Somali Politics

Somali Politics Your Daily Source for Somali Political News & Analysis.

15/02/2026

Ciidanka Itoobiya Oo Khasaare lixaadleh kala Kulmay

Magaalada Wereta ee gobolka Amxaarada ayaa waxaa ka dhacay dagaal culus oo dhex maray Ciidanka Dowladda Itoobiya (ENDF) iyo maleeshiyaadka Amxaarada ee Fano, kaas oo sababay khasaare weyn oo soo gaaray ciidanka dowladda, sida ay xaqiijinayaan warar ka imanaya deegaanka.

Wereta oo ku taalla isku-xir istiraatiiji ah kana mid ah waddooyinka muhiimka ah ee isku xira Bahir Dar iyo Gondar, ayaa dagaalka ka dib noqotay meel ay si weyn u yaraadeen isgaarsiinta iyo sahayda ciidanka dowladda, taasoo keentay in cutubyo ka tirsan ENDF ay ku kala go’aan goobo kala duwan.

Wararka ayaa sheegaya in maleeshiyaadka Fano ay adeegsadeen gaadmooyin qorsheysan, sirdoon deegaan iyo difaac abaabulan, taas oo suuragelisay inay daaliyaan ciidanka dowladda una geystaan khasaare lixaad leh.

Dagaalkan ayaa loo arkaa horumar istiraatiiji ah oo weyn oo ku soo kordhay colaadda ka socota gobolka Amxaarada, isla markaana muujinaya in Fano ay sii kordhinayso awooddeeda saameyn iyo abaabul.

Ilaa hadda ma jiro war rasmi ah oo ka soo baxay Dowladda Federaalka Itoobiya oo ka hadlaya khasaaraha rasmiga ah, balse xaaladdu weli waa mid kacsan, iyadoo laga cabsi qabo dagaallo kale oo ka qarxa aagga

Dani iyo Axmed Madoobe oo raadinaya Xildhibaanada baarlamaanka ayaa barri loo madlay fadhi adag oo ku saabsan wax ka bad...
13/02/2026

Dani iyo Axmed Madoobe oo raadinaya Xildhibaanada baarlamaanka ayaa barri loo madlay fadhi adag oo ku saabsan wax ka baddelka dastuurka.

11/02/2026

Odayaasha maanta Xamar fadhiya ee dowlad iyo mucaarad leh dhibaato aan ayaga aheyn dalka k**a jirto.

Booqashadii Madaxweyne Recep Tayyip Erdoğan ee Qaahira ma ahayn mid caadi ah, balse waxay astaan u noqotay xiriir istara...
10/02/2026

Booqashadii Madaxweyne Recep Tayyip Erdoğan ee Qaahira ma ahayn mid caadi ah, balse waxay astaan u noqotay xiriir istaraatiiji ah oo cusub oo u dhexeeya Turkiga iyo Masar. Soo dhaweynta diirran ee Madaxweyne Cabdifataax Al-Sisi ayaa muujisay in labada dal ay u jeesteen iskaashi amni, milatari, siyaasadeed iyo dhaqaale, xilli gobolka uu wajahayo xiisado halis ah oo caalami ah. Isu-soo dhowaanshahani wuxuu saameyn weyn ku yeelan karaa amniga Badda Cas, Kanaalka Suweys iyo guud ahaan Bariga Dhexe.

🚨🚨🚨DEG DEG 🚨🚨🚨Diyaarad shacab ah oo ka duushay Garoonka Diyaaradaha Aadan Cadde ee magaalada Muqdisho ayaa goordhoweyd s...
10/02/2026

🚨🚨🚨DEG DEG 🚨🚨🚨
Diyaarad shacab ah oo ka duushay Garoonka Diyaaradaha Aadan Cadde ee magaalada Muqdisho ayaa goordhoweyd soo dhacday, iyadoo aan weli si buuxda hawada sare u gelin.

Ilaa hadda ma jiro war rasmi ah oo xaqiijinaya khasaaro naf ama mid hantiyeed, mana jiro cid wax ku noqotay sida la sheegay wararka hordhaca ah.

Hay’adaha amniga iyo kuwa gurmadka degdegga ah ayaa ku sugan goobta, halka faahfaahin dheeraad ah la filayo saacadaha soo socda.

Madaxweyne h**e Shariif Sheekh Axmed ayaa soo saaray warsaxaafadeed uu si adag ugu dhaliilay hab-dhaqanka Baarlamaanka F...
07/02/2026

Madaxweyne h**e Shariif Sheekh Axmed ayaa soo saaray warsaxaafadeed uu si adag ugu dhaliilay hab-dhaqanka Baarlamaanka Federaalka, isaga oo sheegay in aan la aqbali karin tallaabo kasta oo lagu wiiqayo hannaanka dowlad-dhiska iyo doorka sharci-dejinta dalka.

Shariif Sheekh Axmed ayaa Madaxweynaha Jamhuuriyadda Federaalka Soomaaliya Xasan Sheekh Maxamuud ugu baaqay inuu dib ugu laabto xeyndaabka sharciga iyo dastuurka, kana fogaado tallaabooyin uu ku tilmaamay dano gaar ah oo wax u dhimaya nidaamka dowladnimada.

Warsaxaafadeedka ayaa sidoo kale lagu muujiyay walaac ku aaddan hoos u dhaca isla-xisaabtanka iyo daah-furnaanta hay’adaha dowladda, gaar ahaan Baarlamaanka, iyadoo lagu eedeeyay in la carqaladeeyay doorkii matalaadda shacabka.

Madaxweynihii h**e ayaa ku booriyay Madaxweynaha hadda xilka haya in uu qaado mas’uuliyadda hoggaamineed, isla markaana uu si degdeg ah u xalliyo khilaafaadka jira, si loo ilaaliyo xasilloonida siyaasadeed iyo sharciyadda hay’adaha qaranka.

Good for Africa!
07/02/2026

Good for Africa!

Tahriib: Ganacsiga Madow oo Dawladdu Ka Indho-La’dahay.!Tahriibku maanta ma aha arrin qarsoon ama shabakad hoos u shaqey...
07/02/2026

Tahriib: Ganacsiga Madow oo Dawladdu Ka Indho-La’dahay.!

Tahriibku maanta ma aha arrin qarsoon ama shabakad hoos u shaqeysa. Waxa uu isu beddelay ganacsi abaabulan oo si furan u shaqeeya, kana dhex jira hay’adaha la rabay inay la dagaallamaan. Waa musiibo qaran oo si toos ah u halleynaysa mustaqbalka dhalinyarada Soomaaliyeed.

Muddo dheer, tahriibka waxaa loo arki jiray dhibaato ay wadaan kooxo gaar ah ama dad fursad-doon ah. Laakiin xaqiiqadu maanta waa mid ka weyn intaas. Tahriibku wuxuu noqday nidaam, leh marinno, dammaanad, ilaalin, iyo dakhli joogto ah. Nidaamkan waxaa quudiya musuq, aamusnaan, iyo daciifnimo dowladeed.

Garoomada diyaaradaha, xafiisyada socdaalka, hay’adaha amniga, iyo xitaa qaar ka mid ah maxk**adaha ayaa lagu eedeeyaa inay noqdeen xuddun muhiim ah oo tahriibka lagu sahlayo. Dukumiintiyo ayaa la sameeyaa, baaritaanno ayaa la dhaafaa, dadna si fudud ayaa loogu sii daayaa safarro khatar ah—inta badan iyagoo og inaysan dib u soo laaban doonin.

Waddooyinka ugu halista badan ee tahriibku maro waxaa ka mid ah Muqdisho ilaa Waqooyiga Afrika iyo Bariga Dhexe, gaar ahaan Qaahira. Halkaas, dhalinyaro badan ayaa ku dhacda gacmo arxan-daran: la addoonsado, la jirdilo, la kufsado, ama lagu qasbo inay qoysaskooda ka soo ururiyaan lacag madax-furasho ah. Qaar baa ku dhinta saxaraha, qaarna badda.

Su’aasha weyn ee taagan waa: Dowladdu ma ogtahay? Haa, way ogtahay.
Ma joojin kartaa? Haa, way joojin kartaa.
Laakiin ma doonaysaa inay joojiso? Tani waa meesha muranku ka taagan yahay.

Tahriibku wuxuu noqday il dhaqaale oo madow. Lacago malaayiin dollar ah ayaa ku wareega bil walba, taas oo abuurtay dano xooggan oo ka hor imanaya badbaadinta muwaadiniinta. Marka dakhli sharci-darro ah uu noqdo mid nidaam gala, dhibbanaha ugu horreeya waa sharciga, kan xigana waa dadkii.

Dhibaatadu kuma eka khasaare naf iyo mid bani’aadamnimo. Tahriibku wuxuu burburiyaa kalsoonida bulshada, wuxuu daciifiyaa qoysaska, wuxuuna abuuraa jiil dhaawac maskaxeed iyo mid bulsho. Kuwa soo laabta badankood waa dad burburay rajadii ka dhammaatay, naftoodana la diriraya.

Waxaa la joogaa xilligii tahriibka loo aqoonsan lahaa dambi qaran oo degdeg ah, lana joojin lahaa siyaasad ahaan, sharci ahaan, iyo bulsho ahaanba. Lama dagaallami karno tahriib annagoo iska indha-tirayna musuqii sahlay.

Aamusnaantu xal ma aha. Ka aamusa tahriibka waa ka qaybqaate.
Dhalinyaradu waa hantida ugu weyn ee qarankan haddii aan maanta badbaadin wayno, berrito dal ma yeelan doonno.

37 Xildhibaan oo Laga Mamnuucay Fadhiyada Baarlamaanka JFS – Arin Muujinaysa Xaalad Siyaasadeed oo Kacsan.Wadarta guud e...
06/02/2026

37 Xildhibaan oo Laga Mamnuucay Fadhiyada Baarlamaanka JFS – Arin Muujinaysa Xaalad Siyaasadeed oo Kacsan.

Wadarta guud ee Xildhibaanada laga mamnuucay ka-qaybgalka fadhiyada Baarlamaanka Jamhuuriyadda Federaalka Soomaaliya ayaa gaartay 37 Mudane. Toddobaadkii h**e waxaa la ganaaxay 18 Xildhibaan, halka toddobaadkan lagu daray 19 kale, kuwaas oo laga hor istaagay inay ka soo muuqdaan kulanka beri.

Arrintani waa markii ugu horreysay ee tiro intaas le’eg oo xildhibaano ah hal mar laga ganaaxo fadhiyada Baarlamaanka, taasoo si cad u muujinaysa heerka uu marayo kacsanaanta siyaasadeed xilli uu marayo dhammaadka muddo xileedka hay’adaha dastuuriga ah.

Dhanka kale, warar laga helayo kulammo ay caawa yeesheen qaar kamid ah xildhibaanada mucaaradka ah ayaa sheegaya hadallo aad u culus, kuwaas oo ay ku tilmaameen in ay “diyaariyeen guutadii saddexaad” si ay berri weerar siyaasadeed oo abaabulan ugu qaadaan Guddoonka Baarlamaanka. Hadalladan ayaa muujinaya in khilaafka jira uusan ahayn mid fudud, balse uu galay marxalad halis gelin karta shaqadii Baarlamaanka.

Sidoo kale, waxaa dood iyo su’aalo dhaliyay warqadda caawa uu soo saaray Guddoomiye Ku-xigeenka 2aad, xilli ay wararku tilmaamayaan in Guddoomiye Ku-xigeenka 1aad, Marwo Sacdiyo, ay dalka joogto. Tani waxay sii xoojisay shakiga iyo muranka hareeyay hannaanka go’aan-qaadashada Guddoonka.

Guud ahaan, muranka ka dhex taagan Baarlamaanka JFS wuxuu noqday mid sii murjinaya dadaallada xal u helidda khilaafaadka siyaasadeed ee dalka, iyadoo ay muuqato in is-jiid-jiidka jira uu ka leexinayo Baarlamaanka kaalintii looga baahnaa ee hagidda iyo badbaadinta geeddi-socodka siyaasadeed.

Ugu dambayn, waxaa lagama maarmaan ah in la dejiyo xiisadaha, la yareeyo khilaafaadka, lana helo wadashaqayn dhab ah si dalka iyo dadkuba looga gudbiyo isgoyska siyaasadeed ee hadda taagan.

DEGDEG | WAR CUSUBDowladda Federaalka Soomaaliya ayaa mar kale caddeysay in gogosha wadahadalladu weli furan tahay, isla...
03/02/2026

DEGDEG | WAR CUSUB

Dowladda Federaalka Soomaaliya ayaa mar kale caddeysay in gogosha wadahadalladu weli furan tahay, isla markaana aysan iyadu sabab u ahayn baaqashada ama dib u dhaca ku yimid shirka lagu waday in la isugu keeno dhinacyada siyaasadda.

Warsaxaafadeed ay soo saartay 3-da Febraayo 2026, dowladda ayaa sheegtay in ay si buuxda uga go’an tahay ilaalinta midnimada dalka, wada-jirka bulshada Soomaaliyeed iyo xallinta khilaafaadka siyaasadeed si wadahadal ku dhisan.

Dowladdu waxay tilmaantay in guddigeeda farsamada uu wadatashiyo ballaaran la yeeshay waxgarad, qeybaha kala duwan ee bulshada iyo guddiga farsamada ee Golaha Mustaqbalka Soomaaliyeed, isla markaana la isla meel dhigay dhammaan qodobadii farsamo ee la xiriiray qabsoomidda shirka.

Sidoo kale, Dowladda Federaalka ayaa xaqiijisay in dib u dhaca ku yimid shirka 1-dii Febraayo 2026 uu ka dhashay maqnaanshaha qaar ka mid ah wafdiga Golaha Mustaqbalka, ayna taas keentay in kulanka dib loo dhigo.

Ugu dambeyn, dowladda ayaa ku celisay baaqeeda ah in dhammaan dhinacyadu ka qeyb qaataan geeddi-socodka wadahadallada, si loo xoojiyo nabadda, wada-jirka, dowladnimada iyo la dagaallanka argagixisada, iyadoo rajo ka muujisay in shirka uu noqdo mid natiijo miro-dhal ah keena.

Address

Mogadishu
00252

Website

Alerts

Be the first to know and let us send you an email when Somali Politics posts news and promotions. Your email address will not be used for any other purpose, and you can unsubscribe at any time.

Shortcuts

Share

Category