03/09/2026
مر عليي حالات قطط إنقاذ صعبة كتير ..
بس صدقا حياة اول حالة بتمر عليي وبتحسسني بتوتر وخوف دائم عليها وصعوبة كتير بالتعامل معها..
اول مرة بتعامل مع حالة معها شلل بالفك .. التعامل بده يكون حذر كتيررر وقت اطعامها..
بطعميها حصرا بسرينغ الأنسولين الرفيع لاقدر دخله لآخر تمها كرمال تبلع...
وبضل متوترة لأن بخاف عليها أد مابتتحرك بخاف اجرحها بالسرينغ و ضرها ..
غير أنه في صعوبة بالبلع ويلي بتبلعه بيرجع بيطلع نصه من تمها ..
وبين كل كم لقمة لازم نضفلها بقايا الأكل .. بتعلق تحت لسانها وبتصير تخنقها..
بكل وجبة بتاخد معي ساعة حرفيا ويادوب بهالساعة تكون قدرت تبلع ١٥ سم ..
لهيك بطعميها كل شوي ويلي مخليها عايشة لهلئ رغم ظروفها الصعبة هوي هالكم نقطة يلي بتبلعهن..
غير أنه عندها خلل بالعقل مافي استيعاب ابدا متل البني آدم لما يفقد عقله سبحان الله ...
مافي شي بتستوعبه غير انا .. بتعرف صوتي وبتحبني وبتخرخرلي وبنيمها جنبي كل يوم...
إن شاءالله يكون هالشي عم يكفيها ..بتمنى اعطيها قلبي وعيوني من كتر مو مأثرة فيي 😔
#انقاذ #المانيا #لبنان #المغرب
