على أنَّ قُرْبَ الدَّارِ خَيْرٌ مِنَ الْبُعْدِ
|قيس بن الملوّح |
#وتر #قصيدة #حُبّ
18/03/2022
كنت عم فكر مبارح إنه الأمل وهم .. اليوم اكتشفت كمان إنه الراحة وهم
صرت مقتنعة بهاد الشي تماماً ، كل يوم الحياة بتفاجئني بشي
ما فيك أبداً تتوقع من بكرا شي أو ترسمله شي .. بكرا هو فخ يا بتمر من خلاله بسلام يا أما رح توقع فيه و تكبلك شباكه و تستغرق بعدا وقت حتى تقدر تتخلص من القيود يلي بتفرضها عليك مشاعرك و ردود أفعالك و تتأقلم مع فكرة إنك مو لازم تتوقع شي من هالحياة و لا أي شي ، الحياة ما بتعطيك ثقة بنفسك أو ب يلي حواليك أو بالظروف ، أنت لازم تنتزع هي الثقة انتزاع ، بحالك على الأقل ..
متصارحة مع فكرة إنه في شر مطلق ، بس لسا ماني مآمنة بفكرة الخير المطلق ، الخير يلي بتقدملك ياه الحياة ، بأشكال كتيرة ، في مقابله خيبات أكبر و بأشكال أكتر ..
و أنت بوسط هالدوامة ، ما فيك تلوم الناس و لا الظروف و لا الحياة نفسها ، بتلوم حالك بس لأنك ارتحت و وثقت بالحياة بنسبة كبيرة ، و وثقت بالراحة يلي منحتك ياها ..
رغم السعادة الممنوحة من أي تجربة ، أي تجربة بغض النظر عن طبيعتها إن كانت سلبية أو إيجابية ، لأن أحيانا التجارب السلبية بتمنحنا سعادة الاكتشاف و الوعي و النضج ، بغض النظر عن هي السعادة ، برافقك قلق دائم من بكرا ، من فكرة بكرا ، و بتضل تسأل حالك ، شو مخبيلي بكرا ؟
Be the first to know and let us send you an email when وَتَرْ _ štrìñg posts news and promotions. Your email address will not be used for any other purpose, and you can unsubscribe at any time.
