29/10/2025
DJ ကောင်လေးနဲ့ သဘောထားချင်းမတိုက်ဆိုင်တော့လို့ လမ်းခွဲလိုက်တဲ့ Bobby Soxer
၁၃ နှစ်ကြာတွဲခဲ့တဲ့ချစ်သူနဲ့ လမ်းခွဲခဲ့တဲ့ Bobby Soxer ကို ပရိသတ်တွေက အချစ်ရေးကံကောင်းစေချင်ခဲ့တာပါ။ သူ့ရဲ့ နုပျိုမှုတွေ၊ ငယ်ရွယ်မှုတွေကို ၁၃ နှစ်စာကုန်ဆုံးပြီးနောက် အချစ်ရေးကို လမ်းခွဲပြီး ကိုယ့်လမ်းကိုယ် လျှောက်ခဲ့ကြတာဖြစ်ပါတယ်။ လွှမ်းပိုင်နဲ့ လွှမ်းခွဲပြီးတဲ့နောက်မှာ Bobby Soxer ဟာ DJ Max နဲ့ တွဲနေတဲ့ပုံရိပ်တွေ ထွက်ပေါ်လာခဲ့ပါတယ်။ DJ ကောင်လေးက Bobby Soxer ရဲ့နာမည်ကို ပုခုံးထက်မှာ တက်တူးထိုးထားတဲ့အထိ အချစ်ခံခဲ့ရပါတယ်။
Bobby Soxer နဲ့ DJ Max တို့က တစ်နှစ်ကျော် တွဲပြီးတဲ့နောက်မှာတော့ လမ်းခွဲလိုက်ကြပြီလို့ ဆိုပါတယ်။ သူတို့နှစ်ယောက်လမ်းခွဲလိုက်တာ တစ်နှစ်ကျော်သွားပြီဖြစ်ပြီး အခုတော့ ပတ်သက်မှုက ပြီးဆုံးသွားပါပြီ။ လမ်းခွဲလိုက်တဲ့အကြောင်းကို DJ Max ကိုယ်တိုင်က ပြောပြလာခဲ့တာပါ။ အချစ်ရေးမှာ ကံခေနေတဲ့ B Sox အတွက်တော့ စိတ်မကောင်းဖြစ်နေကြပြီး သူ့ရဲ့ ခံစားချက်ကို နားလည်ပေးနိုင်ကြပါတယ်။
သူ့ရဲ့ရည်းစားဟောင်းဖြစ်တဲ့လွှမ်းပိုင်က အခုအချိန်မှာတော့ သီချင်းအသစ်တွေ ထွက်ပြီး ရည်းစားအသစ်လေးနဲ့ အောင်မြင်နေသလို Bobby Soxer ကလည်း ကိုယ်ပိုင်အရည်အချင်းနဲ့အောင်မြင်နေပါတယ်။ ထားခဲ့တဲ့နေရာမှာပဲ နေပြီးတော့ အသည်းကွဲမနေဘဲ ဂီတဘက်မှာလည်း အရမ်းအောင်မြင်လာခဲ့သလို ရှိုးပွဲတွေလည်း ဆက်တိုက်ဖျော်ဖြေနေရပါတယ်။ "နာမည်တပ်ပြီး ပြောပိုင်ခွင့်မရှိ" ဆိုတဲ့ သီချင်းထွက်ပြီးတဲ့နောက်မှာ ခဲတစ်လုံးနဲ့ ငှက်သုံးကောင်မှန်သွားပြီး စိတ်ရင်းအမှန်တွေလည်း ပေါ်လွင်သွားကြတဲ့အထိ Bobby Soxer ကလည်း သီချင်းရေးကောင်းတဲ့သူပါ။
အမိုက်စားခန္ဓာကိုယ်နဲ့ သီချင်းတွေကို ဆိုနေတဲ့ Bobby Soxer ကို မိန်းကလေးအချင်းချင်းကတောင် သဘောကျနေကြပြီး ဒီလောက်ပြည့်စုံတဲ့မိန်းကလေးကို ထားရစ်ခဲ့တဲ့ ရည်းစားဟောင်းတွေကိုတော့ နားမလည်နိုင်အောင် ဖြစ်နေကြပါတယ်။ Bobby Soxer က ရက်ပ်ဂီတမှာတော့ ဆရာမကြီးဖြစ်လာခဲ့ပြီး အရင်ကထက်လည်း ကိုယ့်ကိုယ်ကိုယ် ယုံကြည်မှုရှိလာပါတယ်။
Bobby Soxer က ဘန်နီဖြိုးနဲ့ အတူတူတွဲဆိုထားတဲ့ သီချင်းမှာလည်း အရမ်းအောင်မြင်ခဲ့သလို သူတစ်ယောက်တည်းလည်း တောက်ပနိုင်ကြောင်းကို ပြသသွားခဲ့တာပါ။ အချစ်ရေးတွေကို လမ်းခွဲခဲ့ရပေမယ့်လည်း Bobby Soxer ကတော့ စိတ်ဓာတ်မကျခဲ့ပါဘူး။ ကြော်ငြာတွေလည်း ရိုက်လာရသလို သီချင်းတွေလည်း ဆက်တိုက်ဖျော်ဖြေနေရပြီး အားလုံးက ငေးကြည့်နေရပါပြီ။ စည်းမစောင့်သူတစ်ယောက်ကြောင့် Bobby Soxerက နာကျင်ခဲ့ရပေမယ့် အခုတော့ ပိုအောင်မြင်လာခဲ့တာပါ။ လမ်းခွဲပြီးတဲ့နောက်မှာတော့ အတိတ်တွေထဲကနေ ရုန်းထွက်ပြီး အရင်ကထက် အောင်မြင်အောင် လုပ်ပြနိုင်တဲ့ Bobby Soxer ကို မိန်းကလေးတွေကလည်း အရင်ကထက် အားပေးလာကြပါတယ်။ Bobby Soxer ကို အစွမ်းကုန်ချစ်ပေးမယ့် Right person နဲ့ ဆုံပါစေလို့ ဆုတောင်းပေးလိုက်ပါတယ်။
