25/04/2025
๐ช๐ฒ๐ฒ๐ฟ๐ฎ๐ฟ ๐๐ฎ ๐๐ต๐ฎ๐ฐ๐ฎ๐ ๐๐ฎ๐น๐ฎ๐ฑ๐๐น ๐๐บ๐ถ๐ถ๐ป ๐ผ๐ผ ๐ฆ๐ฎ๐ฏ๐ฎ๐ฏ๐ฎ๐ ๐๐ฒ๐ฒ๐ฟ๐ถ๐ฑ๐ฎ ๐๐ฎ๐ฏ๐ฎ ๐๐ฎ๐ฟ๐ฟ๐๐๐ฟ ๐ฎ๐ต ๐ถ๐๐ผ ๐๐ฎ๐ฏ๐ผ ๐๐ฎ ๐ง๐ถ๐ฟ๐๐ฎ๐ป ๐ ๐ฎ๐น๐ฒ๐ฒ๐๐ต๐ถ๐๐ฎ๐ฎ๐ฑ๐ธ๐ฎ ๐๐ฎn๐ธ๐ฎ๐ฟ๐ฎ๐ณ๐๐ฎ
Faahfaahin dheeraad ah ayaa kasoo baxeysa weerar Xalay saqdii dhexe ka dhacay tuulada Baladul Amiin ee duleedka degmada Wanlaweyn, kaasoo lagu beegsaday guri ay deganaayeen dad rayid ah. Ugu yaraan laba carruur ah ayaa ku dhintay, halka la xaqiijiyay in sidoo kale ay dhinteen labo askari oo ka tirsan maleeshiyaadka Babkarafta oo la sheegay inay fuliyeen weerarka.
Maleeshiyaadka Babkarafta oo ah ciidamo si gaar ah u tababaran, kana amar qaata Mareykanka, ayaa sheegay in yoolkooda uu ahaa nin sare oo ka tirsan ururka Al-Shabaab, kaasoo la rumeysan yahay inuu ku sugnaa guriga la beegsaday.
Warar la helay ayaa tilmaamaya in ninka lala damacsanaa weerarka uu sameeyay iska caabin culus, taasoo dhalisay dagaal toos ah oo dhexmaray labada dhinac. Iska horimaadka ayaa sababay dhimashada labada askari ee Babkarafta ah, waxaana ninkii bartilmaameedka ahaa la sheegay inuu goobta ka baxsaday intii lagu jiray israsaaseynta.
Goobjoogayaal ayaa sheegay in weerarka lagu qaaday guriga uu ahaa mid si lama filaan ah ku yimid, iyadoo diyaarado helikoptarro ah ay si toos ah rasaas ugu fureen gurigaasi, taasoo sababtay dhimashada carruurta iyo dhaawa haweeney uu qabay ninka lagu sheegey inuu shabaabka ahaa
Dowladda Federaalka Soomaaliya iyo taliska ciidamada Mareykanka ee AFRICOM weli k**a aysan hadlin weerarka, balse dadka deegaanka ayaa si kulul u cambaareeyay falkan, iyagoo ku baaqay in la joojiyo weerarada halista ku ah shacabka aan waxba galabsan.
FG:
