19/11/2025
Dareenka hablaha hala ilaaliyo
Waxey isku barteen si kadis barta snapchat, barasho aan cidna sii sawiran waxaa bilawday fariimo aad modid in lasii diyaariyay,qosol iyo dhoola cadeyn dareenkeda wadata, waxaa bilawday saaxitinimo aan cidna go aamin bilawgeda, waxaad moodaa in labada qof ey horay isku yaqiineen,is fahamka ka dhex abuurmay darteed, waa dareen dagay qalbiyada dhambaalada la is dhaafsanaaye waxey ahayen kuwa ashqaraar leh, waxa si kadis ah oo cidna fileyn u abuurmay, waxa uu noolaha oo idil ugu doonis badan yahay, jaceyle lagu xardhay daacadnimo iyo ixtiraam,
Waxaa bilawday in la kulmo waliba guriga gabdha, gabdha hooyadey aad bey u soo dhaweysay jaceelkaan ugubka ah,barasho iyo ixtiraama,waxaa halkiisa ka koraya jaceylkii walib xawaare aan macqulgal aheyn, waxaa sii siyaaday ixtiraamka ka dhaxeeyo labada lamaane, waxey aas aaseen nolal ku tiirsan is ilaalin iyo wadatashi, in la iska danbeeyo waxey u noqotay rugniga ugu weyn ey leeyihiin, jaceylka iyo guud ahaan nolasha waxaan ka marneen qilaafka iyo gafka, mar waliba oo la isku dhaco waa la wada hadli jiray ayadon caadifad iyo caro jirin,
Wuxuu xariirkas socday sanad buuxa, wali ma harin oonkii ay isku qabeen, habiin waliba waxaa la naqshadeeyaa oo lasii sawirtaa qaabka ay nolashooda u ekaan doonto kadib marka ay is guursadaan, dhambaalada la is dhaafsanaayo waa kuwa ku qotomo jacel iyo iska farxin, waxaa intas u dheeraa kaftan qaan gaaray oo ka dhaxeeyay labadooda, nolasha dhankoda waa u biseyl, waxey ku jiraan jawi cid waliba ay ku hamineyso,ashkharaarka uu leeyahay dartiis,
Waxaa bilawday maalmo aan cidna sii saadaalin
Gabdha aabahed wuu geeriyooday, waxaana ka weyn dhowr wiilal, mid ka mid ah wiilasha oo dagan dal ka mid ah qaarada africa gar ahaan south africa, ayaa dhowr mar yiri nin bn kuu hayaa, gabadhane wey diidi jirtay, banii adamku waxa quruxda badan ma eegi karaan wey dumiyan aaqirkii,waxaa dhacday in habiin si kadis ah u soo wacay gabdha kuna dhahahy nin baan ku siiyay, ileen wali waxaa danbeeya dad dumarka ka faaideysta oo iib geeya, maadaba danahooda ay ka dhex arkeen qofka aay u keenen gabdha,
Waxaa halkas ka sii bilawday mugdigii gabdha iyo wiilka ay is jeclaayen kala geyn lahaa, cagaftii bur burineysay jaceylka waxaa darawal ka noqday walalked waxaana shidaalka ugu shubay oday adeerked ah, aaba la aanto waa ciil iyo damaqasho, waa tiir haduu dumo ay dumeyso nolashaada iyo farxadeeda, gabdha waxaa halkeda ugu socda murugtii oo markaan sii siyaaday,
waxey go aansatay in ay fariin u qorto walalked
Dhambaal lagu qoray ilmo aay ka buuxan biyo iyo wadno garaaciisa iyo guuxiisa ad lo maqlaayo iyo faro dhididku xadkiisa dhaafay,waxeyna u raacisay sunta dooliga ay soo iibsatay, bal si uu ugu naxo oo darenkeeda u ilaaliyo kana tanaasulo,ninka uu ka iibsan rabo,ileyn ma dhihi karno jaceyl uu u qabo ayuu u siiyay, kadib markiii fariinta gaartay,wuxuu ku yiri naa heedhe meel fadhiiyo aniga nin bn ku siiyay naag la qabaa tahay oo marwaa?
Gabdhii aad bey u qalbi jabtay waxeyna gashay xaalad aan qofna qiyaasi karin, waxaana halkas kula sii kacay sheydaamo ay qabi jirtay, waxaa halkas ka bilawday murugo aan miisan la saari karin mugo aay xambarsan tahy awgeed,quraan iyo duco kadib waxaa dib u soo laabtay gabdhii,
Xaalku halkan ayuu marayaa, wana wax aan sii sugi doono waxa xiga qisadan anigaa goob joog u ah waxeyna ka dhacday Mogadishu
Dumarka dareenkoda yaan laga ganacsan nin waliba oo ku takri falo awood uu alle siiyay maalin bey hor imaan doontaa waxa uu ku dheelay, hablaha doorashadooda hala tex galiyo oo yaan lagu qasbin waxad rabtin, cida guursaneyso adinka maaha waa ayaga, ragu si waliba ay u fiican yihinn marka aay guri la galaan hablaha wey is badalan, yaan la hoos geyn dumarka cid aysan rabin oo aysan u heyn jaceyl iyo muxibo,
Dareenka dumarka hala ilaaliyo
Deeq Axmed
