
06/08/2025
الشاعر يقصد ديرته وانا اقصد ديرتي 😭
لا فاح من ذيك الديار عبير
كنه لها وسط الضمير سفير
تاخذني الذكرى كما اخيذة الضحى
و انا انجذب حتى بسلك حرير
تشتت افكاري و تلعب بحسبتي
والقلب عده من اعراه يطير
ما يركد لا عند باقي رسومها
مراح بدو ، و طلحتين و بير
وباقي نضد حله و كسره من الرحى
ومراغةٍ فيها عظام بعير
شرقي لمرقابٍ طوالٍ زرايبه
اليا انفرش منه الظلال عصير
مرقاب تشرف هامتي فوق هامته
للريح في نازي صفاه صرير
بالاطلال حالة وقفتي وانقلابتي
تحزن ولو ما للرسوم ضمير
ما رقت لحالي ولا طول وقفتي
كني على ذيك التلال خفير
قولوا لعذالي يكفون شورهم
ما اطيع في بعض الامور شوير
والبعد موحش والمرابي مشوقه
وجفاف البطا كنه جفاف غدير
والقل مزعج و الغنى مربط الفرس
ياكم غنيٍ في ثياب فقير
حرصٍ على الدنيا و صيوره الفنا
وما يكتبه رب العباد يصير
يكسب بياض الوجه من يبذل السخا
قبل يجيه من البياض نذير
اجزل من يكتب عالطرق الهلالي كلمات تلامس المشاعر انه دكتور الشعر ...المطيري
منقول