03/10/2025
‼️ في منصات وهمية اليوم بسوريا عم تسرق تعب الناس ‼️
عم يطلبوا من الناس تعمل إيداعات كبيرة ويقلولهم: "ما بتقدروا تسحبوا قبل 40 يوم."
وبيعطوهم 3 أوقات معينة يفتحوا فيها صفقات، وإذا ما لحقت… راحت عليك!
النتيجة؟ ناس باعت بيوتها، دهبها، وحتى مواشيها مشان تلحق وديعة مع منصات نصابة!
والمستهدفين مين؟
الناس الفقيرة والمحتاجة، يلي ما عندها وعي كافي بهالمجال.
الحقيقة: ما في أي شركة تداول حقيقية بتشتغل بهالطريقة.
ما في حدا بيعطيك فلوس من ولا شي وبلا تعب.
وأكبر دليل… شركات بسوريا عم نسمع انها عم تتسكر والناس خسرت مصرياتها وعم تتبهدل!
ونحن سبق وحذرنا من هالموضوع، واليوم عم نأكد التحذير.
التداول مو هيك.
التداول علم كامل، بدو وقت، تدريب، وإدارة مخاطر. النجاح ما بيجي بين ليلة وضحاها.
كونوا واعيين، واحموا حالكم من الاستغلال.
