15/01/2025
Artist name: Gboy Family
Song Title: Nhialic Madhɔl
Duration:10:03mins
Sung in: Dinka
Transcribed by: John Ater Dut
Nhialicda cï ɣok ben luiit e ruöön, buk mïïth ya tiëŋ kɔc thook, ku bajetda(budget) ke rɛ̈ɛ̈rthïn ɣok caap
Nhialic Madhɔl cï ɣok ben luiit e ruöön, buk mïïth ya tiëŋ kɔc lik thook, ku bajetda ke rɛ̈ɛ̈rthïn ɣok caap.
Ye miok yen wec ke bajetda ke rɛ̈ɛ̈rthïn ɣok caap
Na ye dääp yen wec ke medhäniɛ-da ke rëërthïn ɣok caap
Kuat ke ril ɣok Junup Thudan, medhaniɛda ke rëërthïn ɣok ebën.
Ɣok aa jäl löny dhöl, buk bajetda la lim,
buk jäl buöc buk buöc, muɔc ɣɛn, monydït alïm muɔc ɣɛn, ku tiŋdït muɔc ɣɛn, aparäk moc ku aparäk nya ku tik ku m**h muɔc ɣɛn.
Na ca guöp miɛt ke raan ajɔl yï muɔɔc keden cï tak, ku jel yï kuöc tiŋ ku dhɛ̈l yï guöp, ku cɔl yï aya aŋääŋ, ku acie käk bïï bei pan man ke wun, e man Junup Thudan ku ɣok aa mïth Junup Thudan ebën.
Nhialic madhɔl na cɔkku jam, ke cït dhiën aŋui, mën ye ŋui dhiau roor ke cïn raan ye bɛ̈ɛ̈r.
Aciëk madhɔl na cokku dhiau, ke cït dhiën aŋui mën ya aŋui dhiau roor ke cïn raan ye bɛ̈ɛ̈r.
Madhɔl panda acï riääk, apeth yen ye cɔɔl bɛ̈nybith ku cuär yen ye cɔɔl raan pelnyin ku e raan ŋic käŋ ku e raan nɔŋ puöu ku ajak dït baai, ku jɔl ya door cimën Nhialic. Ku dɔm ku yïk nyandït raandä, ke jɔl jäl bï cuëër la juak yic ku jɔl lueel këdiën acï baai gam, këdiën cak ke tïŋ acï baai gam.
Aacië bɛn riɔ̈ɔ̈c, Nhialic acie bɛn riɔ̈ɔ̈c e yïïn
Aacie gup riɔ̈ɔ̈c, Nhialic acie gup riɔ̈ɔ̈c yïïn.
Madhɔl riɛldu ku riɛlden, tek thok aruöön buk ŋic, ku buk yï cak ŋic lɔn ye yïn cak ɣook, lɔn bï pïïr rot waar ɣok aacï ŋɔ̈ŋ nɔ̈k ku acïn kën rot waar.
Madhɔl cie yïn yï cak ɣook, riɛldu ku riɛlden, tek thok e ruöön buk ŋic, ku buk yï cak ŋic lɔn e yïn cak ɣook, lɔn bï pïïr rot waar ɣok acï ŋɔ̈ŋ nɔ̈k ku acïn kën rot waar.
Ku na thäkiöriti(security) cï cɔ̈k piny ke ŋuɛ̈ɛ̈n bï dhaŋ dɔ̈m bei muɔton cin, ku yekku la pur pan muɔnyjäŋ ku yïn cï ben diɛɛr raan bï näk dom yic ke cɔk ŋuɛ̈ɛ̈n.
Na bɛ̈ɛ̈i akïm cï cɔ̈k piny ke ŋuɛ̈ɛ̈n bï cï ben lueel, lɔr India ku Mithïr ku Nairobi, ku acie raan ebën yen anɔŋ wëu bï la aɣeer ke cɔ̈k ŋuɛ̈ɛ̈n,
Ku na dhɛ̈ɛ̈l cï cɔ̈k piny ke ŋuɛ̈ɛ̈n, ba miëthdu ya ɣɔɔc, ku lac läth ku lɔr ɣaac wei ku bï yïn pïïr ke cɔk ŋuɛ̈ɛ̈n,
Ku na yïthkuul (schools) cï cɔ̈k piny ke ŋuɛ̈ɛ̈n, bï baai rot geer, ee piöc yen baai geer.
Kɛ̈c tïŋ wäär Nhialic cï Awun Deŋ Acuïïl macɔ̈t nyaai, go m**h alïp thiäär-kudhorou, ku buɔt kadhɔŋuan go lony, ku mïth abuun aca kɔŋ gɔ̈k ku wuthääth ya aca kɔŋ gɔ̈k.
Wuthäth(Ustaz) acï lëu bï kɔ̈ɔ̈c mïth abuun nhïïm ba akɔ̈l lony piny, ku acïn wëu ye dɔ̈m yen, ke wuthäth apiöc lethon tok ku ler aɣeer bï la lim, ke bï miëthke cam.
Mïth abuun acïn raan cï ke ban piööc, ke mïth aa lök yäp macɔt bï kek röt kony.
Manh ɣön ŋuan akac bï la ɣön bɛ̈t ku manh puöm tuu(form two) akac bï la puöm por (form four) ku le yök ke macɔ̈t ku ler aɣeer.
Tuŋdä ala bɛ̈n ke ye dïktoor(doctor) tuŋdä ala bɛ̈n ke ye yinyjïniëër(engineer), ku na jol guɛl kɔc nhïïm, ke kɔc kɔ̈k aa k*m ke yïth, ku kɔc aa dɔm ke wum cï raan cï ke nhiany ŋör.
Yeŋa buk gɔ̈k Junubïïn yeŋa buk gɔ̈k! Yïn mathdië Garaŋ Anän Garaŋ, Garaŋ malɔu ku mathdië Kur Wuöl Kur malith Wäl̈ Akɔ̈l yïn mathdië Aduööt Ayiɛnÿ Dhɔ̈l Aduööt maŋäracɔ̈ɔ̈t, Junup awïc Junup awïc buk ɣo cïn ebën ëbën
Junub cak tïŋ aŋuɔẗ abï piath
Dhɔ̈ŋ cï rot cuɔt, Gboy Family .
