20/07/2025
السلام عليكم ورحمة الله
أخي بدي احكي بنقطة عم نلاحظها كتير بصفحات التواصل الخاصة بمدينتنا
في بعض الاشخاص من عائلات مختلفة همهم التنطح لأي شخص يعلق او ينشر بما يخالف فكرهم وگأنو قمنا بالثورة حتى نمشي وفق عقلية اشخاص بعينها والكلام يخص بعض الفيسبوكييين وإن كانو ممن قدم للثورة لكن مو معناها انت صرت الفاتح وعلى شوي رح تصير المهدي والعالم ذباب قدامك
ترى عين عمك طلعنا قبل ما تسترجي تطلع من باب بيتك وحتى وقت تصير مظاهرة ونسجنا وقت كنت تقول لجهنم هدول بدهم حرية وراح مستقبلنا يوم كنت تدرس بجامعات النظام وتكنز الثروات
بس الفرق انو نحن احتسبنا آجرنا على الله ونحترم مكانتنا وانفسنا ونحفظ ماء وجوهنا
رح ننتقد الغلط لو صدر من أبائنا ورح نقول كلمتنا وان كانت على حد السيف طالما نحن على حق وامرهم شورى بينهم وليس على عقلهم وماني مضطر جاريك بانو حق الجبس لازم ١٥٠٠ مو ١٣٠٠
وعذرا إذا لامس الكلام احدا بعينه لكن المقصود ليس شخص محدد بل ظاهرة عامة. وهذا لسان كثير من أهالي مدينتنا ولكن لله الامر من قبل ومن بعد
