เว็บไซต์คืออะไร?

https://www.facebook.com/682588214929876/

Burma Info, Amphoe Mae Sot (2026)

27/08/2026

ရခိုင်ပြည်နယ် ဝန်ကြီးချုပ်ဟာ ၂၀၂၁ စစ်အာဏာသိမ်းမှုနောက် စစ်အုပ်စုက မတရားပုဒ်မတွေနဲ့ တရားစွဲပြီး ထောင်ဒဏ် (၁၀) နီးပါးချခံထားရပါတယ်။

ဆရာဦးညီပုဟာ ၁၉၉၀ ရွေးကောက်ပွဲနိုင်ရ လွှတ်တော်ကိုယ်စားလှယ်တစ်ဦးဖြစ်ပြီး တစ်ကျော့ပြန်အာဏာသိမ်းမှုနဲ့အတူ ဆရာဦးညီပုဟာ နိုင်ငံရေးလှုပ်ရှားမှုကြောင့် ထောင်ဒဏ် ၁၀ နှစ် ချမှတ်ခံခဲ့ရပါတယ်။ ၂၀၁၂ ခုနှစ် တွင် ပြန်လည်လွတ်မြောက်လာခဲ့ပြီး ၂၀၁၅ ခုနှစ်၊ NLD သောင်ပြိုကမ်းပြို အနိုင်ရမှုကြောင့် အစိုးရဖွဲ့စည်းချိန်မှာ ရခိုင်ပြည်နယ်ဝန်ကြီးချုပ် ဖြစ်လာခဲ့သူ ဖြစ်ပါသည်။

၂၀၂၁ ခုနှစ်၊ စစ်အာဏာသိမ်းမှုနောက်မှာ့တော့ ဆရာ့သမီး မမိုးဆန်းစုကြည်ဟာလည်း စစ်အုပ်စုရဲ့ ဖမ်ဆီးခြင်းကို ခံရပြီး ဒီကနေ့အချိန်ထိ ဖမ်းဆီးခံထားရဆဲ ဖြစ်ပါတယ်။

ဒီနိုင်ငံမှာ အနှစ် ၂၀ ကြာ လူထုအတွက် လွတ်လပ်ခွင့်၊ တိုးတက်ခွင့်နဲ့ အကြောက်တရားမရှိ နေထိိုင်နိုင်ခွင့်ကို ခံစားရဖို့ အမေစုနဲ့အတူ အမျိုးသားဒီမိုကရေစီအဖွဲ့ချုပ်ဝင်တွေများစွာဟာ နှစ်ရှည်ထောင်ချခံခဲ့ရပါတယ်။ တိုင်းရင်းသားခေါင်းဆောင် တစ်ချို့ဆို သ-တ်ဖြတ်ခံခဲ့ရပါတယ်။ ကျန်ခဲ့တဲ့မိသားစုကိုလည်း စီးပွားရေးလုပ်နိုင်ခွင့်တွေ ကန့်သတ်တာ၊ ပိတ်ပင်တာ၊ ခြိမ်းခြောက်တာတွေ မျိုးစုံကြုံခဲ့ရပါတယ်။ ဒါကြောင့်လည်း စစ်အုပ်စုဘက် NLD ပါတီဝင်တွေကို ထောင်ထွက်တွေလို နိမ့်ချပြောဆိုကြပါတယ်။

ဒါပေမယ့် NLD ပါတီဝင်တွေက မတရားဖမ်းဆီး ထောင်ချခံရတာကို ထည့်မပြောကြဘူး။ လက်နက်အားကိုးနဲ့ မမျှမတ ဖိနှိပ်ခံခဲ့ရတာတွေကို ထည့်မပြောကြပါဘူး။ ၂၀၁၂ ခုနှစ်၊ ကြားဖြတ်ရွေးကောက်ပွဲနဲ့ လွှတ်တော်ထဲ NLD ရောက်ခဲ့ချိန်မှာ ၁၉၉၀ ခုနှစ်ရွေးကောက်ပွဲရလဒ်ကို အသိအမှတ်ပြုကြောင်း လွှတ်တော်က အတည်ပြုကြေညာပေးခဲ့ရပေမယ့် အဲတုန်းက တာဝန်ရှိသူတွေဟာ လူသိရှင်ကြားမတောင်းပန်ခဲ့ပါဘူး။

ဒါပေမယ့် လူမဆန်စွာ တစ်ဖတ်တသတ်ဖိနှိပ်ခံရတာကို မေ့ပြီး ဒီတိုင်းပြည်အနာဂတ်အတွက် သဘောထားကြီးကြီးနဲ့ အနာဂတ်အတွက်ပဲ ဆက်လျှောက်ခဲ့ကြပါတယ်။ ဒီကနေ့အထိ ကိုယ်ကျိုးမငဲ့တဲ့ ခေါင်းဆောင်တွေ ကျေးဇူးဟာ ဒီနိုင်ငံအတွက်ရော မျိုးဆက်အတွက်ပါ တကယ်ကြီးမားခဲ့ပါတယ်။

ဒီလို လူမဆန်တဲ့ ဖိနှိပ်မှုတွေကို မရင်ဆိုင်ဘဲ ငြိမ်နေခဲ့ရင် မြန်မာနိုင်ငံဟာ ဒီမိုကရေစီဆိုတာ ကြားဖူးရုံသာ ကြားဖူးတဲ့ နိုင်ငံဖြစ်မှာ အသေအခြာပါပဲ။ ၂၀၁၁-၂၀၂၀ ကာလက ရဖူးတဲ့ အခွင့်အရေးဆိုတာ ရနိုင်ဖို့ မရှိမှာလည်း အသေအခြာပါပဲ။

စစ်တပ်က သဘောထားကောင်းလို့ ပေးခဲ့တာမဟုတ်ဘဲ အသက်တွေ၊ ဘဝတွေ အများကြီးပေးဆပ်ထားရတဲ့ ၊ ပေးဆပ်နေရတဲ့ ရလဒ်တွေမို့ ဒါကို ပြန်ယူနိုင်ဖို့ လိုပါတယ်၊ ဒီထက်ကောင်းတဲ့အခြေအနေကို ဖန်တီးနိုင်ဖို့လိုပါတယ်။ လက်ရှိအချိန်မှာလည်း စိတ်ပျက်စရာ၊ အားယုတ်စရာတွေ ရှိပေမယ့် ဒီနိုင်ငံ၊ ဒီလူမျိုးအတွက် ကြံကြံ့ခိုင်ခိုင် ဆက်လျှောက်နေကြရမှာ ဖြစ်ပါတယ်။ လက်ရှိဒုက္ခဆင်းရဲကိုတွေးရမှာ ဖြစ်သလို ဒီမှာရပ်လိုက်ရရင် အနာဂတ်မျိုးဆက်တွေ ကြုံတွေ့ရမယ့် ဒုက္ခဆင်းရဲကိုလည်း တွေးကိုတွေးရမှာ ဖြစ်ပါတယ်။

ဆရာ့တို့ ကျေးဇူးတွေဟာ အမြဲတမ်း သတိတရ ကျေးဇူးတင်နေရမှာပါ။ အောက်မေ့နေရမှာပါ။

ဆရာ အမြန်ဆုံးလွတ်မြောက်ပါ၊ ကျန်းမာအသက်ရှည်ပါစေ 🙏🙏🙏

26/08/2026

[English Below]

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် NLD လွှတ်တော်ကိုယ်စားလှယ် ၅၀ ဦး ဆက်လက် ဖမ်းဆီးထိန်းသိမ်းခံထားရဆဲဟု CRPH ထုတ်ပြန်

၂၀၂၆ ခုနှစ်၊ ဩဂုတ်လ ၂၆ ရက်

အကြမ်းဖက် စစ်အုပ်စုသည် ၎င်းတို့ မတရားရယူထားသည့် အာဏာကို ဆက်လက်ချုပ်ကိုင်ထားနိုင်ရန်အတွက် အရပ်သား ပြည်သူများကို အကြောင်းပြချက်မရှိ ဖမ်းဆီးခြင်း၊ အတင်းအဓမ္မ စစ်မှုထမ်း စေခိုင်းခြင်းနှင့် အရပ်သား ပစ်မှတ်များကို လေကြောင်းမှ စနစ်တကျ တိုက်ခိုက်ခြင်းများကို ဆက်လက်ကျူးလွန်နေကြောင်း ပြည်ထောင်စုလွှတ်တော်ကိုယ်စားပြုကော်မတီ (CRPH) က ဩဂုတ်လ ၂၅ ရက်နေ့စွဲဖြင့် ထုတ်ပြန်လိုက်သည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ နောက်ဆုံးထုတ်ပြန်ချက်များအရ စစ်အာဏာသိမ်းပြီးချိန်မှစ၍ အရပ်သား ပြည်သူ ၈,၃၀၀ ကျော် သေဆုံးခဲ့ရပြီး ၁၄,၇၀၀ ကျော်မှာ ဆက်လက် ဖမ်းဆီးထိန်းသိမ်းခံထားရဆဲ ဖြစ်ကြောင်း သိရသည်။

စစ်ကြောရေးနှင့် အကျဉ်းထောင်များအတွင်း ညှင်းပန်းနှိပ်စက်ခံရမှု၊ ဆေးကုသခွင့် ပိတ်ပင်ခံရမှုတို့ကြောင့် မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင် အပါအဝင် တိုင်းဒေသကြီး လွှတ်တော်ကိုယ်စားလှယ် ၄ ဦး ဖမ်းဆီးခံထားရစဉ် သေဆုံးခဲ့ရသလို ၂၀၂၂ ခုနှစ်အတွင်း မွန်ပြည်နယ်မှ လွှတ်တော်ကိုယ်စားလှယ် ဦးကျော်မျိုးမင်းမှာလည်း ရက်စက်စွာ သတ်ဖြတ်ခြင်း ခံခဲ့ရသည်။

ထို့ပြင် လက်ရှိတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် ပြည်ထောင်စုလွှတ်တော်ကိုယ်စားလှယ် ၁၇ ဦးနှင့် တိုင်း/ပြည်နယ် လွှတ်တော်ကိုယ်စားလှယ် ၃၃ ဦးတို့ ဆက်လက် ဖမ်းဆီးထိန်းသိမ်းခံထားရဆဲ ဖြစ်သည်။ နေရပ်စွန့်ခွာ တိမ်းရှောင်နေရသည့် လွှတ်တော်ကိုယ်စားလှယ်များအနက် ၃၄ ဦးမှာ လုံလောက်သော ဆေးကုသမှု မရရှိဘဲ သေဆုံးခဲ့ရကာ ယင်းအနက် ၇ ဦးမှာ ၂၀၂၆ ခုနှစ်အတွင်း သေဆုံးခဲ့ရခြင်းဖြစ်ကြောင်း CRPH ၏ ထုတ်ပြန်ချက်တွင် ဖော်ပြထားသည်။

ယင်းသို့သော အသက်အန္တရာယ် ခြိမ်းခြောက်မှုများနှင့် ဖိနှိပ်မှုများကြားမှ ၂၀၂၀ ပြည့်နှစ် အထွေထွေရွေးကောက်ပွဲတွင် ရွေးကောက်ခံခဲ့ရသည့် လွှတ်တော်ကိုယ်စားလှယ်များသည် ပြည်သူ့အုပ်ချုပ်ရေး ယန္တရားများနှင့် လူသားချင်းစာနာမှု ကူညီရေးလုပ်ငန်းများကို ထမ်းဆောင်လျက်ရှိသည်။ ထို့ပြင် အနာဂတ် ဖက်ဒရယ်ဒီမိုကရေစီ ပြည်ထောင်စု ပေါ်ထွန်းရေး ဦးဆောင်ကောင်စီ (SCEF) မှတစ်ဆင့် တော်လှန်ရေး အင်အားစုအသီးသီးနှင့် ပူးပေါင်းဆောင်ရွက်လျက် ရှိသည်ဟု ဆိုသည်။

နိုင်ငံတကာပါလီမန်များအဖွဲ့ (IPU) ၏ (၂၁၆) ကြိမ်မြောက် အမှုဆောင်ကောင်စီ အစည်းအဝေး ဆုံးဖြတ်ချက်အတိုင်း IPU အဖွဲ့ဝင် လွှတ်တော်များအနေဖြင့် မြန်မာနိုင်ငံ၏ တရားဝင် ရွေးကောက်ခံ ကိုယ်စားလှယ်များနှင့်အတူ ဆက်လက်ရပ်တည်ပေးရန်လည်း CRPH က တောင်းဆိုထားသည်။

မြန်မာနိုင်ငံအတွင်း စစ်အုပ်စု၏ အကြမ်းဖက်မှုများနှင့် လူ့အခွင့်အရေး ချိုးဖောက်နေမှုများ အမြန်ဆုံး အဆုံးသတ်နိုင်ရေး၊ စစ်မှန်သော ဒီမိုကရေစီ ပြန်လည်ဖော်ဆောင်နိုင်ရေးတို့အတွက် အာဆီယံနှင့် ကုလသမဂ္ဂ အပါအဝင် နိုင်ငံတကာအသိုက်အဝန်းအနေဖြင့် ထိရောက်သော လက်တွေ့ကျအကူအညီများ ပံ့ပိုးပေးရန် CRPH က ထပ်လောင်း တိုက်တွန်းထားသည်။

50 NLD Lawmakers Including Daw Aung San Suu Kyi Remain Detained, CRPH Reports

August 26, 2026

The Committee Representing Pyidaungsu Hluttaw (CRPH) issued a statement on August 25 highlighting that the military junta continues to commit systematic atrocities—including arbitrary arrests, forced conscription, and targeted airstrikes against civilian areas—in an attempt to retain its illegal hold on power.

According to the latest figures from the Assistance Association for Political Prisoners (AAPP), over 8,300 civilians have been killed and more than 14,700 remain in detention since the 2021 coup.

Due to severe torture and deliberate denial of adequate medical treatment in interrogation centers and prisons, four regional lawmakers—including former Mandalay Region Chief Minister Dr. Zaw Myint Maung—died while in custody. Furthermore, Mon State MP U Kyaw Myo Min was brutally murdered in 2022.
Currently, 17 Union-level MPs and 33 State/Regional MPs—including State Counsellor Daw Aung San Suu Kyi—remain detained by the junta. Additionally, 34 displaced lawmakers have died due to a lack of sufficient medical treatment, with 7 of these deaths occurring within 2026.

Despite these grave threats and continuous repression, lawmakers democratically elected in the 2020 general elections continue to carry out their duties, supporting local public administration and humanitarian relief efforts. They are also collaborating with various anti-dictatorship forces through the Steering Council for the Emergence of a Federal Democratic Union (SCEF) to build a future federal democratic nation.
The CRPH reiterated its call for member parliaments of the Inter-Parliamentary Union (IPU) to continue standing with Myanmar’s legitimately elected representatives, in line with the decision made during the IPU's 216th Governing Committee session.

Finally, the CRPH urged the international community, including ASEAN and the United Nations, to provide effective and practical assistance to end the junta’s ongoing violence and human rights violations, and to help restore genuine democracy and sustainable peace in Myanmar.

25/08/2026

အန်တီနန်း အမြန်ဆုံး လွတ်မြောက်ပါစေ

အမျိုးသားဒီမိုကရေစီအဖွဲ့ချုပ် အစိုးရ သက်တမ်းအတွင်း အမျိုးသမီးဝန်ကြီးချုပ်တစ်ဦးဖြစ်တဲ့ အန်တီနန်းဟာ လက်ရှိ ဘားအံ၊ တောင်ကလေး အကျဉ်းထောင်မှာ ပုဒ်မ (၅) ခုနဲ့ ထောင်ဒဏ်နှစ် (၇၇) ချမှတ်ခံထားရပါတယ်။ လက်ရှိမှာ ဝန်ကြီးချုပ် အန်တီနန်းဟာ အသက် (၇၂) နှစ်ရှိပြီဖြစ်ပါတယ်။

လက်ရှိအချိန်ထိ နိုင်ငံတစ်ဝှမ်းမှာ စစ်အုပ်စုရဲ့ မတရားဖမ်းဆီးခံထားရတဲ့ နိုင်ငံခေါင်းဆောင်တွေနဲ့ ပြည်သူ (၁၅,၀၀၀) ခန့် ကျန်ရှိနေပါသေးတယ်။

အမေစုက "နန်း" လို့ ခေါ်တဲ့ "နန်း" အမြန်ဆုံး လွှတ်မြောက်ပါစေ 🙏🙏🙏

24/08/2026

မြန်မာနိုင်ငံသည် ဒေါ်အောင်ဆန်းစုကြည်ကို ကျော်လွန်၍ မသွားနိုင်သေး
ရေးသူ - ရာဂျစ် ဘာတီယာ (Rajiv Bhatia)

ကြာရှည်စွာ ဖမ်းဆီးထိန်းသိမ်းခံထားရသည့် ဒီမိုကရေစီပြယုဂ် ဒေါ်အောင်ဆန်းစုကြည်နှင့် အပြည်ပြည်ဆိုင်ရာ ကြက်ခြေနီကော်မတီ (ICRC) ၏ မြန်မာနိုင်ငံဆိုင်ရာ ဌာနေကိုယ်စားလှယ် အာနိုးဒီဘက်ခ် (Arnaud de Baecque) တို့ တွေ့ဆုံခဲ့မှုသည် မြန်မာ့နိုင်ငံရေး၏ အရေးကြီးသော အစိတ်အပိုင်းတစ်ခုကို ပြန်လည်မီးမောင်းထိုးပြလိုက်ခြင်း ဖြစ်ပါသည်။
အဆိုပါတွေ့ဆုံမှုကို စစ်အုပ်ချုပ်ရေးအဖွဲ့၏ တရားဝင်ခွင့်ပြုချက်ဖြင့် နေပြည်တော်၌ ပြုလုပ်ခဲ့ခြင်းဖြစ်သည်။ စစ်ကောင်စီဘက်မှ ဤသို့တွေ့ဆုံခွင့်ပေးခဲ့ခြင်းတွင် ရည်ရွယ်ချက်နှစ်ခု ရှိပုံရပါသည်။

၁။ ဒေါ်အောင်ဆန်းစုကြည်၏ သားဖြစ်သူ ကင်မ်အဲရစ် (Kim Aris) နှင့် နိုင်ငံတကာထောက်ခံသူများက တောင်းဆိုနေသည့် ကျန်းမာရေးနှင့် သက်ရှိထင်ရှားရှိမှု အခြေအနေကို ပြသရန်။

၂။ အဓိက အဆုံးအဖြတ်ပေးနိုင်သော အာဏာသည် စစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင် လက်ထဲတွင်သာ ရှိနေသေးကြောင်း မိတ်ဆွေရော ရန်သူများကိုပါ သိစေချင်သည့် ရည်ရွယ်ချက်ဖြစ်ပါသည်။

မျှော်လင့်ထားသည့်အတိုင်းပင် သားဖြစ်သူ ကင်မ်အဲရစ်က ဤတွေ့ဆုံမှုကို "အရေးကြီးသည့် ပထမခြေလှမ်း" အဖြစ် ကြိုဆိုခဲ့သည်။

အသက် ၈၁ နှစ်အရွယ်ရှိပြီဖြစ်သော ဒေါ်အောင်ဆန်းစုကြည်သည် ၂၀၂၁ ခုနှစ် ဖေဖော်ဝါရီလ စစ်အာဏာသိမ်းချိန်မှစ၍ ထိန်းသိမ်းခံထားရပြီး လုပ်ကြံဖန်တီးထားသည့် ပြစ်မှုများဖြင့် ထောင်ဒဏ် ၂၇ နှစ် ပြစ်ဒဏ်ကျခံနေရသည်။ စစ်ကောင်စီသည် ၎င်းတို့၏ တရားဝင်မှုကို ပြန်လည်တည်ဆောက်ရန်နှင့် နိုင်ငံတကာ ဖိအားများကို လျှော့ချရန်အတွက် ဒေါ်အောင်ဆန်းစုကြည်ကို အသုံးချရန် အကြိမ်ကြိမ် ကြိုးပမ်းခဲ့သည်။

စစ်ကောင်စီအနေဖြင့် ရွေးကောက်ပွဲကျင်းပရေး ပြင်ဆင်နေချိန်တွင် ဒေါ်အောင်ဆန်းစုကြည်၏ အခန်းကဏ္ဍသည် ပိုမိုအရေးပါလာသည်။ စစ်ကောင်စီက ပြုလုပ်ရန် စီစဉ်နေသည့် ရွေးကောက်ပွဲကို အတိုက်အခံ နွေဦးတော်လှန်ရေး အင်အားစုများ၊ အမျိုးသားညီညွတ်ရေးအစိုးရ (NUG) နှင့် တိုင်းရင်းသား လက်နက်ကိုင် အဖွဲ့အစည်းများ (EROs) က တရားမဝင် ကြံစည်မှုအဖြစ် ပယ်ချထားကြသည်။ သို့သော်လည်း စစ်အုပ်စုအတွက် ဒေါ်အောင်ဆန်းစုကြည်၏ သဘောထား သို့မဟုတ် ၎င်း၏ ပါဝင်ပတ်သက်မှု ရရှိရေးသည် ၎င်းတို့၏ ရွေးကောက်ပွဲအခင်းအကျင်းကို တရားဝင်မှုအထိုက်အလျောက် ပေးနိုင်မည်ဟု တွက်ဆထားဟန် တူသည်။

အခြားတစ်ဖက်တွင်လည်း ၂၀၂၁ နောက်ပိုင်း ပေါ်ပေါက်လာသည့် နွေဦးတော်လှန်ရေးနှင့် လက်နက်ကိုင် တိုက်ပွဲများသည် ဒေါ်အောင်ဆန်းစုကြည်၏ အကြမ်းမဖက် လမ်းစဉ်ထက် ကျော်လွန်၍ ဗျူဟာမြောက် ပြောင်းလဲသွားခဲ့ပြီဖြစ်သည်။ လူငယ်မျိုးဆက်သစ်များ၊ PDF တပ်ဖွဲ့များနှင့် တိုင်းရင်းသားအဖွဲ့များသည် စစ်အာဏာရှင်စနစ်ကို အမြစ်ပြတ်ချေမှုန်းရေးနှင့် ဖက်ဒရယ်ဒီမိုကရေစီ ပြည်ထောင်စု တည်ဆောက်ရေးကိုသာ တိုက်ရိုက်ဦးတည် ဆောင်ရွက်နေကြသည်။

သို့သော်လည်း ဒေါ်အောင်ဆန်းစုကြည်သည် မြန်မာပြည်သူအများစု၏ ရင်ထဲတွင် တည်ရှိနေဆဲဖြစ်သော သြဇာနှင့် ပြယုဂ်တစ်ခုအဖြစ် ဆက်လက်တည်ရှိနေဆဲဖြစ်သည်။ စစ်ကောင်စီဖြစ်စေ၊ အတိုက်အခံ အင်အားစုများဖြစ်စေ၊ သို့မဟုတ် အိန္ဒိယ၊ တရုတ်၊ အာဆီယံအပါအဝင် အိမ်နီးချင်း နိုင်ငံတကာအသိုင်းအဝိုင်းဖြစ်စေ မြန်မာ့နိုင်ငံရေးအကျပ်အတည်း၏ ထွက်ပေါက်ကို ရှာဖွေရာတွင် ဒေါ်အောင်ဆန်းစုကြည်၏ အခန်းကဏ္ဍကို ပယ်ထုတ်၍ မရနိုင်သေးကြောင်း တွေ့ရှိရသည်။

ဒေါ်အောင်ဆန်းစုကြည်၏ လက်ရှိအခြေအနေကို ဘင်္ဂလားဒေ့ရှ် ဝန်ကြီးချုပ်ဟောင်း ရှိတ်ခ် ဟာဆီနာ၏ အခြေအနေနှင့် နှိုင်းယှဉ်ကြည့်လျှင်လည်း စိတ်ဝင်စားဖွယ်ကောင်းသည်။ ရှိတ်ခ် ဟာဆီနာသည် ပြည်ပသို့ ထွက်ပြေးလှုပ်ရှားခဲ့သော်လည်း ဒေါ်အောင်ဆန်းစုကြည်ကတော့ ပြည်ပတွင် ခိုလှုံခွင့်ရမည့် လုံခြုံမှုနှင့် သက်သောင့်သက်သာရှိမှုများထက် အကျဉ်းချခံရမှုနှင့် ကိုယ်ပိုင်အခက်အခဲများကိုပဲ ရွေးချယ်ခဲ့သည်။ ၎င်း၏ ရှင်းလင်းသည့် သတင်းစကားမှာ သူသည် ပြည်သူများနှင့် သူ၏ ခံယူချက်များအတွက်သာ အသက်ရှင်ပြီး ဘဝကို ကုန်ဆုံးသွားမည်ဆိုသည့် အချက်ပင် ဖြစ်သည်။

ဒေါ်အောင်ဆန်းစုကြည်၏ ရှေ့ဆက်ဖြစ်လာမည့် အခြေအနေသည် မြန်မာနိုင်ငံသားတိုင်းအတွက် အရေးကြီးသကဲ့သို့ ကမ္ဘာတဝန်းမှ ဒီမိုကရေစီကို ယုံကြည်သူတိုင်းအတွက်လည်း အရေးကြီးပါသည်။ ထိုအချက်တွင်ပင် ၎င်း၏ မွေးရာပါ ထင်ရှားလှသော အရေးပါမှုသည် တည်ရှိနေခြင်း ဖြစ်ပါသည်။

(စာရေးသူ ရာဂျစ် ဘာတီယာ (Rajiv Bhatia) သည် Gateway House ၏ ဂုဏ်ထူးဆောင် သုတေသီတစ်ဦးဖြစ်ပြီး၊ မြန်မာနိုင်ငံဆိုင်ရာ အိန္ဒိယသံအမတ်ဟောင်းနှင့် 'India-Myanmar Relations: Changing Contours' စာအုပ်၏ စာရေးဆရာ ဖြစ်ပါသည်။)
Photo: Città di Parma

23/08/2026

အနာဂတ်မှာ ကျွန်မတို့နိုင်ငံကို ဘယ်လိုပုံစံမျိုးနဲ့ လက်ဆင့်ကမ်း အမွေပေးခဲ့မယ်ဆိုတာ အင်မတန်မှ အရေးကြီးပါတယ်

အမေ အမြန်ဆုံး လွတ်မြောက်ပါစေ 🙏🙏🙏

23/08/2026

တရားဝင်အစိုးရအဖြစ် အသိအမှတ်ပြုခြင်းနှင့် သံအမတ်ကြီးခန့်အပ်လွှာအပ်နှင်းခြင်း ✅

ဒီလို သံတမန်ခန့်အပ်လွှာအပ်နှင်းခြင်းဟာ ၂၀၁၁ - ၂၀၂၀ ကာလ အစိုးရ နှစ်ဆက်စလုံးမှာ အကြိမ်များစွာ တွေ့ဖူးကြမှာပါ။ ဒါပေမယ့် ၂၀၂၁ ခုနှစ်နောက်ပိုင်း အာဏာသိမ်းစစ်အစိုးရထံကိုရော ယူနီဖောင်းပြောင်းဝတ်ထားတဲ့ စစ်အစိုးရထံကိုရော လက်ဆယ်ချောင်းဝန်းကျင်သော သံအမတ်ခန့်အပ်လွှာကို နေပြည်တော်ထံကို သွားပေးဖူးပါတယ်။

အချို့နိုင်ငံတွေက သံအမတ်ခန့်အပ်လွှာကို တရားဝင်အစိုးရထံမှာပဲ ပေးလိုတာကြောင့် လက်ရှိသံအမတ်ကြီးတွေပဲ ဆက်လက်ခန့်ထားတာရှိသလို များစွာသော နိုင်ငံများက အာဏာသိမ်းစစ်ခေါင်းဆောင်ထံ ခန့်အပ်လွှာပေးရမှာကို မနှစ်မြို့တဲ့အတွက်၊ တရားဝင်အသိအမှတ်မပြုလိုခြင်းအတွက် သံရုံးယာယီတာဝန်ခံအနေနဲ့ ထားရှိပါတော့တယ်။

နှစ်သစ်ကူးနေ့တွေ၊ အခါကြီးနေ့တွေမှာ သံရုံးယာယီတာဝန်ခံဆိုပြီး စကားပြောကြတာတွေ့မှာပါ။ ဒီကနေ့အချိန်အထိ များစွာသော နိုင်ငံတွေက မြန်မာပြည်သူတွေအတွက် သံတမန်နည်းအရ လုပ်ပေးနိုင်တာတွေကို လုပ်ပေးနေတုန်းဖြစ်ပါတယ်။ သူတို့နိုင်ငံအကျိုးစီးပွားကိုလည်း ထည့်တွက်နေကြရတာလည်း သဘာဝပဲ ဖြစ်ပါတယ်။ ဒါပေမယ့် အာဏာသိမ်း စစ်ခေါင်းဆောင်ကို တရားဝင်မှု မပေးလိုခြင်းကြောင့် ဒီကနေ့အချိန်အထိ တရားဝင် အစိုးရမဟုတ်ကြောင်း သံတမန်နည်းအရ သိစေနေဆဲ ဖြစ်ပါတယ်။

ကမ္ဘာကြီးက ဘာမှ မကူညီကြဘူးဆိုပြီး အပြစ်တင်နေကြတာတွေလည်း ရှိကြပါတယ်။ ဒါပေမယ့် ကိုယ့်နိုင်ငံအရေး၊ ကိုယ်တွေက ပို၍ အားစိုက်ကြရမှာ၊ အားထုတ်ကြရမှာ ဖြစ်တယ်။ တစ်ချို့သော သူများဟာ အဲလို နိုင်ငံတွေလောက်ကို အားမထည့်ကြသလို စိတ်ပင်မဝင်စားကြတာလည်း အရှိတရားပဲ ဖြစ်ပါတယ်။

ဒါကြောင့် ဒီနိုင်ငံ၊ ဒီလူထု တစ်သက်လုံး စစ်ကျွန်ဘဝ မရောက်စေဖို့က နိုင်ငံသားတိုင်းက အနာဂတ်တိုင်းပြည်နဲ့ လူမျိုးဘဝ ကောင်းစားရေးကို အလေးပေး စဉ်းစားပြီး အားထည့်ကြဖို့ လိုပါတယ်။ ဒီတစ်ချိန်သာ အနိုင်ပိုင်းနိုင်သွားခဲ့ရင် သားစဉ်မြေးဆက်ဟာ မတွေးဝံ့စရာ အခြေအနေနဲ့ ကြီးပြင်းရမယ်။ ၂၀၁၁ မတိုင်ခင် ကာလတွေလို စားဖို့၊ နေဖို့ ကို ဆင်းရဲစွာ၊ ပင်ပန်းကြီးစွာ ကြိုးစားရတော့မယ်။

နောက်မျိုးဆက်ဟာ လွတ်လွတ်လပ်လပ် နေနိုင်ရမယ်၊ ရွေးချယ်စရာအခွင့်အရေးတွေ အများကြီးကြားမှာ ရှင်သန်စေရမယ်၊ ဒီနိုင်ငံထဲတင်မဟုတ် ဒေသတွင်းနဲ့ ကမ္ဘာကြီးမှာပါ ငါတို့လူမျိုးတွေ မညံ့ကြောင်း လုပ်ပြနိုင်စေရမယ်။

ဒါတွေက စစ်အာဏာရှင်စနစ်ဆိုးက အဆုံးသတ်နိုင်မှ ရမယ့် အခွင့်အရေးပါ။ ဒီနိုင်ငံက နိုင်ငံသားတိုင်းအတွက် လုံလောက်တဲ့ အရင်းအမြစ်များစွာ ပေးစွမ်းနေနိုင်ဆဲ ဖြစ်ပါတယ်။ ဒီအရင်းအမြစ်တွေဟာ အမျိုးသားရေးစိတ်ဓာတ်ကင်းမဲ့တဲ့ အာဏာရှင်လူတစ်စုက ပိတ်ပင်ထားနေလို့ပဲ ဖြစ်ပါတယ်။

ဒါကြောင့် ကျွန်တော်တို့ နိုင်မှ ရပါမယ်။ ဘယ်သူ အာဏာပြန်ရရေး မဟုတ်ပါ။ ဒီနိုင်ငံနဲ့ ဒီလူမျိုးတွေရဲ့ အခွင့်အရေးတွေ အပြည့်အဝ ရရှိစေဖို့၊ ကြီးပွားစေဖို့၊ တိုးတက်စေဖို့ပါ။

စစ်တပ် အနိုင်ရသွားတာမဟုတ်သေးပါဘူး။ ကျွန်တော်တို့ ရှုံးနိမ့်သွားတာ မဟုတ်သေးပါဘူး။ ညီညီညွတ်ညွတ်နဲ့ အားပြန်ရုန်းထရင် လိုချင်တဲ့ အနာဂတ်က မြန်မြန်ဆန်ဆန် ပြန်ရနိုင်ပါတယ်။

ပိတ်ပင်ခံထားရတဲ့ အခွင့်အရေးတွေအတွက်၊ လူတစ်စုက လက်နက်အားကိုးနဲ့ လုပ်ချင်သလို လုပ်ခွင့်ရှိတဲ့ အခြေအနေကို အဆုံးသတ်ဖို့အတွက် ဆက်လျှောက်ကြပါစို့သာ ✊✊✊

22/08/2026

ကမ္ဘာ့စီးပွားရေးဖိုရမ်ကို ၂၀၁၂ ခုနှစ်ကနေ ကိုဗစ်မဖြစ်ခင်အထိ ပင်တိုင်စံ ဆွေးနွေးသူ (Speaker) အဖြစ် အမေစုက ပါဝင်ခွင့်ရခဲ့ပါတယ်။

ပွဲတိုင်းမှာ စားပွဲဝိုင်းဆွေးနွေးမှုတွေပြီးတိုင်းမှာလည်း အမေး/အဖြေ ကဏ္ဍကိုလည်း အမြဲတမ်း ထည့်ပေးရတဲ့ ကမ္ဘာက အာရုံအစိုက်ခံရဆုံး ခေါင်းဆောင်ပါ။

မြန်မာ့အရေးကိုသာမက ကမ္ဘာ့အရေးတွေအထိ မတူတဲ့ အတွေးအခေါ် ၊ အယူအဆတွေကြောင့် ဖိုရမ်ကျင်းပတဲ့ အဖွဲအစည်းက နှစ်စဉ်ဖိတ်ခဲ့သလို မေးခွန်းမေးသူပေါင်းများစွာကလည်း နှစ်စဉ် တက်ရောက်ခဲ့ကြပါတယ်။

ဒီလိုခေါင်းဆောင်မျိုးသာ အနှစ် (၂၀) ဆက်တိုက် အုပ်ချုပ်ခွင့်ရခဲ့ရင် အမေပြောသလို စင်ကာပူကို ကျော်နိုင်ခဲ့ရင် ကျော်နိုင်ခဲ့မှာပါ။

ဒီလိုခေါင်းဆောင်ကို မတရားသဖြင့် ဖမ်းဆီးထားတဲ့အပြင် နိုင်ငံနဲ့ လူမျိုးအတွက်လည်း ဘာအကျိုးကျေးဇူး၊ မျှော်လင့်ချက်မှ လုပ်ပေးနိုင်တာလည်း မရှိ။ တကယ်ပဲ လူမျိုးကို တုံး, အ နေအောင် လုပ်နေတာပါ။
အခုတော့ ကုန်းတွင်းပိတ်နိုင်ငံ လာအိုကတောင် ကျော်တက်သွားနေပါပြီ 💔💔💔

PHOTO: World Economic Forum

22/08/2026

အမေစု ကျန်းမာပါစေ ❤️❤️❤️

21/08/2026

လူထုခေါင်းဆောင် အမြန်ဆုံး လွှတ်မှ ရပါမယ် ✅

ဟိုဘက်ရပ်ကွက်ကတော့ တရုတ်၊ ရှရှား၊ အိန္ဒိယလို အင်အားကြီး နိုင်ငံတွေက အသိအမှတ်ပြုလို့ အာဏာသိမ်းစစ်ခေါင်းဆောင်ဟာ တရားဝင်သမ္မတ ဖြစ်ပြီလို့ လက်ခမောင်းခတ် ကြွေးကြော်ပျော်နေကြပါတယ်။

ခက်တာက နိုင်ငံတစ်နိုင်ငံရဲ့ တရားဝင်အစိုးရဆိုတာ ကမ္ဘာလုံးဆိုင်ရာ အဖွဲ့အစည်းဖြစ်တဲ့ ကုလ၊ ဒေသတွင်းအဖွဲ့အစည်းဖြစ်တဲ့ အာဆီယံ နဲ့ အခြားသော နိုင်ငံတကာအစည်းအဝေးတွေမှာ မြန်မာနိုင်ငံရဲ့ သမ္မတအဖြစ် တက်ရောက်ခွင့်ရှိမှ တရားဝင်အစိုးရအကြီးအကဲ ဖြစ်မှာပါ။ အခုထိလည်း ဒေသတွင်းရော၊ နိုင်ငံတကာမှာပါ ကိုယ်စားပြုခွင့်မရှိသေးပါဘူး။

အရေးအကြီးဆုံးကတော့ တရားဝင်အစိုးရဖြစ်ရုံနဲ့လည်း လက်ရှိ နိုင်ငံနဲ့ ပြည်သူကြုံတွေ့နေရတဲ့ ဒုက္ခဆင်းရဲကို ရေနဲ့ မန်းသလို ပပျောက်သွားအောင် လုပ်နိုင်တာ မဟုတ်ပါဘူး။

လက်ရှိ ငွေကြေားဖောင်းပွမှုနည်းဟာ ၁၅- ၃၀ ရာခိုင်နှုန်းအထိ ရောက်နေပြီဖြစ်တယ်။ ဟိုးအရင် ၅၀ ကျော်ထိကို ကမ္ဘာ့စံချိန်တင်ခဲ့တဲ့ကာလတွေလည်း ၂၀၁၁ မတိုင်ခင်ကာလတွေမှာ ဖြတ်ကျော်ခဲ့ရပါသေးတယ်။ လက်ရှိ ကျောင်းဆရာမ တစ်ဦးရဲ့လစာ၊ အပြင် သာမာန်ဝန်ထမ်းတစ်ဦးရဲ့လစာ မဆိုထားနဲ့ အရာရှိအဆင့် လစာနဲ့တောင် ဒီနေ့ခေတ်မှာ အခြားသော တိုးတက်ရေး၊ ငွေကြေးစုဆောင်းဖို့၊ အခြား လုပ်ငန်းတစ်ခုလုပ်ဖို့ မပြောနဲ့ ပုံမှန်စားနိုင်ဖို့ကို တကယ်မလွယ်တဲ့ အနေအထားရောက်နေပြီဖြစ်ပါတယ်။ ဆီတစ်ပိဿာ ဘယ်လောက်လဲ? ဆန်တစ်အိတ် ဘယ်လောက်ဖြစ်နေပြီလဲ?

လက်ရှိ အနေအထားဟာ NLD ထောက်ခံတဲ့ သူတွေပဲ ခံကြရတာမဟုတ်ပါ။ အလွှာပေါင်းစုံ၊ နေရာပေါင်းစုံ ခံနေကြတာကိုလည်း လူပီသစွာ အရှိတရားကို လက်ခံကြဖို့လိုပါတယ်။ ငါတို့ဘက်က နိုင်ဖို့ပဲ တွေးနေရုံနဲ့ စစ်ခေါင်းဆောင်က စားဖို့၊ နေဖို့ လာပေးမှာလည်း မဟုတ်ပါဘူး။

(၆) နှစ်ထဲကို တင်းတင်းရောက်လာခဲ့ပြီ။ နေပြည်တော်က လွှတ်တော်ဟာလည်း လက်ရှိ စစ်အစိုးရကို ထိန်းကျောင်းဖို့နေနေသာသာ လက်ရှိပေးထားတဲ့နေရာ၊ အခင်းအကျင်းကို လက်မလွတ်ရဖို့ပဲ ကြိုးစားနေရတာပါ။ ဒေသတွင်းနဲ့ နိုင်ငံတကာအခင်းအကျင်းမှာလည်း အခုထိ ကိုယ်စားပြုခွင့်ကလည်း ရနေသေးပါဘူး။

တစ်ကမ္ဘာလုံးက ကောင်းချီးပေးပြီး ပိတ်ဆို့မှုတွေ ကင်းလွတ်ခွင့်တွေပြု၊ ဖွံ့ဖြိုးရေးအကူအညီတွေ၊ ချေးငွေတွေ အများကြီးရတဲ့ ၂၀၁၁ ဦးသိန်းစိန် အခင်းအကျင်းဟာ လူထုခေါင်းဆောင်ကို လွှတ်ပေးပြီး၊ ဒီမိုကရေစီလမ်းကြောင်းကို လျှောက်လှမ်းပါမယ်လို့ ကမ္ဘာကို ကတိကဝတ်ပြုပြီးမှသာ ရခဲ့တဲ့ အခွင့်အရေးပါ။

နိုင်ငံတကာက အသိအမှတ်ပြုမှု၊ ကူညီမှုမရှိရင်လည်း ဂရုမစိုက်ဘူးဆိုပြီး မိုက်ရူးရဲဆန်ဆန် ပြောနေကြ၊ ငြင်းနေကြပေမယ့် လက်ရှိ အခွံပဲ ရှိတဲ့တိုင်းပြည်၊ ဘက်ပေါင်းစုံက ပျက်စီးမှုတွေများနေတဲ့ တိုင်းပြည်ဟာ ဒီလောက် လွယ်လွယ်နဲ့ ကျော်လွှားနိုင်တယ်ဆိုရင် လက်ရှိ စစ်ခေါင်းဆောင်ကို ကမ္ဘာမှာ ရှိသမျှ စီးပွားရေး၊ ခေါင်းဆောင်မှု ဆိုင်ရာ ဆုတံဆိပ်တွေ အပုံအပင် လာပေးကြမှာပါ။

ဒါက တစ်သက်လုံး မဖြစ်နိုင်ပါ။ ကိုယ့် လက်ရှိကြုံနေရတဲ့ အနေအထား၊ ဖြတ်သန်းနေရတဲ့ ဘဝကို အမှန်အတိုင်းတွေးပြီး နောက် ၃ နှစ်ထိတိုင် ဒီပြဿနာထဲက မကျော်လွှားနိုင်ဘူးဆိုရင် ဆိုတဲ့ ဆန်းစစ်မှုကို ရဲရဲဝံ့ဝံ့ လုပ်ကြည့်ကြပါ။ ဒီအာဏာသိမ်းမှုနဲ့ လူထုခေါင်းဆောင်ကို နိုင်ငံရေးမှာ ပါဝင်ခွင့် ပိတ်လိုက်ခြင်းဟာ ဘယ်သူ့အတွက် အကျိုးတွေ ရှိနေသလဲ? ငါတို့ရဲ့ အရင်က ရခဲ့ဖူးတဲ့ ခံစားခွင့်၊ အခွင့်အရေးတွေ ရှိနေသးလား တွေးကြည့်စေချင်ပါတယ်။

လူထုခေါင်းဆောင်ဟာ သူ့ အသက်အရွယ်နဲ့ အလွန်ဆုံးနေရရင်တောင် ၁၀ - ၁၅ နှစ်ဟာ သူမရဲ့ လက်ကျန်အချိန်ပါ။ သူမအတွက် ဘာကမှ အရေးမကြီးခဲ့သလို ဘာမှလည်း အရေးကြီးတော့မှာ မဟုတ်ပါ။ သူချစ်တဲ့ တိုင်းပြည်၊ ပြည်သူတွေအတွက်ပဲ စိတ်ထိခိုက်နေမှာပါ။

ဒါပေမယ့် စုတ်ပြတ်နေတဲ့ တိုင်းပြည်၊ အမှောင်ဖုံးနေတဲ့ အခင်းအကျင်း၊ မျှော်လင့်ချက်မဲ့နေတဲ့ ပြည်သူတွေအတွက်ကတော့ အများကြီး သက်ရောက်မှု ကြီးပါတယ်။ အနာဂတ်မျိုးဆက်သစ်တွေအတွက်ကတော့ တို့ဗမာဟာ သခင်မျိုးဆိုတဲ့ ဘဝကို ပုံပြင်လို့ပဲ ကြားနိုင်တော့မှာ ဖြစ်တယ်။
ပြည်သူဆိုတာ ၊ အနာဂတ်မျိုးဆက်ဆိုတာ အနီ၊ အစိမ်း၊ အခြား အရောင်တွေပါဆိုတဲ့ လူတန်းစားအားလုံးကို သက်ရောက်မှာပါ။ ဘယ်သူမှ ချန်ထားမှာမဟုတ်ပါဘူး။

အချိန်တွေ အများကြီး၊ ငွေကြေးတွေ အများကြီး၊ အသက်တွေ အများကြီး၊ ဘဝတွေ အများကြီး ပေးဆပ်ခဲ့ပြီးကြပြီ။ ကုန်ဆုံးခဲ့ရပြီးပြီ။ အမြန်ဆုံး အဆုံးသတ်သင့်ပြီ။

အချိန်တွေကြာလေ တိုင်းပြည်လည်း နာ၊ ပြည်သူလည်း ဒုက္ခတောထဲက မထွက်နိုင်အခြေအနေကို ရောက်ရတော့မှာပါ။ ပြည်သူတွေ ဒုက္ခဆင်းရဲကို ကောဇောနီပေါ် လမ်းလျှောက်ရရုံ၊ နိုင်ငံတော်သမ္မတလို့ အမည်ခံရရုံနဲ့ ချနင်းနေတာဟာလည်း တကယ်ကို အမျိုးသားရေးစိတ်ကင်းမဲ့မှုပါ။ တကယ့် တိုင်းပြည်ခေါင်းဆောင် ဖြစ်ချင်ရင် လီကွမ်ယုတို့လို့ လုပ်ပြသွားလိုက်ပါ။ မဟုတ်ရင် ဆင်းပေးလိုက်ပါ။

ဒီအခြေအနေကို အဆုံးသတ်နိုင်တဲ့၊ ဒီအခြေအနေက ကောင်းတဲ့ အနာဂတ်ဆီ ခေါ်သွားနိုင်မယ့် တစ်ဦးတည်းသော လူထုခေါင်းဆောင်ဟာ အမြန်ဆုံး လွှတ်ပေးသင့်ပါပြီ။

နိုင်ငံနဲ့ ပြည်သူဟာ လူတစ်စုအတွက် ကျေးကျွန်မဟုတ်ပါ။

20/08/2026

တရားဝင်နိုင်ငံရေးရာထူး မရှိချိန်ကတည်းက ကမ္ဘာတစ်ဝှမ်းမှာရှိတဲ့ ဘုရင်မ၊ ဘုရင်၊ သမ္မတ၊ ဝန်ကြီးချုပ်တွေက လက်ခံတွေ့ဆုံစကားပြောရတဲ့ မြန်မာ့ခေါင်းဆောင် ❤❤❤

ပြည်သူတွေကို နွေးထွေးစေတဲ့ ခေါင်းဆောင်၊ မျက်နှာ မငယ်ရစေတဲ့ ခေါင်းဆောင် အမေစု ကျန်းမာပါစေ။ ပြည်သူတွေလည်း နေ့စဉ်နဲ့အမျှ ကြုံနေရတဲ့ ဘေးဒုက္ခပေါင်းစုံကနေ အမြန်ကင်းလွတ်ကြရပါစေ။

Photo: Internet

Burma Info

27/08/2026

26/08/2026

25/08/2026

24/08/2026

23/08/2026

23/08/2026

22/08/2026

22/08/2026

21/08/2026

20/08/2026

ที่อยู่

เว็บไซต์

แจ้งเตือน

ทางลัด

แชร์

ประเภท

คำขอนำรายการออก