08/08/2025
ပညာဘူမိတက္ကသိုလ်
သုတဓမ္မ ဒီပလိုမာ Level (2)
အထောက်အကူပြု
ရတနာအေးချမ်းသာ လေ့ကျင့်ခန်း မေးခွန်း
…………..
(ဓမ္မစာ ကဗျာလေးတွေ ယူကျက်ပြီး
လေ့ကျင့်ခန်းမေးခွန်း တောင်းကြသူများ ရှိလို့
မေးခွန်းလေးတွေ တင်ပေးလိုက်ပါတယ် ခင်များ)
………..
၁။ ။ ""ဓမ္မအသိဖြင့်အကျိုးရှိရှိနေမည်"" ဆိုရာ၌
(က) ဓမ္မအသိ (ခ) ဓမ္မအသိဥာဏ်မျက်စိ ဟူသည်တို့ကို ခွဲခြားဖြေဆို၍ ၊ “လူ” မှန်လျှင် အဘယ်ကြောင့် မျက်စိနှစ်ဘက်ရှိဖို့လိုအပ်ပါသနည်း ? အန္ဓသုတ္တန်လာ မှတ်သားဖွယ်ရာ ဆိုလိုရင်းအဓိပ္ပါယ် အချုပ်ပေါ်လွင်အောင် ဖြေဆိုပါ။
၂။ ။ ဘဝမှာ အကျိုးရှိရှိနေဖို့ဆိုလျှင် မည်သို့ စဉ်းစားရမည်နည်း “အမြဲတမ်းသုံးသပ်ဆင်ခြင်ရမည့်အချက်များ” ကို ဖော်ပြ၍၊ ခါးဝတ်ပုဆိုးကဲ့သို့မြဲရမည့် ငါးပါးသီလကျိုးပျက်ခြင်း၏ ကြီးလေးသောအပြစ်ကိုလည်း ဖော်ပြပါ။
၃။ ။ “စိတ်၏ အတွေးများ” ဆိုရာ၌ အတွေးဟူသည် မည်သည့်အရာကို ခေါ်ပါသနည်း..? ၎င်း၏ မှီရာနှင့်တကွ တွဲဖက်ဖော်ပြ၍၊ အပြစ်ရှိပြီး ဆင်းရဲတဲ့အကျိုးကို ထုတ်လုပ်တတ်သည့် အတွေးများသရုပ်ကို ပါဠိသက်ဝေါဟာရအမည်မျှ ဖော်ပြပါ။
၄။ ။ သင့်စိတ်ထဲတွင် အမုန်းစိတ်ပြင်းထန်လာပြီဆိုလျှင် အဆင့်ဆင့် ပယ်ဖျောက်ရန်အတွက် မြတ်စွာဘုရားက သုတ္တန်တစ်ခုမှာ မည်ကဲ့သို့ နည်းလမ်းပေးထားပါသနည်း..? ဖြေဆို၍ ၊ အရာမဟုတ်တဲ့ သက်မဲ့အပေါ်မှာမုန်းတီးမှုပယ်ဖျောက်နည်းကိုလည်း ဖော်ပြပါ။
၅။ ။ ဥပုသ်စောင့်သုံးရခြင်း၏ ရည်ရွယ်ချက်ကို ဖော်ပြ၍၊ နွားကျောင်းသားပမာဥပုသ်မျိုးစောင့်လျှင် အကျိုးများ / မများ အကြောင်းပြ၍ ဖြေဆိုပါ။
……
တစ်ပုစ္ဆာလျှင် (၁၀)မှတ်
……..
(မနက်ဖန် နောက် (၅)ပုဒ် တင်ပေးပါမယ် ခင်များ။
စာမလုပ်ရသေးသူများ အနေနဲ့ မေးခွန်းများကို
Copy ယူထားနိုင်ပါတယ်)
#ဦးစိန်လင်း
#ရတနာအေးချမ်းသာ fbpage
