Koor Media

Koor Media Koor Medial madal aad ka heleyso barnaamijyo kobcinaya aqoontaada iyo tan qoyskaagaba.

12/03/2026

Qeybtan waa qeybtii ugu dambeysay ee barnaamijkeenna Ramadaanka, kadib safar ka koobnaa 24 qeybood oo aan kaga hadalnay mowduucyo muhiim ah.

Intii lagu jiray barnaamijka waxaan ka hadalnay:
• Macnayaal qoto dheer
• Qisooyin saameyn leh
• Iyo sida Qur’aanka Kariimka ah uu u saameeyo nolosheena

Qeybtan ugu dambeysa waxaan dib u milicsaneynaa waxyaabihii ugu muhiimsanaa ee aan soo bandhignay, iyo saameynta ay ku yeesheen quluubteena.

Waxaan Ilaahay ka baryeynaa inuu naga aqbalo annaga iyo idinkaba camalka wanaagsan, nagana dhigo kuwa fahma Qur’aanka kuna dhaqma.

🌙 Ciid Mubaarak dhamaantiin.

11/03/2026

Sabarku ma aha in aad dhibaatada u dhiibato, balse waa in aad naftaada ka celiso cabashada, carabkana ka dhowrto eedda. Video-kan waxaan ku eegeynaa macnaha "Sabru Jamiil" iyo sida uu Alle ugu ballan-qaaday kuwa samra ajir aan la qiyaasi karin. Haddii aad dareemayso culeys, xasuuso in habeenka ugu madow uu yahay calaamadda waagu inuu dhow yahay.

10/03/2026

Sidee ku gaari kartaa xornimo dhaqaale iyo isku filnaansho? Fiidiyowgan waxaan ku sharaxayaa qaacidada aasaasiga ah ee xornimada dhaqaale, sida lacagtaada kuu shaqeyn karto, iyo sida loo maareeyo mushaarkaaga adigoo adeegsanaya nidaamka 50/30/20.

Baro muhiimadda maalgashiga, kaydinta, iyo fahamka sicir-bararka si mustaqbalkaaga dhaqaale u noqdo mid adag. Haddii aad tahay dhalinyaro doonaya inay horumar dhaqaale gaaraan, fiidiyowgan waa mid kuu muhiim ah.

09/03/2026

Dadkoo dhan adduunka ku nool waxay raadiyaan farxad. Qof walba wuxuu doonayaa inuu faraxsan noqdo. Laakiin su’aasha dhabta ah waa: sidee farxad loo helaa?

Dadka qaar waxay u arkaan farxad inay tahay qanacsanaan iyo in qofku ku raalli noqdo waxa uu haysto.
Qaar kalena waxay u yaqaanaan lacag, waxayna dhahaan haddii ay lacag haystaan way faraxsan yihiin.
Dadka kale waxay farxad ka helaan dadka ay jecel yihiin, sida qoyska, saaxiibada, ama qof ay la nool yihiin.
Waxaa sidoo kale jira dad farxad ka hela wax bixinta iyo caawinta dadka kale.

Haddaba, cilmi-baarisyo badan waxay sheegaan in farxadda lagu soo koobi karo 3 arragti:
1. Raaxo – sida safar, cunto wanaagsan, lacag, iyo madadaalo. Kuwani waxay keenaan farxad, laakiin badanaa waa ku meel gaar.
2. Hadaf iyo macno nololeed – sida inaad mashruuc waddo, qoyskaaga u shaqeyso, dadka caawiso, ama Ilaahay caabudo.
3. Xiriir wanaagsan – sida xiriirka waalidka, xaaska ama ninka, saaxiibada, iyo dadka aad jeceshahay.

Farxadda dhabta ah hal shay keliya k**a timaado. Waxay timaadaa marka aad isku dheellitirto raaxo, hadaf, iyo xiriir wanaagsan.

Laakiin waxa ugu muhiimsan waa xiriirka aad la leedahay Ilaahay. Qofka haddii uusan Ilaahay ku xirnayn, lacag iyo guul adduunyo keliya qalbiga ma buuxin karto.

Ilaahay wuxuu Qur’aanka ku leeyahay:

وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا

Qofka ka jeesta xuska Ilaahay, noloshiisu waxay noqotaa mid cidhiidhi ah.

Haddii aad rabto farxad dhab ah, hagaaji xiriirkaaga Ilaahay, dhis xiriir wanaagsan oo dadka ah, oo yeelo hadaf nololeed.

Adigana noo sheeg: maxaa ku farxad geliya adiga?

08/03/2026

Nolosha qof kasta qalad wuu ka dhici karaa. Laakiin bulshooyinka guuleysta waa kuwa qira qaladka, cafiya, oo saxaa jidka.

Qisada Nabi Muuse iyo wiilkii la socday waxay ina baraysaa cashar weyn:
marka qof qalad qirto, ha lagu sii cadaadin eed iyo ceebayn. Halkii laga burburin lahaa, waa in la siiyo naxariis iyo fursad saxitaan.

Nabigeenna ﷺ wuxuu yiri:
“Kii aan dadka u naxariisan, Ilaahayna uma naxariisto.”

Bulsho naxariis leh ayaa ah bulsho badbaada.

07/03/2026

Bulsho aan kalsooni lahayn ma dhismi karto. Maanta waxa nagu batay qiyaano, dhagar iyo khiyaamo — ganacsiga, saaxiibtinimada iyo xitaa qoysaska dhexdeeda. Dad badan waxay u arkaan qiyaanada “xeelad” ama “caqli”, balse xaqiiqdu waa in ay tahay daciifnimo iyo burbur bulsho.

Diinta Islaamku si cad bay uga digtay khiyaanada. Ilaahay wuxuu yiri:
“إِنَّ اللَّهَ لَا يُحِبُّ الْخَائِنِينَ” — Ilaahay ma jecla kuwa khiyaameeya.

Rasuulka ﷺ wuxuu na baray aaminnimo, run iyo ilaalinta ballanta. Haddii xitaa aad ka baqdo khiyaano, diintu waxay kugu amraysaa inaad si cad u sheegto oo aadan adigu noqon khaayin.

Haddii aynaan ka tegin dhaqanka khiyaanada, ma jiri doonto nabad, horumar ama kalsooni.
Bulsho dhisan waxay ku taagan tahay aaminnimo iyo akhlaaq.

Soomaaliyeey, aynu ku laabanno akhlaaqdii Rasuulka ﷺ.
Sharafta qofku waxay ku jirtaa aaminnimadiisa, xitaa marka uu dhibban yahay.

Salliga Nabiga badso 🤍
Macasalaama.

06/03/2026

Waalidku waa kanziga ugu qaalisan ee qofku leeyahay, kanzi aan lacag, saaxiib, ama adduun dhan lagu beddeli karin. Mararka qaar waxaan ku mashquulnaa saaxiibo, shaqo, iyo nolosha, laakiin waxaan iloobnaa kuwa sababta u ahaa jiritaankeena.

Quraanka Kariimka ah Ilaahay wuxuu si cad noogu faray inaan wanaag u samayno waalidka, xitaa hal eray oo dhib leh sida “Uf” inaanan ku oran. Baari-nimada waalidka ma aha hadiyad yar oo mararka qaar la bixiyo, balse waa ixtiraam, naxariis, dhageysi, iyo qalbi jilicsan.

Xasuusnow: duco waalid ayaa mararka qaar albaabo badan oo nolosha kaa furta. Haddii ay nool yihiin – u naxariiso, u dhowaaw, la hadal, oo qalbigooda farxad geli. Haddii ay dhinteen – u ducee oo sadaqo u samee.

“رَبِّ ارْحَمْهُمَا كَمَا رَبَّيَانِي صَغِيرًا”

Waalidkaaga waa naxariis Ilaahay ku siiyay — ha lumin kanzigaas

05/03/2026

Ilaahay addoomadiisa wuu u asturaa si ay u toobad keenaan, laakiin maanta waxa baraha bulshada ka socda waxay u egyihiin meel danbiga lagu soo bandhigo oo laga dhigo “show” iyo madadaalo. Khatartu ma aha oo kaliya falka danbiga ah, balse waa marka lagu faano, la duubo, lana faafiyo ilaa ay dadku u arkaan wax caadi ah.

Marka xishoodku qalbiga ka baxo, cabsidii qaladkana way yaraataa, waxaana bilaabma in foolxumadu noqoto wax lala qabsado. Waxa kale oo muhiim ah in la fahmo in qof kasta oo daawanaya, “views” kor u qaadaya ama taageeraya uu qayb ka noqon karo faafinta xumaanta.

Xalka ma aha cay ama ceebayn, balse waa in dib loo soo nooleeyo xishoodka, la xasuusiyo in Ilaahay na arko mar kasta, lana taageero dadka wanaagsan halkii laga buunbuunin lahaa kuwa xumaanta faafinaya. Marka xishoodku soo laabto, bulshada inteeda kale way hagaagtaa.

04/03/2026

Xitaa waxyaabaha caadiga ah ayaa dadka xaasidka ah kaaga dhigi karaan eed. Sida rasuulka oo cunto cunaya suuqyada dhex socda, eed looga dhigay samir oo Ilaahay ka cabsada waa jawaabta ugu wanaagsan.

03/03/2026

Tarbiyada caruurta waa tiirka bulshada iyo soo saaridda jiil wanaagsan. Waalidka ayaa ah qofka ugu horeeya ee masuul ka ah, laakiin maanta ciyaalka waxay saameyn ku leeyihiin deris, macalimiin, iyo baraha bulshada. Tarbiyada wanaagsan waxay ka mid tahay cadaalad, jaceyl, iyo sinaan howlaha guriga iyo waajibaadka. Waa masuuliyadeena inaan hubino in awlaadeena ay helaan tarbiyeed sax ah.

02/03/2026

Mararka qaar noloshu way nagu adkaataa…
Shaqo ayaa naga lunta, waxbarasho ayaa nagu adkaata, qoyska ayaa dhibaato naga soo gaarta, riyooyinkeenii ayaa burbura. Qalbigu wuu jabaa, qofkuna wuxuu dareemaa in wax walba dhammaadeen.

Laakiin Ilaahay Subxaanahu Watacaalaa wuxuu inoo sheegay:

“لا تقنطوا من رحمة الله”
Ha ka quusanina naxariista Ilaahay.

Wuxuu kaloo yiri:

“فإن مع العسر يسرا إن مع العسر يسرا”
Culeyska la socda fudayd baa jira.

Qofkii Ilaahay ku kalsoonaada, Ilaahay baa ku filan:

“ومن يتوكل على الله فهو حسبه”

Fiiri qisada hooyadii Nabi Muuse (CS) — markii ay ka cabsatay Fircoon, Ilaahay wuxuu ku amray inay webiga ku tuurto, inkastoo ay u muuqatay masiibo. Ugu dambayn, Ilaahay wuxuu ku celiyay wiilkeedii si sharaf leh, wuxuuna ka dhigay rasuul.

Sidoo kale Nabi Muxammad (NNKH) waxaa laga saaray Makkah, balse Ilaahay wuxuu u ballan qaaday inuu ku soo celin doono, wuuna u oofiyay ballantaas.

Haddaba maanta haddii aad dareemeyso niyad jab, xasuuso:
Dhib kastaa wuu dhammaanayaa.
Imtixaan kasta waa laga gudbi karaa.
Ilaahay ku kalsoonow, hana quusan.

#

01/03/2026

Xorriyaddu waa xaq aasaasi ah oo Ilaahay siiyay insaanka, balse ma aha mid aan xuduud lahayn. Diintu waxay ilaalisay xorriyadda diinta iyo fikirka, iyadoo diiday juujuub iyo qasbid. Haddana dunida maanta, gaar ahaan reer galbeedka sheegta “liberal freedom,” waxaa muuqata labo-wajiileyn iyo faragelin lagu hayo dalalka kale. Ma xorriyad dhab ah baa jirta mise waa xorriyad lagu cabbiro midabka, awoodda iyo baasaboorka? Qoraalkan wuxuu iftiiminayaa macnaha xorriyadda, xadka ay leedahay, iyo sida loogu adeegsado siyaasad ahaan.

Address

Skyline Tower Taleh, Hodan District
Mogadishu
BA25200

Website

, , ,

Alerts

Be the first to know and let us send you an email when Koor Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category