Soojire tv

Soojire tv “Soojire TV – Hal-abuur, Horumar iyo Xog dhab ah”

Madaxweynaha Soomaaliya Xasan Sheekh Maxamuud ayaa gaaray magaalada Qaahira ee dalka Masar, kaddib kulamo uu la yeeshay ...
02/10/2026

Madaxweynaha Soomaaliya Xasan Sheekh Maxamuud ayaa gaaray magaalada Qaahira ee dalka Masar, kaddib kulamo uu la yeeshay madaxda Itoobiya iyo Jabuuti.

Madaxweynaha ayaa Masar kula yeelanaya madaxda gobolka wadahadallo ku saabsan xiisadaha siyaasadeed ee ka taagan Geeska Afrika iyo Bariga Dhexe, iyo sidii loo xoojin lahaa iskaashiga dalalka gobolka.

SOOJIRE TV.

02/10/2026

Mareykanka ayaa xoojinaya ciidamadiisa Bariga Dhexe, iyadoo kooxda maraakiibta dagaalka ee Makin Island ay ka baxday San Diego, waxaana la socda ku dhowaad 2,200 oo askari oo Marines ah iyo diyaaradaha dagaalka ee F-35B.

Washington ayaa sidoo kale Sacuudiga iyo Qatar geysay nidaamyo difaac oo dheeraad ah, kuwaas oo lagu xoojinayo amniga xarumaha shidaalka iyo gaaska, xilli ay sii kordhayso hubanti la’aanta ka jirta gobolka.

Soojire TV.

Natiijooyinka doorashada qof iyo cod ee ka socota Galmudug ayaa muujinaya in urur-siyaasadeedka JSP uu helay aqlabiyadda...
02/10/2026

Natiijooyinka doorashada qof iyo cod ee ka socota Galmudug ayaa muujinaya in urur-siyaasadeedka JSP uu helay aqlabiyadda codadka, isagoo kaalinta koowaad ka galay tartanka ururrada siyaasadeed.

Urur-siyaasadeedka Sincad ayaa isna galay kaalinta labaad, iyadoo labada urur ay kamid noqdeen kuwa codadka ugu badan ka helay doorashada.

Doorashadan ayaa ah qayb ka mid ah geeddi-socodka doorashooyinka qof iyo cod ee Galmudug, iyadoo cod-bixiyayaashu si toos ah u dooranayaan ururrada siyaasadeed ee ay taageerayaan. Natiijooyinka k**a dambaysta ah iyo tirada codadka ay kala heleen ururrada ayaa lagu dhawaaqi doonaa marka la soo gebagebeeyo tirinta iyo xaqiijinta codadka.

Soojire TV.

Golaha Wasiirrada Itoobiya ayaa ansixiyey wax-ka-beddel lagu sameynayo sharciga ciidamada difaaca, kaas oo siinaya milat...
02/10/2026

Golaha Wasiirrada Itoobiya ayaa ansixiyey wax-ka-beddel lagu sameynayo sharciga ciidamada difaaca, kaas oo siinaya milateriga awood dheeraad ah oo ay ku fuliyaan howlgallo waaweyn oo ka gudbi kara xuduudaha dalka, iyadoo ujeeddadu tahay ilaalinta madaxbannaanida iyo qarannimada Itoobiya.

Wax-ka-beddelkan ayaa la filayaa in Baarlamaanka Itoobiya uu ka doodo oo uu ansixiyo Isniinta, xilli dalka uu wajahayo xiisado amni iyo kuwo gobolka ah.

Ra’iisul Wasaare Abiy Ahmed ayaa muddooyinkii dambe si weyn diiradda u saaray arrinta Badda Cas iyo helitaanka marin-badeed, taas oo ka dhigaysa tallaabadan sharci mid xasaasi ah, gaar ahaan xilli Itoobiya ay weli la tacaalayso colaado iyo xiisado gudaha iyo dibadda ah.

SOOJIRE TV.

Itoobiya ayaa 48 saac u qabatay diblomaasi Masri ah, Axmed Moharam Axmed Soliman, inuu dalka ka baxo, iyadoo tallaabadan...
01/10/2026

Itoobiya ayaa 48 saac u qabatay diblomaasi Masri ah, Axmed Moharam Axmed Soliman, inuu dalka ka baxo, iyadoo tallaabadan ay kusoo beegantay xilli ay sii xoogaysanayaan xiisadaha diblomaasiyadeed ee gobolka.

Sidoo kale, Addis Ababa ayaa maanta 10 diblomaasiyiin Eritrean ah ku dhawaaqday persona non grata, iyadoo amartay inay dalka uga baxaan muddo 48 saac gudahood ah. Itoobiya waxay sidoo kale sheegtay inay xirayso safaaraddeeda ku taalla Asmara.

Tallaabooyinkan ayaa yimid kaddib markii madaxda Itoobiya ay Eritrea, Masar iyo Sudan ku eedeeyeen inay taageerayaan xoogagga hubeysan ee uu hoggaaminayo TPLF, eedeymahaas oo ay dalalkaasi

SOOJIRE TV.

Boqortooyada Sacuudi Carabiya ayaa sheegtay in diyaaradaha aan duuliyaha lahayn ee Xuutiyiinta Yemen ay weerar ku qaadee...
01/10/2026

Boqortooyada Sacuudi Carabiya ayaa sheegtay in diyaaradaha aan duuliyaha lahayn ee Xuutiyiinta Yemen ay weerar ku qaadeen xarunta qaybinta korontada ee Taybah, oo ku taalla magaalada Madiina, taas oo koronto siisa Masjidka Nabiga NNKH.

Weerarka ayaa sababay in hal transformer uu shaqada ka baxo, hase yeeshee masuuliyiinta Sacuudigu waxay sheegeen in aanu wax saameyn ah ku yeelan guud ahaan shabakadda korontada.

Masuuliyiinta Sacuudiga ayaa si adag u cambaareeyay weerarka, iyagoo sheegay in bartilmaameedsiga xarun koronto oo adeegta Masjidka Nabiga uu yahay arrin halis ah oo taabanaysa goobaha barakaysan iyo dareenka malaayiin Muslimiin ah.

SOOJIRE TV

Itoobiya ayaa albaabada isugu dhufatay Safaaradda Eriteriya ee magaalada Addis Ababa, iyadoo diblomaasiyiinta Eriteriyan...
01/10/2026

Itoobiya ayaa albaabada isugu dhufatay Safaaradda Eriteriya ee magaalada Addis Ababa, iyadoo diblomaasiyiinta Eriteriyana siisay amar ah inay dalka kaga baxaan muddo 48 saacadood gudahood ah.

Dhanka kale, Itoobiya ayaa sidoo kale xirtay safaaraddeeda ku taalla magaalada Asmara, caasimadda Eriteriya.

Tallaabadan ayaa timid iyadoo Itoobiya ay Eriteriya ku eedeysay faragelin iyo ku lug lahaansho toos ah oo ku aaddan dagaallada ka socda waqooyiga dalka, xilli ciidamada Itoobiya ay dagaallo kula jiraan xoogagga TPLF.

Xiisadda u dhaxaysa labada dal ayaa sii kordheysa, iyadoo tallaabooyinkan diblomaasiyadeed ay muujinayaan heerka uu gaarsiisan yahay khilaafka Addis Ababa iyo Asmara.

SOOJIRE TV.

01/10/2026

TACIZ – YEMEN: Kooxda Ansarallah ee Xuutiyiinta ayaa la sheegay inay gudaha u galeen magaalada istiraatiijiga ah ee Taciz, kaddib toddobaadyo ay halkaasi ka socdeen dagaallo culus.

Xuutiyiinta ayaa la sheegay inay isku dayayaan inay si buuxda ula wareegaan gacan-ku-haynta magaalada, taas oo muhiimad weyn u leh jihada koonfurta Yemen.

Haddii ay xaqiijistaan gacan-ku-haynta Taciz, magaalada ayaa Xuutiyiinta u noqon karta marin muhiim ah oo dhanka Cadan ah, oo ah magaalo istiraatiiji ah oo ku taalla koonfurta Yemen.

Soojire TV.

Musharrax Liibaan Shuluq ayaa sheegay in kooxo uu ku tilmaamay burcad-badeed, kuwaas oo sida uu sheegay ka soo qaxay dee...
01/10/2026

Musharrax Liibaan Shuluq ayaa sheegay in kooxo uu ku tilmaamay burcad-badeed, kuwaas oo sida uu sheegay ka soo qaxay deegaanada Puntland, ay gaareen deegaanno ka tirsan Galmudug.

Liibaan Shuluq ayaa hadalkan ka sheegay isaga oo ka hadlayay xaaladda amni iyo dhaqdhaqaaqyada kooxaha burcad-badeedda ee xeebaha Soomaaliya, isagoo sheegay in isbeddelka ka jira deegaanada qaar uu sababay in kooxahaasi raadiyaan goobo kale oo ay ku dhuuntaan.

Musharraxa ayaa ugu baaqay hay’adaha amniga iyo dowlad-goboleedyada inay si dhow ula socdaan dhaqdhaqaaqyada kooxaha burcad-badeedda, isla markaana la xoojiyo wada-shaqeynta dhinacyada amniga si looga hortago in falalka burcad-badeednimadu ay ku fidaan deegaano cusub.

Soojire TV.

BOSAASO – Magaalada Bosaaso ayaa maanta si rasmi ah looga daahfuray kulan lagu akhrinayo Qur’aanka Kariimka hal fadhi, k...
01/10/2026

BOSAASO – Magaalada Bosaaso ayaa maanta si rasmi ah looga daahfuray kulan lagu akhrinayo Qur’aanka Kariimka hal fadhi, kaas oo ay ka qaybgalayaan ku dhowaad 400 gabdhood, halka 100 gabdhood oo kale ay yihiin kuwa xifdiyey Qur’aanka.

Munaasabadda waxaa ka qaybgalay mas’uuliyiin ka tirsan Dowladda Puntland, culumaa’udiin, haween iyo marti sharaf kale.

Kulanka oo ay soo qabanqaabisay Safiirul Qur’aan ayaa ah munaasabad diini ah oo lagu dhiirrigelinayo akhriska, barashada iyo xifdinta Qur’aanka Kariimka, gaar ahaan doorka gabdhaha ee cilmiga iyo diinta.

Soojire TV.

Address

Mogadishu

Website

Alerts

Be the first to know and let us send you an email when Soojire tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category