09/07/2026
Ciidanka Kumaandooska Danab ee Xoogga Dalka Soomaaliyeed, gaar ahaan Ururka 161-aad ee Guutada 16-aad, ayaa hawlgal qorsheysan oo lagu xaqiijinayo amniga ka fuliyay deegaanno ka tirsan Gobolka Bay.
Hawlgalka ayaa laga sameeyay deegaannada Saaxweyne, Iidow Jalaat, Warta Madax Maroodi, Haarta Kaba Hirig, iyo Leego, halkaas oo ciidamadu ka sameeyeen baaritaanno amni iyo howlgallo lagu baacsanayo kooxaha argagixisada ee shacabka dhibaateeya.
Ujeeddada hawlgalkan ayaa ahayd xoojinta amniga, ka hortagga dhaqdhaqaaqyada argagixisada, iyo sugidda nabadda deegaannada ay ciidamada ka howlgaleen.
Intii uu hawlgalku socday, ciidamadu waxay si dhow ula shaqeeyeen bulshada deegaanka si loo adkeeyo amniga loogana hortago khatar kasta oo amni.
Taliska Guutada 16-aad Kumaandooska Danab ayaa caddeeyay in hawlgallada noocan oo kale ah ay sii socon doonaan ilaa laga ciribtiro kooxaha argagixisada, islamarkaana shacabka Soomaaliyeed loogu xaqiijiyo amni iyo xasillooni waarta.
Dhamaad
