سبيل الهوى

13/03/2026

13/03/2026

"فتاة"....
تجرّ ثوبها الطويل رويداً رويدا
فتاة من قريتي
عيناها
لوز و قطرات من حب ّ الندى
عطرها
بارد مثل ثلج جبالنا
يغمر الهواء و الفضا
تجرّ مع النسيم وشاح رأسها
و اطراف شعرها تموج
لامعةً في المدى
عيناها لوز و قطرات من حبّ الندى
أصرخ
يا إلاااه السماء في العلا
هاك فتاة قريتي ما أحسنها
ما أنعم مشيتها
ما أهدى طلعتها
أبوح
و كلي ثقة
منبعُ الحسنِ فتاة القرى
غاضبة مثل الفرات
خجولة ك نهر دجلة
و الملامح هادئة
و صفوها ماء بردى

06/02/2026

بعدو على بالك ؟....قمر الحلوين 💚

16/01/2026

49 ألف متابع ....
ملايين الكلمات ،❤️
و نصوص ما بقدر احصيها ،❤️
كل يوم عندي ذكرى من الماضي ، نص ، صورة ، تعليق ، كلمة ....❤️
كل لحظة بقرأ فيها نص ; بتجي مشاعر من هديك الأيام حتى تزور قلبي !❤️
مرة كنت فرحان ، مرة زعلان ، مرة مشتاق ، مرة ولهان ، و مرات كتيرة و كلمات اكتر ....كنت بعرف انو بهداك الصمت كنت عم ابني ذكريات لوقت الحكي و وقت تخلص الحروف 🖤

10/01/2026

08/11/2025

و حظيت !🫂❤️

لا تفكر في الأمر كثيراً !!!!
هناك على بعد بضعة أعوام و في إحدى ليال تشرين الباردة كهذه الليلة .....ستحظى بعناق من تحب.... مع رقصة سرمدية تدوم حتى الفناء !
اترك الليل وحيداً و امضي مع كلّ كلك إلى أن تصل ❤️

06/11/2025

-عم حس انو الأيام الجاية أحلا❤️
بتحس انو الورد عم ينثر ريحته بكل قوة حتى يوصل العطر للسما ، يمكن بيعرف الورد انو الشتي قريب و الورق لا بد انو ينسفه البرد ...وقت نعرف انو النهاية قربت بنقول يا ريت نرجع نعيد حتى لو كنا عارفين من البداية عن نهاية بشعة بس الورد بيبدا بالحلا و بينتهي بالعبير اليابس 💚

-عطيني ألف عذر يا سيد الهوى ، أنا لا أشعر بالبرد رغم قساوة الطقس و ساعة هالفجر مع ضو القمر ..البرد برد الروح ، السقيع المادي لا يؤلم 🖤

10/09/2025

لك ليييييش؟؟؟

08/09/2025

_ليش بتحب القمر كتير ؟
-كل الناس بتحب القمر !
_بس أنت غير ،حبك مبالغ فيه!
- ما بعرف ! بس وقت افعد اتأمل القمر بيذكرني بطفولتي ،بيذكرني بمدرستي ، بيذكرني بكل لحظاتي ، تخيلي اني بتذكر طعمة سندويشة الزعتر و انا عم آكلها بباحة المدرسة ،بيرسم لي مشهد عن الباحة و الصف و الولاد و رفقاتي ، بيذكرني بأيام النزوح و الخيام و شبابي الاول بالغرية ، بيذكر بأشيا كتير سعيدة بس ما بعرف ليش بكون حزين !
بحس بالحب !
بالحنين !
بالشوق ! بالوجع و العشق ، بالمستقبل ،بالماضي ، و الحاضر

بحب القمر لأنو بيشبهك من جانب ما ، مو غزل ..بس متل القمر لقيت حياتي معك ، مرات بحس حالي معك طفل و مرات ولد بالابتدائي و مرات انا الحنين و انت الحب و مرات انا العشق و الشوق ...بتشبهي القمر لاني بحس انو كنت عم عيش الماضي كلو لاوصلك و عم أحيا الحاضر معك ليكون مستقبلي كامل فيك ❤️🫂

31/08/2025

رجع أيلول 💛

بالأمسِ شنقتُ نفسي ; كنتُ ميتاً بحبلٍ وثيقٍ من الكلمات و الحروف ، اليأس قيّد قلبي بين أضلعي و سيلُ الكلمات ما خاب في إحياء جثتي من جديد ...
أنا حيّ لأجل السطور ، لأجل الصباح و المساء ، لأجل الورد و الزهور ، أنا حيّ أوائلَ الفصول ، أختبئ خلف نفناف الثلج و أسقط تحت أوراق الزيزفون في الخريف ،
حيٌّ لأجل الوقت و الزمان ، لأجل السماء و المكان 💙
لأجل كلّ من تنفّس الحرف و كل من غرق في السطر أنا حيّ....

عاد أيلول و عدتُ أنا يا سيدة المطر 🤍