เว็บไซต์คืออะไร?

https://www.facebook.com/102243255003953/

P&P’s Diary, Bangkok (2026)

07/08/2026

ဒုတိယအဆင့်ကို ရောက်ပါပြီရှင့်🙏
'အရဟံသိဒ္ဓိ' တမျိုးထဲကို ၁ရက် ၉ပတ်ပါ။📿

29/07/2026

အဓိဌာန်ပုတီး ဒီနေ့စပါမယ်နော် 🙏📿 Day 1 ပါရှင်

28/07/2026

မနက်ဖြန် လပြည့်နေ့လေးကနေ အဓိဌာန် စပါမယ်ရှင်🙏

22/07/2026

🌹ချစ်တတ်ပါစေ..။🌹

တစ်ချို့လူတွေ အရမ်းချစ်တတ်ကြပါတယ်..။ ချစ်တာမှ ကိုယ်ချစ်တဲ့သူကို လူတကာက အားကျငေးမောရလောက်အောင်ကို ချစ်တတ်တာပါ..။ ဆံစကနေ ခြေဖျားထိ အသေးစိပ် ဂရုတစိုက် အရိပ်တကြည့်ကြည့်နဲ့..လိုလေသေးမရှိအောင် လုပ်ကိုင်ဖြည့်ဆည်းပေးတတ်တဲ့အထိ ချစ်တတ်တာပါ..။ အဲ့ဒါ ဘာကြောင့်လို့ထင်ပါသလဲ..။ သူတစ်ပါးကို အရမ်းချစ်တတ်တဲ့သူဟာ..သူ့ကိုယ်သူလည်း သိပ်ချစ်တတ်တဲ့သူဖြစ်နေလို့ပါပဲ..။

ကိုယ့်ကိုယ်ကိုယ်ချစ်တတ်တဲ့သူဟာ..သူချစ်တဲ့သူကိုလည်း ဘယ်လိုချစ်ရမလဲဆိုတာကို ကောင်းစွာနားလည်ပါတယ်..။ ကိုယ့်ကိုယ်ကိုယ် ဂရုတစိုက် တန်ဖိုးထားတတ်တဲ့သူဟာ..သူများကိုလည်း ဂရုတစိုက်တန်ဖိုးထားတတ်ပါတယ်..။ ကိုယ့်ကိုယ်ကိုယ် မြတ်နိုးကြင်နာအလိုက်သိတတ်တဲ့သူဟာ..ကိုယ့်နံဘေးကသူကိုလည်း မြတ်နိုးကြင်နာတတ်..အလိုက်သိတတ်ပါတယ်..။ချစ်ခြင်းမေတ္တာဆိုတာ..ကိုယ့်ဆီမှာ ပြည့်နေတဲ့အခါ သူများကိုလည်း ရက်ရက်ရောရောမျှဝေပေးနိုင်တဲ့သဘောပဲဖြစ်ပါတယ်…။

ကိိုယ့်ကိုယ်ကိုယ် လေးစားမှုရှိတဲ့သူဟာ..သူချစ်တဲ့သူကိုလည်း လေးစားစွာဆက်ဆံပေးတတ်ပါတယ်..။ လူတစ်ယောက်ရဲ့ သူများအပေါ် ဆက်ဆံတတ်တဲ့ပုံစံဟာ..သူငယ်ငယ်က သူ့ကို သူ့မိဘတွေဘယ်လို ဆက်ဆံခဲ့သလဲဆိုတဲ့အပေါ်မှာ အများကြီးသက်ရောက်မှုရှိနေတတ်ပါတယ်..။ ကိုယ့်မိဘက ကိုယ့်ကို နွေးနွေးထွေးထွေး..ချစ်ချစ်ခင်ခင် ထွေးထွေးပွေ့ပွေ့ ဆက်ဆံခဲ့တယ်..မိဘမောင်နှမတွေဆီကနေ ချစ်ခြင်းမေတ္တာနဲ့ လုံခြုံနွေးထွေးမှုတွေ အများကြီး ရရှိခဲ့တဲ့သူဟာ..ကြီးပြင်းလာတဲ့အခါ.. သူ့ရဲ့သူတစ်ပါးအပေါ်ဆက်ဆံတဲ့ပုံစံက..သူရရှိခဲ့တဲ့ပုံစံအတိုင်း..ချစ်ခင်နွေးထွေးမှုအပြည့်ရှိနေတတ်ပါတယ်…။ သူ့ရဲ့အချစ်ကိုပိုင်ဆိုင်ခွင့်ရတဲ့သူဟာလည်း ကံကောင်းသူတစ်ယောက်ဖြစ်လာရတာပါပဲ…။ သူဟာ သူ့ကိုယ်သူရော..သူများကိုပါ ဘယ်လိုချစ်ရမလဲဆိုတာကို ကောင်းစွာခံစားနားလည်ခဲ့သူဖြစ်ပါတယ်…။

မိဘရဲ့ လျစ်လျူရှုမှုကိုသာရခဲ့ပြီး.. နွေးနွေးထွေးထွေး ဂရုစိုက်မှုကို မခံယူခဲ့ရတဲ့ သူမျိုးကျတော့..သူ့စိတ်မှာ လုံခြုံနွေးထွေးမှုမရှိတဲ့အတွက်…သူစိတ်ထဲမှာ သံသယက အမြဲရှိနေတတ်ပါတယ်..။ လူတိုင်းအပေါ် မယုံကြည်နိုင်ဘဲ..သံသယနဲ့ ဆက်ဆံတတ်ပါတယ်…။ အမြဲဆူပူအပြစ်တင်ခံခဲ့ရတဲ့သူကတော့…သူ့ကိုယ်သူ အပြစ်ရှိနေသူတစ်ယောက်လို အမြဲခံစားနေတတ်ပြီး..အမြဲသူများကျေနပ်အောင် နေပေးတတ်သူဖြစ်လာပါတယ်…။ ငယ်စဉ်က မိဘရဲ့ အနိုင်ကျင့်ဗိုလ်ကျတာခံခဲ့ရသူကတော့…သူ့အလှည့်မှာလည်း သူတစ်ပါးအပေါ် အနိုင်ကျင့် ဗိုလ်ကျတတ်သူဖြစ်လာပါတယ်..။

ငယ်ငယ်လေးကတည်းက မိဘတွေကွဲသွားကြတဲ့ broken family ကနေ ကြီးပြင်းလာတဲ့သူဆိုရင်လည်း..မကျေနပ်တဲ့စိတ်..ပြဿနာရှာတတ်တဲ့စိတ်နဲ့..အမြဲဆတ်ဆတ်ထိမခံ..ထိလွယ်ရှလွယ်ခံစားတတ်ပြန်ပါတယ်..။ သူဟာ ချစ်ခြင်းမေတ္တာကိုလည်း ဆာလောင်ငတ်မွတ်နေသူဖြစ်ပြီး..သူကိုယ်တိုင်ကတော့ ချစ်ခြင်းကို ပြန်မပေးတတ်သူပါ..။ အကုန်လုံးတော့ မဟုတ်ပါဘူး..။ တစ်ချို့ကကျတော့လည်း..သူရရှိခဲ့တဲ့ ဆက်ဆံရေးပုံစံကို သူကိုယ်တိုင်နာကျင်ထိခိုက်ခံစားခဲ့ရတာမို့ သူ့အလှည့်မှာ..သူများကို ဒီလိုပုံစံမျိုး မဆက်ဆံမိအောင် ကြိုးစားတတ်ပါတယ်…။

ကိုယ့်ကိုယ်ကိုယ်ချစ်တတ်တာနဲ့..တစ်ကိုယ်ကောင်းဆန်တာ..အတ္တကြီးတာဟာ..လုံးဝမတူပါဘူး..။ တစ်ကိုယ်ကောင်းဆန်တတ်သူတွေကတော့ ကိုယ့်ကိုယ်ပဲ ဗဟိုပြုရှေ့တန်းတင်ပြီး..ကိုယ့်ကိုယ်ကိုယ်ပဲ ဦးစားပေးတတ်သူဖြစ်ပါတယ်…။ ကိုယ်လိုချင်တာရဖို့အတွက်..ကိုယ်စိတ်ချမ်းသာ ပျော်ရွှင်ဖို့အတွက်..သူများကို အရမ်းချစ်လို့ဆိုတဲ့ ခေါင်းစဉ်အောက်ကနေ..သူများကို ပိုင်စိုးချုပ်ချယ်လွှမ်းမိုးတတ်သူသာဖြစ်ပါတယ်..။ သူ့အလိုဆန္ဒမပြည့်တာနဲ့ ဆက်ဆံရေးပုံစံက ချက်ချင်းပြောင်းလဲသွားတတ်ပါတယ်…။ သူ လိုအပ်ရင်ပုံစံတစ်မျိုး..မကျေနပ်ရင်..စကားမပြောတော့တာ..အခေါ်အပြောအဆက်အဆံမလုပ်တော့ဘဲ…silent treatment မျိုးနဲ့ အပြစ်ပေးတတ်တာမျိုးလုပ်တတ်ပါတယ်…။ ဒါဟာ..အဆိပ်သင့်ဆက်ဆံရေးတစ်ခုဖြစ်ပါတယ်..။

ချစ်တယ်..ဆိုတဲ့စကားလေးဟာ..ရိုးရိုးလေးနဲ့ အင်မတန်စွမ်းအင်ရှိပါတယ်..။ တစ်ချို့သော ချစ်ခြင်းတွေက..ပျော်စရာကောင်းတယ်..။ ပြဿနာမရှိတာတော့မဟုတ်ပါဘူး..။ပြဿနာတစ်ခုရှိလာတဲ့အခါ…လူကို မနာကျင်စေဘဲ..ဂုဏ်သိက္ခာကို မထိခိုက်စေဘဲ..မျှမျှတတငြင်းခုန်ဆွေးနွေးပြီး ပြဿနာရဲ့အဖြေကို ရှာတတ်သူတွေဖြစ်ပါတယ်..။ တော်ရုံတန်ရုံပြဿနာလေးတွေဆို အပြန်အလှန်ခွင့်လွှတ်နားလည်ပေးလိုက်ပြီး ကျေအေးလွှတ်ချလိုက်ကြပါတယ်..။အဲ့ဒီလိုအချစ်ရေးမျိုးက ပေါ့ပေါ့ပါးပါးနဲ့..ရယ်မောသံလေးတွေနဲ့ ပျော်စရာကောင်းပါတယ်..။

တစ်ချို့သော..ချစ်ခြင်းတွေက..ဥခွံပေါ်မှာ လျှောက်နေရသလိုပဲ ထိလွယ်ရှလွယ်တယ်..။ မပြောရဲမဆိုရဲ..အမှားပါမှကြောက်ရ..အပြစ်တင်ခံရမှာကြောက်ရ..ပြဿနာသေးသေးလေးနဲ့လည်း...အကြီးအကျယ် အော်ဟစ်ပေါက်ကွဲနေတတ်တာမို့…ဒီဆက်ဆံရေးဟာ..အမြဲမွန်းကျပ်နေတတ်ပါတယ်..။ တစ်ခုခုဆို..လမ်းခွဲမယ်..ဆိုတဲ့ခြိမ်းခြောက်စကားအောက်မှာ..ကိုယ်ဘာများအမှားလုပ်မိမလဲ…ဆိုတာကို စိုးရိမ်ကြောက်ရွံ့နေရတဲ့ ချစ်ခြင်းမျိုးဟာ..အဆိပ်သင့်အချစ်ရေးပဲဖြစ်ပါတယ်..။ ဒီလို အချစ်ရေးလှောင်အိမ်ထဲကနေ အတတ်နိုင်ဆုံး ရုန်းထွက်နိုင်ဖို့ လိုပါတယ်..။

#လွန်းထားထား
#ချစ်တတ်ပါစေ

03/07/2026

🌹“ သူများဆီက လိုချင်တဲ့ အရာကို သင်က အရင်ဆုံးပေးပါ။ “🌹

ဒီနေ့ ပါမောက္ခချုပ်ဆရာတော်ကြီးရဲ့ စာနာစိတ်ဆိုတဲ့ တရားလေးတစ်ပုဒ် နာဖြစ်ပါတယ်။ စာနာစိတ်ဆိုတာ ကိုယ်ချင်း စာနာတဲ့ စိတ်ပါပဲ။ ကိုယ်ကောင်းတဲ့အရာတွေကို ရရှိခံစားချင်သလို သူများလည်း ခံစားချင်မှာပဲလို့ တွေးကြည့်ပါ။ ကိုယ့်ကို လေးစား စွာဆက်ဆံစေချင်သလို သူများကလည်း သူ့ကိုတလေးတစား ဆက်ဆံစေချင်မှာပါပဲ။ ကိုယ်က ကောင်းတဲ့အရာကလေးတွေလိုချင် သလို သူများလည်း လိုချင်တတ်ပါတယ်။ ဘုန်းဘုန်းကြီးက... မေတ္တာ၊ ကရုဏာ၊ မုဒိတာ၊ ဥပေက္ခာ ဆိုတဲ့ ဗြဟ္မစိုရ်တရားလေးပါး ကို ရှင်းပြသွားတာ ဖြစ်ပါတယ်။

ကျွန်မကို တစ်ယောက်ယောက်က သူ မကြိုက်တဲ့အရာ၊ မလိုချင်တဲ့အရာကို လက်ဆောင်အဖြစ် လာပေးတဲ့အခါ ကျွန်မစိတ်ထဲ မနှစ်သက်ခြင်းကို ခံစားရပါတယ်။ အဲ့ဒီပစ္စည်းက ကိုယ့်အတွက် လည်း အသုံးမဝင်တာမို့ သူများကိုလည်း လုံးဝပြန်ပေးချင်စိတ် မရှိပါဘူး။ အဲဒီတော့ ပုံးတစ်ခုထဲထည့်ပိတ်ပြီး သိမ်းဆည်းထား လိုက်ပါတော့တယ်။

ကျွန်မနှစ်သက်တဲ့ အရာကလေးကို သေသေချာချာ လှလှပပလေးထုပ်ပိုးပြီး လက်ဆောင်ပေးတဲ့အခါမှာတော့ ဒီလက်ဆောင်ကလေးကို နှစ်သက်တဲ့စိတ်၊ လက်ဆောင်ပေးသူကို ကျေးဇူးတင်ချင်တဲ့စိတ်ကလေးနဲ့ ပစ္စည်းလေးကို အသုံးပြုတိုင်း ကျေနပ်ပျော်ရွှင်စွာနဲ့ ပေးသူကို မေတ္တာတွေပို့ပေးနေမိတော့တာပါပဲ။

တစ်ဆက်တည်းမှာပဲ သူများကို လက်ဆောင်ပေးတဲ့အခါမှာလည်း သူတကယ်လိုအပ်နေတဲ့...လိုချင်နေတဲ့အရာကလေးကို သေသေ ချာချာစုံစမ်းပြီးမှ လေးလေးနက်နက် လှလှပပကလေး ထုပ်ပိုးပေးရ တာကို ပျော်ရွှင်လာပါတယ်။ ကိုယ်မကြိုက်တဲ့ပစ္စည်းဆို သူလည်း ကြိုက်မှာမဟုတ်ဘူးလေ ဆိုပြီး ဘယ်တော့မှမပေးဖြစ်တော့ပါဘူး။

ပေါင်းသင်းဆက်ဆံရေးမှာလည်း အလားတူပဲ...။ ကျွန်မ ပြောတဲ့စကားကို သူတစ်ပါးကို နားထောင်စေချင်တယ်ဆိုရင် ကိုယ်ကစပြီး သူ့စကားကို စိတ်ပါလက်ပါ စိတ်ဝင်တစား နားထောင်ပေးလိုက်ပါတယ်။ ကျွန်မကို ချိုသာယဉ်ကျေးစွာဆက်ဆံတာကို နှစ်သက်သလို သူတစ်ပါးကိုလည်း ကိုယ်ကစပြီး ယဉ်ကျေးချိုသာစွာ ဆက်ဆံပေးပါတယ်။

ကိုယ့်ကို အပြစ်တင်ဝေဖန်တာ မကြိုက်သလို သူတစ်ပါးကိုလည်း အပြစ်မတင်မိအောင် မဝေဖန်မိအောင် ကြိုးစား ပါတယ်။ ကိုယ့်ကို ဂရုစိုက်တာ၊ နွေးထွေးစွာဆက်ဆံပေးတာကို သဘောကျသလို သူတစ်ပါးကိုလည်း ကိုယ်ကစပြီး ဂရုတစိုက် နွေးနွေးထွေးထွေး တန်ဖိုးထားပြီး ပေါင်းသင်းဆက်ဆံပေးတတ် ပါတယ်။ ကိုယ်ကစပြီး လှိုက်လှဲဖော်ရွေစွာ ဆက်ဆံပေးတဲ့အခါ သူတစ်ပါးဆီကလည်း ကိုယ်ပေးတဲ့အတိုင်း ခင်ခင်မင်မင် လှိုက်လှိုက် လှဲလှဲ တုံ့ပြန်လာတတ်ပါတယ်။

ကိုယ်ကအရမ်းကောင်းနေပေမယ့် ပြန်မကောင်းနိုင်တဲ့ ဆက်ဆံရေးမျိုးကိုတော့ ခြွင်းချက်အဖြစ် ဥပေက္ခာသာ ပြုလိုက် ပါတော့တယ်။ ကိုယ်ပေးတာနဲ့ထိုက်တန်သူကသာ ရမှာဖြစ်ပါ တယ်။ ဆက်ဆံရေးမပြေပြစ်သူ၊ ရိုင်းပျအေးစက်သူ၊ တစ်ဖက်သားအပေါ် လေးစားမှုမပေးတတ်သူမျိုးကိုတော့ ဝေးဝေးသာရှောင်လိုက်ပါတယ်။ သူကပေးမယ့် စိတ်ပျက်နာကျင်ရခြင်းတွေကို လက် မခံတော့ပါဘူး။ အဆိပ်အတောက်ရှိတဲ့ အစားအစာကို ရှောင်သလို မျိုးပဲ...အဆိပ်အတောက်ရှိတဲ့သူမျိုးကိုလည်း ရှောင်ရှားလိုက်တာ ဟာ ကိုယ့်ရဲ့ပျော်ရွှင်မှုနဲ့ စိတ်စွမ်းအင်ကို ချွေတာလိုက်တဲ့သဘော ပါပဲ။

ကိုယ်အရမ်းလိုချင်တဲ့ အရာကလေးတစ်ခု ရတဲ့အခါပျော်ရွှင်ရသလိုပဲ...သူများလည်း ဒီလိုအရာမျိုးကို လိုချင်မှာပဲဆိုတဲ့ စာနာစိတ်ကလေးထားကြည့်ပါ။ကိုယ်လိုချင်တဲ့အရာကိုသူများကို ကိုယ်ကစပြီးပေးကြည့်ပါ။
ဒါဟာ ပျော်ရွှင်မှုစက်ဝိုင်းကလေးရဲ့ အစကို စတင်လိုက်တာပဲဖြစ်ပါတယ်။

# လွန်းထားထား
#သောကနဲ့ဝေးရာဆီ..

01/07/2026

🙏ဒီနှစ်အတွက် ဝါတွင်း(၃)လ အဓိဋ္ဌာန် ပါရှင်🙏

📿ဗုဒ္ဓဂုဏ်တော်ကိုးပါး အဓိပ္ပာယ်အကျဉ်းပါ ဝေမျှပေးလိုက်ပါတယ်။

🙏🙏🙏
အရဟံ ~ ကိလေသာ အညစ်အကြေးတို့မှ
ကင်းဝေးစင်ကြယ်တော်မူသော မြတ်စွာဘုရား

🙏 🙏🙏
သမ္မာသမ္ဗုဒ္ဓေါ ~ သစ္စာလေးရပ် တရား
မြတ်ကို ဆရာမကူ သယမ်ဘူဉာဏ်ဖြင့် ကြွင်းမဲ့
ဥဿုံ အလုံးစုံကို ကိုယ်တော်တိုင်သာလျှင်
ပိုင်းခြားထင်ထင် အကုန်အစင် သိမြင်တော်
မူသော မြတ်စွာဘုရား

🙏🙏🙏
ဝိဇ္ဇာစရဏသမ္ပန္နော ~ အသိတရား အကျင့်
တရားတို့နှင့် ပြည့်စုံတော်မူသော (ဝါ) ဝိဇ္ဇာသုံးပါး၊
ဝိဇ္ဇာရှစ်ပါး၊ စရဏတရား တစ်ဆယ့်ငါးပါးတို့နှင့်
ပြည့်စုံတော်မူသော မြတ်စွာဘုရား

🙏🙏🙏
သုဂေတာ ~ ကျိုးရှိဟုတ်မှန် နှစ်တန်သော
စကားကိုသာ မိန့်ကြားတော်မူတက်သော (ဝါ) ကျိုး
ရှိဟုတ်မှန် သူခံသာသောစကားနှင့် ကျိုးရှိဟုတ်မှန်
သူမခံသာသောစကား ဤနှစ်ပါးကိုသာ မိန့်ကြား
တော်မူတက်သော မြတ်စွာဘုရား

🙏 🙏🙏
လောကဝိဒူ ~ သတ္တလောက၊ ဩကာသေ
လာက၊ သင်္ခါရလောက တည်းဟူသော လောကသုံးခွင်ကို အကုန်အစင် သိမြင်တော်မူသော မြတ်စွာဘုရား

🙏🙏🙏
အနုတ္တရော ပုရိသဒမ္မသာရထိ ~ မယဉ်ကျေး
ကြငြား သတ္တဝါများကို ယဉ်ပါးလေအောင် ဆုံးမ
ခြင်း၌ တုဘက်ကင်းတော်မူသော မြတ်စွာဘုရား

🙏 🙏🙏
သတ္တာဒေဝမနုဿာနံ ~ လူ၊ နတ်၊ ဗြဟ္မာ
သတ္တဝါတို့၏ ဆရာတစ်ဆူအစစ် ဖြစ်တော်မူသောမြတ်စွာဘုရား

🙏🙏🙏
ဗုဒ္ဓေါ ~ သစ္စာလေးပါးမြတ်တရားကို
ပိုင်းခြားထင်ထင် သိမြင်တော်မူသော (ဝါ) သစ္စာ
လေးအင်ကိုယ်တိုင်မြင်၍ များဖြင့်ဝေနေ တပည့်
တွေကိုလည်း သိစေတော်မူသော မြတ်စွာဘုရား

🙏🙏🙏
ဘဂဝါ ~ ဣဿရိယ၊ ဓမ္မ၊ ယသ၊ သိရီ၊
ကာမ၊ ပယတ္တ ဟူသော ဘုန်းတော် ၆ ပါးနှင့်
ပြည့်စုံတော်မူသော မြတ်စွာဘုရား🙏

*****************************************
(နေ့စဉ် မှန်မှန်စိပ်ရန်သာ လိုအပ်ပါသည်။ အချိန်အတိအကျစိပ်ရန်၊ သက်သတ်လွတ်စားရန်မလိုပါ။)

#မူရင်းရေးသူအားCrdပေးပါတယ်ရှင်
#ဝါတွင်း #အဓိဋ္ဌာန် #ကိုးနဝင်းပုတီး

01/07/2026

🍀စိတ်ချမ်းသာခြင်းကိုရွေးပါ။🍀

အမျိုးသမီးလေးရေ….

ရွေးချယ်စရာတွေအများကြီးထဲမှာ စိတ်ချမ်းသာခြင်းကိုသာ အမြဲရွေးပါ။ စိတ်ချမ်းသာခြင်းဆိုတာက ငွေကြေးနဲ့ဝယ်ယူလို့မရနိုင်သလို တန်ဖိုးဖြတ်လို့လည်းမရနိုင်တဲ့ ရတနာတစ်ပါးနဲ့တူပါတယ်…။ စိတ်ချမ်းသာဖို့…ပူပန်သောကတွေနဲ့ စိတ်ဆင်းရဲနေဖို့ဆိုတာ…ကိုယ်ဘာကို အာရုံစိုက်သလဲဆိုတာပေါ် မူတည်ပါတယ်…။ ဘဝမှာကြုံတွေ့ရတဲ့အဖြစ်အပျက်..အခြေအနေ..လူတွေအပေါ်…ပြဿနာရှုထောင့်ကနေမြင်မယ်…ပြဿနာတစ်ခုလို ခံစားမယ်…ပြဿနာတစ်ခုလို စိတ်ဆင်းရဲသောကတွေနဲ့ တုံ့ပြန်နေမယ်ဆိုရင်…ကိုယ့်ဘဝဟာ..အမြဲတမ်း ပြဿနာတွေနဲ့သာ ရင်ဆိုင်နေရတယ်လို့ ခံစားရပါလိမ့်မယ်….။

ဘဝမှာကြုံတွေ့ရတဲ့အခက်အခဲ..အခြေအနေ..ပြဿနာတစ်ခုကို အခွင့်အလမ်းတစ်ခုလို သဘောထားမယ်…ဘာပြဿနာပဲဖြစ်လာဖြစ်လာ…ဘယ်လိုအခက်အခဲမျိုးနဲ့ပဲရင်ဆိုင်ရရင်ဆိုင်ရ…ဒီပြဿနာမှာ အဖြေရှိတယ်…ဒီပြဿနာကို ကိုယ်ကိုင်တွယ်ဖြေရှင်းနိုင်တယ်…ဒီပြဿနာကနေ ဘယ်လိုအခွင့်အလမ်းတွေပေါ်ပေါက်လာမလဲ…ဆိုတာကို ရှာဖွေမယ်…မကြာခင်မှာဒီပြဿနာကပြီးသွားမှာပါလို့…ယုံကြည်မယ်ဆိုရင်..ကိုယ့်ဘဝဟာ အမြဲတမ်း စိန်ခေါ်မှုတွေ…စိတ်လှုပ်ရှားစရာတွေနဲ့သာ ပြည့်နေပါလိမ့်မယ်….။

စိတ်ညစ်စရာ သောကဖြစ်စရာအခြေအနေတစ်ခုကို ဟာသအမြင်နဲ့ကြည့်ရှုခံစားတတ်သူတွေဟာ..ဘဝမှာ လွတ်လပ်ပေါ့ပါးစွာ ရှင်သန်ခွင့်ရတတ်ပါတယ်..။ ဘဝမှာ ဖြစ်ပေါ်လာသမျှအခြေအနေတိုင်းကို….” Everything happens for a reason “..လို့ ခံယူထားတဲ့သူဟာ…ဘာပဲ ဖြစ်လာလာ..ဒါဟာအကြောင်းရှိလို့ဖြစ်လာတာ…ကောင်းဖို့ဖြစ်လာတာ..လို့တွေးပါတယ်။ ဒီအဖြစ်အပျက်ကနေ ကောင်းတဲ့အဖြေတစ်ခုရအောင်အားထုတ်ဖို့ကိုပဲ အာရုံစိုက်ပါတယ်…။ တကယ်လည်း အဖြေတစ်ခုထွက်လာတာပါပဲ…။ ဘာပဲဖြစ်ဖြစ် စိတ်ဆင်းရဲမနေဘူး..။ စိတ်ချမ်းသာခြင်းကိုပဲရွေးပါတယ်..။

တချို့က ပြဿနာနဲ့ရင်ဆိုင်ရတိုင်း…ငါ့ကျမှဖြစ်ရလေခြင်းဆိုတဲ့ ကိုယ့်ကိုယ်ကိုယ် victimise လုပ်တဲ့အတွေးမျိုးတွေးလိုက်ခြင်းဟာ…စိတ်ဆင်းရဲခြင်း..ပူပန်သောကကို ဖိတ်ခေါ်လိုက်တာပါပဲ…။ ဘာတွေပဲဖြစ်ဖြစ် ငါ့ရဲ့စိတ်ချမ်းသာမှုကို ဘာနဲ့မှ မလဲနိုင်ဘူး..လို့ တွေးထားလိုက်ပါ။ ဖြစ်လာသမျှကို အေးအေးဆေးဆေးပဲ လက်ခံဖြေရှင်းမယ်လို့ ခံယူထားလိုက်ပါ…။ ကိုယ့်ရဲ့စိတ်နေစိတ်ထားကြောင့်ပဲ…ဒီပြဿနာကို သတိလေးနဲ့ အေးအေးဆေးဆေး ဖြေရှင်းနိုင်ပါလိမ့်မယ်..။

အခြေအနေတစ်ခုကို ကောင်းတဲ့ဖက်ကနေ တွေးကြည့်ပေးတဲ့စိတ်….တစ်ဖက်လူဘက်ကနေတွေးကြည့်ပေးလိုက်တဲ့စိတ်…ကိုယ်မတတ်နိုင်တော့ဘူးလို့ ခံစားမိတဲ့အခါ…ကြိုပြီးလွှတ်ချထားလိုက်တဲ့စိတ်ဟာ..စိတ်ချမ်းသာအောင်နေထိုင်တတ်သူတွေရဲ့ အလေ့အထလေးတွေပဲဖြစ်ပါတယ်…။ ဒီစိတ်နဲ့ဆန့်ကျင်ဖက်ဖြစ်တဲ့ ဘာပဲဖြစ်ဖြစ်အဆိုးဖက်ကနေပဲလှည့်တွေးတတ်တဲ့စိတ်…သူများရဲ့ခံစားချက်ကို လုံးဝအရေးမစိုက်ဘဲ…ကိုယ့်ခံစားချက်တွေကိုသာ ဗဟိုပြုဦးစားပေးတတ်တဲ့စိတ်…ဘယ်အရာကိုမှအဆုံးရှုံးမခံနိုင်သလို..အရာရာကိုလိုက်ပြီးချုပ်ထိန်းဆုပ်ကိုင်ထားချင်တဲ့စိတ်ဟာ…သောကတွေတလှေကြီးထမ်းပိုးထားတဲ့သူတွေရဲ့ အကျင့်စရိုက်တွေပဲဖြစ်ပါတယ်…။

လူတိုင်းဟာ အကောင်းကြိုက်သူတွေချည်းပါပဲ…။ ကိုယ့်အတွက်ဆို ကောင်းတာလေးတွေပဲ ရွေးချယ်တတ်ကြပါတယ်…။ဒါဆိုရင် စိတ်ချမ်းသာခြင်းနဲ့…စိတ်ဆင်းရဲခြင်းမှာ ဘယ်ဟာကိုရွေးမလဲဆိုရင်…စိတ်ချမ်းသာခြင်းကိုပဲ ရွေးချယ်ချင်ကြတာချည်းပါပဲ…။ စိတ်ချမ်းသာချင်တယ်ဆိုရင်…ကိုယ့်ကို စိတ်ချမ်းသာစေတဲ့ စိတ်နေသဘောထား…အပြုအမူ..အလေ့အကျင့်လေးတွေကို မွေးမြူထားလိုက်ရုံပါပဲ…။ ကိုယ့်ကို စိတ်ချမ်းသာမှုပေးနိုင်တဲ့လူတွေအနားမှာ နေလိုက်ရုံပါပဲ…။ ပြီးတော့ ကိုယ့်ကိုစိတ်ဆင်းရဲစေမယ့် စိတ်နေစိတ်ထားတွေ..အပြုအမူ အလေ့အကျင့်တွေကို…ပြတ်ပြတ်သားသား စွန့်လွှတ်နိုင်ရပါမယ်…။ ကိုယ့်ကို စိတ်ဆင်းရဲနာကျင်စေတဲ့လူတွေနဲ့ကင်းကင်းရှင်းရှင်း နေထိုင်တတ်ရပါမယ်…။

သိပ်လှတဲ့ပန်းပုရုပ်ကလေးတစ်ခုရဖို့အတွက်…မလိုအပ်တဲ့အပိုင်းတွေကို ထွင်းထုတ်ဖယ်ရှားပစ်ရသလိုပဲ…ကိုယ့်ဘဝမှာ စိတ်ချမ်းချမ်းသာသာ နေထိုင်ခွင့်ရဖို့အတွက်ဆိုရင်..မလိုအပ်တဲ့ အလေ့အကျင့်စရိုက်ဆိုးတွေ…မကောင်းတဲ့စိတ်နေစိတ်ထားတွေ…ကိုယ့်ကိုအဆိပ်သင့်စေတဲ့လူတွေကို …နှမြောတသခြင်းကင်းစွာ…ဖယ်ရှားထုတ်ပစ်ရမှာဖြစ်ပါတယ်…။ မလိုအပ်တဲ့အရာတွေ ရှင်းလင်းလာတာနဲ့အမျှ…စိတ်လက်ပေါ့ပါးကြည်လင်ခြင်းဆိုတဲ့ ချမ်းသာသုခက အလိုလိုရောက်ရှိလာမှာဖြစ်ပါတယ်…။

#လွန်းထားထား
#စိတ်ချမ်းသာခြင်းကိုရွေးပါ

08/04/2026

Long term Relationship တွေမှာ
အဆုံးသတ် နှစ်ခုရှိတယ်၊

မြဲသွားမလား & ခွဲသွားမလားဆိုတာပဲ

လူနှစ်ယောက်အချိန်အကြာကြီးတွဲလာတဲ့အခါ
တစ်ယောက်အကြောင်း တစ်ယောက်
အရမ်းသိလာပြီးတစ်ယောက်ကိုတစ်ယောက် ငြီးငွေ့ပြီး
သည်းမခံနိုင်တဲ့အချိန်တွေကို
မဖြစ်မနေ ကျော်ဖြတ်ကြရတယ်….

အဲဒီအခြေအနေရောက်တဲ့အချိန်
တစ်ဖက်ဖက်ကလက်လျော့ချင်စိတ်ဖြစ်မသွားဖို့
အရမ်းအရေးကြီးတယ်…

တချို့ကျလည်း third person ပေါ်လာလို့
တစ်ဖက်ကို လက်လျော့လိုက်တယ်၊
တချို့ကျတော့လည်း ဒီအခြေအနေကို
ရှေ့မဆက်ချင်တော့လို့ လက်လျော့လိုက်တယ်

နှစ်ယောက်လုံးက လက်မလျော့ဘဲ
အဲဒီstage ကိုကျော်လွန်သွားရင်တော့
မြဲသွားကြပါတယ်..

ဒါကြောင့်မို့ အိမ်ထောင်သည်တွေကို
လူတွေက ကလေးယူခိုင်းတာဖြစ်မယ်လို့
တွေးမိတယ်…

RS တွေကျ ရှေ့မဆက်ချင်လည်း
break လိုက်လို့ရပြီး
အိမ်ထောင်သည်တွေကျ ကလေးမျက်နှာ
ဘာမျက်နှာ ညာမျက်နှာနဲ့စသဖြင့်
ရှေ့ဆက်သွားကြတာလို့ထင်ပါတယ်…

ချစ်ကြတယ်ဆိုတာ
တစ်ယောက်ရဲ့မေတ္တာကိုတစ်ယောက်က
ပြန်ပေးတာဖြစ်ပြီး
လမ်းခွဲတယ်ဆိုတာ တစ်ယောက်ရဲ့ဆန္ဒကို
တစ်ယောက်က သဘောတူပေးလိုက်ရတာပါပဲ

နှစ်ဦးသဘောတူ လမ်းခွဲစာချုပ်တွေဟာ
အတူမရှိချင်တော့သူတစ်ဦးရဲ့
ဆန္ဒတွေက အစပြုခဲ့ရတာပါပဲ

ဒါကြောင့်လေ..
အစတွေကိုမမေ့နဲ့လို့အမြဲပြောကြတာ
တကယ်ချစ်ရင်လေ အစတွေကိုပြန်တွေးပြီး
ရှေ့ဆက်ကြည့်ကြပါ

မင်းကိုငါဘယ်တုန်းကမှ
လက်မလျော့ခဲ့ဘူးဆိုပြီး ချစ်ကြည့်စမ်းပါ….

အတူဖြတ်ကျော်ခဲ့ကြတဲ့ moment တိုင်းဟာ
အတူရှေ့ဆက်သွားကြဖို့ ထိုက်တန်တာမို့
တကယ်ချစ်ရင် ဘယ်တော့မှ
လက်လျော့ဖို့ကို မရွေးချယ်စေချင်ဘူး….

23/02/2026

ကိစ္စအသေးမွှားလေးပေမဲ့...တကယ်ကို အများကြီးသက်ရောက်မှုရှိပါတယ်❤

P&P’s Diary

07/08/2026

29/07/2026

28/07/2026

22/07/2026

03/07/2026

01/07/2026

01/07/2026

08/04/2026

23/02/2026

ที่อยู่

เว็บไซต์

แจ้งเตือน

ทางลัด

แชร์

ประเภท

คำขอนำรายการออก