ugaas Xasan Ugaas Khaliif, Xasan Sheekh iyo guud ahaan Beesha Xawaadle waxaana halkaasi lagu soo afjaray khilaafkii siyaasadeed ee u dhexeeyay Madaxweyne Xasan Sheekh Maxamuud iyo Beesha Xawaadle sanadkii 2019.

Si kastaba ha ahaatee, indhaha ayaa hadda si gaar ah ugu wada jeeda kulanka berri ka dhacaya Beledweyne, iyadoo su’aasha ugu weyn ay tahay waxa kasoo bixi doona wada-hadalka Ugaas Yuusuf Ugaas Xasan Ugaas Khaliif iyo Beesha Xasan Maxamed ee Abtiga u ah Madaxweyne Xasan Sheekh fariinta ay dhinacyadu kala gudbin doonaan iyo haddii kulanku horseedi doono mowqif cusub oo ku saabsan xaaladda ka taagan Hirshabeelle iyo Hiiraan
Hiiraan News Agency

18/09/2026

Abtiyaasha rasmiga ah ee Madaxweyne Xasan Sheekh Maxamuud ee Beesha Xasan Maxamed oo gacanta ka haya ayay geeyeen guriga Ugaas Xasan Ugaas Khaliif ee MagaaladdaBaladweyne, iyagoo uu soo hoos galay si loo soo afjaro khilaafaadka soo jiitamayay ee labada dhinac

Ugaas Xasan Ugaas Khaliif oo si kooban kulanka uga hadlay ayaa sheegay in aysan jirin wax xumaan ah ama cuqdad ah, islamarkaana xusay in wixii arrimo kale ah oo harsan lagu dhameystiri doono dhanka wada-hadalka

Muuqaalkan oo la duubay bishii labaad ee sanadkii 2019-kii ayaa waxaa Hiiraan News Agency la wadaagay mid ka mid ah Abtiyaasha rasmiga ah ee Madaxweyne Xasan Sheekh Maxamuud oo kulanka wada xaajoodka hoggaaminayay

Si kastaba ha'ahaatee, Su'aasha taagan ayaa ah, maanta ayaa kala dhex geli doono Ugaas Yuusuf Ugaas Xasan Ugaas Khaliif iyo Madaxweyne Xasan Sheekh Maxamuud !?

17/09/2026

Xog gaar ah: Khilaafkii dhacay sanadkii 2016 ee u dhaxeeyay Madaxweyne Xasan Sheekh Maxamuud iyo Ugaas Xasan Ugaas Khaliif iyo Abtiyaasha oo dabkii shidnaa damiyay sanadkii 2019-kii, maanta se Ugaas Yuusuf Ugaas Xasan Ugaas Khaliif iyo Madaxweyne Xasan Sheekh Maxamuud ayaa kala dhex geli doono !!!

Khilaafkii ugu adkaa ee abid dhex mara Madaxweyne Soomaaliyeed iyo mid ka mid ah madaxda dhaqanka Soomaaliyeed ayaa sanadkii 2016 dhex maray Madaxweyne Xasan Sheekh Maxamuud iyo Ugaaska Beesha Xawaadle, Ugaas Xasan Ugaas Khaliif, xilli lagu guda jiray aas-aaskii Maamulka Hirshabeelle.

Khilaafkaasi wuxuu gaaray heer aan caadi ahayn, iyadoo xiriirkii labada dhinac uu si adag u burburay, isla markaana arrintu ay ka gudubtay khilaaf siyaasadeed oo keliya, una gudubtay khilaaf culus oo dhaawac weyn soo gaarsiiyay xiriirka qoysnimo ee Madaxweyne Xasan Sheekh Maxamuud iyo Ugaaska Beesha Xawaadle.

Xilligaas, khilaafku wuxuu gaaray heer aanan la suuraysan karin iyadoo Madaxweyne Xasan Sheekh Maxamuud loogu sheegay hadallo culus oo ay ka mid ahayd in loo arko “Nabadoon Reer” halkii looga arki lahaa Madaxweyne Soomaaliyeed oo mas’uul ka ah dalka oo dhan

Saddex sano kadib…

Markii Madaxweyne Xasan Sheekh Maxamuud uu xilka ka degay sanadkii 2017, waxaa billowday dadaallo xooggan oo lagu doonayay in dib loo soo celiyo xiriirkii ka dhaxeeyay Madaxweyne Xasan Sheekh, Ugaas Xasan Ugaas Khaliif iyo guud ahaan Beesha Xawaadle.

Xasan Sheekh Maxamuud ayaa si cad u garwaaqsaday in wixii dhacay sanadkii 2016 ay ahaayeen khalad siyaasadeed oo uu galay islamarkaana u baahnaa in la saxo, waxaana bilaabmay dadaallo is-daba-joog ah oo lagu doonayay in labada dhinac dib la isugu soo dhaweeyo oo ay kulmaan

Kulamo dhowr ah oo lagu doonayay in Madaxweyne Xasan Sheekh Maxamuud iyo Ugaas Xasan Ugaas Khaliif la isu keeno meelo kala duwan ayaa marar badan fashilmay.

Ugaas Xasan Ugaas Khaliif ayaa xilligaas si cad u muujiyay mowqifkiisa, isaga oo diiday inuu si fudud u hor fariisto qof uu u arkayay in uu yahay beenloow aan ballan lahayn oo balamihii ka baxay, isla markaana Jowhar ka sameeyay hannaan dhaqameed oo uu Ugaas kale ugu magacaabay Xawaadle, taas oo Ugaas Xasan Ugaas Khaliif u arkay arrin dhaawac ku ah jiritaankiisa iyo maqaamkiisa dhaqameed.

Doorka Abtiyaasha rasmiga ah ee Madaxweyne Xasan Sheekh Maxamuud ee Beesha Xasan Maxamed ee Xawaadle

Markii dadaalladii tooska ahaa ee wada hadal ay adkaadeen oo ay bur bureen, Madaxweyne Xasan Sheekh Maxamuud ayaa la xiriiray qaar ka mid ah abtiyaashiisa hoose ee Beesha Guuleed yabarkuul ee Beesha Xasan Maxamed isaga oo abtiyaashiisa hoose ka dalbaday inay door wayn ka qaataan xalinta khilaafka isaga iyo Ugaas Xasan Ugaas Khaliif ka dhaxeeya, isagoo u arkayay in xiriirka abtinimo uu noqon karo waddada kaliya ee ugu habboon ee lagu soo afjaro karo khilaafka muddada dheer soo jiitamayay.

Abtiyaasha Madaxweyne Xasan Sheekh Maxamuud ee Beesha Xasan Maxamed iyo Xasan Sheekh Maxamuud ayaa arrinta isla qaadatay, waxaana billowday dadaallo kale oo xooggan oo lagu doonayay in labada dhinac la isku soo dhaweeyo si heshiis loo gaaro

Kulamo xiriir ah ayay Beesha Xasan Maxamed la yeelatay Ugaas Xasan Ugaas Khaliif, waxaana si xushmad iyo is-hoosaysiin leh uga dalbadeen inuu cafiyo wiilkooda Madaxweyne Xasan Sheekh Maxamuud islamarkaana oggolaado in lala kulansiiyo Xasan Sheekh Maxamuud iyadoo loo maraayo dariiqa kaliy ee dhanka ehelnimo, dhaqan iyo tan abtinimo ee soo jireenka ah

Ugaas Xasan Ugaas Khaliif ayaa ugu dambeyn aqbalay codsiga ka yimid Beesha Xasan Maxamed ee Xawaadle, wuxuuna muujiyay inuu diyaar u yahay fulinta soo jeedinta Abtiyaasha Beesha Xasan Maxamed uuna diyaar u yahay inuu cafiyo Madaxweyne Xasan Sheekh Maxamuud, isla markaana la soo afjaro khilaaf kasta oo jira iyo kala aragti duwaanta muddada dheer soo jiitamaysay ee Hirshabeelle

Beesha Xasan Maxamed oo hoggaamineysa dadaallada dib-u-heshiisiinta Madaxweyne Xasan Sheekh Maxamuud iyo Ugaas Xasan Ugaas Khaliif ayaa Madaxweyne Xasan Sheekh Maxamuud tuna ku soo qaaday iyadoo la timid magaaladda Baladweyne ee Gobalka Hiiraan taasoo Muddo afar maalmood ah magaalada loo joogay sidii loo dhameystiri lahaa arrintii u dhexeysay Madaxweyne Xasan Sheekh Maxamuud, Ugaas Xasan Ugaas Khaliif iyo guud ahaan Beelaha kale ee ku abtirsato Xawaadle.

Ugu dambeyn, 2019- ayaa waxaa si rasmi ah loo soo afjaray khilaafkii muddada dheer soo jiitamayay, waxaana dib loo dhisay xiriirkii wiil iyo waalidnimi ee ka dhaxeeyay Madaxweyne Xasan Sheekh Maxamuud, Ugaas Xasan Ugaas Khaliif iyo Beesha Xawaadle iyadoo arrinta loo maray waddada dhaqanka iyo mid abtinimo


Shalay

Haddii shalay Abtiyaasha Beesha Xasan Maxamed ay geed dheer iyo mid gaaban ay u fuuleen sidii loo xalin lahaa khilaafkii iyo ballan-furkii dhex maray Madaxweyne Xasan Sheekh Maxamuud iyo Ugaaska Beesha Xawaadle, Ugaas Xasan Ugaas Khaliif ee dhacay sanadkii 2016

Maanta

Berri, mar kale marka uu xilka Madaxweynaha Soomaaliya baneeyo Madaxweyne Xasan Sheekh Maxamuud, Beesha Xasan Maxamed ee Abtiyaasha ah ma soo dhex mari doonaa mar kale si loo heshiisiiyo isaga iyo Ugaas Yuusuf Ugaas Xasan Ugaas Khaliif ? mise waxa ay oran doonaan, “Shalay wax walba ayaan kuugu hurnay abtinimo darteed, maanta se naf kale kuuma huri doonno haddiiba mar kale Ugaaska Beesha Xawaadle kula dhaqaaqay been iyo balan fur siyaasadeed

Su’aashaas ayaa maanta iyo Berriba taagnaan doonto iyadoo jawaabteeduna ay sheegi doonto mustaqbalka xiriir ee Madaxweyne Xasan Sheekh Maxamuud, abtiyaashiisa hoose, Xawaadle iyo Ugaas Yuusuf Ugaas Xasan

Hiiraan News Agency

17/09/2026

🔴 Baladweyne oo Berri marti gelinaysa kulan Xasaasi ah oo dhex mari doono Ugaas Yuusuf Ugaas Xasan Ugaas iyo Abtiyaasha rasmiga ah ee Madaxweyne Xasan Sheekh Maxamuud ee Beesha Xasan Maxamed ee Xawaadle

Waxaa si weyn isha loogu wada hayaa kulanka xasaasiga ah ee berri oo Jimca ah magaaladda Beledweyne ku dhex mari doona Ugaaska Beelaha Xawaadle, Ugaas Yuusuf Ugaas Xasan Ugaas Khaliif, iyo Beesha Xasan Maxamed oo ka mid ah beelaha Xawaadle ee shirarka muhiimka ah ee wadatashiga ah ka wada magaaladda Beledweyne, xarunta Gobolka Hiiraan.

Kulankan ayaa qayb muhiim ah ka ah kulamadda wadatashiga ah ee Ugaas Yuusuf Ugaas Xasan Ugaas Khaliif uu la yeelanayo beelaha kale ee Xawaadle, xilli xaaladda siyaasadeed, amni iyo tan bulshada ee Gobolka Hiiraan si gaar ah loo hadal hayo, waxaana si weyn loo sugayaa fariimaha, mowqifyada iyo go’aannadda ka soo bixi kara Berri galab kulanka labada dhinac.

Kulanka berri ayaa si gaar ah u dhex mari doona Ugaas Yuusuf Ugaas Xasan Ugaas Khaliif iyo Beesha Xasan Maxamed, oo ah abtiyaasha rasmiga ah ee Madaxweyne Xasan Sheekh Maxamuud, taasoo ka dhigaysa kulankan mid ka duwan kulamadii kale ee Ugaasku la yeeshay beelaha kale ee Xawaadle.

Ilo-wareedyo xog-ogaal ah oo lagu kalsoonaan karo, isla markaana ku dhow siyaasiyiinta iyo waxgaradka Beesha Xasan Maxamed, ayaa Hiiraan News Agency u sheegay in Madaxweyne Xasan Sheekh Maxamuud uu xiriir gaar ah la sameeyay qaar ka mid ah siyaasiyiinta Beesha Xasan Maxamed ee ku sugan Magaaladda Muqdisho, Dibadda iyo Nabadoonadda, waxgaradka Beesha Xasan Maxamed ee kulanka la leh Ugaas Yuusuf, isagoo ka codsaday in xaaladda la qaboojiyo, isla markaana la dejiyo xiisadda taagan.

Sida ay ilo-wareedyadu sheegeen, Madaxweyne Xasan Sheekh ayaa sidoo kale la sheegay inuu doonayo in Ugaas Yuusuf Ugaas Xasan Ugaas Khaliif loo gudbiyo farriin gaar ah oo ku saabsan sidii looga wada shaqeyn lahaa dejinta xiisad kasta iyo xaaladaha murugsan ee haatan ka taagan guud ahaan Gobolka Hiiraan.

Dhanka kale, ilo-wareedyo xooggan oo xog-ogaal ah ayaa Hiiraan News Agency u sheegay in abtiyaasha rasmiga ah ee Madaxweyne Xasan Sheekh Maxamuud ee berri galab kulanka la yeelanaya Ugaas Yuusuf Ugaas Xasan Ugaas Khaliif ay sheegeen inay berri si rasmi ah uga tanaasuli doonaan xiriirka abtinimo ee kala dhaxeeya Madaxweyne Xasan Sheekh, iyagoo la sheegay inay Ugaaska u gudbin doonaan warqad saxiixan oo caddeynaysa mowqifkooda, isla markaana ay sheegeen in wixii ka dambeeya aysan Madaxweynaha la yeelan doonin kulan ama wada-tashi ku salaysan abtinimo.

Fiiro gaar ah:

Beesha Xasan Maxamed ayaa h**ey u soo afjartay khilaafkii adkaa ee soo jiray ee u dhaxeeyay Madaxweyne Xasan Sheekh Maxamuud iyo Ugaas Xasan Ugaas Khaliif, xilli xiriirka labada dhinac uu gaaray heer adag, iyadoo lagu xasuusto Beesha Xasan Maxamed ee Abtiga ah Madaxweyne Xasan Sheekh Maxamuud dadaalladaas ayaa qayb ka noqday in dib loo soo celiyo xiriirka Ugaas Xasan Ugaas Khaliif, Xasan Sheekh iyo guud ahaan Beesha Xawaadle waxaana halkaasi lagu soo afjaray khilaafkii siyaasadeed ee u dhexeeyay Madaxweyne Xasan Sheekh Maxamuud iyo Beesha Xawaadle sanadkii 2019.

Si kastaba ha ahaatee, indhaha ayaa hadda si gaar ah ugu wada jeeda kulanka berri ka dhacaya Beledweyne, iyadoo su’aasha ugu weyn ay tahay waxa kasoo bixi doona wada-hadalka Ugaas Yuusuf Ugaas Xasan Ugaas Khaliif iyo Beesha Xasan Maxamed ee Abtiga u ah Madaxweyne Xasan Sheekh fariinta ay dhinacyadu kala gudbin doonaan iyo haddii kulanku horseedi doono mowqif cusub oo ku saabsan xaaladda ka taagan Hirshabeelle iyo Hiiraan
Hiiraan News Agency

17/09/2026

Dowladda Federaalka Soomaaliya ayaa mar kale isbeddel ku samaysay Taliska Booliska Gobolka Gedo, iyadoo Gaashaanle Sare Diyaad Cabdi Kaliil loo magacaabay Taliyaha Booliska Gobolka, halka xilka laga qaaday Gaashaanle Sare Aadan Maxamed Siyaad Dhafoorey.

Isbeddelkan ayaa ku soo biiraya silsilad magacaabisyo isdaba-joog ah oo taliska Booliska Gedo ka dhacay, iyadoo Gaashaanle Sare Xuseen Cali Xaashi Giif uu h**e xilka u hayay, kadibna lagu beddelay G/S Aadan Maxamed Siyaad Dhafoorey, kaas oo hadda isaguna lagu beddelay Gaashaanle Sare Diyaad Cabdi Kaliil.

Saraakiishan xilalkii laga qaaday oo markii h**e xiriir wanaagsan la lahaa Dowladda Federaalka ayaa marki dambe ee xilalka laga qaday u janjeeray dhinaca Jubbaland, iyadoo qaar ka mid ah Saraakiishan lagu dilay dagaallo adag oo ay dhinacyadu ku kala safnaayeen Dowladda Federaalka iyo Jubbaland

Sidoo kale, Saraakiil kale oo ka tirsan Ciidamada Xoogga ayaa lagu dilay iska horimaadyo hubeysan oo ay dhinacyadu isku hayeen, kuwaas oo la kala safnaa dhinacyada Dowladda Federaalka Soomaaliya iyo Jubbaland.

Si kastaba ha'ahaatee, Arrintan ayaa ku soo beegmaysa xilli Gobalka Gedo uu weli yahay gobol marti geliyay arrimo xasaasi ah oo ay ka jiraan loollan siyaasadeed gudaha iyo dibadda ah iyo mid amni oo u dhexeeya Dowladda Federaalka iyo Jubbaland taasoo saamaysay

Hiiraan News Agency