Jubba Cable Tv

Jubba Cable Tv Warar Sugan oo Dhex Dhexaad ah

GURIGA MAHADSANID MADAXWEYNE EE LAGU MAAMUUSAY MADAXWEYNIHII 9AAD OO XARIGGA LAGA JARAYMarka, Feberaayo 6, 2026; Hoggaam...
06/02/2026

GURIGA MAHADSANID MADAXWEYNE EE LAGU MAAMUUSAY MADAXWEYNIHII 9AAD OO XARIGGA LAGA JARAY

Marka, Feberaayo 6, 2026; Hoggaamiyeyaasha bulshada iyo mas’uuliyiinta deegaanka Ceeljaalle ee magaalada Marka, gobolka Shabeellaha Hoose, ayaa xarigga ka jaray guriga ay shacabka Soomaaliyeed ku maamuuseen Madaxweynihii 9-aad ee Jamhuuriyadda Federaalka Soomaaliya Mudane Maxamed Cabdullaahi Farmaajo.

Gurigan oo lagu hirgeliyey olole qaran oo ay maalgelinayeen muwaadiniinta Soomaaliyeed ee gudaha iyo dibadda ayaa laga dhisay deegaanka taariikhiiga ah ee Ceeljaalle oo ka tirsan Degmada Marka oo ka mid ah deegaannada uu Madaxweynuhu ka hirgeliyey nabadda iyo dib u heshiisiinta, sidoo kalena uu ka xoreeyey argagixisada Alshabaab.

Olalaha "Mahadsanid Madaxweyne" waxa uu astaan u yahay baraarugga shacabka Soomaaliyeed iyo doorkooda ilaalinta daahfurnaanta, maamul-wanaagga iyo ammaanada qaran, iyadoo muujinaysa dhaxalkii dowladnimada ee uu dhidibbada u taagay Madaxweyne Maxamed Cabdullaahi Farmaajo.

Madaxweyne Farmaajo oo mahad ballaaran u jeediyey dhammaan muwaadiniintii ka qaybqaadatay Ololahan ayaa yiri “Dhammaan shacabka Soomaaliyeed shibil iyo ciidanba ee ka qeyb qaatay olalahan waan uga mahad celinayaa, anigoo adkaynaya farriinta aad muujiseen ee ah in dowladnimadu ay tahay hanti ay wada leeyihiin muwaadiniinteennu, ayna wax kasta oo qaali ah u hurayaan markii ay arkaan hoggaan u adeegaya danahooda, kana shaqaynaya dib u soo celinta qarannimada Soomaaliyeed.”

Dhagax-dhigga mashruuca ayaa la sameeyey 21 Luulyo 2023, waxaana dhismaha Guriga Mahadsanid Madaxweyne ku baxday $ 295,000, iyadoo wadarta guud ee kharashka ay soo ururiyeen shacabka Soomaaliyeedna uu gaarayo $300,000 USD.

DHAMMAAD

DEG DEG: Golaha Mustaqbalka Soomaaliya, ayaa ku dhawaaqay in xalka kaliya ee xaaladda Koonfur Galbeed ay tahay doorasho ...
05/02/2026

DEG DEG: Golaha Mustaqbalka Soomaaliya, ayaa ku dhawaaqay in xalka kaliya ee xaaladda Koonfur Galbeed ay tahay doorasho deg deg loo qabto, meeshana laga saaro hubanti la'aanta dastuuriga ah ee ay ka shaqeysay Dawladda Faderaalka, & firaaqa xukunka ee dagaalka horseedayna xalkiisu yahay qabashada doorasho loo dhan yahay, daah-furan, Heshiisna lagu yahay.

MAGACAABIS CUSUB: Ra'iisul Wasaare Xamsa Cabdi Barre ayaa Agaasimaha Guud ee Wasaaradda Dhallinyarada iyo Ciyaaraha Xuku...
05/02/2026

MAGACAABIS CUSUB:
Ra'iisul Wasaare Xamsa Cabdi Barre ayaa Agaasimaha Guud ee Wasaaradda Dhallinyarada iyo Ciyaaraha Xukuumadda JFS u magacaabay Mudane Axmed Xasan Yuusuf/
Sidoo kale wuxuu Agaasimaha Guud Arrimaha Caddaalada ee Wasaaradda Caddaaladda iyo Arrimaha Dastuurka Xukuumadda JFS oo uu u magacaabay Cabdinuur Xasan Maxamed.

Guddoomiyaha Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa maanta kormeer hawleed ku te...
05/02/2026

Guddoomiyaha Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa maanta kormeer hawleed ku tegay Biyo-fariisinka Isgoyska Fagax iyo Wadada Jamhuuriya ee degmada Kaaraan, halkaasoo laga hirgelinayo mashruucyo dib-u-dhis iyo dayactir wadooyin ah.

Dr. Muungaab ayaa hubiyey tayada shaqada, heerka horumarka, iyo waafaqsanaanta mashruuca jadwalka horumarinta wadooyinka, isagoo adkeeyay muhiimadda ay leedahay in mashruucyadu ay ku socdaan waqtigooda, iyadoo la ilaalinayo tayada dhismaha, badbaadada dadka, iyo dhaqaalaha la gelinayo. Waxa uu sidoo kale shacabka iyo ganacsatada deegaanka ku boorriyay inay ka qaybqaataan ilaalinta wadooyinka si ay u sii ahaadaan kuwo waara oo faa’iido u leh bulshada.

Taliye ku xigeenka Ciidanka Haramcad, L/X/LE Maxamed Abukar, iyo saraakiil ka socday Dugsiga Tababarka Turksom ayaa maan...
05/02/2026

Taliye ku xigeenka Ciidanka Haramcad, L/X/LE Maxamed Abukar, iyo saraakiil ka socday Dugsiga Tababarka Turksom ayaa maanta si rasmi ah u soo xiray tababarka Horinta 2-aad ee Ururka 3-aad, Guutada Haramcad.
Ciidankan oo muddo tababar sare ku jiray ayaa lagu diyaariyay xirfado ciidan, istaraatiijiyad, iyo la-dagaallanka kooxaha argagixisada, si ay uga qeyb qaataan sugidda amniga qaranka. Saraakiishu waxay bogaadiyeen dadaalka iyo anshaxa ciidamada, iyaga oo sheegay in dhawaan ay si rasmi ah uga qeyb qaadan doonaan howlgallada amniga iyo xasilloonida dalka.

05/02/2026

Madaxweyne Xasan Sheekh Maxamuud "Hay'adaha Dowladda Federaalka waxaan farayaa inaan wax canshuur ah laga qaadi karin gargaar loo wado gurmadka abaaraha."

Warbaahinta Maamulka Koonfur Galbeed ayaa sheegtay in la soo afjaray ciidamadii taabacsanaa mas’uuliyiinta Dowladda Fede...
05/02/2026

Warbaahinta Maamulka Koonfur Galbeed ayaa sheegtay in la soo afjaray ciidamadii taabacsanaa mas’uuliyiinta Dowladda Federaalka ee ku lug lahaa isku dhacyadii ka dhacay Baydhabo. Ilaa hadda ma jiro xaqiijin madax-bannaan oo ka soo baxday Dowladda Federaalka Soomaaliya oo ku saabsan sheegashadaas.

Turkiga ayaa Soomaaliya la saxiixday heshiis lagu horumarinayo gaadiidka Badda Soomaaliya, kaasi oo ay ansixiyeen Golaha...
05/02/2026

Turkiga ayaa Soomaaliya la saxiixday heshiis lagu horumarinayo gaadiidka Badda Soomaaliya, kaasi oo ay ansixiyeen Golaha Wasiiradda XFS.

05/02/2026

Dagaal Culus oo Maalintii Labaad ka Socda Baydhabo

Wararka naga soo gaaraya magaalada Baydhaba ee xarunta gobolka Baay ayaa sheegaya in saaka dagaal culus uu dib uga qar...
05/02/2026

Wararka naga soo gaaraya magaalada Baydhaba ee xarunta gobolka Baay ayaa sheegaya in saaka dagaal culus uu dib uga qarxay gudaha magaaladaasi, kadib markii ciidamada Koonfur Galbeed ay weerareen guriga Wasiirka Xanaanada Xoolaha, Dhirta iyo Daaqa ee Xukuumadda Soomaaliya Xasan Eelaay, wuxuuna dagaalku galay maalintii 2-aad.

05/02/2026

Senator Ilyaas Badal Gaboose ayaa kahadlay khilaafkii u dhaxeeyey isaga iyo Jubbaland inuu dhamaaday

: Ilo xog ogaal ah ayaa sheegaya in Xisbiyada Heybad Qaran iyo Xaqsoor ay gaareen heshiis siyaasadeed oo hordhac ah, k...
04/02/2026

: Ilo xog ogaal ah ayaa sheegaya in Xisbiyada Heybad Qaran iyo Xaqsoor ay gaareen heshiis siyaasadeed oo hordhac ah, kaas oo la xiriira in labada dhinac ay sameystaan isbahaysi lagu wajahyo doorashooyinka iyo in si wadajir ah loogu dhiso jagada Madaxweynaha hal musharrax.

Labada dhinac ayaa ku heshiiyay in Cabdi Saacid Shirdoon loo dhiso Madaxweynaha Soomaaliya, labada garab oo isbaheysanaya ay jiho qura aadaan, taas oo micnaheedu yahay in Cabdiraxmaan Caynte uu ka tanaasulay masharraxnimadiisii jagada Madaxweynaha.

Labada xisbi mid walba waxa uu yeelanayaa xafiisyadiisa u gaarka ah, laakiin waxay isla qaateen dhismaha hal musharrax iyo hal Barnaamij siyaasadeed taas oo ka dhigan miisaan culus oo siyaasadeed oo hal meel isugu yimid.

Cabdi Faarax Shirdoon wali wuxuu sii ahaanayaa Guddoomiyaha Haybad Qaran, halka Cabdiraxmaan Caynte uu Xaqsoor hoggaaminayo. Balse Midowga guud oo ka kooban laba Guddi oo isku dhaf ah ayaa jiri doona sida ay dhinacyo gorgortanka ku jira noo xaqiijiyeen.

Xisbiyadaan iskuma biirin, laakiin waxay noqdeen isbaheysi siyaasadeed oo xooggan oo lamid ah kii UPD ee Damul Jadiid iyo Xisbiga Daljir.

Address

Mogadishu
252

Website

Alerts

Be the first to know and let us send you an email when Jubba Cable Tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category