Mayddi Media

Mayddi Media Mayddi l is a dynamic news agency committed to delivering accurate, timely of the Horn of Africa affairs from breaking news to human interest stories.

It provides balanced reporting, critical analysis, and a platform for diverse voices in the region.

Diyaar ciidan oo ku dhacday garoonka Aadan Abdulle Osman ee MuqdishoSubaxnimadii Arbacada ayay diyaarad ka sookacday Bal...
02/07/2025

Diyaar ciidan oo ku dhacday garoonka Aadan Abdulle Osman ee Muqdisho

Subaxnimadii Arbacada ayay diyaarad ka sookacday Balidoogle ku dhacday qeybta ciidamada ee garoonka Adan Abdulle Osman.

Diyaaradda oo ay lahaayeen ciidanka nabad ilaalinta ATMIS ayaa waxaa saarnaa 8 qof.

Dan xooggan ayaa ka kacay diyaaradda markii ay dhacday, waxaana ka dhashay dhimasho iyo dhaawac, balse lama hubo tirada dhimashada iyo dhaawaca ee shilka.

Dhicitaanka diyaaradda ayaa sababay qarax xooggan oo laga maqlay meelo badan oo ka mid ah Muqdisho.

Qiiqa iyo uurada ka kqcay shilka diyaaradda ayaa saameyn ku yeelatay isku socodka diyaaradaha ee garoonka. Maareeyaha hey’adda duulimaadyada rayidka oo la hadlay Radio Muqdisho, ayaa sheegay in la xiray qeyb ka mid ah jidka diyaaradaha ku duulaan, waxuuna intaa ku daray in degitaanka diyaaradaha ay si caadi ah u socoto, ayna xaaladda xakameeyeen.

Diyaaradda dhacday ayaa si caadi ah waxay ka soo kici jirtay garoonka Bali Doogle ee shabeelaha hoose.

Degdeg: Baarlamaanka Iran oo ansixiyay qaraar laalaya la shaqeynta Iran ee hey’adda qaramada midoobay ee Atoomikada.
25/06/2025

Degdeg: Baarlamaanka Iran oo ansixiyay qaraar laalaya la shaqeynta Iran ee hey’adda qaramada midoobay ee Atoomikada.

23/06/2025

Degdeg: Qatar ayaa xirtay hawadeeda cabsi laga qabo weeraro aargoosi oo kaga yimaada Iran.

Saameynta dhaqaale ee ka dhalankarta xiritaanka marin biyoodka HormuzDuqeynta Maraykanka ku qaaday saddexda xarun nugley...
23/06/2025

Saameynta dhaqaale ee ka dhalankarta xiritaanka marin biyoodka Hormuz

Duqeynta Maraykanka ku qaaday saddexda xarun nugleyr ee Iran ayaa dhalisay walwal iyo cabsi laga qabo in baaho saameynta dagaalka bariga dhexe.

Dowladda Iran ayaa ku hanjabtay aargoosi iyo in ay qaadayso tilaabooyin ka fajiciya caalamka oo ay kaga jawaabayso ficilka guracan ee Maraykanka.

Xildhibaano iyo saraakiil sarsare oo ka tirsan maamulka kacaanka Iran ayaa warbaahinta u sheegay in uu jiro qorshe lagu xirayo marin biyoodka Hormuz kaa oo ay isticmaalaan 20% maraakiibta sida shixnadaha ganacsiga dunida, gaar ahaan kuwa xambaara saliidda iyo shidaalka.

Qiyaastii 20 milyan oo fuusto shidaal ah ayaa marta marinka Hormuz sanadkii.

Haddaba sidee xiritaanka marin biyoodka Hormuz u saameynayaa dhaqaalaha dunida?

Marinkaa ayaa isku xira Gacanka Cuman iyo Gacanka Persia, balaciisana dhanyahay 33 Kiilo mitir ayay Iran ka maamushaa qeybta waqooyi.

Marinkaan ayaa waxaa ku safra maraakiibta wadamada dhoofiya shidaalka iyo saliidda ee Sacuudiga, Qadar, Imaaraadka, Kuwait iyo Ciraaq una socda Aasiya.

Iran oo saliidda u badan u dhoofisa China ayaa iyana isticmaasha marinka.

Si la mid ah maraakiibta sidda shidaalka iyo saliidda ee u socda wadamada Hindiya, Maraykan, iyo Yurub ayaa adeegsada marinbiyoodka Hormuz.

Dagaalka Iran iyo Israel ayaa si ba’an u saameeyay qiimaha shidaalka Saliidda, birta, iyo saamiyada suuqyada caalamka. Ka hor inta uusan dhicin dagaalka qiimaha fuustada shidaalka ayaa aheyd 65-70 dolar balse Intii uu socday dagaalka Iran iyo Israel waxaa ku kordhay circirka shidaalka iyo salidda iyada oo qiimaha fustada shidaalka ah ay ku korortay 10%. Waxaana la filayaa xiritaanka Marinka Hormuz in uu kordhiyo qiimaha shidaalka 30-40% oo ka dhigan in qiimaha fuustadii ay noqoneyso 100 dollar.

Qalalaasaha gobolka ayaa keentay in maraakiib badan ay ka wareegaan adeegsiga marinkaan taas oo kordhineysa saadka socdaalka, waxayna saameyn xooggan ku yeelaneysa sicirka suuqyada, waxayna kaga sii dari doontaa qiimaha alaabta iyo adeegyada oo dunida ay hadda la tiiceysay sicir barar.

Xiritaanka Marinka Hormuz ayaa saameyn aan fiicneyn ku yeelan doona dhaqaalaha Maraykanka iyo qorshaha madaxweyne Trump ee kobcinta dhaqaalaha Mareykanka, taasina waxay hoos u dhigi kartaa taageerada madaxweyne Trump.

Xiritaanka marinka Hormuz waxay kordhineysaa sicirka saliidda iyo shidaalka, waxayna saameyneysaa sicirka suuqyada, iyo isku socodka maraakiibta ganacsiga dunida, taas oo kordhineysaa sicir bararka caalamka oo keeni doonn dhaqaale burbur.

22/06/2025

Iran oo heshay xogta duqeynta ka hor inta aysan dhicin

Maraykanka ayaa ogeysiiyay Iran ka hor inta uusan duqeyn xarumaha Nugleyrka, si looga fogaado dagaal xarka goosta oo dhex mara Iran iyo Maraykanka.

Saraakiil sarsare oo ka tirsan Iran ayaa majaladda Amwaj u xaqiijiyay in maraykanka 21 June ogeysiisay Iran in ay beegsanayaan xarunaha Fordow, Isfahan, iyo Natanz, aysana dooneyn dagaal dhexmara Iran iyo Mareykanka.

Iran ayaa degdeg kaga saartay qalabka muhiim ka ahaan xarumahaan la beegsaday ka hor inta aysan dhicin duqeynta.

Balse madaxda labada dhinac marna si cad uma sheegin xiriirka Iran iyo Maraykanka ee ku aadan in ay ka wadahadleen duqeynta.

22/06/2025

Dowladda Soomaaliya oo weerar ku qaaday xarun AS ku farsameynayeen qaraxyada.

Warbaahinta qaranka ayaa sheegtay in ciidanka Soomaaliya ay hawlgal ka fuliyeen Adan Yabaal ayna beegsadeen goob lagu farsameynayay gawaarida qaraxda iyo keyd hub.

Iran oo ku dhawaaqday in ay ka baxday heshiiska nabad kaga faa’iidaysiga hubka Nugleyrka Wasiirka arrimaha dibadda Iran,...
22/06/2025

Iran oo ku dhawaaqday in ay ka baxday heshiiska nabad kaga faa’iidaysiga hubka Nugleyrka

Wasiirka arrimaha dibadda Iran, Abbas Araghchi, ayaa qoraal uu bartiisa X soo dhigay ku cambaareeyay weerarka Maraykanka ee xarumaha Nugleyrka Iran.

Abbas Araghchi ayaa sheegay in uu burburay heshiiska nabad kaga faa’iideysiga nugleyrka, uuna axdiga qaramada middoobay ku xad gudbay xubin ka tirsan golaha amaanka. Irana ay xaq u leedahay in ay isdifqqcdo.

22/06/2025

Xarunta Fordow ee Nugleyrka way ka soo kaban kartaa burburka gaaray ayuu yiri xildhibaan Iirani ah

Xildhibaan ka tirsan xildhibaanada magaalada Qom oo ay ku taal warshada Fordow oo la hadlay wakaaladda wararka ee Reuters ayaa sheegay in duqeynta ciidanka cirka Mareykanka ay ka fuliyeen aagga Fordow aysan waxyeelo xooggan geysan aynta tahay mid laga soo kaban karo.

Warka xildhibaanka ayaa ka hor imaanaya warka madaxweyne Trump ee ku sheegay in saaxadda laga saaray dhammaan xarumihii nugleyr ka Iran.

Degdeg: Maraykanka oo duqeeyay xarumaha Nugleyrka Iran. Galinkii dambe ee xalay ayay diyaaradaha maraykanka duqeyn ka fu...
22/06/2025

Degdeg: Maraykanka oo duqeeyay xarumaha Nugleyrka Iran.

Galinkii dambe ee xalay ayay diyaaradaha maraykanka duqeyn ka fuliyeen gudaha dalka Iran iyaga oo beegsaday xarumaha laga bacrimiyo hubka Nugleyr ka.

Duqeynta ayaa lala beegsaday saddex goobood oo kala ah Fordow, Natanz and Isfahan, kuwaa oo ay horay u duqeysay Israel.

Qoraal uu baraha bulshada soo dhigay madaxweyne Trump ayuu ku sheegay in ciidanka cirka Maraykanka duqeeyay saddex xarumo nugleyr oo ay Iran leedahay, waxuuna sheegay in ay diyaaradihii duqeynta fuliyay si nabad ah ku soo noqdeen.

Iran ayaa xaqiijisay in ay duqeyn dhacday, ayna masuuliyadda sheegteen cadowga Maraykanka.

Wakaaladda wararka Anadul ee Turkey laga leeyahay ayaa sheegtay in Iran ay horay kaga bixisay qalabkii dhammaan goobaha la duqeeyay, sida ay u xaqiijiyeen saraakiil ciidanka Iran ka tirsan.

Dhanka kale Ciidan Australia ayaa ku soo biiray dhaqdhaqaaqyada ciidan ee ka socda bariga dhexe.

Mareykanka oo talis ciidan ka sameysanaya BerberaJanaraalka hoggaamiya ciidanka Maraykanka ee ka hawlgala Afriaka (AFRI...
21/06/2025

Mareykanka oo talis ciidan ka sameysanaya Berbera

Janaraalka hoggaamiya ciidanka Maraykanka ee ka hawlgala Afriaka (AFRICOM), Michael Langley, ayaa Khamiistii booqday Adis Ababa, Ethiopia, waxuuna la kulmay raiisul wasaaraha Ethiopia, Abiy Ahmed, kulanka ayaa looga hadlay iskaashiga amniga ee labada dal iyo la dagaalanka argagixisada geeska Afrika sida Dacish iyo Al-shabaab.

18.06.2025 waxaa booqasho ku tagay Hargeysa Danjiraha Maraykanka u fadhiya Soomaaliya, Richard Riley, iyo Taliyaha Guud ee Ciidamada Maraykanka ee Qaaradda Afrika (AFRICOM), Michael Langley.

Wafdiga ayaa la kulmay Madaxweyne Cirro, waxayna booqasho ku tageen Magaalada xeebeedka Berbera, oo uu Maraykanku qorsheynayo in uu saldhig Saldhig ciidan ka dhiso.

Booqashada hoggaanka Taliska (AFRICOM) ayaa kusoo beegmaysa iyada oo dhawaan uu madaxweynaha Somaliland, Cirro, socdaal ku tagay dalka Kenya lana kulmay madaxweyne Ruto, iyo wasiiro ka tirsan xukuumaddiisa.

Cirro ayaa safarkii kaa ka horeeyay ku booqday Djibouti, halkaa oo saldhig u ah ciidanka maraykanka ee (AFRICOM).

Safarka taliyaha (AFRICOM) ee Adis Ababa ayaa ka dhigan dib u soo nooleynta xiriirka Ethiopia iyo Maraykanka , oo sanadihii la soo dhaafay liitay.

18-06-2025, Washintogn, waxaa booqasho ku tagay aqalka cad safiirka Ethiopia ee Maraykanka, Binalf Andualem , waxaana halkaa ku qaabilay madaxweyne Trump.

Ka hor doorashda madaxweyne Trump, waxaa xumaa xiriirka Maraykanka, Midowga Yurub iyo Ethiopia, iyaga oo la dhacsaneyn siyaasadda guddaha iyo geeska ee Abiy Ahme, Ra’iisul wasaaraha Ethiopia.

Ethiopia ayaa daneyneysa in ay gaarto badda cas oo ay ku yeelato saldhig ciidan.

Bilowgii 2024, khillaf xooggan ayaa soo kala dhex galay Ethiopia iyo Soomaaliya kadib heshiis is afgarad oo dhex maray Ethiopia iyo Somaliland kaas oo Ethiopia u damaanad qaadayay in ay hesho deked iyo dul ay saldhig ciidan ka sameysato.

Address

KM4, Hodon
Mogadishu

Website

Alerts

Be the first to know and let us send you an email when Mayddi Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category