20/03/2024
ထိုင်းနိုင်ငံဗီဇာတွေ အကြောင်း သိကောင်းစရာ
𝐓𝐨𝐮𝐫𝐢𝐬𝐭 𝐕𝐢𝐬𝐚 (𝟑လဗီဇာ)
သံရုံးမှ (၃) လသက်တမ်းဗီဇာကို လျောက်ရပါတယ်။
ဗီဇာသက်တမ်း (၃)လ မှာ (၂)လ အပြည့်နေထိုင်ခွင့်ရပြီး ကျန်တဲ့ (၁)လကို ထိုင်း လဝက ရုံးမှာ သက်တမ်းတိုးခ ဘတ် (၁,၉၀၀)ပေးပြီး သက်တမ်း အလွယ်တကူ ပြန်တိုးနိုင်ပါတယ်။
𝐄𝐝𝐮𝐜𝐚𝐭𝐢𝐨𝐧 𝐕𝐢𝐬𝐚
အသက် (၅၀) အောက်ရှိသူများအတွက် ထိုင်းမှာ အရင်ဆုံး ကြာကြာနေရဖို့ ဒီဗီဇာအမျိူးအစားက အသင့်တော်ဆုံးဖြစ်ပါတယ်။
ထိုင်းမှာ ထိုင်း/အင်္ဂလိပ်/တရုတ်/ကိုရီးယား/ ဂျပန် စတဲ့ ဘာသာစကား တစ်မျိုးမျိုးကို သင်နေရုံနဲ့ နေထိုင်နိုင်ပါတယ်။
မိမိအပ်မယ့် ဘာသာစကားကျောင်းပေါ်မူတည်ပြီး နိုင်ငံခြားသားကျောင်းသားဦးရေ မပြည့်မချင်းအပ်နှံနိုင်ပြီး Education Visa နဲ့နေထိုင်လို့ရပါတယ်။
ဒီဗီဇာက နိုင်ငံအဝင်အထွက် ခဏခဏ လုပ်လို့တော့ မလွယ်ပါ။
လေဆိပ်မှာ အရစ်ခံရတတ်ပါတယ်။
အရစ်မခံချင်ဘူး နိုင်ငံပြင်ပသွားလိုက်ပြန်လိုက်လုပ်ချင်ရင်တော့ တက္ကသိုလ်တစ်ခုခုမှာ ပညာသင်ကြားပြီး University Visa နဲ့ နေထိုင်နိုင်ပါတယ်။
𝐖𝐨𝐫𝐤 & 𝐁𝐮𝐬𝐢𝐧𝐞𝐬𝐬 𝐕𝐢𝐬𝐚
အလုပ်တရားဝင် လာလုပ်တဲ့ ဗီဇာအမျိုးအစားဖြစ်ပြီး ဒီအမျိုးအစားထဲမှာ Non-Immigrant B Visa, M Visa (for media), IB Visa (for investor), BA Visa (for investor) ဆိုပြီး အစားစားရှိသေးသလို တင်ပြရတဲ့ အချက်အလက်နဲ့ ရင်းနှီးမြှုပ်နှံမှုပမာဏပေါ်မူတည်ပြီး ကွာခြားပါတယ်။
Business Visa အတွက် ကုမ္ပဏီဖွင့်၊ ဆိုင်ဖွင့်ပြီးတော့လည်း ရယူနိုင်ပါသေးတယ်။
လုပ်ငန်းတစ်ခု ဖြစ်လာပြီဆိုရင်တော့ လိုအပ်တဲ့ စာရင်းရှင်းတမ်း၊ အခွန်အခ ကိစ္စအပါအဝင် ထိုင်းလူမျိုး ရာခိုင်နှုန်းတစ်ဝက်ကျော်ပိုင်ဆိုင်မှုပါမှ ဖြစ်တာကြောင့် ထိုင်းလူမျိုးအမည်ခံခတွေကိုပါ ထည့်သွင်းတွက်ချက်ပြီး ပြင်ဆင်ထားရပါတယ်။
𝐑𝐞𝐭𝐢𝐫𝐞𝐦𝐞𝐧𝐭 𝐕𝐢𝐬𝐚
အသက် ၅၀ အထက်ရှိသူများကတော့ Retirement Visa ကိုလျောက်ထားနိုင်ပါတယ်။
ဒီဗီဇာက ဘဏ်မှာ ဘတ်ငွေ ၈ သိန်းပြပြီး အလွယ်တကူလျှောက်ထားနိုင်တာမျိုးပါ။
ပထမ စလျှောက်တဲ့နှစ်မှာ ၁၅ လ သက်တမ်းအထိ နေထိုင်ခွင့်ရပြီး နောက်ပိုင်းနှစ်တွေမှာတော့ ၁၂ လ ဆီ သက်တမ်းတိုး နေထိုင်လို့ရပါတယ်။
𝐆𝐮𝐚𝐫𝐝𝐢𝐚𝐧 𝐕𝐢𝐬𝐚
ကျောင်းတက်အရွယ်ကလေးရှိတဲ့ မိဘတွေ လျှောက်ထားနိုင်တဲ့ ဗီဇာ အမျိုးအစားဖြစ်ပါတယ်။
ကလေးတစ်ဦးလျင် မိဘတစ်ဦးလျောက်ထားခွင့်ရှိတာမို့ မိသားစုလိုက်ပြောင်းရွှေ့နေထိုင်မယ်ဆိုရင် ကလေး (၂) ဦးစလုံးကို ကျောင်းထားနိုင်မှ အဖေရော၊ အမေရော အဆင်ပြေမှာဖြစ်ပါတယ်။
𝐌𝐚𝐫𝐫𝐢𝐚𝐠𝐞/𝐒𝐩𝐨𝐮𝐬𝐞 𝐕𝐢𝐬𝐚
ထိုင်းနိုင်ငံသားနဲ့ လက်ထပ်ပြီး ဒီဗီဇာကို ရယူနိုင်ပါတယ်။
ဟိုးအရင်ကနေ ခုထိလည်း ဟန်ဆောင်လက်ထပ်တဲ့ဝန်ဆောင်မှုလုပ်ပေးနေသူတွေ ရှိနေဆဲဖြစ်ပါတယ်။
ဆိုးချက်ကတော့ ကိုယ့်အပေါ် မသမာသူ၊ ငွေညှစ်နိုင်သူတွေနဲ့ ကြုံဆုံနိုင်ချေ များတာပါ။
အားသာချက်ကတော့ အလုပ်ပါ တရားဝင် လုပ်နိုင်တာပါ။
𝐄𝐥𝐢𝐭𝐞 𝐕𝐢𝐬𝐚
ဒီဗီဇာကတော့ သူဌေးဗီဇာ ပါ။
ထိုင်းမှာ ၅ နှစ်ကနေ နှစ် ၂၀ အထိ ကိုယ်ရွေးချယ်မှုအပေါ်မူတည်ပြီး နေထိုင်နိုင်ပါတယ်။
အဲ့ဒါအပြင် ဒီဗီဇာကိုင်ထားရင် အစိုးရက ကိုယ့်အတွက် ဒီလို အပိုဆောင်းဝန်ဆောင်မှုတွေပါ ထပ်ပေးပါသေးတယ်။
▪️လေဆိပ်အကြိုအပို့ဝန်ဆောင်မှု
▪️ဂေါက်ကလပ်အသင်းဝင်ခွင့်
▪️ပထမတန်းစားတည်းခိုနေထိုင်စရာနေရာများ
▪️ကျန်းမာရေးစောင့်ရှောက်မှုအကျိုးခံစားခွင့်များ
▪️လူဝင်မှုစစ်ဆေးရေးမှာ ဦးစားပေးဆက်ဆံမှု
ဒါတွေပါ ခံစားရနိုင်ပါတယ်။
ဒီဗီဇာ မှာ Gold, Platinum, Diamond နဲ့ Reserve ဆိုပြီး ၄ မျိုးရှိပါတယ်။
ဈေးနှုန်းအားဖြင့် ဘတ် ၉ သိန်း၊ ၁၅ သိန်း၊ ၂၅ သိန်း နဲ့ သိန်း ၅၀ ဆိုပြီး အမျိုးမျိုးရှိပါတယ်။
𝐋𝐨𝐧𝐠 𝐓𝐞𝐫𝐦 𝐈𝐧𝐯𝐞𝐬𝐭𝐦𝐞𝐧𝐭 𝐕𝐢𝐬𝐚
ထိုင်းနိုင်ငံတွင် USD 500,000 နှင့်ညီမျှသည့် Real Estate တွင်ရင်းနှီးမြှုပ်နှံ၍ (သို့မဟုတ်)၊ ထိုင်းအစိုးရမှ တရားဝင်ရောင်းချသည့် Bond များတွင် ဝယ်ယူထားမှု သက်တမ်း (၅) နှစ်ကျော်ရှိသည့်အထောက်အထား ပြ၍ မိသားစုလိုက် (၁၀) နှစ် သက်တမ်းရှည်ဗီဇာကိုလျောက်ထားနိုင်ပါတယ်။
ပထမဦးစွာ (၅) နှစ်ရရှိမည်ဖြစ်ပြီး ဒုတိယအကြိမ် နောက် (၅) နှစ်ကိုထက်မံ လျောက်ထားရပါမယ်။
(၂) နှစ်အတွင်း အခွန်ဆောင်ထားသော ကိုယ်ပိုင်ဝင်ငွေ USD 80,000 ရှိသည့်အထောက်အထား၊ USD 100,000 ထက်မနည်းသော ပမာဏအားထိုင်းဘဏ်တွင် ၁၂ လကြာထည့်ထားသည့် အထောက်အထားများကို ပြသပေးရပါတယ်၊ US 1million ပမာဏရှိသည့် ပိုင်ဆိုင်မှုတခုခုကို ပြသပေးရမည်ဖြစ်ပြီး ဗီဇာကျသည်မကျသည်ကိုတော့ အာမခံထားခြင်းမရှိဘဲ အစိုးရ၏ ဆုံးဖြတ်ချက်နှင့်သာသက်ဆိုင်ပါတယ်။
𝐒𝐦𝐚𝐫𝐭 𝐕𝐢𝐬𝐚
ဒီဗီဇာအမျိုးအစားက ၂၀၁၈ ခုနှစ်မှာ အတည်ပြုပြဌာန်းလာတယ့် ဗီဇာဖြစ်ပါတယ်။
ကျွမ်းကျင်အဆင့်တွေ၊ အရည်အချင်းရှိသူတွေ၊ ရင်းနှီးမြှုပ်နှံသူတွေ ကို ထုတ်ပေးတဲ့ဗီဇာဖြစ်ပါတယ်။
မိသားစုပါ ခေါ်နေခွင့်ရှိတဲ့ ဗီဇာဖြစ်ပါတယ်။
အောက်ဖော်ပြပါကဏ္ဍတွေထဲက ဆိုရင် လျှောက်ထားလို့ရနိုင်ပါတယ်။
* Next-Generation Automotive
* Smart Electronics
* Affluent, Medical and Wellness Tourism
* Agriculture and Biotechnology
* Food for the Future
* Automation and Robotics
* Aviation and Logistics
* Biofuels and Biochemicals
* Digital
* Medical Hub
* Alternative Dispute Resolution
* Human Resource Development in Science and Technology
* Environmental Management and Renewable Energy
အဆင်ပြေကြပါစေ 🙏🏻
