MYEIK NOW

26/02/2024

စစ်သားဟောင်းများ တပ်ထဲပြန်လာကြရန် မက်လုံးပေးဖိတ်ခေါ်နေ
----------------
တပ်ထဲပြန်ဝင်ရေးစီမံချက်ကို စစ်ဗိုလ်ဟောင်းများက စိတ်ဝင်စားမှုနည်းပါးသော်လည်း ဝင်ငွေနည်း အောက်ခြေစစ်သားဟောင်းများက စိတ်ဝင်စားနေသည်။

အာဏာရှင်ဟောင်း ဗိုလ်ချုပ်သန်းရွှေသည် ပင်စင်လစာ ကျပ်သိန်း ၃၀ ရနေသော်လည်း ပင်စင်စားတပ်သား ၁ ဦးသည် ၁ လလျှင် အမြင့်ဆုံး ကျပ် ၁ သိန်း ၆ သောင်းသာ ရရှိသည်။

အာဏာသိမ်းပြီးနောက် ကုန်စျေးနှုန်းကြီးမြင့်မှု၊ အလုပ်အကိုင်ရှားပါးမှုတို့နှင့် ရင်ဆိုင်နေကြရသည့် ဝင်ငွေနည်း အောက်ခြေစစ်သားဟောင်းများသည် စစ်ကောင်စီ၏ ပစ်မှတ်အသစ်ဖြစ်လာသည်။

၂၀၁၉ စာရင်းများအရ တပ်သားသစ်မှ အရာခံဗိုလ်အဆင့်ကို အမှုထမ်းအရေအတွက်သည် ၂ သိန်း ၁ သောင်းကျော်ရှိပြီး စုစုပေါင်း ပင်စင်သားစစ်သားများ၏ ၈၅ ရာခိုင်နှုန်းဖြစ်သည်။

၎င်းတို့ကို နောက်တန်းတွင်သာ ထားမည်ဟု မက်လုံးပေးကာ တပ်ထဲ ပြန်ဝင်ရန် စည်းရုံးနေသည်ဟု သိရသည်။

အပြည့်အစုံဖတ်ရန် > https://myanmar-now.org/mm/news/49570/

ပုံစာ - ၂၀၁၈ အတွင်းက ရန်ကုန်မြို့လယ် စစ်တပ်ထောက်ခံပွဲတွင် တွေ့ရသည့် စစ်မှုထမ်းဟောင်းများ (ဓာတ်ပုံ - Myanmar Now)

#စစ်မှုထမ်းဟောင်း

26/02/2024

ငွေကြေးနှင့် ပတ်သက်လာလျှင် မိမိ၏ ဂုဏ်သိက္ခာကိုမှ မထောက် နိုင်ငံရေးဖြင့် အမြတ်ထုတ် သွားသူ မြိတ်မြို့က တရားလွှတ်တော်ရှေ့နေတစ်ဦး......

၂၆ ၊ ဖေဖော်ဝါရီလ ၊ ၂၀၂၄

( ၂၀၂၃ ခုနှစ် မေလ ၁၉ ရက်နေ့ က သတင်းအား တိကျမှန်ကန်သောကြောင့် ပြန်လည်ဖော်ပြခြင်း ) သတင်းပေးသူအား လုံခြုံရေးအရ အမည်လွဲထားပေးပါသည်။

NUG Pay Mobile Money ပိုက်ဆံများ လိမ်လည်ခံရခြင်း

မြိတ်မြို့၊ တက္ကသိုလ်ရပ် (ဘိတ်ကော့လိပ်) ၊ မြရိပ်ညိုလမ်းသွယ် (၈) လမ်းနေ တရားလွှတ်တော်ရှေ့နေ ဦးမြတ်ဇော်အောင် သည် တော်လှန်ရေးတပ်ဖွဲ့ PDF များအတွက် ထောက်ပံ့ရန် လှူဒါန်းထားသော ငွေကျပ် သိန်း ၂၈၅ သိန်း အား လိမ်လည်ရယူခဲ့ကြောင်း သတင်းရရှိပါသည်။

ငွေကျပ် သုံးသိန်း အလိမ်ခံရသူ တက္ကသိုလ်ရပ်နေ မမေမေဇင်မာဦး (အမည်လွဲ) ပြောပြသည်မှာ " ကျွန်မတို့က သူ့ကို ယုံ​တယ်လေ သူက တရားလွှတ်တော်ရှေ့နေတစ်ယောက်ပဲ ကျွန်မတို့နဲ့လည်း ရင်းနှီးတာဆိုတော့ ယုံမိတာပေါ့၊ သူက NLD ထောက်ခံသူတစ်ယောက်လေ ကျွန်မတို့နဲ့ အတူတူပဲ အာ့ဆိုတော့ ပစ်ယုံလိုက်တာလေ၊ သူ ပထမ ပြောတုန်းက NUG pay ကနေ pdf တွေအတွက် ထောက်ပံ့ပေးလို့ရတယ် စစ်တပ်က ဘယ်လိုမှ စစ်ဆေးလို့မရနိုင်ဘူး ဆိုပြီးပြောပြတော့ ကျွန်မတို့က ယုံတာပေါ့ သူက ရှေ့နေတစ်ယောက်ပဲ သူထိခိုက်မယ့်အနေထားကိုတော့ လွတ်အောင် plan ချထားမှာပေါ့ဆိုပြီး ယုံတာလေ ၊ အဲတော့ ကျွန်မတို့လည်း ကယ် ရှေ့နေကြီးရေ လုပ်ပါဦး ကျွန်မတို့လည်း ခလေးတွေကို ထောက်ပံ့ခြင်တယ်ဆိုပြီးပြောရတာပေါ့ အဲဒီတော့ ရှေ့နေကြီးက အော်လိုင်း ကနေ NUG Pay ဆိုတာ ဖုန်းထဲထည့်ရမယ်တဲ့ သူကရှင်းပြတာက Nug pay ဆိုတာ KBZ တို့ CB တို့ Yoma တို့လို့ Mobile Bank ဆိုပြီးရှင်းပြတယ် အဲတော့ ကျွန်မတို့လည်း ဖုန်းထဲထည့်တာပေါ့ ပြီးရင် သူပဲ အကောင့်ဖွင့်ပေးတာ အကောင့်ဖွင့်ပြီးတာနဲ့ အဲဒီထဲ ပိုက်ဆံ ထည့်ပြီး လှူရုံပဲ ဆိုပြီးရှင်းပြတယ်..... အဲဆို ကျွန်မကို သုံးသိန်းထည့်ပေးလို့ရလားဆို ရတယ်တဲ့ သူထည့်ပေးမယ်ဆိုပြီး ပိုက်ဆံယူခဲ့တာပဲ ၊ အခုပိုက်ဆံ ထည့်လိုက်မှာလားမေးတော့ အကောင့်အသစ်ဆိုတော့ ချက်ချင်းထည့်မရဘူး ပိုက်ဆံ ပေးထားခဲ့ ထည့်ပေးထားမယ်ဆိုပြီး ပြောတယ် ပြီးတော့ အကောင့် အသုံးပြုပုံတွေလည်း ရှင်းပြတယ်.... ကျွန်မပြန်ခါနီး အရေးကြီးတာ မှာမလို့တဲ့ ဆိုပြီးတော့ပြောပြတာ အဲဒီ NUG Pay ကို ဖုန်းထဲအမြဲထည့်ထားလို့မရဘူးနော် အခုဖျက်ရမယ် ကိုယ်လှုချင်တဲ့အခါမှ ဖုန်းထဲပြန်ထည့်ရမယ် ဆိုပြီး ရှင်းပြတယ် အဲတာနဲ့ ကျွန်မလည်း ဟုတ်ကဲ့ဆရာရေ ဆိုပြီး အိမ်ပြန်ခဲ့တာပဲ......."

ဒီနေ့ဒီအချိန်ထိ ကျွန်မ NUG Pay ထဲ ပိုက်ဆံမဝင်လာပါဘူးရှင့် ဖုန်းဆက်ပြောတော့လည်း သူအကောင့်ကနေ လှုလိုက်ပြီဆိုပြီး လိမ်တာပါ၊ ကျွန်မလိုပဲ ကျွန်မသူငယ်ချင်းတွေကို မေးကြည့်တော့လည်း သူတို့ကိုလည်း အဲလိုပဲ သူလှုပေးလိုက်ပြီဆိုပြီး ပြောတာပဲဆိုပြီး ပြန်ပြောပြကြတယ်ရှင့်၊ ကျွန်မတို့ ဘယ်သူ့ကိုတိုင်ရမလဲ ဘယ်သူ့ကိုမှ တိုင်လို့မရလို့ အခုလို့ သတင်းပေးပြီး နောက်လူတွေ အလိမ်မခံရအောင် နဲ့ ကိုမြတ်ဇော်အောင် လာပြောရင် မယုံကြဖို့ အသိပေးလိုက်တာပါ။

ငွေယုံကြည်အပ်နှံမှုနဲ့ တရားစွဲရင်လည်း ကိုယ်ပါ ပြန်ပြီး အမှုပတ်မယ့်အဖြစ် သူက ရှေ့နေလေ ... သူက အကုန်သိနေတာဆို​ တော့ ကျွန်မတို့လည်း မတိုင်ရဲဘူးလေ၊ နောက်လူတွေမခံရအောင် ကျွန်မက သတင်းပေးလိုက်ရုံပါ.."

ဆိုပြီး Myeik Now သို့ သတင်းလာပေးသည်ကို အများပြည်သူ အကျိုးအတွက် ပြန်လည် မျှဝေ သတင်းပေးတင်ပြလိုက်ပါသည်။


#မြတ်ဇော်အောင်
#တရားလွှတ်တော်ရှေ့နေ
#ကျပ်၂၈၅သိန်း
#လိမ်လည်သူ
#တရားလွှတ်တော်ရှေ့နေ_မြတ်ဇော်အောင်

26/02/2024

ထားဝယ်အရှေ့တောဒေသတွင် တိုက်ပွဲပြင်းထန်နေ၊ စစ်ကောင်စီတပ်က ရဟတ်ယာဉ်ဖြင့် ထပ်မံ ဗုံးလာကြဲ

Reference from Dawei Watch| ဖေဖော်ဝါရီ ၂၆

ထားဝယ်အရှေ့တောဒေသ တောင်သုံးလုံးရွာနှင့် ရွှေချောင်းရွာတွင် စစ်ကောင်စီတပ်စစ်ကြောင်းနှင့် ကရင်အမျိုးသား လွတ်မြောက်ရေးတပ်မတော် KNLA/PDF ပူးပေါင်းတပ်တို့ တိုက်ပွဲအပြင်းအထန် ဖြစ်ပွားနေကြောင်း KNLA နှင့် ဒေသခံအချို့ထံမှ သိရသည်။

ကျောက်မဲတောင်ရွာဘက်မှ မေတ္တာဗျူဟာဘက်သို့ ထွက်လာသည့် စစ်ကောင်စီတပ်စစ်ကြောင်းနှင့် KNLA/PDF ပူးပေါင်းတပ်တို့ ဖေဖော်ဝါရီလ ၂၅ ရက် မနေ့ ညနေ ၃နာရီခန့်ကစပြီးနှစ်ဖက်တိုက်ပွဲဖြစ်ပွားကြောင်း ၎င်းတို့ထံမှ သိရသည်။

“တိုက်ပွဲအခြေအနေက မနေ့ညနေ ၃ နာရီကစပြီး အခုချိန်ထိပေါ့။ အခုနကပဲ ၁၀ မိနစ်လောက်က လေယာဉ်နဲ့ ဗုံးလာကြဲ သွားတယ်။ ဒီမနက်ကတော့ မနက် ၈ နာရီကနေ အခုထိပေါ့။ အခုထိမပြီးသေးဘူး” ဟု KNLA တပ်ရင်း (၂၇) နှင့် တပ်ရင်း (၁၀) တွဲဖက် တပ်ရင်းမှူး စောမှူးဂေက ပြောသည်။

ယနေ့ ဖေဖော်ဝါရီလ ၂၆ ရက် နေ့လည် ၁၂ နာရီ ၅ မိနစ်ခန့်က ရဟတ်ယာဉ်တစ်စီးလာရောက်ပြီး ဗုံးနှစ်လုံးကြဲချသွားကြောင်း ၎င်းက ဆိုသည်။

တိုက်ပွဲအတွင်းနှင့် ရဟတ်ယာဉ်ဖြင့် လာရောက်တိုက်ခိုက်မှုတို့တွင် ပူးပေါင်းတပ်များဘက်က ထိခိုက်သေဆုံးမှု မရှိကြောင်း တပ်ရင်းမှူး စောမှူးကေက ပြောဆိုသည်။

စစ်ကောင်စီဘက်က ထိခိုက်သေဆုံးမှုမည်မျှရှိသည်ကို မသိရသော်လည်း ရွှေချောင်းဘုန်းကြီးကျောင်းအနီးက ချုံထဲတွင် အလောင်းတစ်လောင်းတွေ့ရပြီး ကျည်ဆန်အချို့ရရှိကြောင်း ၎င်းက ဆိုသည်။

စစ်ကောင်စီတပ်စစ်ကြောင်းသည် မေတ္တာမြို့ရှိ ဗျူဟာစခန်းနှင့် ပူးပေါင်းရန်လာစဉ် KNLA/PDF ပူးပေါင်းတပ်များက လမ်းတစ်လျှောက် ကြားဖြတ်တိုက်ခိုက်နေခြင်းဖြစ်ကြောင်း တပ်ရင်းမှူးစောမှူးဂေနှင့် ပူးပေါင်းတပ်ဖွဲ့ဝင်အချို့က ပြောသည်။

ဖေဖော်ဝါရီလ ၂၅ ရက်တွင် မေတ္တာမြို့ရှိ စစ်ကောင်စီတပ်က ပစ်ခတ်သည့် လက်နက်ကြီးကျည် တောင်သုံးလုံးရွာက ဓမ္မရသရိပ်သာကျောင်းတွင်ကျရောက်ပေါက်ကွဲခဲ့ပြီး ကျောင်းဆောင်ထိခိုက်ပျက်စီးကြောင်း ပူးပေါင်းတပ်ဖွဲ့ဝင်တစ်ဦးနှင့် ဒေသခံတစ်ဦးတို့က ပြောသည်။

“လူနေအိမ်တွေ ကျည်ဆန်ထိတာတွေလည်းရှိတယ်။ လူငယ်တစ်ယောက် လက်နက်ကြီးအစ စင်ပြီးလက်မှာ ဒဏ်ရာရ ခဲ့တယ်လို့ ပြောတယ်။ များတော့မများဘူး။ ကျွန်တော်တို့လည်း အခုဆို ရွာနဲ့အဝေးမှာ ပုန်းခိုနေရတယ်” ဟု တောင်သုံးလုံး ရွာက စစ်ဘေးရှောင်နေသည့် ဒေသခံအမျိုးသားတစ်ဦးက ပြောသည်။

ရွှေချောင်းရွာတွင် လက်နက်ကြီးကျည် ကျရောက်ပေါက်ကွဲသဖြင့် နေအိမ်အဆောက်အအုံများ မီးလောင်နေသည်ဟု ရွာက ထွက်ပြေးလာသူများ၏ ပြောဆိုချက်အရ သိရကြောင်း ၎င်းက ဆိုသည်။

တောင်သုံးလုံးရွာမှာ ရွှေချောင်းရွာနှင့် ကပ်လျက်ရှိသည့်ရွာဖြစ်ပြီး ရွှေချောင်းရွာနှင့် မေတ္တာဗျူဟာစခန်းကြားတွင် ကျေးရွာတစ်ရွာသာ ခြားတော့ကြောင်း ဒေသခံတို့ထံမှ သိရသည်။

ကျောက်မဲတောင်စခန်းနှင့် မေတ္တာဗျူဟာစခန်းတို့ရှိ စစ်ကောင်စီတပ်ဘက်က တောင်သုံးလုံးရွာနှင့် ရွှေချောင်းရွာကြားကို လက်နက်ကြီးနှင့် ပစ်ကူပေးနေကြောင်း တပ်ရင်းမှူး စောမှူးဂေက ဆိုသည်။

KNLA နှင့် PDF ပူးပေါင်းတပ်များဘက်ကလည်း ကျောက်မဲတောင်စခန်းနှင့် မေတ္တာဗျူဟာစခန်းကို လက်နက်ကြီးနှင့် ပြန်လည် ပစ်ခတ်နေကြောင်း ၎င်းက ပြောဆိုသည်။

KNLA နှင့် PDF ပူးပေါင်းတပ်များဘက်က စစ်ကောင်စီတပ်စခန်း၊ စစ်ကောင်စီတပ်စစ်ကြောင်းကို လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်သလို ဒရုန်းဖြင့်လည်း ဗုံးချတိုက်ခိုက်နေကြောင်း ပူးပေါင်းတပ်ဖွဲ့ဝင် အချို့ထံမှ သိရသည်။

မေတ္တာဗျူဟာသို့ လာသည့် စစ်ကောင်စီယာဉ်တန်းကို KNLA နှင့် PDF ပူးပေါင်းတပ်တို့က ဖေဖော်ဝါရီလ ၁၇ ရက်နေ့ တိုက်ခိုက်ရာမှာ အရှေ့တောဒေသတွင် တိုက်ပွဲများ ဖြစ်ပွားနေခြင်းဖြစ်သည်။

ဖေဖော်ဝါရီလ ၂၁ ရက်နှင့် ၂၂ ရက်တို့တွင် ကျောက်မဲတောင်ရွာကြား တိုက်ခိုက်ခံရမှုတွင် စစ်ကောင်စီဘက် ရဟတ်ယာဉ်ဖြင့် လာရောက်ဗုံးကြဲတိုက်ခိုက်ခဲ့သည်။

ယင်းဗုံးကြဲတိုက်ခိုက်မှုတွင် ကျောက်မဲတောင်ရွာအပြင်ဘက်ရှိ ဆာဒိုးဝါးဆေးရုံကို လက်နက်ကြီးကျရောက်ပေါက်ကွဲပြီး အဆောက်အုံ ထိခိုက်ပျက်စီးခဲ့ကြောင်း ပူးပေါင်းတပ်ဖွဲ့နှင့် ဒေသခံအချို့က ပြောသည်။

ထားဝယ်အရှေ့တောဒေသတွင် နှစ်ဖက်တိုက်ပွဲပြင်းထန်နေသဖြင့် ထားဝယ်-မေတ္တာ-ထီးခီးလမ်းပိုင်း သွားလာ၍ မရဖြစ်ပြီး ဝကုန်းက ခရီးသည်တင်လိုင်းကားနှင့် ဈေးကားအချို့မှာမူ ဖေဖော်ဝါရီလ ၂၅ ရက် နံနက်ပိုင်းကအထိ သွားလာခဲ့ ကြောင်း ဒေသခံအချို့က ဆိုသည်။

ပုံစာ - ဖေဖော်ဝါရီလ ၂၅ရက်က လက်နက်ကြီးကျည် ကျရောက်ပေါက်ကွဲသဖြင့် တောင်သုံးလုံးရွာက ဓမ္မရသရိပ်သာကျောင်း ထိခိုက်ပျက်စီးမှု။

Reference from Dawei Watch

23/07/2023

#20000တန်
#နှစ်သောင်းကျပ်တန်
#ငွေစက္ကူများ

20/07/2023

ကျရှုံးနိုင်ငံဖြစ်ရန် ဦးတည်စေသော အာဏာသိမ်းအုပ်ချုပ်မှု
--------------
လက်ရှိစစ်ခေါင်းဆောင် အုပ်စိုးနေသမျှ မြန်မာနိုင်ငံသည် ဖွံ့ဖြိုးမှု နှောင့်နှေးပြီး ဆင်းရဲနွမ်းပါးသည့်နိုင်ငံအဖြစ် ဆက်လက်တည်ရှိနေမည်သာဖြစ်သည်။

ဆောင်းပါးအပြည့်အစုံဖတ်ရန် >>> https://myanmar-now.org/mm/news/39807/

ပုံစာ - ၂၀၂၂ ခုနှစ် နိုဝင်ဘာလက စစ်ကောင်စီတပ်ရန်မှ ထွက်ပြေးနေကြသော ခင်ဦးမြို့နယ် ဒေသခံများ။

#ကျရှုံးနိုင်ငံ

20/07/2023

သိမ်ဇရပ်တွင် စစ်သားနှင့် ဆိုင်ကယ်ချင်း တိုက်မိသူ အဖမ်းခံရပြီး သေဆုံး
---------------
မွန်ပြည်နယ်၊ ကျိုက်ထိုမြို့ ယာဉ်မတော်တဆမှုတွင် ဆိုင်ကယ်အငှားလိုက်သူကို စစ်တပ်က ဖမ်းဆီး သတ်ဖြတ်လိုက်သည်၊ လျော်ကြေး ၂ သိန်းနှင့် ကုန်ပစ္စည်းများလည်း ယူသွားသည်ဟု ဆိုသည်။

အသက် ၂၅ နှစ်အရွယ် ထိုလူငယ် သေဆုံးကြောင်း အထောက်အထားမှတ်တမ်းတစ်ခုတွင် တိုက်နယ်ဆရာဝန် ဒေါက်တာမြတ်ဆုဝေ လက်မှတ်ထိုးထားသည်။

ဆေးရုံသို့ ရောက်လာချိန်၊ သေဆုံးရသည့် အကြောင်းရင်းတို့ကိုမူ ဖော်ပြမထားပေ။

သတင်းအပြည့်အစုံဖတ်ရန် >>> https://myanmar-now.org/mm/news/39846/

ပုံစာ - ရန်ကုန်မြို့ပေါ်တွင် ငြိမ်းချမ်းစွာဆန္ဒပြသူများကို ပစ်ခတ်နှိမ်နင်းရန် ပြင်ဆင်နေသည့် စစ်သားများကို ၂၀၂၁ ခုနှစ်အတွင်း တွေ့ရစဉ်။ ဓာတ်ပုံ-Myanmar Now

#သိမ်ဇရပ် #ကျိုက်ထို #မွန်ပြည်နယ်

20/07/2023

#မုန့်တီခြောက်( မုန့်ဟင်းခါး မုန့်တီ) လုပ်ငန်း

19/07/2023

19/07/2023

04/07/2023

၄ ၊ ဇူလိုင်လ ၊ ၂၀၂၃

မင်းအောင်လှိုင်ဘုရားကို ကျပ်ဘီလျံချီလှူသည့်လုပ်ငန်းရှင်များစာရင်းတွင် မြိတ်မြို့မှ အလှုရှင်များပါဝင်
------------------------------------------------

၂၀၂၃ ခုနှစ် ဇွန်လ ၂၉ ရက်နေ့ လှုဒါန်းမှု

* အမှတ်စဥ် ၁၉ ပါ

ဦးလှသန်း (မြိတ်အများပိုင်ကုမ္ပဏီ) နှင့်

ဒေါက်တာ အောင်လွင် ( ပြည့်ဖြိုးထွန်းကုမ္ပဏီ ) တို့မှ

စုစုပေါင်း ကျပ်သိန်း ၂၀၀၀ /- လှုဒါန်း

* အမှတ်စဥ် ၈၂ ပါ

ဦးစိုးမိုးနိုင် ( ဖိုးလမင်းကုမ္ပဏီ / ဖိုးလမင်း ရာဘာစက်မှုလုပ်ငန်း ကုမ္ပဏီ)

မှ ကျပ်သိန်း ၂၅၀ /- လှုဒါန်း သည်။

နေပြည်တော်၌ အာဏာသိမ်းခေါင်းဆောင် ဗိုလ်ချုပ်ကြီးမင်းအောင်လှိုင်တည်နေသော ဘုရား အတွက် ကျပ်ဘီလျံချီ အလှူငွေထည့်ခဲ့ကြသည့် ထိပ်တန်းစီးပွားရေးလုပ်ငန်းရှင်များစာရင်းကို စုပေါင်းဖော်ပြလိုက်ပါသည်။ ကမ္ဘာပေါ်တွင် ဉာဏ်တော်အမြင့်ဆုံးဟု ကြွေးကြော်ထားသည့် ကျောက် ဆစ်ရုပ်ပွားတော် တည်ဆောက်ခြင်းနှင့်ပတ်သက်၍ စစ်ကောင်စီက လုပ်ငန်းရှင်သူဌေးများကို နေပြည် တော်အရောက်ဆင့်ခေါ်ခဲ့သည်။

ထိပ်ဆုံးအလှူရှင်သုံးဦးအနေဖြင့် CB ဘဏ်ဥက္ကဋ္ဌ ဦးခင်မောင်အေးက ကျပ်သိန်းပေါင်း နှစ်သောင်း ကျော်၊ ဘိန်းဘုရင်ဟောင်း လော်စစ်ဟန်နှင့်အတူ Asia World ကုမ္ပဏီကို ပူးတွဲတည်ထောင်ခဲ့သူ ဦးကျေးက ကျပ်သိန်းနှစ်သောင်း၊ ဧဒင်ကုမ္ပဏီအုပ်စုမှ ဦးဝဏ္ဏခိုင်က ကျပ်သိန်းတစ်သောင်းငါးထောင် လှူဒါန်းသည်။

မြန်မာနိုင်ငံမှ နော်ဝေဆက်သွယ်ရေးကုမ္ပဏီ Telenor ထွက်ခွာသွားပြီးနောက် ထိုဆက် သွယ်ရေးလုပ်ငန်းကို လုပ်ကိုင်ခွင့်ရရှိထားသည့် ရွှေဗျိုင်းဖြူကုမ္ပဏီအုပ်စုပိုင်ရှင် ဦးသိန်းဝင်းဇော်၊ Asia World ကုမ္ပဏီပိုင်ရှင် ဦးထွန်းမြင့်နိုင်တို့ အပါအဝင် ကြံ့ခိုင်ရေးပါတီ ထိပ်တန်းခေါင်းဆောင်ဟောင်း ဦးအောင်သောင်း၏ သားသမီးများဖြစ်ကြသော လက်ရှိရေတပ်အကြီးအကဲ ဗိုလ်ချုပ်ကြီးမိုးအောင်၊ ညီဖြစ်သူ UAB ပိုင်ရှင် ဦးနေအောင်တို့က ကျပ်သိန်း ၅၀၀၀ ကျော်စီဖြင့် ဒုတိယအများဆုံး လှူကြသည်။

အာဏာသိမ်းပြီး ရက်ပိုင်းအတွင်း တပ်မတော်ကာကွယ်ရေးဦးစီးချုပ်ရာထူးကို အကန့်အသတ်မရှိ သက် တမ်းတိုးခဲ့သူ မင်းအောင်လှိုင်သည် ဗေဒင်နှင့် ယတြာအစီအမံများကို မလွတ်တမ်းအားကိုးနေသူဖြစ် ကာ ရှေးဟောင်းဘုရားအချို့ကို ထီးတင်ခဲ့သည်။

သတင်းအပြည့်အစုံဖတ်ရှုရန် - https://myanmar-now.org/mm/news/38752/

30/06/2023

၃၀ ၊ ဇွန်လ ၊ ၂၀၂၃

စစ်ကောင်စီကို ဘဏ္ဍာရေး အကြံပေးနေကြသူများအား သတိပေးခြင်း

၁။ ဦးမင်းဝင့်ဦး
ရာထူး - မန်နေဂျင်း ဒါရိုက်တာ (AYA Bank)
ရုံးချုပ်လိပ်စာ - အမှတ် ၄၁၆၊ မဟာဗန္ဓုလလမ်း၊ ကျောက်တံတားမြို့နယ်၊ ရန်ကုန်။

၂။ ဦးမြင့်ဇော်
ရာထူး - အမှုဆောင်အရာရှိချုပ် (AYA Bank)
ရုံးချုပ်လိပ်စာ - အမှတ် ၄၁၆၊ မဟာဗန္ဓုလလမ်း၊ ကျောက်တံတားမြို့နယ်၊ ရန်ကုန်။

၃။ ဦးဇော်လင်းထွဋ်
ရာထူး - ဒုဥက္ကဌ (A Bank)
ရုံးချုပ်လိပ်စာ - အမှတ် ၁၀၈၊ ကမ္ဘာအေး ဘုရားလမ်းနှင့် နတ်မောက်လမ်းထောင့်၊ ဗိုလ်ချို ၁ ရပ်ကွက်၊ ဗဟန်းမြို့နယ်၊ ရန်ကုန်။

၄။ ဦးကျော်စိုးလင်း
ရာထူး - အမှုဆောင်အရာရှိချုပ် (Yoma Bank)
ရုံးချုပ်လိပ်စာ - အမှတ် ၁၄၊ ကျိုက်ခေါက် ဘုရားလမ်း၊ စတားစီးတီး၊ သန်လျင်မြို့နယ်၊ ရန်ကုန်။

အထက်ပါ ပုဂ္ဂိုလ်များသည် နိုင်ငံတကာမှ ပိတ်ဆို့ အရေးယူခြင်း ခံထားရသော မင်းအောင်လှိုင်၏ စစ်ကောင်စီကို ဘဏ်စနစ်နှင့် ဘဏ္ဍာရေး ဆိုင်ရာ အကြံဥာဏ်များ ပေးနေကြသည့် သူများ ဖြစ်ကြပါသည်။

သို့သော် အဆိုပါ ပုဂ္ဂိုလ်များထဲတွင် တော်လှန်ရေးကို ကူညီခဲ့ဖူးသူများ ပါဝင်နေသည်ကို ထောက်ရှူ၍ နောက်ဆုံး အကြိမ် အဖြစ် ပြင်းထန်စွာ သတိပေး လိုက်ပါသည်။

နောင်တွင် စစ်ကောင်စီနှင့် ဆက်လက် ပူးပေါင်း ဆောင်ရွက်နေပါက ထိုက်သင့်သည့် အရေးယူ မှုများ ပြုလုပ်သွားမည် ဖြစ်ကြောင်း အသိပေး အပ်ပါသည်။

ဟု ဖော်ပြထားသော သတင်းအား Myeik Now မှ ထပ်ဆင့်ပြန်လည်တင်ပြပေးလိုက်ပါသည်။




#စစ်ကောင်စီအကြံပေး

#ဘဏ်
#ရိုးမဘဏ်
#ဧရာဝတီဘဏ်
#အေဘဏ်

22/06/2023

၂၃ ၊ ဇွန်လ ၊ ၂၀၂၃

ကော့သောင်းမြို့ ဒေသခံ တစ်ဦးမှ ပေးပို့လာသော သတင်းအားတင်ပြခြင်း

ကော့သောင်းမြို့ ဒေသခံတစ်ဦး ပြောပြသည်မှာ " #နစက မှ တာဝန်ရှိသူများသိစေအပ်ပါသည်

ကော့သောင်းစစ်ဗျူဟာမှူး မှ ဧည့်စာရင်း စစ်ဆေးရေး တာဝန်ပေးထားသော ဗိုလ်ကြီး လင်းထက်ဝင်း ၏ တပ်မတော်မှ နိုင်ငံတော် အာဏာကို သိမ်းထားသည့်အခြေအနေကို အခွင့်ကောင်း ယူကာ ကော့သောင်း မြို့နေပြည်သူများ အပေါ် တရားဥပဒေ မဲ့ အနိုင်ကျင့် ဗိုလ်ကျခြင်း တရားဥပဒေမဲ့ ဆောင်ရွက်ခြင်း နှင့် မတရားသဖြင့် ငွေကြေးကောက်ခံနေမှုများ ကို ကော့သောင်းစစ်ဗျူဟာမှူး နှင့် နစက မှ တာဝန်ရှိသူများ သိစေအပ်ပါသည်

13-6-2023 ရက်နေ့ နံနက် ၁ နာရီ ခွဲ အချိန်
ကော့သောင်းစစ်ဗျူဟာမှ ဗိုလ်ကြီး လင်းထက်ဝင်း
ဦးဆောင်သော စစ်ယူနီဖောင်း ဝတ် စစ်သား ၅ ဦးသည်
အေးရိပ်ငြိမ်း ရပ်ကွက် အတွင်း ဧည့်စာရင်း လိုက်စစ်ပါသည်

ဧည့်စာရင်း စစ်ရာတွင် အေးရိပ်ငြိမ်းရပ်ကွက်
အုပ်ချုပ်ရေးမှူး အဖွဲ့ အပိုင်နယ်ထိန်းနှင့် ရဲတပ်ဖွဲ့ လူဝင်မှုကြီးကြပ်ရေး အဖွဲ့ စသည့် အဖွဲ့များ မပါဝင်ဘဲ စစ်ဆေးကြပါသည်

ရပ်ကွက်ရုံးတွင် ဧည့်စာရင်း တိုင်ထားပြီးသူများကို ပါ
ဧည့်စာရင်း ဖမ်းပါသည် ရပ်ကွက်ရုံးတွင် ဧည့်စာရင်း
တိုင်ကြား ပြီးသားပါ ဟု ပြောသော်လည်း ရပ်ကွက်ရုံးမှာ
တိုင်တာက တရားမဝင်ဘူး ငါတို့ကို ဗျူဟာမှူးက ဧည့်စာရင်း စစ်ခိုင်းလို့ စစ်ရကြောင်း ပြောပါသည်
ရပ်ကွက်ရုံးမှာ တိုင်ထားတဲ့ ဧည့်စာရင်း က
တရားမဝင်ရင် ဘယ်ရုံးမှာ ဧည့်စာရင်း တိုင်ရမှာလဲခင်ဗျာ

ဧည့်စာရင်း မိတယ်ဟု ဆိုကာ ဒါဏ်ငွေ ၃ သိန်း တောင်းလို့ ငွေ ၃ သိန်း ပေးလိုက်ရပါတယ် ခင်ဗျာ
ကော့သောင်းမြို့မှာ တည်းခိုခန်း ကို လိုင်စင်နဲ့ လုပ်ကိုင်လာတာ ၁၀ နှစ်‌ ကျော်ပါပြီ အခုလို ဧည့်စာရင်းကို ပူးပေါင်းအဖွဲ့ နဲ့ မဟုတ်ဘဲ စစ်တပ် က ပဲ လာစစ်တာ
ခုမှပဲ ကြုံတွေ့ရပါသည်

ရပ်ကွက်ရုံးကို တိုင်ထားတဲ့ ဧည့်စာရင်းကို
စစ်တပ်ဗိုလ်ကြီး က တရားမဝင် ဘူး ဟု ပြောကာ
ငွေ ၃ သိန်း တောင်းတာကို ခုမှ ကြုံတွေ့ရပါသည်

ကော့သောင်းဗျူဟာ ကို နာမည်ဖျက်တာ မဟုတ်ပါခင်ဗျာ
ဟုတ် မဟုတ် အေးရိပ်ငြိမ်းရပ်ကွက် မှာ စုံစမ်းကြည့်ကြပါ တာဝန်ရှိသူများ ခင်ဗျာ

ဧည့်စာရင်း စစ်တာကို အကြောင်းပြပြီး တရားဥပဒေမဲ့ ပြုမူနေကြသော အနိုင်ကျင့် ‌ခံနေရသော ကော့သောင်းပြည်သူများ ကို ‌သနားပေးကြပါ ခင်ဗျာ ""

ဟု ဆိုကာ Myeik Now သို့ပေးပို့လာသော သတင်းအား အများပြည်သူ သိရှိစေရန် ပြန်လည်တင်ပြပေးလိုက်ပါသည်။

#နိုင်ငံတော်စီမံအုပ်ချုပ်ရေးကောင်စီ
#တပ်ထိန်း

22/06/2023

ငွေကြေးနှင့် ပတ်သက်လာလျှင် မိမိ၏ ဂုဏ်သိက္ခာကိုမှ မထောက် နိုင်ငံရေးဖြင့် အမြတ်ထုတ် သွားသူ မြိတ်မြို့က တရားလွှတ်တော်ရှေ့နေတစ်ဦး......

၂၂ ၊ ဇွန်လ ၊ ၂၀၂၃

( ၁၉ ရက်နေ့ မေလ က သတင်းအား တိကျမှန်ကန်သောကြောင့် ပြန်လည်ဖော်ပြခြင်း ) သတင်းပေးသူအား လုံခြုံရေးအရ အမည်လွဲထားပေးပါသည်။

NUG Pay Mobile Money ပိုက်ဆံများ လိမ်လည်ခံရခြင်း

မြိတ်မြို့၊ တက္ကသိုလ်ရပ် (ဘိတ်ကော့လိပ်) ၊ မြရိပ်ညိုလမ်းသွယ် (၈) လမ်းနေ တရားလွှတ်တော်ရှေ့နေ ဦးမြတ်ဇော်အောင် သည် တော်လှန်ရေးတပ်ဖွဲ့ PDF များအတွက် ထောက်ပံ့ရန် လှူဒါန်းထားသော ငွေကျပ် သိန်း ၂၈၅ သိန်း အား လိမ်လည်ရယူခဲ့ကြောင်း သတင်းရရှိပါသည်။

ငွေကျပ် သုံးသိန်း အလိမ်ခံရသူ တက္ကသိုလ်ရပ်နေ မမေမေဇင်မာဦး (အမည်လွဲ) ပြောပြသည်မှာ " ကျွန်မတို့က သူ့ကို ယုံ​တယ်လေ သူက တရားလွှတ်တော်ရှေ့နေတစ်ယောက်ပဲ ကျွန်မတို့နဲ့လည်း ရင်းနှီးတာဆိုတော့ ယုံမိတာပေါ့၊ သူက NLD ထောက်ခံသူတစ်ယောက်လေ ကျွန်မတို့နဲ့ အတူတူပဲ အာ့ဆိုတော့ ပစ်ယုံလိုက်တာလေ၊ သူ ပထမ ပြောတုန်းက NUG pay ကနေ pdf တွေအတွက် ထောက်ပံ့ပေးလို့ရတယ် စစ်တပ်က ဘယ်လိုမှ စစ်ဆေးလို့မရနိုင်ဘူး ဆိုပြီးပြောပြတော့ ကျွန်မတို့က ယုံတာပေါ့ သူက ရှေ့နေတစ်ယောက်ပဲ သူထိခိုက်မယ့်အနေထားကိုတော့ လွတ်အောင် plan ချထားမှာပေါ့ဆိုပြီး ယုံတာလေ ၊ အဲတော့ ကျွန်မတို့လည်း ကယ် ရှေ့နေကြီးရေ လုပ်ပါဦး ကျွန်မတို့လည်း ခလေးတွေကို ထောက်ပံ့ခြင်တယ်ဆိုပြီးပြောရတာပေါ့ အဲဒီတော့ ရှေ့နေကြီးက အော်လိုင်း ကနေ NUG Pay ဆိုတာ ဖုန်းထဲထည့်ရမယ်တဲ့ သူကရှင်းပြတာက Nug pay ဆိုတာ KBZ တို့ CB တို့ Yoma တို့လို့ Mobile Bank ဆိုပြီးရှင်းပြတယ် အဲတော့ ကျွန်မတို့လည်း ဖုန်းထဲထည့်တာပေါ့ ပြီးရင် သူပဲ အကောင့်ဖွင့်ပေးတာ အကောင့်ဖွင့်ပြီးတာနဲ့ အဲဒီထဲ ပိုက်ဆံ ထည့်ပြီး လှူရုံပဲ ဆိုပြီးရှင်းပြတယ်..... အဲဆို ကျွန်မကို သုံးသိန်းထည့်ပေးလို့ရလားဆို ရတယ်တဲ့ သူထည့်ပေးမယ်ဆိုပြီး ပိုက်ဆံယူခဲ့တာပဲ ၊ အခုပိုက်ဆံ ထည့်လိုက်မှာလားမေးတော့ အကောင့်အသစ်ဆိုတော့ ချက်ချင်းထည့်မရဘူး ပိုက်ဆံ ပေးထားခဲ့ ထည့်ပေးထားမယ်ဆိုပြီး ပြောတယ် ပြီးတော့ အကောင့် အသုံးပြုပုံတွေလည်း ရှင်းပြတယ်.... ကျွန်မပြန်ခါနီး အရေးကြီးတာ မှာမလို့တဲ့ ဆိုပြီးတော့ပြောပြတာ အဲဒီ NUG Pay ကို ဖုန်းထဲအမြဲထည့်ထားလို့မရဘူးနော် အခုဖျက်ရမယ် ကိုယ်လှုချင်တဲ့အခါမှ ဖုန်းထဲပြန်ထည့်ရမယ် ဆိုပြီး ရှင်းပြတယ် အဲတာနဲ့ ကျွန်မလည်း ဟုတ်ကဲ့ဆရာရေ ဆိုပြီး အိမ်ပြန်ခဲ့တာပဲ......."

ဒီနေ့ဒီအချိန်ထိ ကျွန်မ NUG Pay ထဲ ပိုက်ဆံမဝင်လာပါဘူးရှင့် ဖုန်းဆက်ပြောတော့လည်း သူအကောင့်ကနေ လှုလိုက်ပြီဆိုပြီး လိမ်တာပါ၊ ကျွန်မလိုပဲ ကျွန်မသူငယ်ချင်းတွေကို မေးကြည့်တော့လည်း သူတို့ကိုလည်း အဲလိုပဲ သူလှုပေးလိုက်ပြီဆိုပြီး ပြောတာပဲဆိုပြီး ပြန်ပြောပြကြတယ်ရှင့်၊ ကျွန်မတို့ ဘယ်သူ့ကိုတိုင်ရမလဲ ဘယ်သူ့ကိုမှ တိုင်လို့မရလို့ အခုလို့ သတင်းပေးပြီး နောက်လူတွေ အလိမ်မခံရအောင် နဲ့ ကိုမြတ်ဇော်အောင် လာပြောရင် မယုံကြဖို့ အသိပေးလိုက်တာပါ။

ငွေယုံကြည်အပ်နှံမှုနဲ့ တရားစွဲရင်လည်း ကိုယ်ပါ ပြန်ပြီး အမှုပတ်မယ့်အဖြစ် သူက ရှေ့နေလေ ... သူက အကုန်သိနေတာဆို​ တော့ ကျွန်မတို့လည်း မတိုင်ရဲဘူးလေ၊ နောက်လူတွေမခံရအောင် ကျွန်မက သတင်းပေးလိုက်ရုံပါ.."

ဆိုပြီး Myeik Now သို့ သတင်းလာပေးသည်ကို အများပြည်သူ အကျိုးအတွက် ပြန်လည် မျှဝေ သတင်းပေးတင်ပြလိုက်ပါသည်။


#မြတ်ဇော်အောင်
#တရားလွှတ်တော်ရှေ့နေ
#ကျပ်၂၈၅သိန်း
#လိမ်လည်သူ

22/06/2023

နိုင်ငံပိုင်ဘဏ်နှစ်ခုကို အမေရိကန်ပိတ်ဆို့မှု ဘယ်လိုရိုက်ခတ်နိုင်သလဲ
--------------------
နိုင်ငံခြားငွေကြေးဖြင့် လည်ပတ်ကာ ကုန်သွယ်မှုနှင့် ရင်းနှီးမြှုပ်နှံမှုလုပ်ငန်းအတွက် အဓိကကျသော ဘဏ်ကြီးများဖြစ်၍ ဘဏ်စနစ်အတွင်း စီးဆင်းသည့် နိုင်ငံတကာငွေပေးချေမှုများအားလုံး ခက်ခဲသွားနိုင်ကြောင်း MFTB ဘဏ်အရာရှိဟောင်းနှင့် ကျွမ်းကျင်သူတစ်ဦးက ဆိုသည်။

MFTB ဘဏ်သည် Bank of America နှင့် Standard Chartered ကဲ့သို့ နိုင်ငံတကာဘဏ်ကြီးများနှင့်ပါ ချိတ်ဆက်ထားသည့် ကွန်ရက်အကြီးမားဆုံးဘဏ်ကြီးဖြစ်ပြီး အပြည်ပြည်ဆိုင်ရာကုန်သွယ်ရေး ငွေပေးချေမှုသာမက အစိုးရ၏ နိုင်ငံခြားငွေပေးချေမှုများကိုပါ ဝန်ဆောင်မှုပေးရသည်ဟု MFTB ဘဏ်အရာရှိဟောင်းက ပြောသည်။

“ဒီဟာက Main Gateway (ပင်မဝင်ထွက်ပေါက်) ဖြစ်နေတာပေါ့။ တခြား ရှိနေရင်တောင် ဒီကောင်လောက် အရေးမပါဘူး။ တခြား MICB ဘဏ်ကိုပါ ပိတ်လိုက်တာကိုး။ ပုဂ္ဂလိကဘဏ်လေးတွေကနေ ပမာဏအသေးလေးတွေ လွှဲနိုင်တဲ့လမ်းကြောင်း ရှိကောင်းရှိမယ်။ ဒါပေမဲ့ ဒါတွေက မပြောပလောက်ဘူး”

နိုင်ငံတကာငွေကြေးခဝါချမှုစောင့်ကြည့်ရေးအဖွဲ့ (FATF) က မြန်မာနိုင်ငံကို အမည်ပျက်စာရင်းကြေညာမှုကြောင့် ငွေပေးချေမှုများ ကြန့်ကြာခဲ့ပြီး ယခုပိတ်ဆို့မှုမှာ ဒုတိယထိုးနှက်ချက်ဖြစ်ကြောင်း နိုင်ငံတကာရင်းနှီးမြှုပ်နှံမှုများကို လေ့လာစောင့်ကြည့်နေသူတစ်ဦးက ဆိုသည်။

အမည်မဖော်လိုသည့် နိုင်ငံခြားဘဏ်ဝန်ထမ်းတစ်ဦးကမူ ပြည်တွင်းရှိ နိုင်ငံခြားဘဏ်လုပ်ငန်းများမှတစ်ဆင့် ပေးချေမှုပြုလုပ်နိုင်သောကြောင့် ရွေးချယ်စရာရှိနေသေးကြောင်း ထောက်ပြသည်။

"MEB (မြန်မာ့စီးပွားရေးဘဏ်) ကို ဆန်ရှင်ချလိုက်ရင် သက်ရောက်မှုအကြီးကြီး ရှိသွားနိုင်တယ်။ ငွေကြေးစီးဆင်းမှုတွေ လုံးဝမဖြစ်နိုင်တော့ဘူး။ ODA တွေရှိတယ်။ Government to Government ချေးထားတဲ့ Loan ချေးငွေတွေရှိတယ်။ အကယ်၍ MEB ကို ဆန်ရှင်ချရင် သက်ရောက်မှုက အရမ်းကြီးသွားမယ်။ အခုလောလောဆယ် MFTB MICB ကို ချလိုက်တာက Customer တွေအပေါ် သွားပြီး အနည်းနဲ့အများ သက်ရောက်မှုရှိတယ်" ဟု သူက ဆိုသည်။

ဆောင်းပါးအပြည့်အစုံဖတ်ရန် >>> https://myanmar-now.org/mm/news/38379/

#ဘဏ် #အမေရိကန် #ပိတ်ဆို့မှု

22/06/2023

09/06/2023

ပြည်ထောင်စုသမ္မတမြန်မာနိုင်ငံတော်
အမျိုးသားညီညွတ်ရေး အစိုးရ လျှပ်စစ်နှင့် စွမ်းအင် ဝန်ကြီးဌာန
လျှပ်စစ်နှင့် စွမ်းအင်ဝန်ကြီးဌာန
ရက်စွဲ၊ ၂၀၂၃ ခုနှစ်၊ ဇွန်လ ၇ ရက်

သို့
CDM ဝန်ထမ်းများအားလုံး
လျှပ်စစ်နှင့်စွမ်းအင်ဝန်ကြီးဌာန
ဆောက်လုပ်ရေးဝန်ကြီးဌာန
အမျိုးသားညီညွတ်ရေးအစိုးရ၊ လျှပ်စစ်နှင့်စွမ်းအင်ဝန်ကြီးဌာနကို ၂၀၂၁ ခုနှစ်၊ ဇွန်လ ၅ ရက်နေ့တွင် စတင်ဖွဲ့စည်းခဲ့ပါသဖြင့် ၂၀၂၃ ခုနှစ်၊ ဇွန်လ ၅ ရက်နေ့တွင် ဝန်ကြီးဌာနဖွဲ့စည်းခြင်း ၂နှစ်ပြည့်မြောက်ခဲ့ပြီဖြစ်ပါသည်။ ယနေ့ချိန်ထိ ဓမ္မဘက်က ရပ်တည်ပြီး အကြမ်းမဖက်အာဏာ ဖီဆန်လှုပ်ရှားမှုတွင် ပါဝင်ပေးနေကြသော လျှပ်စစ်နှင့်စွမ်းအင်ဝန်ကြီးဌာနနှင့် ဆောက်လုပ်ရေး ဝန်ကြီးဌာနတို့မှ CDM ဝန်ထမ်း သူရဲကောင်းများကို ဝန်ကြီးဌာနအနေဖြင့် ကျေးဇူးအထူးတင် ရှိပြီး လေးစားဂုဏ်ပြုအပ်ပါသည်။ သို့ဖြစ်ပါ၍ ပြည်ထောင်စုဝန်ကြီးက ၂နှစ်ပြည့်အထိမ်းအမှတ် အနေဖြင့် CDM ဝန်ထမ်း သူရဲကောင်းများနှင့် ရင်းရင်းနှီးနှီး တွေ့ဆုံလိုပါသဖြင့် ဝန်ထမ်းများ တက်ရောက်နိုင်ပါရန် အောက်ဖော်ပြပါ အစီအစဉ်များနှင့်အတူ ဖိတ်ကြားအပ်ပါသည်။

အခမ်းအနားအစီအစဉ်
နေ့ရက် - ၂၀၂၃ ခုနှစ်၊ ဇွန် လ ၁၀ ရက် (စနေနေ့)
အချိန် - ၁၈ : ၀၀ နာရီ
တွေ့ဆုံမည့် အစီအစဉ် - Zoom Cloud Meeting
မှတ်ချက် - Zoom link ကို သက်ဆိုင်ရာ focal များမှ တဆင့် ရယူနိုင်ပါသည်။

09/06/2023

၉ ၊ ဇွန်လ ၊ ၂၀၂၃

ပုလောမြို့နယ် မင်းထိန်ရွာက လက်နက်ကြီးကျည်စထိမှန်သေဆုံးခဲ့တဲ့ ဦးဖိုးချွန်း။

တနင်္သာရီတိုင်း မြိတ်ခရိုင်၊ ပုလောမြို့နယ် မင်းထိန်ရွာမှာ စစ်ကောင်စီတပ်ရဲ့ ပစ်ခတ်မှုကြောင့် ရွာသားတစ်ဦး သေဆုံးပြီး ရှစ်ဦး ဒဏ်ရာရခဲ့တယ်လို့ ဒေသခံတွေက ပြောပါတယ်။
ဇွန်လ ၇ ရက်နေ့က စစ်ကောင်စီတပ်က ပစ်လိုက်တဲ့ လက်နက်ကြီးကျည် ကျ‌ရောက်ပေါက်ကွဲတဲ့အတွက် အမျိုးသားတစ်ဦး ထိမှန်သေဆုံးပြီး ရှစ်ဦးဒဏ်ရာရခဲ့တယ်လို့ မြိတ်ခရိုင်တပ်ရင်း ၁ ပြန်ကြားရေးတာဝန်ခံ ဆရာစံက ပြောပါတယ်။
"မနေ့ ညနေငါးနာရီကျော်မှာ စစ်ကောင်စီတပ်ကပစ်တဲ့ လက်နက်ကြီးကျည်စထိမှန်ပြီး မင်းထိန်ရွာက အသက် ၅၃ နှစ်အရွယ် ဦးဖိုးချွန်း သေသွားတယ်၊ အခြား ရှစ်ဦးလည်း ဒဏ်ရာရတယ်"
ပုလောမြို့အခြေစိုက် ခလရ-၂၈၅ တပ်ရင်းကနေ တိုက်ပွဲဖြစ်ပွားတာမရှိဘဲ ပစ်ခတ်ခဲ့တာလို့ ဆိုပါတယ်။ ဒဏ်ရာရသူတွေထဲက အမျိုးသမီးတစ်ဦးဟာ စိုးရိမ်ရတဲ့အတွက် ဆေးကုသမှုခံယူနေရတယ်လို့ ဆရာစံကပြောပါတယ်။
ပြီးခဲ့တဲ့ ဇွန်လ ၁ ရက်နေ့ကလည်း စစ်ကောင်စီတပ်ကပစ်တဲ့ လက်နက်ကြီးကျည်စထိမှန်ပြီး မင်းထိန်ရွာက အမျိုးသမီးတစ်ဦးသေဆုံးခဲ့သလို အသက် ၁၀၂ နှစ်အရွယ် အဘွားတစ်ဦး လက်နက်ကြီးပေါက်ကွဲသံကြောင့် ထိတ်လန့်ပြီး သေဆုံးခဲ့ပါတယ်။
မေလ ၂၆ ရက်နေ့ကလည်း မင်းပြင်ရွာက အသက် သုံးနှစ်အရွယ် ကလေး တစ်ဦးနဲ့ အသက် ၃၈ နှစ်အရွယ် အမျိုးသမီးတစ်ဦး စစ်ကောင်စီတပ်ကပစ်တဲ့ လက်နက်ကြီးကျည်စ ထိမှန်ပြီး သေဆုံးခဲ့ပါတယ်။
တနင်္သာရီတိုင်း ပုလောမြို့နယ်ဟာ စစ်ကောင်စီတပ်ကပစ်တဲ့ လက်နက်ကြီးကြောင့် အရပ်သားသေဆုံးမှု အများဆုံးမြို့နယ်လည်း ဖြစ်ပါတယ်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရဲ့ ၂၀၂၃ ခုနှစ်၊ ဇွန်လ ၂ ရက် ထုတ်ပြန်ချက်အရ စစ်တပ်အာဏာသိမ်းပြီးချိန်ကစလို့ သေဆုံးခဲ့တဲ့ အရပ်သား ၃,၆၁၄ ဦးအထိ ရှိလာပြီဖြစ်ပါတယ်။

Reference: RFA RFA Burmese

09/06/2023

ကျန်းမာရေး ဝန်ထမ်းများကို စစ်ကောင်စီပစ်မှတ်ထားဖိနှိပ်
ကျန်းမာရေးစောင့်ရှောက်မှု ဆိုးရွားစွာ ကျဆင်းလာ
−−−−−−−−−−−−−−−−−−−−−−−
စစ်ကောင်စီ အာဏာသိမ်းပြီးနောက် မြန်မာနိုင်ငံတွင် လူသားချင်း စာနာထောက်ထားမှုဆိုင်ရာနှင့် ကျန်းမာရေးစောင့်ရှောက်မှုနှင့် ဆေးကုသပေးနိုင်မှု ကျဆင်းလာကာ စစ်ကောင်စီသည် ယင်းကိုဆန့်ကျင်သည့် ကျန်းမာရေးဝန်ထမ်းများကို ရက်စက်စွာပစ်မှတ်ထားလျက် ရှိသည်ဟု ပဋိပက္ခများအတွင်း ကျန်းမာရေးစောင့်ရှောက်မှု အခြေအနေများကို လေ့လာနေသည့် The Safeguarding Health in Conflict Coalition (SHCC) အဖွဲ့က အစီရင်ခံသည်။

စစ်ကောင်စီသည် ၂၀၂၁ ခုနှစ်အတွင်း လူနာတင်ယာဉ်မောင်းများ၊ ဆရာဝန်များ၊ သူနာပြုများ၊ ဓာတ်မှန်ပညာရှင်နှင့် ဆေးဘက်ဆိုင်ရာ စေတနာ့ဝန်ထမ်းများ အပါအဝင် ကျန်းမာရေးဝန်ထမ်း ၁၁၂ ဦးကို ၂၀၂၂ ခုနှစ်အတွင်း ဖမ်းဆီးထားသည်၊ ၂၀၂၁ ခုနှစ်အတွင်းတွင်လည်း ဆေးဝန်ထမ်း ၆၇၉ ဦး ဖမ်းဆီးထားသည်ဟု ဇွန်လ ၈ ရက်တွင် ထုတ်ပြန်သည့် SHCC ၏ အစီရင်ခံစာတွင် ဖော်ပြသည်။

ထို့အပြင် ဆေးခန်းများ၊ ဆေးရုံများ၊ ဆေးဆိုင်များနှင့် ကျေးလက်ကျန်းမာရေးဌာနများသည် လေကြောင်းတိုက်ခိုက်မှု၊ မီးရှို့ခံရမှုများ ဖြစ်ပေါ်ခဲ့သည်။ ၂၀၂၁ ခုနှစ်အတွင်း ၃၃ ကြိမ်ရှိခဲ့ပြီး ၂၀၂၂ ခုနှစ်အတွင်း ၅၆ ကြိမ်ရှိခဲ့သည်။ လူနာတင်ယာဉ် ၂၂ စီးလည်း ပျက်စီးသွားခဲ့သည်။ ၂၀၂၂ ခုနှစ်တွင် ဆေးရုံများ၊ ကျန်းမာရေးဌာနများနှင့် ဆေးခန်းများကို စစ်ကောင်စီက အနည်းဆုံး ၃၃ ကြိမ် ဝင်ရောက်စီးနင်းခဲ့သည်။

နိုင်ငံတကာဥပဒေတွင် လက်နက်ကိုင်ပဋိပက္ခအတွင်း ဆေးဘက်ဆိုင်ရာဝန်ဆောင်မှုများကို တိုက်ခိုက်ခြင်း သို့မဟုတ် ဝင်ရောက်စွက်ဖက်ခြင်းသည် စစ်ရာဇဝတ်မှုအဖြစ် ပြဋ္ဌာန်းထားသည်။
SHCC ၏ ဥက္ကဋ္ဌဖြစ်သူ Johns Hopkins တက္ကသိုလ်မှ ပါမောက္ခ Len Rubenstein က ။ “ကျန်းမာရေးစောင့်ရှောက်မှုကို တမင်တကာ တိုက်ခိုက်မှုနဲ့ ခွဲခြားမှုမရှိဘဲ တိုက်ခိုက်မှုတွေဟာ စစ်ရာဇ၀တ်မှုပါ။ ကျူးလွန်သူတွေကို တာဝန်ခံဖို့ တရားစီရင်ရေး ယန္တရားတွေရှိတယ်” ဟု ပြောသည်။
“ကျန်းမာရေးစောင့်ရှောက်မှုအပေါ် အကြမ်းဖက်မှုသည် ကျန်းမာရေးဝန်ထမ်းများအပေါ် ဆိုးရွားသော စိတ်ကျန်းမာရေးဆိုင်ရာ သက်ရောက်မှုများ ရှိခဲ့သည်။ အကြမ်းဖက်မှုများကြောင့် ဖြစ်ပေါ်လာသော စိတ်ဖိစီးမှုများသည် ကျန်းမာရေးဝန်ထမ်းအများအပြား ထွက်ပြေးရန် သို့မဟုတ် ကျန်းမာရေးစောင့်ရှောက်မှု မပေးတော့မည့် အခြေနေများ တိုးလာနေသည်” ဟုလည်း အစီရီခံစာတွင် ဖော်ပြထားသည်။
နိုင်ငံအတွင်း ကျန်းမာရေးဝန်ထမ်း ၁၀၀,၀၀၀ ကျော်ရှိသည့်အနက် စစ်တပ်အာဏာသိမ်းပြီးနောက် ထက်ဝက်နီးပါး CDM လုပ်သွားကြောင်း စစ်ကောင်စီက ဝန်ခံထားသည်။ ထို့ကြောင့် အာဏာမသိမ်းခင်တွင် လူပေါင်း ၁၀,၀၀၀ လျှင် ကျန်းမာရေး စောင့်ရှောက်မှုပေးနိုင်သည့် ဝန်ထမ်း ၇ ဦးသာရှိခဲ့ရာ အာဏာသိမ်းပြီးနောက် ကျန်းမာရေးစောင့်ရှောက်မှု စနစ်မှာ ပိုမိုဆိုးရွားလာဖွယ်ရှိနေသည်။

(ပုံစာ − စစ်တပ်အာဏာသိမ်းပြီးနောက် အကြမ်းမဖက် အာဏာဖီဆန်သည့် လှုပ်ရှားမှု CDM တွင် ပါဝင်လာသူများတွင် ကျန်းမာရေး၊ ပညာရေးဝန်ထမ်းများလည်း ပါဝင်သည်။ ဓာတ်ပုံ − EPA)