Phadi Cobersi

03/02/2025

وعودة مرة اخرى مع مداحين حالن الشركات السورية

03/02/2025

المدينة الصناعية لازم تتسمى مدينة التقليد
لايمكن لبلد أن يتطور وهو مقلد لغيره ويعيش على فتات الماضي الذي طورهم

19/01/2025

ليش المنتجات السورية بتكرر حالا وبقلدو بعضن؟

09/01/2025

طعمة بتهوي وماركة بتهوي انو على شو عم تاخدو حقو؟ وقت تعملو #منتجات زبالة على انو اساس بتنزلوها علسوق؟
#الشامي

31/12/2024

#مقاطعة المنتجات المحلية التالية:
1- المنتجات اللي فيها مواد مضرة ومواد زيادة لهدف التخزين لاطول فترة
2- المنتجات اللي غيها سكر زيادة وبتأثر عل اطفال والعالم بشكل عام
3- ايا منتج مابتكون جودتو متناسبة مع سعرو
4- ايا شركة مابتحترم المستهلك ومابتعطيه كفالة حقيقية ضد سوء التصنيع

#سوريا #دمشق #حمص #السويداء #جرمانا #حلب #القصاع

30/12/2024

لازم وضع حل اسعافي لتنشيط الاقتصاد وحركة السوق الداخلية والبداية شوية امور بسيطة بس فعالة.
1- محاسبة كل التجار الحرمية وتجار الازمات
2- ايا محل عم يبيع اغلا من جارو لازم يتحاسب
3- توحيد اسعار المحروقات اللي عم تنباع علطرقات
4- دعم المشاريع الصغيرة والحديثة
5- تسهيل فتح ايا مصنع بدون تعقيدات واوراق مالا فائدة
6- دعم الافكار الجديدة وفتح محلات او مصانع وايا شي بيدعم الاقتصاد
6- اعفاء من الضرايب لمدة سنة لبعض المصالح وتخفيضها لمصالح تانية
7- فرض جودة للمنتجات الوطنية مع معاقبة المخالفين
8- تنشيط التجارة الالكترونية

هي بعض الامور، صوتو وشاركو هاد الاستيان

صوتكن مهم، صوتو وشاركوها

https://forms.gle/DYTKhpKvVJqSCuUt9

28/12/2024

هل من حق الشركات تمدح حالا وهي تقرر مستوى الجودة تبعها وتفرض رأيها بالسوق؟

هاد الحكي بس ب منشوفو، خصوصي #الاغذية والمعلبات، #الشوكولا وال #بسكوت وال #مرتديلا وغيرن.

السبب ببساطة لان لسا مافي منافسة بالسوق و #المنتجات الأجنبية لسا ما اخدت صداها بالسوق #السورية

23/12/2024

مرحبا، صوتو وشاركو الاستبيان لانو مهم بهي المرحلة

https://forms.gle/DYTKhpKvVJqSCuUt9

أكبر قوة في العالم هي القوة الاقتصادية والصناعية، وهذا يأتي من تنمية المهارات ودعمها وتقديم كل ما يلزم لها من تمويل ودعم حكومي ومجتمعي، وبالتالي انعكاس هذا التقدم ع...

11/11/2024

السلوغانات السورية مداح حالو بدون منازع...
حياتك مابتكمل الا مع توماريو
صيفك احلا من كحلا
سلسة وبكبا
منحكي صحة وعافية
لسنا الافضل لكننا الوحيدين
طعمتها بتسحرك
خليك اردو

وكتير غيرن من المعاني التافهة اللي بيتعزبو الشركات ازا ما استخدموها، مع العلم انو نسبة تأثير هل جمل الاعلاني 0% على عملية التسويق والترويج

06/11/2024

التسويق الفاشل والغير عملي...
اساليب التسويق عنا من ايام سوق عكاظ منتهية الصلاحية والمشكلة الاكبر انن بحطو عينة مو معروفة بمنتج مو معروف بماركة مو معروفة وكأنن هنن الوحيدين بالسوق... عادي اصلا الشعار السوري اللي بتستخدمو كل الشركات علنا وضمنيا... لسنا الوحيدين لكننا الافضل... مشيينا

04/11/2024

مصداقية التجار السوريين تفوق الوصف والجماعة مؤمنين وبفرجوك دائما الوش الحلو للاشياء اما الوش ال 💩 بخبوه عنك لوقت ما تتخوزء وتشتريه اونلاين بتعرفو لان نحنا بلد التنكولوجيا

هي صورة الوش الحلو
الوش ال 💩 باول تعليق

25/10/2024

شو السبب ورا الحملات الاعلانية الغير مهنية والغير احترافية؟ ليش كل الشركات بدون اي استثناء بتستخف امور التصميم والحملات الإعلانية المدروسة بشكل علمي؟ ليش بيستخفو بالمستهلك وبيتعاملو معو كأنو شخص هنن مفضلين عليه انو عم يعملولو منتجات؟

مستويات التصميم والإعلان عنا -10