เว็บไซต์คืออะไร?

https://www.facebook.com/108937204122562/

Arakan New, Bangkok Noi (2025)

12/09/2025

ကျောက်တော်မြို့နယ်၊ သရက်တစ်ပင်ကျေးရွာရှိ ပညာပန်းခင်းကိုယ်ပိုင်ကျောင်းအား ညဉ့်၁နာရီခန့် စစ်ကောင်စီဗုံးကြဲမှုကြောင့် ကျောင်းသား/သူ ၁၇ဦးသေ၊ ၂၀ကျော်ဒဏ်ရာရ။

31/08/2025

#မင်းတို့ရခိုင်တွေပိုက်ဆံဘယ်လောက်ဘဲရှာရှာရခိုင်ပြည်ကိုရမှာမဟုတ်ဘူး”လို့ လ၀က အရာရှိ ခြိမ်းခြောက်ပြောဆို

Date... ဩဂုတ် ၃၁/၂၀၂၅

ထိုင်းနိုင်ငံတောင်ပိုင်း စူလဌာနီမြို့မှာ Ci စာအုပ် သက်တမ်းသွားတိုးတဲ့ ရခိုင်လူငယ်တွေကို လ၀က အရာရှိက လူမျိုးရေးအရ ခွဲခြားပြီးခြိမ်းခြောက်မှုတွေ ပြုလုပ်ခဲ့တယ်လို့ ရခိုင်လူငယ်တစ်ယောက်က ပြောဆိုပါတယ်။

“ ကျွန်တော်က ဗမာစကား ပီပီသသအသံမထွက်ဘူး။ အသံက ဆူညံနေတာဆိုတော့ အဖေနဲ့ အမေနာမည် ပြောတဲ့အခါမှာ စကားဝဲတော့ နင်တို့ ဘာဖြစ်ညာဖြစ်တယ်။ အဲလိုမျိုး စာရေးမတွေက ပြောတယ်။ ပီးရင် အရာရှိ ဆီရောက်တော့လည်း မလိုအပ်ဘဲ လူမျိုးရေးအရ စော်ကားခံရတယ်”လို့ ကိုယ်တိုင်ကြုံခဲ့ရတဲ့ ရခိုင်လူငယ်တစ်ဦးပြောပါတယ်။

၎င်းလ၀က အရာရှိက အလုပ်နဲ့ မသက်ဆိုင်တဲ့ မေးခွန်းတွေဖြစ်တဲ့ ရခိုင်ပြည်ကာကွယ်ဖို့ မပြန်ဘူလားစတဲ့ မေးခွန်းမျိုးတွေကိုလည်း မေးမြန်းခဲ့တယ်လို့ သူက ဆိုပါတယ်။

“ အဲဒီက လ၀က ဆရာကြီးထင်ပါတယ်။ အထဲမှာ ကဒ်ပြားထုတ်ဖို့အတွက် သူဆီမှာ လက်မှတ် ထိုးရတယ်။ မင်းထိုင်းရောက်တာကြာပြီ။ ရခိုင်ပြည်ကာကွယ်ဖို့ မပြန်ဘူလား။ အဲသလိုမေးတယ်။ ကျွန်တော်က ပိုက်ဆံရှာရအုံးမယ်။ အဲသလိုပြောတော့ ဘာမဆိုင် ညာမဆိုင်၊ မင်းတို့ ရခိုင်တွေ ဘယ်လောက်ဘဲ ပိုက်ဆံရှာရှာ ရခိုင်ကို ရမှာမဟုတ်ဘူး အဲသလိုပြောပါတယ်”လို့ပြောပါတယ်။

ရနောင်းမှာ အလုပ်လုပ်နေကြတဲ့ ရခိုင်လူငယ် ၄ ဦးဟာ တစ်ခြားမြန်မာနိုင်ငံသား လူငယ် ၈ ယောက်နဲ့ အတူ ယခုလ ၂၀ ရက်နေ့ ပတ်ဝန်းကျင်က ထိုင်းနိုင်ငံ စူလဌာနီကို CI စာအုပ် သွားလဲဖို့သွားချိန်မှာ အခုလိုမျိုး ကြုံခဲ့ရတယ်လို့ ဆိုပါတယ်။

“ လဝကဆိုတဲ့ ဆရာကြီးက မင်းမှတ်ပုံတင် ဘာဖြစ်လို့ ပျောက်သွားတာလဲ၊ ကျွန်တော်ကို မေးပါတယ်။ ကျွန်တော်မှာ မှတ်ပုံတင်မပျောက်ပါဘူး။ အစ်ကိုမတောင်းတော့ ကျွန်တော် ဘယ်လိုသိမှာလဲ။ မှတ်ပုံတင်ပြဖို့။ အဲသလိုပြောတော့ သူ့ကို အဲသလို စကားပြန်ပြီး ပြောရမလားဆိုပြီး မင်းကို ရခိုင် ပို့လိုက်မှာနော် အဲ့လို့ပြောတယ်။ ပီးရင် ဒေါသနဲ့ မာနနဲ့ ပြောတာ၊ အဲဒီအချိန်မှာ စိုက်ပြီး ကြည့်နေတယ်။”

လ၀ကရဲ့ တာဝန်က CI စာအုပ်လဲပေးဖို့သာဖြစ်ပြီး အခုလုပ်ရပ်မှာ လူမျိုးရေး အမုန်းတရားဖန်တီးတာနဲ့ တူနေပြီဖြစ်တယ်လို့ လည်း ပြောပါတယ်။

“ CI စာအုပ်သွားလုပ်တာ လူမျိုး ခွဲခြားခံကြရတယ်။ အဲဒီအထဲမှာ ကောင်းတဲ့ ဝန်ထမ်းတွေလည်း ရှိပါတယ်။ သူကိုယ်သူ လဝကဆိုတဲ့ ဆရာကြီးက လူမျိုးရေးခွဲခြားတယ်။ တစ်ချို့ ကောင်မတွေ ဆိုရင် သူတို့ ကြည့်မရရင် ဘာမှတောင် မပြောရသေးဘူး။ စကားပြောတာ ရိုင်းလိုက်တာ။ အဲသလိုမျိုးတွေ့ ကြုံခဲ့ရတယ်။ CI စာအုပ်လဲတာမတူတော့ဘူး။ လူမျိုးရေး အမုန်းတရား ဖန်တီးနေတာနဲ့ တူနေပြီ။ စာအုပ်ထုပေးတယ်။ လက်မှတ်ထိုးပေးတယ်။ ဒါပေမယ့် ရစရာမရှိအောင် တိုင်းရင်းသားတွေကို ပြောတယ်။ ရခိုင်လူမျိုးတွေကို အဓိကပြောတယ်”လို့ ဆိုပါတယ်။

“၂၀၂၃-၂၀၂၄ ခုနှစ်ဆိုရင် ရနောင်းဖက်မှာ ထိုင်းလဝက မြန်မာလဝကနဲ့ ပူးပေါင်းလုပ်ကြတယ်။ ဒီ ၂၀၂၅ ကျတော့ စူလတ်ဌာနီဖက် လာလုပ်ရတယ်။ ထိုင်းလဝက တစ်ယောက်မှတော့ မမြင်ခဲ့ရဘူး။ အကုန်လုံးက CI စာအုပ် ထုတ်ပေးသူက မြန်မာလ၀က၊ ရနောင်းဘက်က လ၀ကတွေ လုပ်ပေးတယ်”လို့လည်း ပြောပါတယ်။

အဲဒီရုံးမှာ CI သက်တမ်းတိုးဖို့အတွက် ဖောင်ဝယ်ပြီးတင်ရကြောင်း၊ အထဲမှာ ဖုန်းမကြည့်ရ၊ ဗီဒီရိုမရိုက်ရ၊ tiktok မဆော့ရ၊ ဓာတ်ပုံ မရိုက်ရစတဲ့ စာတွေကပ်ထားကြောင်း၊ အဲဒီ စည်းကမ်းတွေကို ဖောက်ဖျက်ရင် ဒဏ်ငွေ ဘတ် ၁၀၀၀ ပေးဆောင်ရမယ်လို့ စာကဒ်ထားတယ်လို့လည်း သိရပါတယ်။

ထိုင်းနိုင်ငံရှိ အထောက်အထားမဲ့ နိုင်ငံကူးလက်မှတ် (ပတ်စ်ပို့စ်) မရှိတဲ့ မြန်မာအလုပ်သမားတွေဟာ ထိုင်းအစိုးရက သတ်မှတ်တဲ့ ကာလတွေမှာ ပန်းရောင်ကဒ်ခေါ် (pink card)ကို ပြုလုပ်ရကြရပြီး အဲဒီကဒ်ရရှိပြီးပါက မည်သူမည်ဝါ ဖြစ်ကြောင်း သက်သေခံလက်မှတ်(CI ) စာအုပ်အစိမ်းကို ပြုလုပ်ရတယ်လို့သိရပါတယ်။

CI စာအုပ်တစ်အုပ်ရဲ့ သက်တမ်းဟာ ၄ နှစ်ရှိတယ်လို့ သိရပါတယ်။
ပုံစာ- စူရဌာနီရှိ CI လုပ်ပေးတဲ့ လ၀ကရုံး။

30/08/2025

်ခတ်လိုက်တဲ့ကျည်ထိပြီးအကြမ်းဖက်ရေတပ်စစ်ရေယာဉ်မီးလောင်မှုAAအတည်ပြု

Date... ဩဂုတ် ၂၉/ ၂၀၂၅(ဓာတ်ပုံ- သတင်း)

အာရက္ခတပ်တော် (AA) ကပစ်ခတ်တဲ့ လက်နက်ကြီး ကျည်ထိမှန်ပြီး အကြမ်းဖက် ရေတပ် စစ်ရေယာဉ်တစ်စီးမီးလောင်သွားမှုအပေါ် ULA/AA ပြောခွင့်ရသူ ဦးခိုင်သုခက နိရဉ္စရာသတင်းဌာနကို အတည်ပြုပြောဆိုပါတယ်။

“ ဖက်ဆစ်အကြမ်းဖက် စစ်ကောင်စီရဲ့ စစ်သင်္ဘော (Navy) တစ်စီးကို အာရက္ခပြည်၊ မာန်အောင်ကျွန်းနဲ့ ရမ်းဗြဲကျွန်းအကြားမှာ ၂၀၂၅ ခုနှစ်၊ ဩဂုတ်လ(၂၉) ရက်၊ ညနေ (၅) နာရီ (၃၀) မိနစ်ခန့်မှာ အာရက္ခတပ်တော်၊ ကမ်းခြေစောင့်တပ်က ထိမှန်အောင်ပစ်ခတ် တိုက်ခိုက်နိုင်ခဲ့ပါတယ်”လို့ပြောပါတယ်။

အဒီ စစ်ရေယာဉ်မှာ Frigate အမျိုးအစားဟုတ်/မဟုတ်ကို အတည်မပြုနိုင်သေးပေမယ့် အကြီးစားစစ်ရေယာဉ်အမျိုးအစားဖြစ်တယ်လို့ ဦးခိုင်သုခက ပြောပါတယ်။

“ အပစ်ခံရတဲ့ စစ်ရေယာဉ်ဟာ ကမ်းခြေမှ မီတာတစ်သောင်းလောက်အကွာမှာ သွားလာနေတာပါ။ ဒါကို အာရက္ခတပ်တော်ကမ်းခြေစောင့်က ထိမှန်အောင်ပစ်နိုင်ခဲ့ပါတယ်။ မီးလောင်သွားပါတယ်”လို့ ပြောပါတယ်။

ဒီစစ်ရေယာဉ် မီးလောင်နေပုံကို စစ်မြေပြင်ရှိ အာရက္ခစစ်သည်တော်တွေက အဝေးကနေ လက်ကိုင်ဖုန်းတွေနဲ့ ရိုက်ရတာကြောင့် ဓာတ်ပုံမှာ မှုန်ဝါးနေပေမယ့် သက်သေအထောက်အထားဖြစ် မြင်တွေ့နိုင်ပါတယ်လို့ သူက ဆိုပါတယ်။

ဒီကနေ့ ညနေပိုင်းက မီးလောင်နေတဲ့ စစ်ရေယာဉ်ကို တစ်ခြားစစ်သင်္ဘောတွေက ဝိုင်းဝန်းမီးသတ်ဖို့ကြိုးစားနေသလို ရေယာဉ်က စစ်သားတွေကိုလည်း ကယ်ဆယ်ဖို့ လုပ်နေတာတွေရှိခဲ့တယ်လို့ သတင်းရရှိပါတယ်။

ဒီစစ်ရေယာဉ် မီးလောင်နေပုံကို ယခုသတင်းနဲ့ အတူ ဖော်ပြလိုက်ပါတယ်။

နိရဉ္စရာသတင်းဌာနမှ ဒီစစ်ရေယာဉ် မီးလောင်တဲ့သတင်းကို “ကျောက်ဖြူတွင် စစ်ရေယာဉ်တစ်စီးပစ်ခတ်ခံရပြီးမီးလောင်နေကာ တိုက်ပွဲဆက်လက်ပြင်းထန်နေဟုဆို” ခေါင်းစဉ်နဲ့ ဒီနေ့ညနေ ၆ နာရီကျော်က ရေးသားဖော်ပြခဲ့ပါတယ်။

ယခုနှစ် ဩဂုတ်လ ၁၀ ရက်နေ့၊ ညနေ ၃ နာရီ ၄၀ မိနစ်ခန့်အချိန်ကလည်း ရက္ခိုင်- ဧရာဝတီ အစပ်ရှိကျောက် ချွန်နဲ့ ဘောမိအကြားမှာ စစ်သင်္ဘောတစ်စီး လက်နက်ကြီးပစ်ခတ်ရာကနေ မီးလောင်ပြီး နစ်မြှုပ်သွားခဲ့ပါတယ်။

28/08/2025

#စစ်တွေအခြေစိုက်အကြမ်းဖက်စစ်တပ်ကAA ထိန်းချုပ်မြို့နယ်တချို့ကို လက်နက်ကြီးတွေနဲ့ပစ်ခတ်ပြီးနောက် AA ကလည်း လက်တုံ့ပြန်ပစ်ခတ်နေ

Date... ဩဂုတ် ၂၈/၂၀၂၅

ရခိုင်ပြည်၊ စစ်တွေမြို့အခြေစိုက် အကြမ်းဖက်စစ်တပ်က စစ်တွေနဲ့အနီးအနားမှာရှိတဲ့ အာရက္ခတပ်တော်(AA)ထိန်းချုပ်မြို့နယ်တချို့ကို လက်နက်ကြီးကျည်တွေနဲ့ပစ်ခတ်ပြီးနောက် AA ကလည်း လက်တုံ့ပြန်ပစ်ခတ်ရင်း အပြန်အလှန်ပစ်ခတ်မှုဖြစ်ပွားနေတယ်လို့ သိရပါတယ်။

စစ်တွေအခြေစိုက် အကြမ်းဖက်စစ်တပ်ရဲ့တပ်ရင်းတွေက စစ်တွေနဲ့နီးကပ်တဲ့ AA ထိန်းချုပ်ထားတဲ့ ပုဏ္ဏားကျွန်း၊ ရသေ့တောင်နဲ့ ပေါက်တောမြို့နယ်တွေကို ဩဂုတ် ၂၆ ရက်နေ့ကစပြီး လက်နက်ကြီးကျည်တွေ၊ ဒရုန်းတွေနဲ့ အဆက်မပြတ် တရစပ်ပစ်ခတ်မှုပြုခဲ့တယ်လို့ သိရပါတယ်။

အဲဒီနောက် AA ဖက်ကလည်း လက်နက်ကြီးကျည်တွေနဲ့ မနေ့က သြဂုတ်လ ၂၇ ရက်နေ့မှာ ပြန်လည်ပစ်ခတ်ခဲ့တဲ့အတွက် အပြန်အလှန်ပစ်ခတ်မှုဖြစ်ပွားနေတာလို့ စစ်တွေမြေပြင်ဒေသခံအမျိုးသားတစ်ယောက်က နိရဉ္စရာကို ပြောပါတယ်။

"မြောက်ဦး၊ ပေါက်တောနဲ့ မင်းပြားကို ဗုံးကြဲတဲ့နေကတည်းက စစ်တွေအခြေစိုက် တပ်ရင်းဖက်ကနေ AA ထိန်းချုပ်ထားတဲ့မြို့နယ်တွေဖက်ကို လက်နက်ကြီးကျည်တွေ တရစပ်အဆက်အပြတ်ပစ်တယ်။ ဒရုန်းတွေနဲ့ပစ်တယ်။ လူတွေမနေနိုင်အောင်ပစ်ခတ်လို့ AA ဖက်က လက်တုံ့ပြန်တဲ့အနေနဲ့ ပြန်ပစ်တာ။ အဲဒါနဲ့ အပြန်အလှန်ပစ်ခတ်မှုတချို့ရှိတယ်"လို့ ပြောပါတယ်။

ဓာတ်ပုံ - အကြမ်းဖက်စစ်တပ်က ဟောင်ဝှစ်ဇာ လက်နက်ကြီးပစ်ခတ်နေစဉ် (ပုံအဟောင်း)

26/08/2025

#မြောက်ဦးဗုံးကြဲခံရမှုသေဆုံးသူ12 ဦးထိရှိလာပြီး ယနေ့ သင်္ဂြိုဟ်မည်ဟုသိရ
Date.. ဩဂုတ် ၂၆

ရခိုင်ပြည် မြောက်ဦးမြို့ အောင်တပ်အုပ်စု ဒိုင်းကျီကျေးရွာကို ယမန်နေ့ ဩဂုတ်လ ၂၅ ရက် ည ၁၁ နာရီ ၃၀ မိနစ်တွင် စစ်ကောင်စီ ပေါင် ၅၀၀ ဗုံးနှစ်လုံးဖြင့် လာရောက်တိုက်ခိုက်ခဲ့၍ အပြစ်မဲ့အရပ်သားပြည်သူ သေဆုံးသူ ၁၂ ဦးအထိရှိလာပြီး ထိခိုက်ဒဏ်ရာရရှိသူ ၂၄ ဦးထက်မနည်း ရှိကြောင်း ဒေသခံများထံမှ ကနဦး သတင်းရရှိထားသည်။

စစ်ကောင်စီက ဂျက်ဖိုက်တာ တစ်စီးဖြင့် နှစ်ကြိမ်တိုင် ဗုံးလာကြဲတိုက်ခိုက်ခဲ့ဖြစ်ပြီး လူအိပ်ချိန်တွင် ဗုံးကြဲသွားခြင်းဖြစ်ပြီး လူနေအိမ်လည်း ၁၀ ကျော် ထိခိုက်ပျက်စီးသွားပြီး နေအိမ် ၆ ဆောင်မှာ ရစရာမရှိအောင် လုံးဝပျက်စီးသွားကြောင်း သိရသည်။

သေဆုံးသွားသူများထဲတွင် ကလေးငယ်များ၊ အမျိုးသမီးများ၊ သက်ကြီးရွယ်အိုများ ပါဝင်သလို ဒဏ်ရာရရှိသူများထဲတွင် အသက်အန္တရာယ်စိုးရိမ်သူများ ရှိနေကြောင်း သိရသည်။

ဒိုင်းကျီကျေးရွာမှာ မည်သည့်စစ်ရေးလှုပ်ရှားဆောင်ရွက်မှ မရှိဘဲ အရပ်သားများ နေထိုင်သည့်ရွာကို စစ်ကောင်စီက ဗုံးကြဲတိုက်ခိုက်ခဲ့သည့်အတွက် စစ်ရာဇဝတ်မှု ကျူးလွန်ခြင်းဖြစ်ကြောင်း ဒေသခံပြည်သူများ ပြောဆိုကြသည်။

စစ်ကောင်စီ ဗုံးကြဲ သေဆုံးသွားသည့် မိသားစုဝင်များအတွက် ကျန်ရစ်ခဲ့သူ မိသားစုဝင်များက ဝမ်းနည်းပူဆွေး ငိုကြွေးနေကြကြောင်း သိရသည်။

သေဆုံးသူများအား မိသားစုဝင်များက ယနေ့ သင်္ဂြိုဟ်ပေးမည်ဟုလည်း သိရပြီး ဒဏ်ရာရရှိသူများထဲတွင် အသက်အန္တရာယ်စိုးရိမ်ရသူများပါဝင်နေ၍ သေဆုံးသူ ထပ်တိုးလာနိုင်ကြောင်းလည်း ရွာသားများက ခန့်မှန်းထားကြသည်။

ပြီးခဲ့သည့် မေလ ၁၄ ရက်နှင့် ၁၅ ရက်နေ့တွင်လည်း ကျောက်တော်မြို့ထဲ လူနေရပ်ကွက်များကို စစ်ကောင်စီက ပေါင် ၅၀၀ ဗုံးများဖြင့် တိုက်ခိုက်ခဲ့၍ အရပ်သားပြည်သူ ၈ ဦးသေဆုံးခဲ့ပြီး ဒဏ်ရာရရှိသူ ၁၄ ဦးအထိ ရှိခဲ့သည်။

ယင်းအပြင် မေလ ၂၃ ရက်နေ့မှာလည်း ရသေ့တောင်မြို့နယ် ထွန်းရဝေကျေးရွာကို စစ်ကောင်စီ ဗုံးကြဲတိုက်ခိုက်ခဲ့၍ အရပ်သားပြည်သူ ၁၂ ဦးသေဆုံးခဲ့ရပြီး ဒဏ်ရာရရှိသူ ၂၃ ဦးအထိရှိခဲ့သည်။

စစ်ကောင်စီဟာ ရခိုင်စစ်မြေပြင်မှာ စစ်ရှုံးနေသည့်အတွက် အရပ်သားပြည်သူများကို ရည်ရွယ်ချက်ရှိရှိ ဦးတည်ပစ်မှတ်ထား တိုက်ခိုက်နေခြင်းဖြစ်ကြောင်း ဒေသခံပြည်သူများနှင့် အာရက္ခတပ်တော် AA က ပြောဆိုထားကြသည်။

ပုံစာ - ၂၀၂၅ ခုနှစ် ဩဂုတ်လ ၂၅ ရက် ည ၁၁ နာရီခွဲအချိန်တွင် မြောက်ဦးမြို့ ဒိုင်းကျီကျေးရွာအား စစ်ကောင်စီက ပေါင် ၅၀၀ ဗုံးနှစ်လုံးဖြင့် တိုက်ခိုက်ခဲ့

26/08/2025

#ကျောက်တော်မြို့နယ်ကစစ်တွေ-ရန်ကုန်ကားလမ်းမတစ်လျှောက် အရိပ်ရပင်တွေ ရွာလုံးကျွတ် စိုက်ပျိုးနေ

Date.. သြဂုတ် ၂၆/၂ဝ၂၅

အာရက္ခတပ်တော်(AA)ထိန်းချုပ်ထားတဲ့ ရခိုင်ပြည်၊ ကျောက်တော်မြို့နယ်အတွင်း စစ်တွေ-ရန်ကုန်ကားလမ်းမဘေးမှာရှိတဲ့ကျေးရွာတွေဟာ အဲဒီကားလမ်းမတစ်လျှောက် လမ်းဘေးဝဲယာတွေမှာ အရိပ်ရပင်တွေကို ရွာလုံးကျွတ် စိုက်ပျိုးနေကြတယ်လို့ သိရပါတယ်။

ရက္ခိုင်အမျိုးသားအဖွဲ့ချုပ်(ULA)ရဲ့လမ်းညွှန်ချက်အရ သြဂုတ်လ ၂၄ ရက်ကစပြီး အရိပ်ရပင်မျိုးစုံကို အခုလို ရွာလုံးကျွတ်စိုက်ပျိုးနေရတာဖြစ်တယ်လို့ ဒေသခံတွေက ပြောပါတယ်။

အခုလိုစိုက်ပျိုးရာမှာ လိုအပ်တဲ့ပျိုးပင်တွေနဲ့ ဝါးတွေကို ULA ရဲ့ စိုက်ပျိုးရေးဌာနက ထောက်ပံ့ပေးထားပြီး ကျေးရွာသားတွေက လုပ်အားစိုက်ပေးရတာသာဖြစ်တယ်လို့ ကျေးရွာအုပ်ချုပ်ရေးမှူးတစ်ယောက်ဖြစ်တဲ့ ဦးထွန်းမြက နိရဉ္စရာကို ရှင်းပြပါတယ်။

“အခုလို အပင်စိုက်တာတော့ ကောင်းတယ်ပေါ့လေ။ ဘာဖြစ်လို့လဲဆိုရင် ကျနော်တို့ ရခိုင်ပြည်က ဘယ်လိုပြောမလဲ။ စစ်ကောင်စီအုပ်ချုပ်တဲ့အချိန်မှာ တောတောင်သဘာဝတွေ၊ သစ်တောတွေပြုန်းတီးသွားတာတွေကြောင့် အခု သဘာဝတွေ၊ ရာသီဥတုတွေ ဖောက်လွဲနေတာတွေဖြစ်နေချိန်မှာ အခုလို စိမ်းလန်းစိုပြေဖို့အတွက် သစ်ပင်၊ ဝါးပင်စိုက်ပေးတာက အလွန်တရာမှ ကောင်းတယ်လို့ ယူဆပါတယ်”လို့ ပြောပါတယ်။

ULA က ဖြန့်ဖြူးပေးထားတဲ့ သစ်ပင်တွေထဲမှာ အရိပ်ရပင်များဖြစ်တဲ့ ကုက္ကိုလ်ပင်၊ ပိတောက်ပင်၊ မလေးရှားပိတောက်ပင်၊ ငုံးပင်နဲ့ တခြား အရိပ်ရပင်တချို့ပါဝင်တယ်လို့ သိရပါတယ်။

ဓာတ်ပုံ - စစ်တွေ-ရန်ကုန်ကားလမ်းမတစ်လျှောက် အရိပ်ရပင်များစိုက်ပျိုးနေကြသည်ကို သြဂုတ်လ ၂၅ ရက်၊ ညနေပိုင်းက တွေ့ရစဉ်။

25/08/2025

#အာဆာအဖွဲ့ကသေနတ်နဲ့ပစ်တဲ့အတွက်သေဆုံး
မောင်တောမြို့နယ် မြောက်ပိုင်း ဖားဝပ်ချောင်းအနီး အရပ်သားတစ်ဦးကို

Date.. ဩဂုတ် ၂၅/၂၀၅

မောင်တောမြို့နယ် မြောက်ပိုင်း ဖားဝပ်ချောင်းနဲ့ အောင်မင်္ဂလာကျေးရွာအကြား သဲချောင်း (မွတ်ဆလင်) ရွာအနီး အရပ်သားတစ်ဦးကို အာဆာ (ARSA) အဖွဲ့က သေနတ်နဲ့ပစ်တဲ့အတွက် သေဆုံးသွားတယ်လို့ မောင်တော ဒေသခံ အနည်းဆုံး ၃ ယောက်က နိရဉ္စရာ သတင်းဌာနကို ဆက်သွယ်ပြောကြားလာပါတယ်။

သေဆုံးသူမှာ ရခိုင်လူမျိုး ကျောင်းဆရာတစ်ဦးဖြစ်ပြီး ဆိုင်ကယ်နဲ့ သွားနေစဉ် ပစ်ခတ်ခံရတာလို့ သိရပါတယ်။

ပစ်ခတ်မှုဖြစ်တဲ့ အချိန်ဟာ ယနေ့ ဩဂုတ် ၂၅ ရက်နေ့ ညနေ ၃ နာရီကျော် ၄ နာရီလောက်မှာ ဖြစ်ပွားခဲ့တာဖြစ်ပါတယ်။

ဒီပစ်ခတ် သေဆုံးမှုကို နိရဉ္စရာသတင်းဌာနအနေနဲ့ အတည်ပြုနိုင်ပေမယ့် သေဆုံးသူဘယ်သူ ဘယ်ဝါဖြစ်တယ်ဆိုတာကိုတော့ ဆက်လက် စုံစမ်း မေးမြန်းနေတုန်းဖြစ်ပါတယ်။

လက်ရှိအချိန်မှာတော့ အခင်းဖြစ်တဲ့ နေရာကို အာရက္ခတပ်တော် တပ်ဖွဲ့တွေက လိုက်ပါသွားခဲ့ကြတယ်လို့ သိရပါတယ်။

24/08/2025

#ဘင်္ဂလားဒေ့ရှ်နယ်ခြားစောင့်တပ်ဖွဲBGBက ရခိုင်နယ်စပ်တစ်လျှောက်တပ်လှန့်
(တိုက်ပွဲတွေနဲ့ ကောလာဟလ သတင်းတွေကြောင့် ရာနဲ့ချီရှိတဲ့ မွတ်ဆလင်တွေ ဘင်္ဂလာဒေ့ရှ်သို့ ဝင်ရောက်ဖို့ နယ်စပ်မှာစုရုံးရောက်ရှိလာ)

Date...ဩဂုတ် ၂၄/၂၀၂၅

နယ်စပ်မှာသေနတ်သံတွေနဲ့ အတူ မောင်တောမြို့နယ်က ရာနဲ့ ချီရှိတဲ့ မွတ်ဆလင်တွေဟာ နေအိမ်တွေကို စွန့်ခွာပြီး ဘင်္ဂလားဒေ့ရှ်သို့ ဝင်ရောက်ဖို့ နတ်မြစ်ကမ်းခြေမှာ စုရုံးရောက်ရှိနေတဲ့ သတင်းတွေကြောင့် ဘင်္ဂလားဒေ့ရှ်နယ်ခြားစောင့်တပ် (BGB/ Border Guard Bangladesh) က ရခိုင်နဲ့ ဆက်စပ်နေတဲ့ သူ့နိုင်ငံတွင်းက နယ်စပ်တစ်လျှောက်မှာ တပ်လှန့်ထားတယ်လို့ဘင်္ဂလားဒေ့ရှ် မီဒီယာတွေမှာ ရေးသားဖော်ကြပါတယ်။

တက်ကနက်မြို့ အခြေစိုက် အမှတ် (၂) BGB တပ်ရင်းမှ တပ်ရင်းမှူး ဒု-ဗိုလ်မှူးကြီး Ashiqur Rahman က " မြန်မာနိုင်ငံက လူခြောက်ဆယ့်နှစ် ယောက် သောကြာနေ့က ပြန်လှည့်သွားတယ်။ ထောင်နဲ့ချီတဲ့ လူအုပ်က နယ်စပ်ကို ဖြတ်ပြီး ဘင်္ဂလာဝင်ဖို့စောင့်နေကြပေမယ့် BGB က တင်းတင်းကျပ်ကျပ် ထိန်းချုပ်ထားပါတယ်။ ဘယ်သူမှ ဝင်ခွင့်မပြုပါဘူး။ အဓိက ဘင်္ဂလားဒေ့ရှ်ဘက်ကို ဝင်ရောက်လာနိုင်တဲ့ နယ်စပ် လမ်းကြောင်းတွေမှာ ကင်းလှည့်တာတွေ တိုးမြှင့်ထားပါတယ်။ အဲဒီ့ဘက်မှာတော့ သေနတ် ပစ်ခတ်မှုတွေ ဖြစ်နေပါတယ်။ ဒီဘက်မှာတော့ မတည်မငြိမ်ဖြစ်ဖို့အကြောင်း မရှိပါဘူး" လို့ပြောပါတယ်။

24/08/2025

#ထန်းရှောက်ခံရွာကမွတ်ဆလင်၆၀၀ကျော်ကို AA က သတ်ဖြတ်ခြင်းမရှိကြောင်း မောင်တောခရိုင် အစ္စလာမ်ဘာသာဝင် အကြီးအကဲများပြော

Date..ဩဂုတ် ၂၃

ရခိုင်ပြည်၊ ဘူးသီးတောင်မြို့နယ်၊ ထန်းရှောက်ခံကျေးရွာက မွတ်ဆလင် ၆၀၀ ကျော်ကို အာရက္ခတပ်တော် AA က သတ်ဖြတ်ခဲ့ခြင်းမရှိကြောင်း မောင်တောခရိုင် အစ္စလာမ်ဘာသာဝင် အကြီးအကဲများက ယနေ့ ဩဂုတ်လ ၂၃ ရက်တွင် ထုတ်ပြန်ပြောဆိုထားသည်။

ထန်းရှောက်ခံကျေးရွာက မွတ်ဆလင် ၆၀၀ ကျော်ကို AA က ၂၀၂၄ ခုနှစ် မေလ ၂ ရက်နှင့် ၃ ရက်နေ့တို့တွင် အစုလိုက်အပြုံလိုက်သတ်ဖြတ်ခဲ့သည်ဟု မွတ်ဆလင်အရေး တက်ကြွလှုပ်ရှားသူများက စွပ်စွဲနေကြသည်။

မောင်တောခရိုင် အစ္စလာမ်ဘာသာဝင် အကြီးအကဲများနှင့် လူမှုအသိုင်းအဝိုင်း ခေါင်းဆောင်များမှာ ထန်းရှောက်ခံကျေးရွာအနီးက ရုပ်အလောင်းများမှာ စစ်ကောင်စီတပ်ဖွဲ့ဝင်များ၏ ရုပ်အလောင်းများသာဖြစ်ကြောင်း ပြောဆိုထားကြသည်။

ထန်းရှောက်ခံကျေးရွာတွင် ၂၀၂၄ ခုနှစ် မေလ ၂ ရက်နှင့် ၃ ရက်နေ့တို့က စစ်ကောင်စီတပ်နှင့် အာရက္ခတပ်တော် AA တို့ တိုက်ပွဲများ ပြင်းပြင်းထန်ထန်ဖြစ်ပွားခဲ့ကြောင်းနှင့် ယခု ရုပ်အလောင်းများမှာ ယင်းတိုက်ပွဲအတွင်း သေဆုံးသွားသော စစ်ကောင်စီတပ်သားများသာ ဖြစ်သည်ဟု ဆိုသည်။

ယခုရက်ပိုင်းအတွင်း သတင်းထောက်များ သွားရောက်ကြည့်ရှု သတင်းရယူရာတွင် ကြွင်းကျန်အရိုးစုများမှာ စစ်ကောင်စီ စစ်ဝတ်စုံများဖြင့် တွေ့ရှိရပြီး AA က သတ်ဖြတ်သည်ဆိုသော စွပ်စွဲပြောဆိုချက်မှာ မဟုတ်မမှန် လိမ်လည်လုပ်ကြံဖန်တီးခြင်းသာ ဖြစ်ကြောင်း မောင်တောခရိုင် အစ္စလာမ်ဘာသာဝင် အကြီးအကဲများက ပြောဆိုကြသည်။

ထန်းရှောက်ခံကျေးရွာတွင် ၂၀၂၃ ခုနှစ် စစ်ကောင်စီ လဝက ဦးရေစာရင်းအရ လူဦးရေ ၉၃၃ ဦးရှိပြီး လက်ရှိတွင် လူဦးရေ ၇၉၀ ဦးရှိပြီး ကျန်လူဦးရေ ၁၃၈ ဦးမှာ ဘင်္ဂလားဒေ့ရှ်ဘက်သို့ ခိုလှုံသွားကြသည်ဟု သိရသည်။

မွတ်ဆလင် ၆၀၀ ကျော်ကို အာရက္ခတပ်တော် AA က သတ်ဖြတ်လိုက်သည်ဟု စွပ်စွဲပြောဆိုနေခြင်းမှာ လုံးဝယုတ္တိမရှိကြောင်းနှင့် လုပ်ကြံသတင်းသာဖြစ်ကြောင်းလည်း မွတ်ဆလင်အကြီးအကဲများက ပြောသည်။

ယင်းကဲ့သို့ လုပ်ကြံဖန်တီးသတင်း ဖြန့်ချိခြင်းသည် ဒေသတွင်းအတူနေ ရခိုင်နှင့် မွတ်ဆလင်တို့ကြား သဟဇာတ ဖြစ်ရေး၊ အတူယဉ်တွဲနေထိုင်ရေးကို ထိခိုက်ပျက်ပြားစေရုံမက အမုန်းအာဃာတများ၊ အထင်အမြင်လွဲမှားမှုများနှင့် အချင်းချင်းကြား မယုံကြည်မှုများကိုသာ ဖြစ်ပေါ်စေသည်ဟု ပြောသည်။

နိုင်ငံရေး ရည်ရွယ်ချက်ရှိရှိဖြင့် လူမျိုးနှစ်မျိုးကြား မသင့်မြတ်အောင် ရန်တိုက်ပေးသည့်လုပ်ရပ်များသာ ဖြစ်ကြောင်းလည်း မောင်တောခရိုင်မွတ်ဆလင်အကြီးအကဲများက ပြောဆိုကြသည်။

ထန်းရှောက်ခံကျေးရွာတိုက်ပွဲအတွင်း အဓိက တာဝန်ရှိသူတစ်ဦးဖြစ်သည့် စစ်ကောင်စီ၏ ဘူးသီးတောင်အခြေစိုက် စကခ ၁၅ မှ ဒုစကခမှူး ဗိုလ်မှူးကြီး ကောင်းမြတ်ကလည်း မွတ်ဆလင်ပြည်သူ ၆၀၀ ကျော်ကို အာရက္ခတပ်တော် AA က သတ်ဖြတ်ခြင်းမရှိကြောင်း သတင်းမီဒီယာများအား ပြောဆိုထားသည်။

စကခ ၁၅ မှ ဒုစကခမှူး ဗိုလ်မှူးကြီး ကောင်းမြတ်မှာ ထန်းရှောက်ခံတိုက်ပွဲအတွင်း အာရက္ခတပ်တော် AA ထံ ဖမ်းဆီးခံလိုက်ရပြီး ၎င်းတို့တပ်စွဲချိန်က အဆိုပါကျေးရွာတွင် မွတ်ဆလင်ရွာသားများ တစ်ဦးတစ်ယောက်မရှိတော့ကြောင်း ပြောသည်။

ထန်းရှောက်ခံကျေးရွာအနီးတွင် ယခုတွေ့ရှိရသော ကြွင်းကျန်အရိုးစုများမှာ တိုက်ပွဲအတွင်း သေဆုံးသွားသော စစ်ကောင်စီတပ်ဖွဲ့ဝင်များဖြစ်ကြောင်းနှင့် ဒေသခံမွတ်ဆလင်ပြည်သူများ မဟုတ်ကြောင်း စစ်သုံ့ပန်း ဗိုလ်မှူးကြီး ကောင်းမြတ်က အခိုင်အမာ အတည်ပြု ပြောကြားထားသည်။

အာရက္ခတပ်တော် AA ပြောခွင့်ရ ဦးခိုင်သုခကလည်း ထန်းရှောက်ခံကျေးရွာက အရိုးစုများမှာ စစ်ကောင်စီတပ်သားများဖြစ်ကြောင်းနှင့် မွတ်ဆလင်ပြည်သူများအား သတ်ဖြတ်ခြင်းမရှိကြောင်း ဩဂုတ်လ ၁၁ ရက် သတင်းစာရှင်းလင်းပွဲတွင် ပြောကြားထားသည်။

(ဓါတ်ပုံ - ONN ဗီဒီယိုမှ Screen Shot ယူထားခြင်းဖြစ်သည်)

#ရခိုင်ပြည် #ဘူးသီးတောင် #ထန်းရှောက်ခံရွာ #မွတ်ဆလင်များ #အရိုးစုများ #စစ်ကောင်စီတပ်သားများ #သတင်းအမှား #လုပ်ကြံဖန်တီးခြင်း #စွပ်စွဲချက်ပယ်ချ

23/08/2025

ရခိုင်သို့ မူးယစ်ဆေးဝါးပို့ဆောင်ရာမှာ AA ဗိုလ်မှူးတစ်ဦးကို အခွန်ပေးဆောင်ရတယ်လို့ စစ်အုပ်စုစွပ်စွဲမှု အပေါ် AA ပြောခွင့်ရသူပယ်ချ

(မူးယစ်ဆေးဝါးတိုက်ဖျက်ရေးအတွက် ဘယ်အစိုးရ၊ ဘယ်နိုင်ငံတကာအဖွဲ့အစည်းနဲ့မဆို ပူးပေါင်းဆောင်ရွက်သွားဖို့အဆင်သင့်ရှိတယ်လို့ဆို)
Date... ဩဂုတ် ၂၃/ ၂၀၂၅

ရခိုင်သို့ မူးယစ်ဆေးဝါးပို့ဆောင်ရာမှာ အာရက္ခတပ်တော် (AA)က ဗိုလ်မှူးအဆင့်ရှိသူတစ်ဦးကို အခွန်ပေးဆောင်ရတယ်လို့ စစ်အုပ်စုရဲ့ စွပ်စွဲမှုအပေါ် AA ပြောခွင့်ရသူ ဦးခိုင်သုခက ပယ်ချလိုက်ပြီး ဒါက မရိုးနိုင်တဲ့ နိုင်ငံရေးအောက်လုံးတွေနဲ့ အောက်တန်းကျတဲ့ ဝါဒဖြန့်တိုက်ခိုက်မှုဖြစ်တယ်လို့ ပြောဆိုလိုက်ပါတယ်။

ဒီကနေ့ထုတ် စစ်အုပ်စုပိုင် သတင်းစာတွေမှာ ရခိုင်နဲ့ မလေးရှားသို့ ပို့ဆောင်မဲ့ မူးယစ်ဆေးဝါးတွေ ဖမ်းဆီးမိတဲ့ သတင်းကို ဖော်ပြရာမှာ ရခိုင်ပြည်နယ်၊ မြေပုံမြို့သို့ စိတ်ကြွရူးသွပ်ဆေးပြားတွေ ရောက်ရှိပါက AA မှ ဗိုလ်မှူးအဆင့်ရှိ ကိုရေး(အကောက်ခွန်မှူး)ထံ ရခိုင်ပြည်နယ်သို့ ဖြတ်သန်းခအဖြစ် စိတ်ကြွရူးသွပ် ဆေးပြား ၁၀,၀၀၀ ပြားကို ငွေကျပ် ၃ သိန်းနှုန်းနဲ့ အခွန်ပေးဆောင်ရတယ်လို့ ဖော်ပြထားပါတယ်။

ဒီစွပ်စွဲချက်နဲ့ ပတ်သက်ပြီး အာရက္ခတပ်တော် (AA) ပြောခွင့်ရသူ ဦးခိုင်သုက အခုလို တုံ့ပြန် ပြောဆိုပါတယ်။

“ ဒီဟာကတော့ အကြမ်းဖက်စစ်ကောင်စီရဲ့ မရိုးနိုင်တဲ့ မတရားလုပ်ကြံစွပ်စွဲ၊ နိုင်ငံရေး အောက်လုံးတွေနဲ့ အောက်တန်းကျတဲ့ ဝါဒဖြန့်တိုက်ခိုက်မှုတွေဘဲဖြစ်ပါတယ်။ ”

မြန်မာနိုင်ငံမှာ မူးယစ်ဆေးဝါး၊ လောင်းကစား၊ ကျားဖြန့်၊ လူကုန်ကူးမှု အစရှိတဲ့ မကောင်းမှု ဒုစရိုက် လုပ်ငန်းဟူသမျှကို မင်းအောင်လှိုင်ဦးဆောင်တဲ့ စစ်တပ်က ဦးဆောင်ထိန်းချုပ် လုပ်ကိုင် နေတာလို့လည်း သူက ပြောဆိုပါတယ်။

“ အားလုံးသိကြတဲ့အတိုင်းပါဘဲ မြန်မာပြည်မှာ မူးယစ်ဆေးဝါး၊လောင်းကစား၊ ကျားဖြန့်၊ လူကုန်ကူးမှု အစရှိတဲ့မကောင်းမှုဒုစရိုက်လုပ်ငန်းဟူသမျှကို မင်းအောင်လှိုင်ဦးဆောင်တဲ့ အကြမ်းဖက် ဖက်ဆစ်စစ်ရာဇဝတ်ဂိုဏ်းက ဦးဆောင်ထိန်းချုပ်လုပ်ကိုင်နေတာဖြစ်ပါတယ်။ ဥပမာပြရမယ်ဆိုရင် မကြာခင်က ပဲခူးဖက်မှာသူတို့အချင်းချင်းစားခွက်လုရာကနေမူးယစ်ဆေးဝါးပမာဏများစွာနဲ့ လက်ပူး လက်ကျပ်ဖမ်းမိတဲ့ သူတို့စစ်ကောင်စီအရာရှိတွေက သက်သေပါဘဲ” လို့ ပြောပါတယ်။

ဒါ့ပြင် မူးယစ်ဆေးဝါးတိုက်ဖျက်ရေးအတွက် ဘယ်အစိုးရ၊ ဘယ်နိုင်ငံတကာအဖွဲ့အစည်းနဲ့မဆို ပူးပေါင်းဆောင်ရွက်သွားဖို့ အဆင်သင့်ရှိတယ်လို့လည်း ဦးခိုင်သုခက ပြောဆိုပါတယ်။

“ ကျနော်တို့ ULA/AAအနေနဲ့ကတော့ ဒီလို လူ့အဖွဲ့အစည်းကို အန္တရာယ်ပြုမဲ့ မူးယစ် ဆေးဝါး ဟူသမျှကို ပြင်းပြင်းထန်ထန်ဆန့်ကျင်ပါတယ်။ လုံးဝပါတ်သက်မှုမရှိပါဘူးခင်ဗျ။ မူးယစ် ဆေးဝါးတိုက်ဖျက်ရေးအတွက် ဘယ်အစိုးရ၊ နိုင်ငံတကာအဖွဲ့အစည်းနဲက မဆို ပူးပေါင်း ဆောင်ရွက်သွားဖို့အဆင်သင့်ရှိပါတယ်။”

ရခိုင်နဲ့ မလေးရှားကို ပို့ဆောင်မဲ့ ကျပ် ၂၅၇ ဒသမ ၁၀၅ ဘီလျံတန်ဖိုးရှိ စိတ်ကြွ ရူးသွပ် ဆေးပြား ၂၁၈ သိန်းအပါအဝင် အိုက်စ် ၅၆၁၄ ဒသမ ၂ ကီလိုနဲ့ ကက်တမင်း ၁၈၉၉ ကီလိုတို့ကိုလည်း ဖမ်းမိခဲ့တယ်လို့ စစ်အုပ်စုပိုင် သတင်းစာတွေမှာ ဒီကနေ့ဖော်ပြကြပါတယ်။

21/08/2025

#ရဲဖော်အားစိုက်ထားမပူနဲ့ငါတို့အပေါ်မှာရှိတယ်

20/08/2025

မရမာကြီးလူငယ် ၆ ယောက်ကို ဆောမြို့မှာ PDF တပ်ဖွဲ့တစ်ခုက ဖမ်းဆီးပြီးနောက် AA ထံကို လွှဲပြောင်းလိုက်တယ်လို့ ဆို
Date...၊ ဩဂုတ် ၂၀/၂၀၂၅

ရခိုင်ပြည်၊မြောက်ဦးမြို့နယ်၊ ရော်မနီကျေးရွာက မရမာကြီး လူငယ် ၆ ယောက်ဟာ မကွေးတိုင်း ဆောမြို့မှာ PDF တပ်ဖွဲ့တစ်ခုက ဖမ်းဆီးပြီးနောက် အာရက္ခတပ်တော်သို့ လွှဲပြောင်းခံလိုက်ရတယ်လို့ သတင်းရရှိတဲ့အကြောင်း မိသားစုဝင် တစ်ဦးက နိရဉ္စရာသို့ ဆက်သွယ်ပြောကြားပါတယ်။

အဲဒီ လူငယ် ၆ ဦးအထဲမှာ ၃ ဦးကတော့ ဇော်ထွန်းနိုင်(၂၀)နှစ် (ဘ) ဦးရွှေသာ၊ နေမျိုးအောင် (၁၈) နှစ် (ဘ) ဦးရဲမိုးပိုင်နဲ့ အောင်ကျော်မိုး (၁၈) နှစ်(ဘ) ဦးလှမောင်တို့ဖြစ်ကြပါတယ်။ ကျန်လူငယ် ၃ ဦးရဲ့ နာမည်ကို မမှတ်မိဘူးလို့ ဆိုပါတယ်။

“ တပ်တော်ထဲကို လွှဲပြောင်းလိုက်တယ်လို့သာကြားရတယ်။ ဟုတ်လား/ မဟုတ်လားလည်း မသိဘူး။ အခု ချင်းပြည်နယ် မင်းတပ်က အေအေ တပ်စခန်းမှာ ရှိနေတယ်လို့လည်းကြားတယ်။ ကြားသာကြားတာ။ အဆက်အသွယ်မရတော့ စိုးရိမ်တယ်။ သူတို့ မင်းတပ်မှာ ရှိနေတယ်ဆိုရင် အဆက်အသွယ်ရချင်ပါတယ်။”

အဒီ လူငယ် ၆ ဦးဟာ ကျောက်တော်- ပလက်၀လမ်းကတဆင့် ဆောမြို့သို့ သွားကြသူတွေဖြစ်ကြပြီး ဆောမြို့မှာ PDF တပ်ဖွဲ့ထံကနေ ခရီးသွားဖို့ ထောက်ခံစာသွားတောင်းရာကနေ ထိန်းသိမ်းခံရပြီး မင်းတပ်ရှိ အာရက္ခတပ်တော်ထံ လွှဲပြောင်းခံခဲ့ရတယ်လို့ ပြောပါတယ်။

“ဇူလိုင် ၂၄ ရက်၊ ၂၅ ရက်နေ့က ထိန်းသိမ်းခံရတယ်လို့ သိရပါတယ်။ အတိအကျလည်း သတင်း မရပါဘူး။ အခုထိ တိုက်ရိုက် အဆက်အသွယ်မရတဲ့အတွက် မိသားစုတွေက စိုးရိမ်နေပါတယ်”လို့ ပြောပါတယ်။

အဲဒီလူငယ် ၆ ဦး အမှန်တကယ် အာရက္ခတပ်တော်ထံကို လွှဲပြောင်းခံရတာဟုတ်/ မဟုတ်ကိုလည်း မိသားစုဝင်တွေက တိတိကျကျ သိရှိလိုတယ်လို့လည်း ဆိုပါတယ်။

ဒီကိစ္စနဲ့ ပတ်သက်ပြီး အာရက္ခတပ်တော် ပြောခွင့်ရသူ ဦးခိုင်သုခအား ဆက်သွယ်နေတုန်းဖြစ်ပါတယ်။

Arakan New

12/09/2025

31/08/2025

30/08/2025

28/08/2025

26/08/2025

26/08/2025

25/08/2025

24/08/2025

24/08/2025

23/08/2025

21/08/2025

20/08/2025

ที่อยู่

เว็บไซต์

แจ้งเตือน

ทางลัด

แชร์