Your Link MM

30/05/2026

NATO နယ်မြေထဲ ဒရုန်းကျပြီးနောက် ‘ဒါ အစပဲရှိသေးတယ်’ လို့ ရုရှား ခြိမ်းခြောက် ပြီးစစ်မီးထပ်မွေးလိုက်ပြီ

NATO အဖွဲ့ဝင် ရိုမေးနီးယားနိုင်ငံထဲကို ရုရှားဒရုန်း ကျရောက်ပေါက်ကွဲပြီး အရပ်သား (၂) ဦး ဒဏ်ရာရခဲ့တဲ့ ဖြစ်ရပ်အပြီးမှာ၊ ရုရှားသမ္မတဟောင်း ဒီမီထရီ မက်ဗီဒက်ဗ်က "ဒါဟာ အစပဲ ရှိသေးတယ်၊ နောက်ထပ် တိုက်ခိုက်မှုတွေအတွက် အနောက်အုပ်စု ပြင်ဆင်ထားကြ" လို့ အတိအလင်း ခြိမ်းခြောက်လိုက်ပါတယ်။
စစ်မီးက ယူကရိန်းတင်မကဘဲ NATO နယ်စပ်တွေဆီပါ ကူးစက်လာနေပြီလားဆိုတာ စိုးရိမ်စရာ စောင့်ကြည့်ရတော့မှာ ဖြစ်ပါတယ်။
ယူကရိန်းစစ်ပွဲ ၄ နှစ်အတွင်း NATO အဖွဲ့ဝင်နိုင်ငံရဲ့ လူနေရပ်ကွက်ထဲ ရုရှားဒရုန်းကျပြီး အရပ်သား ထိခိုက်ဒဏ်ရာရတာ ဒါပထမဆုံးပါ။
ဥရောပနိုင်ငံတွေဟာ ယူကရိန်းလက်ငှားပြီး ရုရှားကို ဒရုန်းတွေ၊ လက်နက်တွေနဲ့ နေ့တိုင်း တိုက်ခိုက်နေတာမို့ စစ်ပွဲထဲ တိုက်ရိုက်ပါဝင်နေတာပဲလို့ မက်ဗီဒက်ဗ်က ဗြိတိန်၊ ပြင်သစ်၊ ဂျာမနီ ခေါင်းဆောင်တွေကို ပြင်းပြင်းထန်ထန် ပြစ်တင်ခဲ့ပါတယ်။
ဗြိတိန်ဝန်ကြီးချုပ် ကီယာ စတာမာက ဒါဟာ ဥရောပရဲ့ လုံခြုံရေးကို ခြိမ်းခြောက်မှုအဖြစ် ရှုတ်ချခဲ့ပြီး၊ ရိုမေးနီးယားဘက်ကလည်း F-16 တိုက်လေယာဉ်တွေ အရေးပေါ် ပျံသန်းစေခဲ့တဲ့အပြင် ရုရှားကောင်စစ်ဝန်ချုပ်ကိုပါ နိုင်ငံထဲကနေ ချက်ချင်း နှင်ထုတ်လိုက်ပါတယ်။

30/05/2026

စစ်မြေပြင်ရဲ့ ဘုရင်~~~~
ကမ္ဘာ့စစ်ပွဲတွေရဲ့ အလှည့်အပြောင်းဖြစ်စေခဲ့တဲ့ AK-47 ကို ဖန်တီးခဲ့သူ ဒုဗိုလ်ချုပ်ကြီး မီခေးလ် ကာလာရှနီကော့ဗ်
"ကျွန်တော် ဒီလက်နက်ကို တီထွင်ခဲ့တာ မိခင်နိုင်ငံကို ကာကွယ်ဖို့ပါ။ ငြိမ်းချမ်းရေးအတွက်ပဲ သုံးစေချင်ခဲ့တာ..." လို့ သူက ကွယ်လွန်ခါနီးမှာ ဖွင့်ဟခဲ့ဖူးပါတယ်။
သူဟာ အသက် ၉၄ နှစ်အရွယ်၊ ၂၀၁၃ ခုနှစ် ဒီဇင်ဘာလမှာ ကွယ်လွန်သွားခဲ့ပါတယ်
AK-47 ဆိုတဲ့ နာမည်က အလကားပေးထားတာ မဟုတ်ပါဘူး။
A = Avtomat (အော်တိုမက်တစ်လို့ အဓိပ္ပာယ်ရပါတယ်)
K = Kalashnikov (တီထွင်သူ မီခေးလ် ကာလာရှနီကော့ဗ် ကို ဂုဏ်ပြုထားတာပါ)
47 = ၁၉၄၇ ခုနှစ် (သေနတ်ကို အောင်မြင်စွာ စမ်းသပ်ထုတ်လုပ်နိုင်ခဲ့တဲ့နှစ်)ဖြစ်ပါတယ်
AK-47 ရဲ့ အကြီးမားဆုံး အားသာချက်ကတော့ "ရိုးရှင်းပြီး အကြမ်းခံလွန်းခြင်း" ပါပဲ။ သေနတ်ရဲ့ အတွင်းပိုင်း အစိတ်အပိုင်းတွေကို တစ်ခုနဲ့တစ်ခု ခပ်ချောင်ချောင်လေး ဖွဲ့စည်းတည်ဆောက်ထားပါတယ်။
ဒါကြောင့် သေနတ်ထဲကို သဲဝင်ဝင်၊ ရွှံ့ပဲပိတ်ပိတ်၊ ရေထဲပဲနစ်နစ်၊ နှင်းခဲတဲ့ ရာသီဥတုပဲဖြစ်ဖြစ် ကျည်မညပ်ဘဲ အေးဆေးပစ်လို့ရပါတယ်။ တခြားခေတ်မီ သေနတ်တွေလို ခဏခဏ ဖြုတ်ဆေးနေစရာ မလိုတဲ့အတွက် စစ်မြေပြင်မှာ စစ်သားတွေ အသက်ဘေးက လွတ်ဖို့ အားအကိုးရဆုံး လက်နက်ဖြစ်လာခဲ့ပါတယ်။
ကမ္ဘာပေါ်မှာ AK-47 နဲ့ ၎င်းရဲ့ မျိုးကွဲသေနတ် အလက်ပေါင်း သန်း ၁၀၀ ကျော် ထုတ်လုပ်ထားပြီးဖြစ်တယ်လို့ ခန့်မှန်းရပါတယ်။ ဆိုလိုတာက ကမ္ဘာပေါ်က လူအယောက် ၇၀ မှာ ၁ ယောက်နှုန်း ကိုင်လို့ရတဲ့ ပမာဏပါ။ လက်ရှိ ကမ္ဘာ့နိုင်ငံပေါင်း ၆၀ ကျော်ရဲ့ တရားဝင် စစ်တပ်တွေအပြင် ပြောက်ကျားတပ်ဖွဲ့တွေ၊ တော်လှန်ရေးအဖွဲ့တွေနဲ့ လက်နက်ကိုင်အဖွဲ့ပေါင်းများစွာက အဓိက သုံးစွဲနေကြပါတယ်။

29/05/2026

အမေရိကန်ကို အတုခိုးလိုက်တဲ့ မြောက်ကိုရီးယား ရဲ့ ပစ်ပြီးပြေး HIMARS
အမေရိကန်၊ တောင်ကိုရီးယား၊ ဂျပန်တို့နဲ့ စစ်ရေးတင်းမာမှုတွေ မြင့်တက်နေချိန်မှာ
မြောက်ကိုရီးယားက
အနောက်တိုင်းစတိုင် မိုဘိုင်းဒုံးပစ်စနစ်မျိုးကို လိုက်လံအတုယူ အဆင့်မြှင့်လာတာ ဖြစ်ပါတယ်။
ယူကရိန်းစစ်မြေပြင်မှာ ရုရှားတပ်တွေကို အကြီးအကျယ် ဒုက္ခပေးခဲ့တဲ့ အမေရိကန်ရဲ့ နာမည်ကျော် M142 HIMARS
အခုတော့ မြောက်ကိုရီးယားခေါင်းဆောင် ကင်ဂျုံအန်းက အဲဒီ HIMARS နဲ့ ပုံစံချင်း ခေါင်းပုံချွတ်စွတ်တူတဲ့ ရော့ကက်ပစ်လွှတ်မှုတစ်ခုကို ပြုလုပ်လိုက်ပါတယ်
(ပစ်ပြီးပြေး): ဒီစနစ်က အရင်လက်နက်တွေထက် ပေါ့ပါးသွက်လက်ပြီး ဒုံးကျည်ပစ်ခတ်ပြီးတာနဲ့ ရန်သူက တန်ပြန်မတိုက်ခိုက်နိုင်ခင် အဲဒီနေရာကနေ အမြန်ဆုံး မောင်းထွက်တိမ်းရှောင်နိုင်စွမ်း ရှိပါတယ်။
သမားရိုးကျ ရမ်းပစ်တာမျိုးမဟုတ်ဘဲ ဝေးလံတဲ့ပစ်မှတ်တွေကို တိတိကျကျ သွားရောက်ထိမှန်နိုင်မယ့် Precision-guided ရော့ကက်တွေကို အသုံးပြုထားပါတယ်။
ရန်သူ့ရဲ့ စစ်လေယာဉ်တွေနဲ့ ထောက်လှမ်းရေးဂြိုဟ်တုတွေ ဖမ်းမမိအောင်လည်း ပုန်းလျှိုးနိုင်စွမ်း ပိုကောင်းလာတယ်လို့ ဆိုပါတယ်။
စစ်ရေးကျွမ်းကျင်သူတွေကတော့ ဒီ "ကိုရီးယားဖြစ် HIMARS" က မူရင်းအမေရိကန်စနစ်ကို တကယ်ယှဉ်နိုင်ပါ့မလားဆိုတာ စောင့်ကြည့်နေကြပါတယ်။

28/05/2026

F-35 ကို ရပ်တန့်လို့မရအောင် စွမ်းဆောင်ပေးလိုက်တဲ့ အမှားတစ်ခု

28/05/2026

တခြားနိုင်ငံတွေကို လုံးဝမရောင်းဘဲ အမေရိကန်တစ်နိုင်ငံတည်းပဲ မောင်ပိုင်စီးထားတဲ့ ဝေဟင်ဘုရင် F-22 Rapto
တရုတ်နဲ့ ရုရှားတို့ ကြောက်ရတဲ့ အမေရိကန်ရဲ့ F-22 ဟာ ဒီနေ့အထိ ဝေဟင်စိုးမိုးရေး (Air Superiority) မှာ "ကမ္ဘာ့အကောင်းဆုံး" လို့ သတ်မှတ်ခံထားရဆဲပါ။
ဝေဟင်တိုက်ပွဲမှာ ဘယ်သူမှမယှဉ်နိုင်တဲ့ ကမ္ဘာ့ပထမဆုံး ပဉ္စမမျိုးဆက် (5th Generation) တိုက်လေယာဉ် F-22 Raptor ဟာ အမေရိကန်စစ်တပ်ရဲ့ အထူးအဆန်းပြပြကွက်ကြီး ဖြစ်ခဲ့ပါတယ်။ စမ်းသပ်ပစ်ခတ်မှုတွေမှာ ရန်သူ့လေယာဉ် ရာနဲ့ချီကို တစ်စီးမှအကျအဆုံးမရှိဘဲ အနိုင်ယူခဲ့တဲ့အထိ အစွမ်းထက်ခဲ့တာပါ။
လျှို့ဝှက်ဆန်းပြားပြီး ကောင်းလွန်းလို့ အမေရိကန်က တစ်ဦးတည်းမူပိုင် သိမ်းထားရတာဖြစ်ပါတယ်
F-22 ရဲ့ ရေဒါမှာ ပုန်းကွယ်နိုင်စွမ်းဟာ အံ့မခန်းပါပဲ။ ရေဒါစခရင်ပေါ်မှာ F-22 တစ်စီးလုံးရဲ့ အရွယ်အစားဟာ "သတ္တုစကျင်ကျောက်စေ့" တစ်စေ့စာ (သို့မဟုတ်) "ပျားတစ်ကောင်" စာလောက်ပဲ ပေါ်ပါတယ်။ ရန်သူက သူ့ကို မြင်တောင်မမြင်ရသေးခင်အဝေးကနေ ဒုံးကျည်နဲ့ အပိုင်ပစ်ချနိုင်စွမ်း ရှိပါတယ်။
အင်ဂျင်မီးခိုးထွက်တဲ့ခေါင်းကို အပေါ်အောက် လှုပ်ရှားလို့ရတဲ့စနစ်) ပါဝင်လို့ လေထဲမှာ မယုံနိုင်စရာ ကွေ့ဝိုက်ပျံသန်းမှုတွေကို ပြုလုပ်နိုင်ပါတယ်။ အနီးကပ် လေကြောင်းတိုက်ပွဲ (Dogfight) ဖြစ်လာရင် F-22 ကို ဘယ်လေယာဉ်မှ မယှဉ်နိုင်တဲ့ အဓိကအချက်ပါပဲ။
အသံထက် ၁.၈ ဆမြန်တဲ့အရှိန် (Mach 1.8) ကို အေးဆေးသက်သာစွာနဲ့ ရေရှည်မောင်းနှင်နိုင်ပါတယ်။
အမေရိကန်ဟာ စစ်ရေးအသာစီးရမှုကို အာမခံချက်ပေးမယ့် ဒီ "အဖိုးတန်ရတနာ" ရဲ့ လျှို့ဝှက်ချက်တွေ ထိန်းသိမ်းဖို့အတွက် လေယာဉ်ထုတ်လုပ်တဲ့လိုင်းကိုပါ ၂၀၁၁ မှာ အပြီးပိတ်သိမ်းခဲ့ပါတယ်။ လက်ရှိရှိသမျှ F-22 အစင်းရေ ၁၈၀ ကျော်ကိုပဲ အမေရိကန်လေတပ်က အမြတ်တနိုး ထိန်းသိမ်းမောင်းနှင်နေတာ ဖြစ်ပါတယ်။

28/05/2026

သေနတ်တစ်ချက်မှမဖောက်ဘဲ... ပူတင်ကိုဥရောပမှာလှောင်ပိတ်လိုက်တဲ့တောင်ကိုရီးယား...

28/05/2026

တောင်ကိုရီးယားရဲ့ လျှို့ဝှက်လက်နက်? "ကိုယ်ပျောက်ရေငုပ်သင်္ဘော"
ရေအောက်တစ္ဆေ
စစ်ရေးနည်းပညာမှာ အရှိန်အဟုန်နဲ့ ထိပ်တန်းရောက်လာတဲ့ တောင်ကိုရီးယားနိုင်ငံက သူတို့ရဲ့ အနာဂတ် ရေအောက်စစ်ဆင်ရေး အစီအစဉ်ကို အရိပ်အမြွက် ချပြလိုက်ပါတယ်။
တောင်ကိုရီးယား ကာကွယ်ရေးဝန်ကြီးဌာန (MND) က ထုတ်ပြန်ထားတဲ့ ဒီ Concept သရုပ်ဖော်ပုံဟာ သမားရိုးကျ ရေငုပ်သင်္ဘောတွေထက် အဆပေါင်းများစွာ သာလွန်တဲ့ ခေတ်ရှေ့ပြေးနည်းပညာတွေကို ပေါင်းစပ်ထားတာပါ—
အက်တမ်သင်္ကေတပြထားတဲ့အတိုင်း ရေအောက်မှာ လနဲ့ချီပြီး လောင်စာဖြည့်စရာမလိုဘဲ ငုပ်လျှိုးနိုင်မယ့် နျူကလီးယားအင်ဂျင်စနစ်။
သမားရိုးကျ ဒေါက်ပါဝင်တဲ့ ပန်ကာတွေအစား လျှပ်စစ်သံလိုက်တွန်းကန်မှုစနစ်ကို သုံးထားလို့ ရန်သူ့ ဆိုနာ (Sonar) တွေ ဘယ်လိုမှ ရှာမတွေ့နိုင်အောင် အသံတိတ်လွန်းတဲ့ "ရေအောက်တစ္ဆေ" ဖြစ်လာမှာပါ။
ရေအောက်လှိုင်းတွေရဲ့ ထောက်လှမ်းမှုကို ရှောင်ကွင်းနိုင်မယ့် ထောင့်ချိုးအနားစောင်း ကိုယ်ပျောက်ပုံသဏ္ဌာန်။
အာရှ-ပစိဖိတ်ရေပြင်မှာ စစ်ရေးပြိုင်ဆိုင်မှုတွေ ပြင်းထန်နေချိန်မှာ တောင်ကိုရီးယားရဲ့ ဒီခြေလှမ်းက ဒေသတွင်းအင်အားချိန်ခွင်လျှာကို ဘယ်လောက်အထိ လှုပ်ခတ်သွားစေမလဲဆိုတာ တကယ့်ကို စိတ်ဝင်စားဖို့ကောင်းလှပါတယ်။

26/05/2026

ခရိုင်းမီးယားလမ်းကြောင်းအားလုံးကို...ယူကရိန်းဖြတ်တောက်လိုက်ပြီ..

25/05/2026

🥲🥲

ရန်ကုန်မြို့ရှိ အခြေခံပညာကျောင်းများတွင် ကျောင်းအပ်နှံရာ၌ မိဘအရင်းကိုယ်တိုင် မှတ်ပုံတင်နှင့်တကွ လာရောက်မှသာ လက်ခံမည်ဆိုသည့် စစ်ကောင်စီ၏ သတ်မှတ်ချက်သစ်ကြောင့် မိဘများ အလုပ်ကိစ္စဖြင့် ဝေးကွာနေသည့် ကလေးငယ်များ ကျောင်းအပ်နှံရန် အခက်အခဲဖြစ်ပေါ်နေသည်။
ယခင်က အုပ်ထိန်းသူများမှတစ်ဆင့် ကျောင်းအပ်နှံနိုင်သော်လည်း ယခုနှစ်တွင် မိဘအရင်းမှသာ တိုက်ရိုက်အပ်နှံရမည်ဟု တင်းကျပ်ထားခြင်းဖြစ်သည်။ ဒေသခံများကမူ ဤသည်မှာ မိဘများ၏ နောက်ခံအချက်အလက်များကို စုဆောင်းရန်အတွက်သာဖြစ်ပြီး၊ ပညာသင်ယူခွင့် ဆုံးရှုံးရမည့် အခြေအနေကို စိုးရိမ်လျက်ရှိသည်။
#စစ်ကောင်စီ #ပညာရေး

25/05/2026

ထိုင်ဝမ်ကို ကျူးကျော်ဖို့ တရုတ်မှာ ဘာကြောင့် အင်အားမရှိရတာလဲ

25/05/2026

မေရိကန်စစ်တပ်ရဲ့ အသံတိတ်ကောင်းကင်မုဆိုး~~~~~~
နာမည်ကျော် ပြိုင်ဘက်ကင်းဗျူဟာမြောက်ထောက်လှမ်းရေးနဲ့ တိုက်ခိုက်ရေးသုံးမောင်းသူမဲ့ဒရုန်း MQ-9 Reaper (Predator B)
ဒရုန်းရဲ့ နှာခေါင်းအောက်က အလုံးလေးကို သတိထားမိမှာပါ။ ဒါဟာ နေ့ညမရွေး ပစ်မှတ်ကို တိကျစွာ ရှာဖွေထောက်လှမ်းပေးနိုင်တဲ့ ကမ္ဘာ့အဆင့်မြင့်ဆုံး ကင်မရာနဲ့ လေဆာလမ်းညွှန်စနစ် ဖြစ်ပါတယ်။
အနောက်ဘက်က V ပုံသဏ္ဌာန် ဒေါင်လိုက်တောင်ပံဟာ ရေဒါမိနိုင်ခြေ (Radar Signature) ကို လျှော့ချပေးပြီး အသံတိတ် ပျံသန်းနိုင်အောင် ထောက်ပံ့ပေးထားပါတယ်။
အတောင်ပံအောက်က လက်နက်ချိတ်ဆွဲတဲ့နေရာ (Hardpoints) တွေမှာ နာမည်ကျော် Hellfire ဒုံးကျည်တွေနဲ့ လေဆာလမ်းညွှန်ဗုံး (Laser-guided bombs) တွေကို အပြည့်အစုံ တပ်ဆင်ပြီး ပစ်မှတ်ကို အဝေးကနေ တိကျသေချာစွာ ခြေမှုန်းနိုင်ပါတယ်။
MQ-9 Reaper ဟာ ဝေဟင်မှာ ၂၄ နာရီကျော်ကြာ အသံတိတ် ဝဲပျံထောက်လှမ်းနိုင်သလို၊ ပစ်မှတ်ကိုလည်း မသိမသာ ချဉ်းကပ်တိုက်ခိုက်နိုင်တာကြောင့် ခေတ်သစ်စစ်ဆင်ရေးတွေရဲ့ အထိရောက်ဆုံး ကောင်းကင်မုဆိုးကြီးအဖြစ် သတ်မှတ်ခြင်းခံထားရပါတယ်ဗျာ။