08/09/2025
📌 يسعدلي مساكن ❤️
في متابع صرعني كل يوم بتبعتلي وبقلي
احكي عن موضوع كتير متدايق منو
📌 الصراحة الموضوع لازم نحكي عنو
📌 الشام لكل السوريين
📌 خلونا نحكي شوي عن اللي عم يصير
الشام أم المدن السورية وعاصمة البلد
بعد ما صار فيها خير وكتير ناس رجعت لبيوتها
صار في ظاهرة جديدة يمكن ما كنا متعودين عليها
📌 صار في ناس من كل المحافظات السورية الطيبة موجودين بيننا
وكل فئة منن عم تعبر عن محافظتها بطريقتها
بس في شي عم نلاحظو كتير الفوضى
يلي عم تصير من بعض التصرفات
📌بس في ظاهرة عم نلاحظها كتير
مثلاً إخوانا الشوايا (أهل الدير والرقة والحسكة والقامشلي)
ناس طيبين وقلوبهم كبيرة وبيحبوا أهلهم
بس في منهم أحياناً عم يطبقوا عاداتهم يلي منيحة بمكانها
بس هون بتكون غريبة شوي
متل الصوت العالي بكل مكان
أو الفوضى بالشارع أو طريقة السواقة
لو بدك تصرخ "يااااااااااه" 🤸... خليها لساحة المرجة مو بنص السوق 🙂
هاد الشي عم يخلي الشامي المحافظ يحس إنه أصول مدينته عم تختلف
📌وكمان في موضوع إخوانا أهالي إدلب
يا ريت يتفهمونا إنو موضوع
التسليح بالشارع مو مقبول
ويا ريت ما يحكولنا "احنا يلي حررناكن"
لأنو التحرير كان جهد كل السوريين
وبدنا نذكر إخوانا أبناء درعا يلي كانوا
من أوائل من دافع عن الشام ووصلولها
فهاد الموضوع مو منافسة
يا شباب التحرير كان بدم كل السوريين 🔥
من درعا للساحل للشمال للبادية
ما في حدى أحسن من حدى... كلنا سواسية ❤️
📌 طيب شو المطلوب 🤔
خلينا منصفين مش كل الشوام ملاك
ومش كل الوافدين فوضويين
في الشامي يلي تصرفاته مو منيحة
وفي الديري يلي أدبُه وأخلاقه أحلى من العسل
المشكلة مو بالشخص المشكلة بعدم التفاهم
📌 الهدف من الكلام مو انتقاد أحد
لا والله. كلنا أخوة وكلنا سوريين ودمنا واحد
الكلام منشان نفتح عيوننا شوي
منشان نعرف نتعامل مع بعض منحب بعض أكثر
📌 يا ريت الوافدين يحترموا عادات المدينة يلي استقبلتهم
ويا ريت يحاولوا يتأقلموا شوي مع هالّدقة الشامية
ويا ريت أهل الشام يكون عندهم
سعة صدر شوي ويتقبلوا الآخر
لأننا كلنا جرحى وكلنا ضايعين وكلنا بنحاول نعيش
خلينا نتعلم من بعض
خلينا نعيش مع بعض
لأنو هادا بلدنا كلنا وما في حدا رح يرميه
الشام للجميع، بس يا ريت تكون للجميع بطريقة منظمة ومحترمة
📌 كل الحب والاحترام لكل السوريين من البحر لـ النهر ❤️❤️
