https://www.facebook.com/115719333171327/

Ayuub Mire Caseyr, Qardho (2025)

21/02/2025

Waxaa sidaa bartiisa Facebook ku daabacay janaraal siciid Maxamed Xirsi .

Waxaan hambalyo iyo boggaadiin u dirayaa ciidanka geesiyaasha ee Dowladda Puntland oo gutey waajibaadka ka saaran dalka, diinta iyo dadka, oo cashar lama ilaawan ah u dhigay shir-wadayaasha Argagaxisada ISIS, sidoo kale

waxaan dhiiragalinaya shacabka reer Puntland oo u midoobey cadowga kusoo duuley Puntland, bulshada reer Puntland waxay ku suntanyihiin geesinimo, dal jacayl, garab istaaga Dowladooda iyo ciidankooda, gaar ahaan haweenka reer

Puntland oo si wanaagsan uga dhexmuuqda bulshada, udub dhexaadna u ah jiritaanka midnimada Dowladnimada iyo midnimada ummada Soomaaliyeed,

Waxaan leeyahay reer Puntland-now waad guulaysateen, waana ka adkaateen kuwii dhagarta wadey, waxaad wax ku tihiin wada jirka iyo midnimada shacabka iyo Dowladda guul iyo gobanimo.

✍️Siciid Maxamed Xirsi
💪👋🙏.

21/02/2025

: Waxaa qoray Agaasime ku xigeenka Madaxtooyadda Boosaaso Cabdilaahi Xasan Dheere.

" Wasiirka arrimaha dibedda ee xukuumadda Xasan Shiikh, Fiqi, waxa uu leeyahay madaxwayne Siciid Deni baa noo diiddan in aan gacan ka geysano la-dagaallanka Daacish.

Arrinta isweydiinta mudan waxay tahay, haddiiba la dagaallanka argagixisadu in uun dhab ka yahay muxuu si siman ugu qaybin waayey hubkii magaca Soomaaliyeed lagu keenay.

Sidaas oo ay tahay, dhaqaalaha ugu badan ee Soomaaliya la siiyaa waa horumarinta amniga. Haatanna cunaqabatayn ma saarna oo hub badan baa loogu deeqay.

Halkaa marka ay marayso, waxaan wada fahmi karnaa in muhiimaddu ay tahay hub noocii la rabo hayso e, intee in-le'eg buu dagaalku kaa go'an yahay, oo aad ciddiyaha ku diriri karaysaa.

Meel walba oo uusan amnigu ahayn mashruuc dhaqaale laga sameeyo, sida Puntland, badqabka muwaadinkuna wax walba ka sarreeyo, nabad-diidku kuma noolaan karaan, oo wayba ku cimri-degdegaan.

21/02/2025

Khudbada Jimcah iyo Dr. Cali Xaaji Warsame "Mashruuca Argagixisaddu waa mashruuc la rabo in lagu laayo dadka Culimadooda iyo waxgaradkooda, lagana cararo masaajidad iyo goobaha ganacsigga"

21/02/2025

Dalalka Itoobiya iyo Ruushka ayaa kala saxeexday heshiis lagu horumarinayo kaabeyaasha tamarta Nuclear ee dalka Itoobiya iyo weliba sidii Addis ababa loogu dhisi lahaa Wershadaha tamarta Nuclear-ka oo aad u horumarsan.

Qodobada heshiiskan waxa ku jira in Itoobiya loo tababaro Saynisyahanno dhinaca Nuclear ka ah iyo weliba in laga taageero Technology hawshan lagu taaba gelin lahaa, taas oo Itoobiya u suuragelin doonta in ay si dhammaystiran u yeelato Wershadda Tamarta Nuclear oo si casriya loo dhisay mustqabalkan la gaadhsiin karo heer aad u sarreeya.

Gallaydh

21/02/2025

Aqalka Sare ee Nigeria oo Bilaabaya Baritaan Eedaha in USAID ay Maalgalisay Argagixisada Boko Xaaraam

Aqalka Sare ee Golaha Barlamaanka Nigeria ayaa u yeeray Lataliyaha Madaxweynaha ee Amniga Qaranka waxaana la weydiiyey eedaha in USAID ay maalgalisay, joogtana u maaleyn jirtay ururka argagixisada ee Boko Xaaraam. Kulanka ayaa albaabadu u xirnaayeen, wax war ahina k**a soo bixin jawaabaha Lataliyaha Madaxweynaha.

Aqalka Hoose ayaa sidoo kale sheegay in ay dhawaan bilaabi doonaan baritaan gunta eedaha USAID oo dhawaan dawladda Mareykanku ay albaabada isugu laabtay, fasaxdeyna dhammaan shaqaalihii hay'adda.

Argagixisada Booko Xaaraam ayaa dad badan Nigeria ku laayey, malaayiin dad ahna guryahoodii ka barakiyey.

> Daljir Media

20/02/2025

Shirweynihii Qaran ee Niger oo lagu Taliyey in Xukuumadda KMG ah ee Janaraal Abdourahamane Tchiani 5 Sano loogu Daro

Shirweynaha Niger ayaa daarnaa sidii xukunka militari ee Janaraal Tchiani loogu badali lahaa mid shibil ah oo shacabku soo doorteen. Shirka oo falaanqeeyey xaaladda ammaan ee dalka iyo faragalinta kulul ee shisheeye ayaa soojeediyey inta dalka nabaddiisa iyo xiriirkiisa dibadda laga si kalsooni ku jirto loo sugayo in milatarigu xukunka dalka sii hayo 5 sano si KMG ah.

> Daljir Media

20/02/2025

Dawladda DR Congo ayaa dhiggeeda Chad ka codsatay in loo soo diro gurmad ciidan ah oo la dagaallama kooxda fallaagada ah ee M23 taas oo maalmihii la soo dhaafay si xawliya ugu fidday bariga dalka Congo.

Codsiga Kinshasa ayaa ku soo beegmaya xilli ay dalkaa iskaga bexeen ciidankii waddanka Burundi ee nabad ilaalinta halkaas u joogay kuwaas oo saldhigyadoodii uga baxay kooxda M23.

Cabsi xooggan ayaa lagu soo warramayaa in ay ka taagan tahay caasimadda Kinshasa iyada oo safaradihii shisheeye ay bilaabeen in ay shaqaalohooda la baxaan.

Gallaydh

20/02/2025

Kumanaan arday ah ayaa maanta mudaharaadyo ka sameeyay magaalooyin badan oo dalka Indonesia ah, iyaga oo ka cabanaya go’aannada madaxweyne Prabowo Subianto kaas oo dhimis ku sameynaya miisaaniyadda dowladda.

Ardaydda, oo dhamaantood xidhan dhar madow, ayaa ku dhawaaqayay dalabkooda isbeddel, iyaga oo ka baqaya in go’aamadaasi saameyn xun ku yeeshaan waxbarashadooda iyo mustaqbalkooda.

Mudaharaadadan oo loogu magac daray ‘Indonesia Gelap’ (Indonesia Madoow), ayaa si weyn ugu faafay baraha bulshada, waxaana ardaydu si gaar ah uga dhiidhiyeen miisaaniyadda waxbarashada oo la dhimay si loo maalgeliyo barnaamijyo kale oo xukuumadda wadato.

Xukuumadda ayaa sheegtay in isbeddellada miisaaniyadeed aanay saameyn doonin waxbarashada, balse ardayda ayaa weli ka walaacsan, iyagoo sidoo kale ka mudaaharaadayay doorka sii kordhaya ee militariga dalkaasi uu ku yeeshay howlaha rayidka ah iyo yaraanta gaaska la karsado.

Inkastoo madaxqeynaha dalkaasi uu wali taageero ballaadhan ka haysto shacabka, khubarradu waxay sheegayaan in cadhada ardayda iyo bulshada dhexdeeda ay hoos u dhigi karto taageeradiisa haddii dowladda si xun uga falceliso cabashooyinka.

Mudaharaadyadani ayaa ah kuwii ugu ballaadhnaa ee ka dhaca dalka tan iyo bishii Agoosto ee la soo dhaafay, markaas oo ay dhaceen bannaanbaxyo waaweyn oo sababay in baarlamaanku hakiyo qorshooyin wax looga beddelayo xeerarka doorashada.

X/g khalid fodhadhi

20/02/2025

Galbeedka Afrika oo Hurdada ka Kacay, soona Ceshaday Hanti-taariikheed & Waliba Buurihii Dahabka

Galbeedka Afrika, Nigeria illaa Niger, Senegal, Mali iyo Burkina Faso waxaa ka curtay kacaan bulsho iyo mid hoggaamineed oo marna gumeystaha Yurub, siiba Faransiiska dalalkooda looga eryayo, dahabkii iyo macdantii awal la iska guran jireyna hadda gumaystihii bilaash ku guran jiray laga iibinayo oo haddana la canshuurayo. Intaas waxaa sii dheer ayaga oo Ingiriiska, Jarmalka iyo Netherlands ka dalbaday in ay sooceliyaan dhammaan dhaxalkii taariikhiga ahaa ee ay h**e u xadeen xilligii adoonsiga iyo kaganacsiga Afrikaanka.

Asbuucaan kaliya waxay Nigeria ka soo ceshatay Netherlands dhaxal-taariikheed kor u dhaafaya 100 xabbo oo ahaa kuwa loo yaqaan 'Benin Bronzes.' Dhaxal taariikheedkaan ayaa h**e waxaa u xaday Ingiriiska xilligii kaganacsiga Afrikaanka.

Asbuucaan waxaa kale oo guul dhanka dahabka ah gaarey dalka Mali oo bilaabay in uu canshuuro oo gado dahabkii uu h**e u guran jiray kambaniga Kanadiyaanka ee 'Canadian Barrick Gold.' Mali waxay la wareegtay boholihii laga qodi jiray dahabka iyo agabkii oo dhan, waxayna dalbatay lacag dhan $438 milyan. Maanta ayaa kambaniga Canadian Barrick Gold oggolaaday in uu bixiyo lacagtaas, shaqadana dib u bilaabo, waa haddii loo fasaxo e.

Soomaaliya oo hadda u eg in ay galayso marxalad u eg tii Afrikada Galbeed hadda ka soo baxday, ma heli doontaa hoggaan ilaaliya khayraadka dalka, sida badaha oo hadda uu Ankara ka socdo shir ay Turkiye rabto in badaha Soomaaliya lagu wareejiyo Itoobiya?

Nala qaybso fiiradaada iyo falcelis.

> Daljir Media

20/02/2025

Nin kaan dhallinyarada ah ee idiin muuqda waa Masaari waxaa lagu magacaaba Mustafa Maxamed, Wuxuu ahaa nin ehlu diin ah shacaa'irta diintuna ka muuqato.

Daymo faro badan ayaa lagu yeeshay culayso badan ayuu wajahay, dabadeedna maalin dhawayd ayuu Facebook giisa kusoo qoray "inuu qalbigu holcayo Ilaahayna uu kurbada ka feydo."

Intaas kadib comment ga ayaa qof kaas ay ugu qorantahay Axmed Almuxtaram wuxuu faallo ahaan ugu qoray "Waxaa cuntaa xabbad kaniiniga Qillaha ah/حبة الغلة/aluminum phosphide isagaa qalbiga kuu qaboojinayee.

Kaniinigaan lagu magacaabi 'حبة الغلة' waa kaniini loogu talo galay in beeraha lagu bacrimiyo, dhan ka kalena waa kaniiniga ugu badan ee Masaaridu cunto markay rabaan inay nafta is dhaafiyaan.

Wuxuu leeyahay sun aad u khatar badan oo qof ku uusan dhulka nafta la gaarayn. Ugu dambayn Mustafe shalay ayuu facebook ga live kasoo galay wuxuuna dad ka hortooda ku cunay labo xabbo oo kaniinigii sunta ahaa ah, isagoo leh "waligay cafin mayo dad kii i dulmiyay ee nolosha igu cadaabay." Saas ayuu ku dhintay nin kaan.

Dhammaan dad ku waxay habaarayeen maalmahan ninkaas inkaarta qaba ee Mustaf u qoray comment ga jeesjees ka ah.

Qof ku si walba oo mutadayin u yahay oo diinta uu ugu dhaqmo haddana markay culaysyo uusan xammili karin soo wajahaan waa un bini aadam oo waxaa laga yaabo inuu is dhiibo oo go'aanno aan laga filanayn ku dhaqaaqo.

Ugu dambayn Mustafa arrin xaaraan ah iyo dambi weyn ah ayuu sameeyay. Qof ka muslin ka ahi marnaba maaha inuu naftiisa gooyo xaalad walba oo uu wajaho.

Ilaahay dambigiisa ha dhaafo jannada ilaahay ha ku arsaaqo.

Sidoo kale waxay mudan yihiin in si daran loo ciqaabo dadka faallooyin ka khaldan u qora dadka xaaladaha adag ku jira.

WQ; Yamyam.

19/02/2025

WARCUSUB: Maxamed Dalmar Bille gudoomiye ku xigeenka gobolka Bari ayaa beeniyay inuu xariir la leeyahay kooxda Daacish ( ISIS) kaas oo uu uga jawaabayay warar uu sheegay in lagu faafiyay baraha bulshadda.

" Qof nimankaas lagu tuhunsanyahay ayaa waxaas faafiyay, isagguna jawaabtiisa waa helayaa. Anigu gudigga taakuladda ciidanka kuma jiro, gudoomiyaha gobolka ayaa ku jira. Xaashaalilaah war xunoow laguwaa. anagga dagaal baa naga dhaxeeya nimankaas" ayuu yiri gudoomiye Dalmar.

Mohamoud Nadif Shire

19/02/2025

Maamuulka magaalo ku taalla waddanka Philippines ayaa ku dhawaaqay in ay abaal marin siin doonaan qof kasta oo soo dila cayayaanka Kaneecada loo yaqaanno, ka dib markii uu dalkaas ka dillaacay xanuunka Xummadda oo ah mid ay Kaneecadu keento.

Qofkii soo dila hal Kaneeco waxa loogu qiimayn doona lacag u dhiganta laba sent oo Dollarka Maraykanka, iyada oo tanna looga gol lee yahay si lagu yareeyo Kaneecada oo xawli dalkaas ugu fidaysa.

Wasaaradda Caafimaadka ee Philippines ayaa boogaadisay tallaabadan ay qaadeen maamuulka degmada Mandaluyong kuwaas oo sameeyey tallaabo lagu dhiirri gelinayo in la dabar gooyo cayaynka Kaneecada.

Qaar ka mida dadweynaha degmadan abaal marinta lacageed ku dhawaaqday ayaa saluug ka muujiyey xaddiga lacageed ee la bixinayo iyaga oo dawladda ka dalbaday in la sii kordhiyo heerka abaal marinta la siinayo qofkii Kaneeco soo dila.

Gallaydh Media

Ayuub Mire Caseyr

21/02/2025

21/02/2025

21/02/2025

21/02/2025

21/02/2025

20/02/2025

20/02/2025

20/02/2025

20/02/2025

20/02/2025

19/02/2025

19/02/2025

Address

Website

Alerts

Contact The Business

Shortcuts

Share

Category