Aurion X

05/07/2023

ၼႂ်းမိူင်းၵူၼ်းၼႆႉ
ဢၼ်လူဝ်ႇမီးၼၼ်ႉ ပဵၼ်ငိုၼ်း
ဢၼ်လူဝ်ႇႁၵ်ႉလိူဝ်သေပိူၼ်ႈၼၼ်ႉ ပဵၼ်တူဝ်ၸဝ်ႈၵဝ်ႇ

01/07/2023

ယွၼ်ႉသင် ပဵၼ်ၵူၼ်းယူႇ
သင်ဢမ်ႇႁူႉ ယိူင်းမၢႆၸဝ်ႈၵဝ်ႇၼႆ
ပဵၼ်ၵူၼ်းၵေႃႈ မိူၼ်ၵူၼ်းတၢႆလိပ်းၵူၺ်း။

ၼႂ်ႈၸၢတ်ႈပၢၼ်ၵူၼ်းႁဝ်းၼႆႉ ငိုၼ်းၼႆႉၶဝ်ႈတၢင်းတိုဝ်းၼႃႇ။
သင်ဢမ်ႇမီးငိုၼ်းၼႆႉ လွင်ႈဢၼ်ႁဝ်းၶႂ်ႈႁဵတ်းၼၼ်ႉ ႁဵတ်းဢမ်ႇလႆႈၵမ်းလဵဝ်။

ၶႂ်ႈၵႂႃႇတီႈလႂ်ႈၵေႃႈ ဢမ်ႇၸၢင်ႈၵႂႃႇ။
ၶႂ်ႈႁဵတ်းၼေဝႃႈ ႁဝ်းႁၵ်ႉပေႃႈမႄႈႁဝ်းၵႃႈႁိုဝ်ၼႆၵေႃႈ ဢမ်ႇၸၢင်ႈႁဵတ်း။
ၶႂ်ႈၸွႆႈထႅမ်ၵူၼ်းဢၼ်ထူပ်းတၢင်းယၢပ်ႇၽိုတ်ႇၵေႃႈ ဢမ်ႇၸၢင်ႈၸွႆႈ။

ယွၼ်ႉသင်လႃႇ
ယွၼ်ႉဝႃႈ တူဝ်ၸဝ်ႈၵဝ်ႇ ပႆႇပေႉတူဝ်ၼၼ်ႉယဝ်ႉ။

ၵွပ်ႈၼၼ် ၸူဝ်ႈတိုၵ်ႉပဵၼ်ၵူၼ်းယူႇၼႆႉ လူဝ်ႇလႆႈႁႃငိုၼ်းၼမ်ၼမ်ယဝ်ႉ။

Khun Zaai - Strategic

30/06/2023

ၶၢဝ်းယၢမ်းဢၼ် လီႁဵၼ်းလိၵ်ႈ လူလိၵ်ႈ
📖📚

🍀Self Awarness (သႅပ်ႉဢဝႄးၼႅတ်ႉ)
ၼႆ ၵမ်ႈၽွင်ႈၵေႃႈ တေယၢမ်ႈငိၼ်းၵၼ်ယူႇ

🌼မၢႆထိုင်ဝႃႈ ႁူႉၸၵ်းတူဝ်ၸဝ်ႈၵဝ်ႇလီလီ ၼႆယဝ်ႉ

🍀မိူၼ်ၼင်ႇႁူႉဝႃႈ
ၶၢဝ်းယၢမ်းလႂ် မီးတၢင်းသိူဝ်း
ၶၢဝ်းယၢမ်းလႂ် ၸႂ်လဵၵ်ႉ
ၶၢဝ်းယၢမ်းလႂ် မီးႁႅင်းၸႂ် Motivation
ၶၢဝ်းယၢမ်းလႂ် ၸႂ်တူၵ်း
တႄႇၵႂႃႇၸိူဝ်းၼႆႉယဝ်ႉ။

🍀ပေႃးႁူႉၸၵ်းတူဝ်ၸဝ်ႈၵဝ်ႇလီလီၵွၼ်ႇ
ၸင်ႇတေၸၢင်ႈ ႁဵတ်းႁႂ်ႈတူဝ်ၸဝ်ႈၵဝ်ႇ ၶိုၼ်ႈယႂ်ႇလႆႈ

🍀ပိူင်တႅၵ်ႈမၼ်း ၵူၼ်းပဵၼ်တၢင်းပဵၼ်သေ သင်ၸိူဝ်ႉဝႃႈ
ဢမ်ႇႁူႉၸၵ်းတၢင်းပဵၼ်မၼ်းလီလီၼႆ မေႃယႃၵေႃႈဢမ်ႇၸၢင်ႈယႃႇပၼ်
ႁႂ်ႈပေႃးၶႅၼ်းလႆႈ

🍀ၼင်ႇၼၼ်ယဝ်ႉ ဢၼ်ႁဝ်းႁဵၼ်းလိၵ်ႈ
ဢၢၼ်ႇလိၵ်ႈသေ ဢမ်ႇတွင်းလႆႈလီလီ
ဢမ်ႇဢဝ်ၸႂ်သႂ်ႇ ၼိူဝ်လိၵ်ႈလႆႈလီလီ ၼၼ်ႉ
ယွၼ်ႉဢမ်ႇႁူႉလွင်ႈ တူဝ်ၸဝ်ႈၵဝ်ႇလီလီၼၼ်ႉၵေႃႈ ပႃးယူႇယဝ်ႉ။

🍀သင်ႁူႉဝႃႈ ၶၢဝ်းယၢမ်းလႂ် ၸႂ်ႁဝ်းတေၼိမ်လီၼႆသေ
ၸင်ႇႁဵၼ်းလိၵ်ႈၼႆ တေတိူဝ်းမီးၽွၼ်းလီၼမ်ယူႇယဝ်ႉ။

🍀ၶၢဝ်းယၢမ်းဢၼ် ၵူၼ်းၵမ်ႈပႃႈၼမ် ႁဵၼ်းလိၵ်ႈ ဢၢၼ်ႇလိၵ်ႈ
ၼၼ်ႉတႄႉ ပဵၼ်ၵၢင်ၼႂ် လႄႈ ၵၢင်ၶမ်ႈ ယဝ်ႉ။

📚ၵူၼ်းဢၼ် ႁဵၼ်းလိၵ်ႈ ၵၢင်ၶမ်ႈ📚

🍀မၢင်ၸိူဝ်းၵေႃႈဝႃႈ ၵၢင်ၶမ်ႈၼႆႉ ယဵၼ်လီၼႆလႄႈ ပဵၼ်ၶၢဝ်းယၢမ်းဢၼ်လီႁဵၼ်းလိၵ်ႈၼႆယူႇ။
ၵူၼ်းၼုမ်ႇၵၢပ်ႈပၢၼ်မိူဝ်ႈလဵဝ်ၼႆႉၵေႃႈ ဢွၼ်ၵၼ်လႆႈၸႂ် ဢၢၼ်ႇလိၵ်ႈတေႃႇထိုင် ယၢမ်းလိုၵ်းၵွၼ်ႇ

⚠️ၽွၼ်းႁၢႆႉမၼ်း
-ၸွမ်းၼင်ႇဢၼ် ၸဝ်ႈပၢႆးသၢႆႈၶဝ် ၶူၼ်ႉၶႂႃႉႁၼ်ဝႆႉၼၼ်ႉ
-ပေႃးဢမ်ႇၼွၼ်းၵၢင်ၶိုၼ်းသေ ၶၢဝ်းယၢမ်းႁိုင်မႃးၼႆ ဢွၵ်းဢေႃႁဝ်းတေလိုမ်းငၢႆႈ ၼႆယူႇယဝ်ႉ။
-သင်ပဵၼ်ဝၼ်းဢၼ် ႁဵတ်းၵၢၼ်ႁိူဝ်ႉႁႅင်းၼႆ တေဢမ်ႇပၵ်းၸႂ်ၼိူဝ်လိၵ်ႈလႆႈလီလီၼင်ႇၵွၼ်ႇ။

✔️ၽွၼ်းလီမၼ်း
-ၵၢင်ၶိုၼ်းၼႆႉ ပဵၼ်ၶၢဝ်းယၢမ်းၼွၼ်းလႄႈ တေယဵၼ်ဝႆႉသေ ဢဝ်ဢႃႇရုင်ႇၼိမ်လႆႈလီ။
-ၵၢၼ်ဢၼ်လူဝ်ႇႁဵတ်းၼၼ်ႉ ႁဵတ်းယဝ်ႉမႃးတၢင်းဝၼ်းလႄႈ ယိုင်ႈၶႅၼ်းပၵ်းၸႂ်လႆႈလီ။
-ၵၢင်ၶိုၼ်းၼႆႉ ပၢႆးဝူၼ်ႉလီမႂ်ႇမႂ်ႇ ၵႆႉဢွၵ်ႇလိူဝ်သေၵၢင်ဝၼ်း။

📚ၵူၼ်းဢၼ် ႁဵၼ်းလိၵ်ႈ ၵၢင်ၼႂ်📚

🍀ၵူၼ်းၼုမ်ႇၵမ်ႈၼမ်တႄႉ တေဢမ်ႇမီးတၢင်းယၢမ်ႈဢၼ်ၼႆႉ
ၵူၺ်းၵႃႈ ၽူႈဢွင်ႇမၢၼ်ၶဝ်ၵူႈၵေႃႉၼၼ်ႉ တေၵႆႉပၼ်ႁႅင်း ႁႂ်ႈလုၵ်ႉၸဝ်ႉၸဝ်ႉၼႆယူႇ။
ဝူၼ်ႉဝႃႈ ၶဝ်တေဢမ်ႇလႃႈလီလၢတ်ႈၼင်ႇၵွၼ်ႇ
ယွၼ်ႉသင်ၼႆ ႁဝ်းမႃးတူၺ်းၸွမ်းၵၼ်

✔️ၽွၼ်းလီမၼ်း
-ပေႃးလုၵ်ႉၸဝ်ႉၸဝ်ႉၼႆ လႆႈႁႅင်းၸႂ် Motivation ဝႆႉဢၼ်ၼိုင်ႈ
ယွၼ်ႉလုၵ်ႉၸဝ်ႉသေပိူၼ်ႈလႄႈ ၼႂ်းၸႂ်ၼႆႉယုမ်ႇယမ်ဝႃႈ ႁွတ်ႈဝႆႉတၢင်းၼႃႈပိူၼ်ႈ ယၢင်ႈၼိုင်ႈယဝ်ႉ။
-ၵၢင်ၼႂ်ၼႆႉၸႂ်ၸိုၼ်ႈပၢင်ႇလီလႄႈ ပၵ်းၸႂ်လႆႈလီလိူဝ်သေၵၢင်ၶမ်ႈ သွင်ပုၼ်ႈ။
-တေမၢႆတွင်းၵိုမ်းလႆႈလီ လိူဝ်သေႁဵၼ်းၵၢင်ဝၼ်း ၵၢင်ၶမ်ႈ။

⚠️ၽွၼ်းႁၢႆႉမၼ်း
-ယွၼ်ႉလုၵ်ႉၸဝ်ႉလႄႈ တေမိူၼ်ႁၢင်ႈတႃၼွၼ်းဢမ်ႇဢိမ်ႇဝႆႉသေ တေငဝ်ၼွၼ်း ၽွင်းယၢမ်းႁဵတ်းၵၢၼ်။
(ၵူၺ်းၵႃႈ ပေႃးပဵၼ်တၢင်းယၢမ်ႈၵႂႃႇယဝ်ႉတႄႉ ဢမ်ႇပဵၼ်ၼင်ႇၵဝ်ႇ)

🍀ၵမ်းၼႆႉ ဝူၼ်ႉဝႃႈ ပီႈၼွင်ႉၺၢၼ်ႇသႂ် ႁဝ်းၶဝ်တေႁူႉၶၢဝ်းယၢမ်းႁဵၼ်းလိၵ်ႈၵၼ်ယဝ်ႉၶႃႈၼေႃ

🌼ပီႈၼွင်ႉႁဝ်းၶဝ် လႆႈၸႂ်ႁဵၼ်းလိၵ်ႈ ၶၢဝ်းယၢမ်းလႂ်ၼႆ တႅမ်ႈတွပ်ႇပၼ်ၼႂ်း
Comment ဢိတ်းၼိုင်ႈၶႃႈ

30/06/2023

🍁ယိူင်းမၢႆႁဝ်းၼၼ်ႉ
တေလႆႈၸႂ်ၸပ်းမၼ်းယူႇတႃႇသေႇ🍁

သဵင်ႁူဝ်ၸႂ်ၽၢႆႇၼႂ်းၼႆႉ တေလႆႈလင်လိူဝ်သေ
သဵင်ၵႂၢမ်းပိူၼ်ႈသေႉၼေးႁဝ်း ၽၢႆႇၼွၵ်ႈၼၼ်ႉ

🎟️ ၵူႈဝၼ်းဝၼ်းၼႆႉ
ပၢႆးယူႇလီ ၊ ပၢႆးပိင်ႇၺႃႇ
လွင်ႈငိုၼ်းတွင်း ၊ ၼမ်ႉၵတ်ႉ
တေလႆႈၶိုၼ်ႈယႂ်ႇလိူဝ်ႇသေၵဝ်ႇ ယူႇၵူႈဝၼ်း။

🎟️ သင်ၵုမ်ႇႁဵတ်းၼႃႈၵၢၼ်ဢၼ်ငၢႆႈပူၼ်ႉၼႃႇၼႆ
ၶၢဝ်းတၢင်းၸၢတ်ႈပၢၼ်ၼႆႉ တေယၢပ်ႇၽိုတ်ႇမႃး

သင်ၶတ်းၸႂ်ႁဵတ်း လွင်ႈယၢပ်ႇသေ ဢွင်ႇမၢၼ်ၵႂႃႇၼႆ
ၶၢဝ်းတၢင်းၸၢတ်ႈပၢၼ်ၼႆႉ တေငၢႆႈမႃးၵမ်းလဵဝ်ယဝ်ႉ။

Khun Zaai - Strategic

07/06/2023

Inflation - ငိုၼ်းၵႂ်ႈ 🎈🎈🎈

သင်ဝႃႈ ပဵၼ်ငိုၼ်းၵႂ်ႈ Inflation (ငွေကြေးဖောင်းပွမှု) မႃးယဝ်ႉၼႆ ၵႃႈၶၼ်ငိုၼ်းႁဝ်း ဢၼ်မီးဝႆႉၼၼ်ႉၵေႃႈ တေယွမ်းလူင်းၵႂႃႇယူႇယဝ်ႉ။။↘️

ငိုၼ်းဢၼ်ႁဝ်း လႆႈဢဝ်ဢဵၼ်ႁႅင်းတူဝ် ႁႅင်းၸ်ႂသေ လႅၵ်ႈမႃးၼၼ်ႉ ဢဝ်ၵႂႃႇၽၢၵ်ႇဝႆႉတီႈယေးငိုၼ်း Bank ၵေႃႈ ဢမ်ႇပႆႇၸၢင်ႈႁေႉၵင်ႈလႆႈၽေးငိုၼ်းၵႂ်ႈ Inflation ၼၼ်ႉ လီလီၵွၼ်ႇ။😶

ၶၢဝ်းယၢမ်း မိူဝ်ႈလဵဝ်ၼႆႉ သိုဝ်ႉသင်ၵေႃႈ ၵႃႈၶၼ်ယ်ႂႇၼႃႇၼႆလႄႈ ဢမ်ႇသိုဝ်ႉသင်ဝႆႉသေ ယိပ်းတူဝ်ငိုၼ်းဝႆႉလၢႆလၢႆၵူၺ်းတႄႉ ဢမ်ႇပႆႇသၢင်ႇထုၵ်ႇၼင်ႇၵွၼ်ႉ။❌

ယူႇလၢႆလၢႆၵေႃႈ တူဝ်ငိုၼ်းဢၼ်မီးၼ်ႂးမိုဝ်းႁဝ်းၼႆႉ ၵႃႈၶၼ်မၼ်းတေယွမ်းၵႂႃႇတိၵ်းတိၵ်းယဝ်ႉ ။

ၼင်ႇႁိုဝ် ၵႃႈၶၼ်ငိုၼ်းႁဝ်းတေဢမ်ႇယွမ်းၵႂႃႇၼၼ်ႉ ထုၵ်ႇလီလႅၵ်ႈလၢႆႈ သိုဝ်ႉဝႆႉၶူဝ်းၶွင်ဢၼ်တေမီးလွင်ႈမၼ်ႈၵိုမ်းသေ ႁေႉၵင်ႈလႆႈၽေး ငိုၼ်းၵႂ်ႈ Inflation ၼၼ်ႉယူႇ။
ဢမ်ႇၼၼ် လူင်းတိုၼ်းဝႆႉသေတီႈတီႈ။💹

ယွၼ်ႉၼ်ႂးၵမ်ႇၽႃႇၼႆႉလႆႈၸ်ႂႉငိုၼ်းၵၼ်ယူႇ ၵူႈမိူင်းမိူင်းလႄႈ ၊ ၼင်ႇႁိုဝ်တေဢမ်ႇတူၵ်းလိုၼ်းပိူၼ်ႈၼၼ်ႉ ႁဝ်းတေလႆႈလဵပ်ႈႁဵၼ်းႁူႉလွင်ႈ ၵၢၼ်ငိုၼ်း လႄႈ လၢႆးႁဵတ်းသၢင်ႈငိုၼ်းယူႇယဝ်ႉ။👨🏻‍🎓💰

တႃႇတေပွင်ႇၸ်ႂ လွင်ႈသၽႃႇဝ ၵၢၼ်ငိုၼ်းၼၼ်ႉၵေႃႈ တေလႆႈလဵပ်ႈႁဵၼ်းလွင်ႈ လွၵ်းၵၢတ်ႇၵၢၼ်ငိုၼ်း Financial Market ၼၼ်ႉယဝ်ႉ၊
ၵူၼ်းၸိူဝ်းဢၼ်ပွင်ႇၸ်ႂလွင်ႈ Financial Market ဝႆႉၼၼ်ႉ ၽွင်းမိူဝ်ႈပဵၼ်ငိုၼ်းၵႂ်ႈ Inflation မႃးၼႆ ၶဝ်တေႁႃသိုဝ်ႉယိပ်းဝႆႉ ၶူဝ်းၶွင်ဢၼ်တေမၼ်ႈၵိုမ်းသေ ထိင်းပၼ်ၵႃႈၶၼ်ငိုၼ်းၶဝ်ႈၼၼ်ႉယဝ်ႉ။

မိူၼ်ၼင်ႇ သိုဝ်ႉယိပ်းဝႆႉငိုၼ်း ယူႇႁူဝ်ႇ EUR 💶 ၊ သိုဝ်ႉယိပ်းငိုၼ်း တေႃႇလႃႇ USD💵 ၊ သိုဝ်ႉယိပ်းဝႆႉၶမ်း💱 ၊ သိုဝ်ႉဝႆႉတီႈလိၼ်📝 ၊ လူင်းတိုၼ်းဝႆႉသေတီႈတီႈ📉 တႄႇၵႂႃႇၸိူဝ်းၼႆႉၶႃႈယဝ်ႉ။

ၵူၼ်းၵမ်ႈၽွင်ႈသမ်ႉ ဝူၼ်ႉဝႃႈ ၵၢၼ်လဵပ်ႈႁဵၼ်းၼႆႉ မီးတီႈၼ်ႂးႁူင်းႁဵၼ်းၵူၺ်းသေ ႁဵၼ်းလႆႈမိူဝ်ႈၶိုၼ်ႈႁူင်းႁဵၼ်းၼၼ်ႉၵူၺ်းၼႆယူႇ။

ဝၢႆးသေသုတ်းႁူင်းႁဵၼ်းယဝ်ႉၵေႃႈ ဢမ်ႇလူဝ်ႇလဵပ်ႈႁဵၼ်းသင်ထႅင်ႈယဝ်ႉၼႆသေ ၊ ဢမ်ႇပွင်ႇၸ်ႂသေယဝ်ႉ ဢမ်ႇလဵပ်ႈႁဵၼ်းသင်ထႅင်ႈယဝ်ႉ။

ယွၼ်ႉၼၼ်လႄႈ လႆႈတူၵ်းလိုၼ်းပိူၼ်ႈ ၊ ဢမ်ႇမေႃၸတ်းၵၢၼ် ၸ်ႂႉငိုၼ်းသေ လႆႈတူၵ်းသုမ်းၼ်ႂးၼႃႈၵၢၼ်ပၢႆးမၢၵ်ႈမီးၵႂႃႇ ၼၼ်ႉယူႇယဝ်ႉ။

ၼမ်ႉၵတ်ႉ ဢၼ်မေႃၸတ်းၵၢၼ်ငိုၼ်းၼႆႉ လမ်ႇလွင်ႈၼႃႇတႃႇၸၢတ်ႈပၢၼ်ႁဝ်း ။

ဢမ်ႇၵတ်ႉၶႅၼ်ႇလိၵ်ႈ ၼ်ႂးႁူင်းႁဵၼ်းၵႃႈႁိုဝ်ၵေႃႈ ၊ လွင်ႈၸတ်းၵၢၼ်ငိုၼ်း လွင်ႈၸ်ႂႉငိုၼ်းႁဵတ်းၵၢၼ် ၸိူဝ်းၼႆႉ တိုၼ်းထုၵ်ႇလီလဵပ်ႈႁဵၼ်း ထုၵ်ႇလီႁူႉဝႆႉယူႇယဝ်ႉ။

ၵူၼ်းၸိူင်းဢၼ်မေႃ ၸတ်းၵၢၼ်ငိုၼ်တႄႉ ၶဝ်တေပူၼ်ႉလွတ်ႈတၢင်းၽၢၼ်ၼၼ်ႉသေ ပဵၼ်ၽူႈမၢၵ်ႈမီးၵႂႃႇယူႇယဝ်ႉ။

Khun Zai ၶုၼ်ၸၢႆး - Strategic

28/01/2023

https://www.facebook.com/profile.php?id=100086142891667&mibextid=ZbWKwL

မီးတၢင်းယၢပ်ႇ လွင်ႈငိုၼ်းႁ?
ၶဝ်ႈလဵပ်ႈႁဵၼ်းတူၺ်းလႄႈ တေလႆႈၶေႃႈတွပ်ႇယူႇ

18/01/2023

Inflation - လွင်ႈၶၼ်ငိုၼ်းတူၵ်း
သိုပ်ႇ - တွၼ်ႈ (4)

ၼင်ႇႁိုဝ် ပီႈၼွင်ႉတႆးႁဝ်း ပေႃးတေႁူႉလွင်ႈပၢႆးမၢၵ်ႈမီး လႄႈ လွင်ႈၸ်ႂႉငိုၼ်းႁဵတ်းၵၢၼ်သေ မေႃၼပ်ႉသွၼ်ႇ လွင်ႈငိုၼ်း လႄႈ မေႃႁဵတ်းသၢင်ႈၼႃႈၵၢၼ်ပၢႆးမၢၵ်ႈမီးၼၼ်ႉ ယူႇတီႈၶႃႈႁဝ်း ၸွင်ႇလႆႈဢဝ်တၢင်းႁူႉ ဢၼ်ၵဵဝ်ႇၵပ်းတၢင်း လွင်ႈၶၼ်ငိုၼ်းတူၵ်း (ငိုၼ်းပွင်း) Inflation (ငွေကြေးဖောင်းပွမှု) ၼၼ်ႉသေ မႃးသပ်းလႅင်းၼေယူႇၶႃႈဢေႃႈ "

မိူဝ်ႈတွၼ်ႈတၢင်းၼႃႈၼၼ်ႉ ၶႃႈႁဝ်းလႆႈလၢတ်ႈၼေဝႆႉဝႃႈ သင်ၸိူဝ်ႉပဵၼ် Inflation ၶိုၼ်ႈႁႅင်းၼႆ တေမီးၽွၼ်းႁၢႆႉသင် လႄႈ တေမီးၽွၼ်းလီၸိူင်ႉႁိုဝ် ၼႆၼၼ်ႉသေ မိူဝ်ႈလဵဝ်ၵေႃႈ ထိုင်မႃး တွၼ်ႈဢၼ်တေလႆႈသပ်းလႅင်း ၽွၼ်းလီ ယွၼ်ႉပဵၼ် Inflation ၼႆႉယူႇၶႃႈဢေႃႈ
တေမီးၽွၼ်ႈလီသင်လၢႆလၢႆၼႆ သိုပ်ႇလူၵႂႃႇ တေႃႇပေႃးသုတ်း ၸွမ်းၵၼ်ၶႃႈ ---

(1)
- ႁဵတ်းပၼ်ႁ်ႂႈ ၵႃႈၶၼ် ၼီႈ ယွမ်းလူင်း
ၽွၼ်းလီ Inflation (ငိုၼ်းပွင်း) ထႅင်ႈဢၼ်ၼိုင်ႈတႄႉ မၼ်းႁဵတ်းပၼ်ႁ်ႂႈ ၵူၼ်းဢၼ် ၵူႈငိုၼ်း ႁိမ်ငိုၼ်း ပိူၼ်ႈဝႆႉသေ ထုၵ်ႇၼီႈဝႆႉၼၼ်ႉ တႅၼ်းၶိုၼ်းငိုၼ်းလႆႈငၢႆႈငၢႆႈ ယူႇၶႃႈယဝ်ႉ

ယွၼ်ႉပိူဝ်ႈၸိူင်ႉႁိုဝ်လႃႇ ပေႃးဝႃႈၼႆၸိုင် မိူဝ်ႈၽွင်းထုၵ်ႇၼီႈဝႆႉယူႇၼၼ်ႉ သမ်ႉပဵၼ် Inflation (ငိုၼ်းပွင်း) မႃးၼႆ သၢင်ႉငိုၼ်းတႄႉ ဢမ်ႇယွမ်းၵႂႃႇသေတႃႉ ၵူၺ်းၵႃႈ ၶၼ်ငိုၼ်းတေယွမ်းလူင်းၵႂႃႇသေ ၽွင်းပဵၼ် Inflation ၼႆႉ တေႁႃငိုၼ်းလႆႈငၢႆႈသေ တႃႇတေတႅၼ်းၼီႈၵေႃႈတေငၢႆႈ ၼၼ်ႉယဝ်ႉ "

မိူဝ်ႈပူၼ်ႉမႃး 5ပီ 10ပီ ၼၼ်ႉ သၢင်ႉငိုၼ်း 1000 ၼႆႉ ႁႃယၢပ်ႇၼႃႇ မီးငိုၼ်း 1000 ဝႆႉၼႆႉၵေႃႈ မီးၵႃႈၶၼ်ၼႃႇ " ၵူၺ်းၵႃႈ ငိုၼ်း 1000 ၼႆႉ သင်ဝႃႈ ၵူႈၸၢႆႇဝႆႉ မိူဝ်ႈပူၼ်ႉမႃး 5ပီ 10ပီ ၼၼ်ႉသေ ထိုင်မႃး ပီၼႆႉ ၸွင်ႇတေၶိုၼ်းတႅၼ်းၶိုၼ်းပေႃးၼႆ တႅၼ်းၶိုၼ်း သၢင်ႉငိုၼ်းတဵမ် 1000 ယူႇသေတႃႉ ၶၼ်ငိုၼ်းတႄႉ ဢမ်ႇမိူၼ်ၵၼ်ယဝ်ႉ တႅၼ်းၵေႃႈငၢႆႈလိူဝ်သေ မိူဝ်ႈပူၼ်ႉမႃး / ငိုၼ်း 1000 မိူဝ်ႈပူၼ်ႉမႃးလႄႈ ငိုၼ်း 1000 မိူဝ်ႈလဵဝ် ၵႃႈၶၼ်မၼ်းဢမ်ႇ သိုဝ်ႉလႆႈမိူၼ်ၵၼ်
ယွၼ်ႉၼၼ် ၸွင်ႇလႆႈဝႃႈ မီးၽွၼ်းလီ တွၼ်ႈတႃႇ ၵူၼ်းဢၼ်ထုၵ်ႇၼီႈငိုၼ်းပိူၼ်ႈ ၼႆယူႇယဝ်ႉ "

ယွၼ်ႉၼၼ်လႄႈ သင်ဝႃႈ ၵူႈႁိမ်ငိုၼ်း တီႈပၼ်ႇ (Bank) သေ သိုဝ်ႉႁိူၼ်း သိုဝ်ႉလူတ်ႉၵႃး ပေႃးၼႆ ၶဝ်တေၼပ်ႉသွၼ်ႇဝႆႉ % ၶီႈငိုၼ်းႁ်ႂႈၼမ်လိူဝ်သေ Inflation Rate ၼႆႉ 2%-3% ယူႇၶႃႈယဝ်ႉ "
ၵူၼ်းမၢင်ၵေႃႉ တေထၢင်ႇဝႃႈ ၵႂႃႇၵူႈႁိမ်ငိုၼ်းတီႈပၼ်ႇ (Bank) သေ သိုဝ်ႉႁိူၼ်း သိုဝ်ႉဝၢင်းၼႆႉ ဢမ်ႇၵိုင်ႇ ၶီႈငိုၼ်းလႆႈပၼ်ၼမ်ၼႃႇၼႆယူႇ ၵူၺ်းၵႃႈပေႃးမႃးၼပ်ႉတူၺ်း Inflation Rate မိူင်းႁူမ်တုမ် ၼႆႉၼႆ ၼိုင်ႈပီၼႆႉ တေၵေႇသုတ်း တေမီးယူႇ 10% ၶိုၼ်ႈၼိူဝ်လၢႆလၢႆ
ပေႃးဝူၼ်ႉတူၺ်းလီလီတႄႉ ဢဝ်ငိုၼ်းပိူၼ်ႈမႃး ၸ်ႂႉၼႆႉ လႆႈဝႃႈၵိုင်ႇယူႇ "

(2)
- ႁဵတ်းႁ်ႂႈ ပၢႆးမၢၵ်ႈမီး ၶိုၼ်ႈယ်ႂႇ / ဝၢၼ်ႈမိူင်းႁိူဝ်ႈႁိူင်း ၶိုၼ်ႈယ်ႂႇ
ၽွၼ်းလီ Inflation (ငိုၼ်းပွင်း) ထႅင်ႈလွင်ႈၼိုင်ႈတႄႉ မၼ်းႁဵတ်းႁ်ႂႈ ၵၢၼ်ပၢႆးမၢၵ်ႈမီး ၶိုၼ်ႈယ်ႂႇမ်ႂႇသုင် ၼၼ်ႉၶႃႈယဝ်ႉ "
Deflation ၼႆႉ ႁဵတ်းႁ်ႂႈ ၶၼ်ၵုၼ်ႇၵႃႉတၢင်းၶၢႆတူၵ်း လႄႈ ၼႃႈၵၢၼ်ပၢႆးမၢၵ်ႈမီးတူၵ်းသေ ဝၢၼ်ႈမိူင်းဢမ်ႇၸၢင်ႈၶိုၼ်ႈယ်ႂႇ " ၵူၺ်းၵႃႈ သင်ဝႃႈပဵၼ် Inflation ပၢၼ်ၵၢင်ၼႆ တေဢမ်ႇပဵၼ်ၽွၼ်းႁၢႆႉၸိူင်ႉၼၼ်သေ တေႁဵတ်းႁ်ႂႈႁႅင်းသိုဝ်ႉ ႁႅင်းၵႃႉၶၢႆ ၶိုၼ်ႈမႃးသေ ၵူၼ်းႁဵတ်းၼႃႈၵၢၼ်ပၢႆးမၢၵ်ႈမီး လႄႈ ႁူင်းၵၢၼ် ၶွမ်ႇပၼ်ႇၼီႇလူင်ၶဝ် လႆႈၼမ်ႉတွၼ်းၼမ်ယူႇယဝ်ႉ "
ပေႃးပဵၼ်ၸိူင်ႉၼၼ်ၵႂႃႇၸိုင် ႁူင်းၵၢၼ်လူင်ၶဝ်ၵေႃႈ တေလူဝ်ႇၸ်ႂႉၵူၼ်းႁဵတ်းၵၢၼ်ၼမ်ထႅင်ႈသေ တေၸၢင်ႈတိူဝ်းပၼ်ငိုၼ်းလိူၼ်ၼႄႇ တေတွၼ်ႈပၼ်သူး ၸႃႉၵႂႃႇၸိူဝ်းၼႆႉယဝ်ႉ ၵူၼ်းဢၼ်ဢမ်ႇမီးၵၢၼ် ၵူၼ်းႁၢမ်းၵၢၼ်ၵေႃႈ တေဢမ်ႇပေႃးမီးၶႃႈယဝ်ႉ"

ပေႃးမီးၼႃႈၵၢၼ်တႃႇႁဵတ်းၵေႃႈ တေမီးငိုၼ်းၶဝ်ႈယဝ်ႉ ပေႃးမီးငိုၼ်းၼမ်ၵေႃႈ ႁူႉတေၸ်ႂႉၸ်ႂႉၸၢႆႇၸၢႆႇသေ ၶူဝ်းၵႃႉၶူဝ်းၶၢႆၵူႈၸိူဝ်းၸိူဝ်းၵေႃႈ တေသိုဝ်ႉငၢႆႈၶၢႆၶၢတ်ႇ လႄႈ ႁူင်းၵၢၼ်လူင်ၶဝ် လႄႈ ၽူႈၵႃႉၶဝ်ၵေႃႈ တေလႆႈၼမ်ႉတွၼ်းၼမ် ၸိူင်ႉၼႆၵႂႃႇတိၵ်းတိၵ်းသေ
ပၢႆးမၢၵ်ႈမီး လႄႈ ဝၢၼ်ႈမိူင်း တေၶိုၼ်ႈယ်ႂႇမ်ႂႇသုင်မႃးယူႇၶႃႈယဝ်ႉ "

(3)
- ႁဵတ်းပၼ်ႁ်ႂႈ ၶူဝ်းၶွင် ဢုၵ်ႉၸႃႇ Asset ႁဝ်းမီးလွင်ႈမၼ်ႈၵိုမ်း
ၽွၼ်းလီ Inflation ထႅင်ႈလွင်ႈၼိုင်ႈတႄႉ သင်ဝႃႈပဵၼ် Inflation ပၢၼ်ၵၢင် ပေႃးၼႆၸိုင် တေႁဵတ်းႁ်ႂႈပၢႆးမၢၵ်ႈမီးၶိုၼ်ႈယ်ႂႇ တေႁဵတ်းႁ်ႂႈၵူၼ်းၵူႈၵေႃႉ ႁႃငိုၼ်းငၢႆႈ သေ မီးငိုၼ်းၸ်ႂႉၸၢႆႇၼမ် " ၽွင်းၵူၼ်းၵႃႉၵူၼ်းၶၢႆၼမ် Spending Power ၼမ်ၼၼ်ႉ ၵႃႈၶၼ်ၵုၼ်ႇၵႃႉတၢင်းၶၢႆ ၶူဝ်းၶွင်ႇၵူႈၸိူဝ်းၸိူဝ်း ၵႃႈၶၼ်တေၶိုၼ်ႈမႃးယဝ်ႉ ၵႃႈၶၼ်ၶမ်း ၵႃႈၶၼ် လူတ်ႉၵႃး ၵႃႈၶၼ်ႁိူၼ်း ၵႃႈၶၼ်တီႈလိၼ် ၸႃႉၵႂႃႇ တေၶိုၼ်ႈသုင်မႃးယူႇၶႃႈယဝ်ႉ "
မိူၼ်ၼင်ႇ မိူင်းႁူမ်ႈတုမ်ၼႆႉ ၼိုင်ႈပီ Inflation Rate မီး 10% - 20% ယူႇ " ၽွင်းမိူဝ်ႈၼၼ်ႉ သိုဝ်ႉတီႈလိၼ် ၵႃႈၶၼ် 200 သႅၼ်ဝႆႉသေ " မိူင်းႁူမ်ႈတုမ်ၼႆႉ ယွၼ်ႉပဵၼ် Inflation Rate 20% (ငိုၼ်းပွင်း) လႄႈ တီႈလိၼ်ႁဝ်း ဢၼ်မီးသၢင်ႉငိုၼ်း 200 သႅၼ်ၼၼ်ႉၵေႃႈ ထႅင်ႈပီၼိုင်ႈမႃး ၶၢဝ်းယၢမ်းၼႆႉၼႆ တေမီးၵႃႈၶၼ်ၵႂႃႇ 220 သႅၼ် ယဝ်ႉ " တီႈလိၼ်ၵေႃႈ ၵေႇမႃး ၵႅပ်ႈမႃး ၵူၼ်းဢၼ်ၶ်ႂႈလႆႈ ၶ်ႂႈသိုဝ်ႉသမ်ႉ ၼမ်မႃးပေႃးၼႆၸိုင် ၵႃႈၶၼ်မၼ်း ၶႅၼ်းတေၶိုၼ်ႈသုင်တိၵ်းတိၵ်းယဝ်ႉ " ပွင်ႇဝႃႈ ပေႃးသိုဝ်ႉဝႆႉတီႈလိၼ် ပီႈၼႆႉၼႆႉ ပီတေမႃးၼၼ်ႉ တိုၼ်းတေမႅတ်ႈဢမ်ႇႁၢင်ႉယဝ်ႉ "
ၶူဝ်းၶွင် Asset ၵူႈဢၼ် ၶမ်း / လူတ်ႉၵႃး / ႁိူၼ်း / တီႈလိၼ် / Crypto Currency ၸႃႉၵႂႃႇၸိူဝ်းၼႆႉ ယွၼ်ႉပိူဝ်ႈ Supply ၵေႇမႃးတိၵ်းတိၵ်းလႄႈ ၵႃႈၶၼ်တေမုင်ႈၼႃႈၶိုၼ်ႈတၢင်းၼိူဝ်ယူႇတႃႇသေႇၼၼ်ႉယဝ်ႉ "

ၼႆႉတႄႉ ပဵၼ်လွင်ႈ Inflation (ငိုၼ်းပွင်း) လႄႈ ၽွၼ်းလီ Inflation ၼၼ်ႉၶႃႈယဝ်ႉ
မီးၽွၼ်းလီတႃႇၵူၼ်းၸိူင်ႉႁိုဝ် လႄႈ မီးၽွၼ်းလီသင်လၢႆလၢႆၼႆၼၼ်ႉတႄႉ ဝူၼ်ႉဝႃႈတေပွင်ႇၸ်ႂ လႄႈ တေလႆႈႁူႉၵူႈၵေႃႉယူႇၶႃႈၼေႃႈ "

ပ်ႂႉသိုပ်လူတူၺ်းထႅင်ႈ တွၼ်ႈၼႃႈၶႃႈ ---
တွၼ်ႈဢၼ်တေမႃးၼႆႉ
ပေႃးပဵၼ် Inflation ၼႆ တေလႆႈႁေႉၵင်ႈ ၶူဝ်းၶွင် Asset ႁဝ်းၸိူင်ႉႁိုဝ် လႄႈ တေလႆႈသိုဝ်ႉဝႆႉၶူဝ်းၶွင် Asset ၸိူင်ႉႁိုဝ် ၼႆၼၼ်ႉၶႃႈဢေႃႈ

လူဢၢၼ်ႇတူၺ်းယဝ်ႉ သင်ဝႃႈလႆႈတၢင်းႁူႉသေ မီးၽွၼ်းလီယူႇပေႃးဝႃႈၼႆၸိုင် ၶႅၼ်းတေႃႈ တဵၵ်းပၼ် Like & Share လႄႈ ႁဵတ်းပၼ် Follow သေၵမ်းၶႃႈ

Khun Zai ၶုၼ်ၸၢႆး - Strategic
Business Consultant

13/01/2023

Inflation - လွင်ႈၶၼ်ငိုၼ်းတူၵ်း
သိုပ်ႇ - တွၼ်ႈ (3)

မိူဝ်ႈတွၼ်ႈ ၼိုင်ႈ လႄႈ တွၼ်ႈသွင် ၼၼ်ႉ လႆႈသပ်းလႅင်းၼေဝႆႉဝႃႈ ယွၼ်ႉပဵၼ် Inflation ၶၼ်ငိုၼ်းတူၵ်း ၼႆႉသေ တေမီးၽွၼ်းႁၢႆႉ ၸိူင်ႉၼင်ႇႁိုဝ်မႃးလၢႆလၢႆၼႆသေ မိူဝ်ႈၼႆႉတႄႉ တေမႃးသပ်းလႅင်းၼေ လွင်ႈၽွၼ်းလီ ဢၼ်ပဵၼ် Inflation ၶၼ်ငိုၼ်းတူၵ်း ၼႆႉ မီးသင်လၢႆလၢႆ ၼႆယူႇၶႃႈဢေႃႈ "
- သိုပ်ႇလူပၼ် တေႃႇပေႃးသုတ်းသေၵမ်းၶႃႈ -

- Inflation ၼႆႉ လီလိူဝ်သေ Deflation

Inflation လႄႈ Deflation သွင်ဢၼ်ၼႆႉ တေဢဝ် မၢၵ်ႇပွင်းလူမ်း သေႁဵတ်းပဵၼ်ပိူင်တႅၵ်ႈမၼ်းၶႃႈ Inflation (ငွေကြေးဖောင်းပွမှု) ၼႆႉ မိူၼ်ၼင်ႇ မၢၵ်ႇပွင်းလူမ်း ဢၼ်တိုၵ်ႉသၢင်းလူမ်းသ်ႂႇ တင်းၼ်ႂးမၼ်းသေ တိုင်ႇယ်ႂႇၶိုၼ်ႈတိၵ်းတိၵ်း ၼၼ်ႉယူႇၶႃႈယဝ်ႉ '
Deflation (ငွေကြေးကျု့၀င်မှု) ၼႆႉတႄႉ မိူၼ်ၼင်ႇ မၢၵ်ႇပွင်းလူမ်း ဢၼ်မီးႁူးပွင်ႇဝႆႉသေ ႁဵဝ်ႇလူင်းၵမ်းလွႆးလွႆး ၼၼ်ႉယူႇယဝ်ႉ "
တေလႆႈႁၼ်ဝႃႈ ဢၼ်ၼိုင်ႈ တိုၵ်ႉတိုင်ႇယ်ႂႇၶိုၼ်ႈ လႄႈ ဢၼ်ၼိုင်ႈ တိုၵ်ႉႁဵဝ်ႇလူင်းသေ ပိၼ်ႈၽူၼ်ၵၼ်ဝႆႉယူႇ "

Inflation ၼႆႉ ႁဵတ်းႁ်ႂႈ ၵႃႈၶၼ် ၶူဝ်းၶွင် Asset ႁဝ်း ၶိုၼ်ႈသုင် လႄႈ ၶူဝ်းၵႃႉၶၢႆႁဝ်း ၵူႈလွင်ႈလွင်ႈ လႆႈၼမ်ႉတွၼ်းၼမ်ၼၼ်ႉယဝ်ႉ မိူၼ်ၼင်ႇဝႃႈ Inflation Rate 20% ၼႆ ၶူဝ်းၶွင်ဢၼ်ၶၢႆဝႆႉ 1000 ၼၼ်ႉ တေၶိုၼ်ႈထိုင်ၵႂႃႇ 1200 သေ ၶမ်းႁဝ်း ဢၼ်သိုဝ်ႉဝႆႉ မိူဝ်ႈပီပူၼ်ႉ ၵႃႈၶၼ် ၼိုင်ႈၵျၢပ်ႈ 10 သႅၼ် ၼၼ်ႉၵေႃႈ တေၶိုၼ်ႈထိုင်ၵႂႃႇ 12 သႅၼ် ၶႃႈယဝ်ႉ "
ၼႆႉပဵၼ်ယွၼ်ႉ Inflation ယူႇၶႃႈယဝ်ႉ

Deflation ၼႆႉတႄႉ ႁဵတ်းႁ်ႂႈ ၵႃႈၶၼ် ၶူဝ်းၵႃႉၶၢႆ လႄႈ ၶူဝ်းၶွင် Asset ႁဝ်း ၵူႈလွင်ႈလွင်ႈ တႅမ်ႇလူင်းၵႂႃႇၼၼ်ႉၶႃႈယဝ်ႉ သင်ဝႃႈ Deflation Rate 10% ၼႆ ၶမ်းဢၼ်သိုဝ်ႉဝႆႉ ၼိုင်ႈၵျၢပ်ႈ 10 သႅၼ် ၼၼ်ႉၵေႃႈ ၵႃႈၶၼ် တေယွမ်းလူင်းၵႂႃႇ ပဵၼ် 9သႅၼ် ၵူၺ်းၶႃႈယဝ်ႉ

တေၸၢင်ႈမီးၶေႃႈထၢမ်ယူႇ ဝႃႈၵႃႈၶၼ် ၵုၼ်ႇၵႃႉတၢင်းၶၢႆ ၵူႈလွင်ႈ ယွမ်းလူင်းၼႆႉ ဢမ်ႇလီႁ? သိုဝ်ႉသင်ၵေႃႈ ဢမ်ႇလႆႈသိုဝ်ႉ ၶၼ်ၵႃႈၵႃႈၼႃႇ ၼႆယူႇ ""
ပေႃးတူၺ်းၶၢဝ်းပွတ်းတႄႉ တေလႆႈဝႃႈ ၶႅမ်ႉယူႇ လီယူႇၼႆၶႃႈဢေႃႈ -

ၵူၺ်းၵႃႈသင်မႃးတူၺ်း ၶၢဝ်းယၢဝ်း မိူဝ်းၼႃႈၼႆတႄႉ - ???
ပိူင်တႅၵ်ႈမၼ်း ၵူၼ်းၵေႃႉၼိုင်ႈ သိုဝ်ႉၶမ်း ၵႃႈၶၼ် ၼိုင်ႈၵျၢပ်ႈ 10 သႅၼ် သေ သိုဝ်ႉဝႆႉ ၶမ်း 10 ၵျၢပ်ႈ တႃႇငိုၼ်း 100 သႅၼ် ၽွင်းၼင်ႇၼၼ်ၵေႃႈ Deflation Rate 10% ၼႆ ၸိုင် ထႅင်ႈပီၼိုင်ႈၼၼ်ႉ ၶမ်း 10ၵျၢပ်ႈ ဢၼ်သိုဝ်ႉဝႆႉၵႃႈၶၼ် 100 သႅၼ်ၼၼ်ႉ ၵႃႈၶၼ်တေယွမ်းၵႂႃႇ 10% သေ ၵႃႈၶၼ်တေမီး 90 သႅၼ်ၵူၺ်းၶႃႈယဝ်ႉ ပေႃးပဵၼ်ၸိူင်ႉၼႆၵႂႃႇ ႁိုင် 10 ပီ ၼႆၸိုင် ၵူၼ်းဢၼ်မီး ၶမ်း 10ၵျၢပ်ႈၼၼ်ႉ မီးဝႆႉၶမ်း ယူႇၵေႃႈ တေမိူၼ်ၼင်ႇၵူၼ်းၽၢၼ် ဢမ်ႇမီးၶူဝ်းၶွင်သင်ၼၼ်ႉၵူၺ်းၶႃႈယဝ်ႉ ဢဝ်ၶမ်းၵႂႃႇၶၢႆၶိုၼ်းၵေႃႈ ၽ်ႂဢမ်ႇသိုဝ်ႉယဝ်ႉ "
ယွၼ်ႉၼႆလႄႈ လူင်ပွင်ၸိုင်ႈၶဝ် ၽူႈလူင်ႉလႅၼ်ႇၵၢၼ်ပၢႆးမၢၵ်ႈမီးၶဝ် ၸွင်ႇလႆႈဝႃႈပဵၼ် Inflation ၼႆႉ လီလိူဝ်သေ Deflation ၼႆယူႇၶႃႈယဝ်ႉ ""

ၵႃႈၶၼ် ၵုၼ်ႇၵႃႉတၢင်းၶၢႆ ၵူႈလွင်ႈလွင်ႈၵေႃႈ မိူၼ်ႇၼင်ႇၶမ်းၼႆႉယဝ်ႉၶႃႈ သင်ဝႃႈ ပဵၼ် Deflation ၼႆ ၵႃႈၶၼ်ၵုၼ်ႇ ၵူႈၸိူဝ်းၸိူဝ်း တေယွမ်းလူင်းသေ ၶွမ်ႇပၼ်ႇၼီႇ ႁူင်းၵၢၼ်လူင် ဢၼ်ႁဵတ်းဢွၵ်ႇ ၶွင်ၵိၼ် ၶူဝ်းၸ်ႂႉတိုဝ်းၵူႈလွင်ႈ ၼၼ်ႉၵေႃႈ ယွၼ်ႉၶၼ်ၵုၼ်ႇယွမ်း လႄႈ လႆႈၼမ်ႉမႅတ်ႈၼမ်ႉတွၼ်းၵေႇသေ တေယွမ်းလွင်ႈထုၵ်ႈႁဵတ်းဢွၵ်ႇဢၼ်မ်ႂႇယဝ်ႉ ပေႃးပဵၼ်ၸိူင်ႉၼၼ်ၵႂႃႇႁိုင်ႁိုင်ၼႆ တေတုမ်ႉတိူဝ်ႉ လွင်ႈပၢႆးမၢၵ်ႈမီးၼ်ႂးမိူင်း လႄႈ ဝၢၼ်ႈမိူင်းတေတူၵ်းတႅမ်ႇ ၵွတ်ႉၽၢၼ် လွင်ႈၶိုၼ်ႈယ်ႂႇႁိူဝ်ႈႁိူင်းၵေႃႈ တေဢမ်ႇၶိုတ်းမိူင်းပိူၼ်ႈၶႃႈယဝ်ႉ "

လွင်ႈတၢင်းဢၼ်ႁဵတ်းႁ်ႂႈပဵၼ် Deflation ၼႆႉတႄႉ ပဵၼ်ယွၼ်ႉ လူင်ပွင်ၸိုင်ႈၶဝ် တမ်း
Policy ပိူင်ငိုၼ်းၽိတ်းပိူင်ႈ / ယွၼ်ႉ လူင်ပွင်ၸိုင်ႈၶဝ် တမ်းဝႆႉပၼ် % ၶီႈငိုၼ်း (အတိုးနူန်း) ၼမ်သေ ၵူၼ်းမိူင်းဢဝ်ငိုၼ်း ဢၢပ်ႈဝႆႉ တီႈပၼ်ႇ(Bank) ဢမ်ႇတိူဝ်းၶႂၢၵ်ႈ ႁဵတ်းပၢႆးမၢၵ်ႈမီး / ယွၼ်ႉ Money Supply ယွမ်းလူင်း / ယွၼ်ႉ ၶွမ်ႇပၼီႇ ႁူင်းၵၢၼ်ၶဝ် ဢိတ်ႇဢွၵ်ႇ ႁဵတ်းဢွၵ်ႇ ၵုၼ်ႇၵႃႉတၢင်းၶၢႆ ၼမ်လိူဝ်သေဢၼ်ၵူၼ်းလူဝ်ႇၸ်ႂႉတိုဝ်း ၸႃႉၵႂႃႇၸိူဝ်းၼႆႉ ၶႃႈဢေႃႈ

မိူင်းႁူမ်ႈတုမ် ဢမေႇရိၵၢၼ်ႇ ဢၼ်လႆႈထူပ်းၺႃး လွင်ႈၽေး Deflation ၵမ်းလိုၼ်းသုတ်းၼၼ်ႉ ပဵၼ်မိူဝ်ႈ ပီႈ 1930 ...
မိူင်းၵျႃႇပၢၼ်ႇ ဢၼ်လႆႈထူပ်းၺႃး လွင်ႈၽေး Deflation ၵမ်းလိုၼ်းသုတ်းၼၼ်ႉ ပဵၼ်မိူဝ်ႈပီ 1990 ...

ဢၼ်လၢတ်ႈၼေမႃးၼႆႉ ပဵၼ်လွင်ႈ Inflation ၶၼ်ငိုၼ်းတူၵ်း လႄႈ ၽွၼ်းလီယွၼ်ႉပဵၼ် Inflation ၶၼ်ငိုၼ်းတူၵ်း တၢင်းၼမ်ႉၼၼ်ႉၶႃႈဢေႃႈ

တေမီးၽွၼ်းလီသင်ထႅင်ႈ ယဝ်ႉၵေႃႈ တေမီးၽွၼ်းလီတွၼ်ႈတႃႇ ၵူၼ်းၸိူင်ႉႁိုဝ်ၼႆ ပ်ႂႉသိုပ်ႇလူတူၺ်း တွၼ်ႈၼႃႈၶႃႈ

သင်ဝႃႈ လူတူၺ်းယဝ်ႉ မီးၽွၼ်းလီယူႇ လႄႈ လႆႈတၢင်းႁူႉၼမ်ၵႂႃႇယူႇပေႃးဝႃႈၼႆၸိုင်
ၶ်ႂႈယွၼ်းႁ်ႂႈ တဵၵ်းပၼ် Like & Share လႄႈ ႁဵတ်းပၼ် Follow သေၵမ်းၶႃႈ

KhunZai-Strategic
Business Consultant

02/01/2023

Inflation - လွင်ႈၶၼ်ငိုၼ်းတူၵ်း !
သိုပ်ႇ - တွၼ်ႈ (2)

မ်ႂႇသုင်ၶႃႈ ယူႇတီႈၶႃႈႁဝ်း ၶုၼ်ၸၢႆး ၼႆႉသေ တေမႃးၸႅၵ်ႇၽေပၼ် တၢင်းႁူႉ ဢၼ်ၵဵဝ်ႇၵပ်းလွင်ႈ ၶၼ်ငိုၼ်းတူၵ်း (Inflation) လွင်ႈဢၼ်ၵပ်းၵၢႆႇၵၼ်တင်းၵူၼ်းဢၼ် ႁဵတ်းၵၢၼ် ႁႃငိုၼ်းၵူႈၵေႃႉ ' ၶႃႈႁဝ်းဝူၼ်ႉဝႃႈ လွင်ႈငိုၼ်းၼႆႉ ၽ်ႂလ်ႂသေမဝ်ႇဝႃႈ ထုၵ်ႇလီႁူႉ ထုၵ်ႇလီပွင်ႇၸ်ႂယူႇ ၼႆၶႃႈလႄႈ ၶႃႈႁဝ်း ၸွင်ႇလႆႈ မီးႁႅင်းၸ်ႂသေ တႅမ်ႈပဵၼ်လိၵ်ႈႁူဝ်ၼႆႉမႃးယူႇၶႃႈဢေႃႈ ""

ငိုၼ်းဢၼ်ပိဝ်ၸွမ်းလူမ်းၵႂႃႇ

လွင်ႈဢၼ်ပဵၼ် ၶၼ်ငိုၼ်းတူၵ်း (Inflation) ၼႆႉ ပဵၼ်ယူႇၵူႈပီသေတႃႉ ယွၼ်ႉဢမ်ႇသတိတူၺ်းၺႃးလႄႈ ၵူၼ်းမိူင်းဢၼ်ႁဵတ်းၵၢၼ် ထမ်ႇမတႃႇ ၵမ်ႈၽွင်ႈၶဝ် ယင်းတေဢမ်ႇတၼ်းႁူႉဝႃႈ ပဵၼ်ၶၼ်ငိုၼ်းတူၵ်း ၼႆလူးၵွၼ်ႇ ! ၼိုင်ႈပီၵူၺ်းတႄႉ ၶၼ်ငိုၼ်းတူၵ်းၵႂႃႇၼႆၵေႃႈ တေဢမ်ႇတုမ်ႉတိူဝ်ႉလႆႈ ႁူင်းၵၢၼ်လူင်ၶဝ် လႄႈ ၵၢၼ်ပၢႆးမၢၵ်ႈမီးၼ်ႂးမိူင်းၵႃႈႁိုဝ် "
ၵူၺ်းၵႃႈ ၼ်ႂးၼိုင်ႈပီၼႆႉၵူၺ်း သင်ၸိူဝ်ႉဝႃႈ ၵိုင်ႉၵၢင်ႉသေ ၶၼ်ငိုၼ်းတူၵ်းၵႂႃႇႁႅင်းၼႃႇ ပူၼ်ႉတီႈဢၼ်မၼ်းထုၵ်ႇလီပဵၼ်ၼၼ်ႉၼႆ တေတုမ်ႉတိူဝ်ႉ ၵူၼ်းမိူင်း လႄႈ ၵၢၼ်ပၢႆးမၢၵ်ႈမီး ႁႅင်းတေႉတေႉယဝ်ႉ "

ပိူင်တႅၵ်ႈမၼ်း
ၵူၼ်းၵေႃႉၼိုင်ႈ ႁွမ်ငိုၼ်းလႆႈသေ မီးငိုၼ်းၼ်ႂးမိုဝ်းဝႆႉ 1500000 (သိပ်းႁႃႈသႅၼ်) ၽွင်းၼင်ႇၼၼ် ၵႃႈၶၼ် ၶမ်း ၵေႃႈ ၼိုင်ႈၵျၢပ်ႈ 1500000
ၼႆ ၵူၼ်းၵေႃႉၼၼ်ႉၵေႃႈ ဢဝ်ငိုၼ်းလႅၵ်ႈ သိုဝ်ႉဝႆႉၶမ်းသေ ပဵၼ်ၵူၼ်းဢၼ်မၢၵ်ႈမီးဝႆႉ ၶမ်းၼိုင်ႈၵျၢပ်ႈ ယူႇယဝ်ႉ "
ဢမ်ႇပဵၼ်ၼင်ႇၼၼ်သေ သင်ဝႃႈ ဢမ်ႇသိုဝ်ႉဝႆႉသင် ယိပ်းတူဝ်ငိုၼ်းဝႆႉၼ်ႂးမိုဝ်း 1500000 ယူႇၵူၺ်းၼႆ ' ၼိုင်ႈပီသဵင်ႈၵႂႃႇယဝ်ႉ မိူဝ်ႈၽွင်းၼၼ်ႉ ၶၼ်ငိုၼ်းတူၵ်းၵႂႃႇ (Inflation Rate) မီး 30% ပေႃးၼႆၸိုင် ၵႃႈၶၼ်ၶမ်းၵေႃႈ တေၶိုၼ်ႈထိုင်ၵႂႃႇ 1950000 ယဝ်ႉ " ဝၢႆးသေယဝ်ႉၵႂႃႇၼိုင်ႈပီႈၼၼ်ႉ ၵူၼ်းၵေႃႉဢၼ် ယိပ်းငိုၼ်းဝႆႉၼ်ႂးမိုဝ်းၼၼ်ႉ ဢမ်ႇလႆႈဝႆႉၶမ်း သေဢမ်ႇၵႃး ငိုၼ်းဢၼ်မီးဝႆႉၼ်ႂးမိုဝ်း 1500000 ၼၼ်ႉၵေႃႈ ၵႃႈၶၼ်ငိုၼ်း (တန်ဖိုး) တႃႇ 30% ၼၼ်ႉ ပိဝ်ၸွမ်းလူမ်းၵႂႃႇပႅတ်ႈသေယဝ်ႉ !

ၵူၼ်းၵမ်ႈၽွင်ႈတႄႉ တေဝူၼ်ႉဝႃႈ ငိုၼ်း 1500000 ၼႆႉတိုၵ်ႉမီးၼ်ႂးမိုဝ်းဝႆႉ တဵမ်တဵမ်ယူႇ ဢမ်ႇယွမ်းၵႂႃႇတၢင်းလ်ႂ တိုၼ်း ၵႃႈၶၼ်ၶမ်း ၵႃႈၶၼ်ၵုၼ်ႇၵႃႉ ၶိုၼ်ႈၵူၺ်းဢိူဝ်ႈၼႆယူႇ "
ဢၼ်ၵိုတ်းဝႆႉၼႆႉ ပဵၼ်တူဝ်ငိုၼ်းလၢႆလၢႆၵူၺ်းသေယဝ်ႉ ၵႃႈၶၼ်ငိုၼ်းတႄႉ ယွမ်းၵႂႃႇ 30% ယူႇယဝ်ႉ တီႈတေႉမၼ်းၵေႃႈ ၵႃႈၶၼ်ၶမ်းၶိုၼ်ႈတႄႉ ဢမ်ႇၸ်ႂႈသေ ႁႅင်းသိုဝ်ႉလႆႈ ဢၼ်ႁွင်ႉဝႃႈ (Buying Power) ၼၼ်ႉတူၵ်းယွမ်းၵႂႃႇယူႇယဝ်ႉ !

ယွၼ်ႉၼႆလႄႈ သင်ဝႃႈ ပဵၼ်ၶၼ်ငိုၼ်းတူၵ်း (Inflation) ႁႅင်းၼႃႇၼႆ ၸၢင်ႈတုမ်ႉတိူဝ်ႉ ၵူၼ်းမိူင်းတေႉတေႉယူႇယဝ်ႉ ၵူၼ်းႁဵတ်းၵၢၼ်ပၢႆးမၢၵ်ႈမီးလူင်ၶဝ် ၵူၼ်းသထေးၶဝ်တႄႉ ႁဵတ်းၵၢၼ်ၵႃႉၶၢႆသင်သေမဝ်ႇဝႃႈ ၶဝ်တိုၼ်း ၼပ်ႉသွၼ်ႇပႃးဝႆႉ လွင်ႈၶၼ်ငိုၼ်းတူၵ်းၼႆႉ ယူႇတႃႇသေႇယဝ်ႉ "

- Spending Power လွင်ႈၸ်ႂႉၸၢႆႇငိုၼ်း ယွမ်းလႄႈ - Lifestyle လွင်ႈယူႇသဝ်းၵိၼ်သၢင်ႈၵူၼ်း လႅၵ်ႈလၢႆႈ

ၼႃႈႁိူၼ်းၼိုင်ႈဢၼ် ဢၼ်မီးပေႃႈမႄႈလုၵ်ႈ 3-4 ၵေႃႉၼၼ်ႉ တီႈၵေႇသုတ်း တေလႆႈမီးငိုၼ်းၶဝ်ႈ 2သႅၼ် တေႃႇ 3သႅၼ် ယူႇ ၼ်ႂးၼိုင်ႈလိူၼ် ! တႃႇသွင်သႅၼ်ၼၼ်ႉ ၸ်ႂႉတိုဝ်းၼ်ႂးလွင်ႈ ဢၼ်လမ်ႇလွင်ႈ ဢၼ်ဢမ်ႇမီးဢမ်ႇပဵၼ်သေ ထႅင်ႈၼိုင်ႈသႅၼ်သမ်ႉ ၸ်ႂႉတိုဝ်းၼ်ႂးလွင်ႈ ၶိူင်ႈၸ်ႂႉတၢင်းတိုဝ်း လွင်ႈပၢႆးယူႇလီ / လွင်ႈပၢႆးပိင်ႇၺႃႇ / လွင်ႈၶူဝ်းၼုင်ႈတၢင်းဝႆ / လွင်ႈတၢင်းၵိၼ် ၸႃႉၵႂႃႇၸိူဝ်းၼႆႉယူႇယဝ်ႉ "

ၵူၺ်းၵႃႈ သင်ဝႃႈ ပဵၼ်မႃး ၶၼ်ငိုၼ်းတူၵ်း Inflation Rate 30%
သေ ၵႃႈၶၼ်ၵုၼ်ႇၵႃႉတၢင်းၶၢႆ ၵူႈလွင်ႈၶိုၼ်ႈမႃးၼႆလူး ?
ငိုၼ်းဢၼ်လႆႈၸ်ႂႉတွၼ်ႈတႃႇ ဢၼ်လမ်ႇလွင်ႈၼ်ႂးႁိူၼ်း 2သႅၼ်ၼၼ်ႉ တေဢမ်ႇၵုမ်ႇထူၼ်ႈသေ တႃႇတေၵုမ်ႇထူၼ်ႈၼၼ်ႉ တေလႆႈၸ်ႂႉ 260000 ယူႇယဝ်ႉ ဢၼ်လိူဝ်ဝႆႉ 40000 ၼၼ်ႉၵေႃႈ ယွၼ်ႉၵႃႈၶၼ် ၵုၼ်ႇၶိုၼ်ႈသေ တေဢမ်ႇပေႃးၸ်ႂႉၸၢႆႇသင် "
ႁဵတ်းၼႆသေ ၵူၼ်းၼ်ႂးႁိူၼ်းၵေႃႈ တေလႆႈယွမ်းလွင်ႈၸ်ႂႉၸၢႆႇငိုၼ်း ဢၼ်ၶ်ႂႈလႆႈ ဢၼ်ၶ်ႂႈၵိၼ် တေဢမ်ႇထၢင်ႇႁၢင်ႈသိုဝ်ႉလႆႈ မိူၼ်မိူဝ်ႈဢွၼ်တၢင်းယဝ်ႉလႄႈ ႁဵတ်းႁ်ႂႈ လွင်ႈယူႇသဝ်းၵိၼ်သၢင်ႈၵူၼ်း လႅၵ်ႈလၢႆႈသေ
လွင်ႈၸ်ႂႉၸၢႆႇငိုၼ်း Spending Power ၵေႃႈ တူၵ်းယဝ်ႉ"

ယွၼ်ႉၸိူင်ႉၼႆသေ ႁူင်းၵၢၼ်လူင် ဢၼ်ဢိတ်ႇဢွၵ်ႇတၢင်းၵိၼ် ဢၼ်ႁဵတ်းဢွၵ်ႇ ၶိူင်ႈၸ်ႂႉတၢင်းတိုဝ်းၵူႈလွင်ႈ ၸိူဝ်းၼၼ်ႉ ဢမ်ႇလႆႈၵႃႉၶၢႆလီသေ
ငိုၼ်းဢၼ်ၸ်ႂႉတိုဝ်း ၼ်ႂးမိူင်း ၼ်ႂးလွၵ်းၵၢတ်ႇၼၼ်ႉၵေႃႈ ၵေႇႁႅင်းမႃးယူႇယဝ်ႉ "
ၽွၼ်းယွၼ်ႈမၼ်းၵေႃႈ ႁဵတ်းႁ်ႂႈပဵၼ်ထႅင်ႈ ၶၼ်ငိုၼ်းတူၵ်း Inflation ၼၼ်ႉယူႇယဝ်ႉ !
သင်ဝႃႈ လူင်ပွင်ၸိုင်ႈ ဢမ်ႇထိင်းလႆႈၶိုၼ်းၶၢဝ်းယၢမ်းၼႆ ၶၼ်ငိုၼ်းတူၵ်းၵေႃႈ ၵၢၼ်ပၢႆးမၢၵ်ႈမီးတူၵ်း / ၵၢၼ်ပၢႆးမၢၵ်ႈမီးတူၵ်းၵေႃႈ ၶၼ်ငိုၼ်းတူၵ်း ႁဵတ်းၼႆသေ တေႁဵတ်းႁ်ႂႈ ပၼ်ႇတူင်ႇၵႂႃႇၵႂႃႇမႃးမႃးယူႇတိၵ်းးၼၼ်ႉ ၶႃႈယဝ်ႉ ""

ၶ်ႂႈမၢႆထိုင်ဝႃႈ - သင်ၸိူဝ်ႉဝႃႈ ပဵၼ် Inflation တူၵ်းႁႅင်းၼႆ တေၸၢင်ႈတုမ်ႉတိူဝ်ႉသင် လႄႈ တေမီးၽွၼ်းႁၢႆႉၸိူင်ႉႁိုဝ် ၼႆၼၼ်ႉၶႃႈဢေႃႈ

Inflationၼႆႉ လီၵူဝ်ၼႃႇ ၼႆတႄႉၵေႃႈ ဢမ်ႇၸ်ႂႈၼင်ႇၵွၼ်ႇၶႃႈၼေႃ " ယွၼ်ႉပဵၼ် Inflation သေ ၽွၼ်းလီမၼ်းၵေႃႈ မီးတၢင်းၼမ်ယူႇ ၶႃႈဢေႃႈ

-ပ်ႂႉသိုပ်ႇလူထႅင်ႈ -တွၼ်ႈ (3) ၶႃႈ

- ပဵၼ် Inflation ၼႆႉ ၵူၼ်းၸိူဝ်းထၢၼ်ႈလ်ႂ တေမီးၽွၼ်းလီ ?
- ပဵၼ် Inflation ၼႆႉ မီးၽွၼ်းလီ ၸိူင်ႉႁိုဝ်လၢႆလၢႆ ?

ၼင်ႇဢၼ် ႁူႉဝႆႉၼၼ်ႉ ၶတ်းၸ်ႂ တႅမ်ႈသေ သႅပ်းလႅင်းၼေဝႆႉယူႇၶႃႈဢေႃႈ သင်ဝႃႈ လူယဝ်ႉသေ လႆႈတၢင်းႁူႉ လႄႈ မီးၽွၼ်းလီယူႇ ပေႃးဝႃႈၼႆၸိုင် ယႃႇပေလိုမ်း ႁဵတ်းပၼ် Follow လႄႈ တိၵ်းပၼ် Like & Share သေၵမ်းၶႃႈ

Khun Zai ၶုၼ်ၸၢႆး - Strategic
Business Consultant

Inflation-လွင်ႈၶၼ်ငိုၼ်းတူၵ်း တွၼ်ႈ (1)
https://m.facebook.com/story.php?story_fbid=120707990810630&id=100086142891667&mibextid=Nif5oz

Inflation-လွင်ႈၶၼ်ငိုၼ်းတူၵ်း တွၼ်ႈ (2)
https://m.facebook.com/story.php?story_fbid=139053488976080&id=100086142891667&mibextid=Nif5oz

01/11/2022

Inflation - လွင်ႈ ၶၼ်ငိုၼ်းတူၵ်း
တွၼ်ႈ ..... (1)

Inflation ဢၼ်ဝႃႈၼၼ်ႉ ၵႃႈၶၼ်ငိုၼ်း ဢမ်ႇၼၼ် ႁႅင်းသိုဝ်ႉလႆႈ ဢၼ်ႁွင်ႉဝႃႈ Buying Power တူၵ်းၵႂႃႇၼၼ်ႉယဝ်ႉ "
ပိူင်တႅၵ်ႈမၼ်း သင်ၸိူဝ်ႉဝႃႈ ၼ်ႂးၶၢဝ်းတၢင်း ၼိုင်ႈပီၼႆႉ (ၶၼ်ငိုၼ်းတူၵ်းၵႂႃႇ Inflation Rate ) မီး 10% ၼႆ မိူဝ်ႈႁူဝ်ပီ ၶူဝ်းၶွင်ဢၼ်လႆႈဢဝ်ငိုၼ်းသိုဝ်ႉဝႆႉ ၵႃႈၶၼ် 1000 ၼၼ်ႉ ပေႃးထိုင်ႁၢင်ပီမႃးၼႆ တေထိုင်ၵႂႃႇ 1100 ၼၼ်ႉၶႃႈယဝ်ႉ "
Inflation Rate ၶိုၼ်ႈၵႂႃႇ 10% ၼႆႉပွင်ႇဝႃႈ ၶၼ်ငိုၼ်း/ႁႅင်းသိုဝ်ႉလႆႈ Buying Power တူၵ်းၵႂႃႇ 10% ၸွမ်းၵၼ်ယဝ်ႉ "

Inflation ၶၼ်ငိုၼ်းတူၵ်း ၼႆႉပဵၼ်ၼ်ႂးမိူင်းႁဝ်းၵူၺ်းႁ ?

Inflation ၶၼ်ငိုၼ်းတူၵ်းၼႆႉ ပဵၼ်ၼ်ႂးမိူင်းႁဝ်းသေဢမ်ႇၵႃး ၼွၵ်ႈမိူင်းၵူႈမိူင်းမိူင်းၵေႃႈ ပဵၼ်ယူႇ " မိူင်းဢၼ်ၶိုၼ်ႈယ်ႂႇ ပၢႆးမၢၵ်ႈမီးသုင် ၼၼ်ႉတႄႉ ၼိုင်ႈပီ ၶၼ်ငိုၼ်းတေတူၵ်းယူႇ 1% - 2% ၵူၺ်း မိူင်းဢၼ်တေႇၸႃႉလွင်ႈၶိုၼ်ႈယ်ႂႇ မိူင်းႁူမ်ႈတုမ်တႄႉ ၼိုင်ႈပီၼႆႉ တေမီးယူႇ 10% ၸိူဝ်းၼႆႉယူႇယဝ်ႉ "
မိူင်းဢၼ် ၶၼ်ငိုၼ်းၶဝ်ဢမ်ႇတူၵ်း Inflation Rate 0% ၵေႃႈမီးယူႇ မိူင်းၸိူဝ်းၼၼ်ႉၼႆ သင်ဝႃႈၵူၼ်းမိူင်းဢဝ်ငိုၼ်းၶဝ်ၵႂႃႇဝႆႉၼ်ႂး(ပၼ်ႇ Bank) ၼႆ ဢမ်ႇလႆႈၶီႈငိုၼ်းသေယဝ်ႉ ပၢႆလႆႈပၼ် ၵႃႈဢၢပ်ႈငိုၼ်းဝႆႉၼ်ႂး(ပၼ်ႇ Bank) ၵႃႈၶဝ်ထိင်းသိမ်းဝႆႉပၼ်ငိုၼ်းၼၼ်ႉယူႇယဝ်ႉ "
ၶၼ်ငိုၼ်းဢမ်ႇတူၵ်းၼႆႉ ၶႅမ်ႉယူႇႁၼႆ ဢမ်ႇၶႅမ်ႉၶႃႈ --

တေႁဵတ်းၸိူင်ႉႁိုဝ် ထတ်းသၢင် ႁူႉလႆႈဝႃႈ ၶၼ်ငိုၼ်းတူၵ်း Inflation Rate မီးၵႃႈႁိုဝ် ?

Inflation ၶၼ်ငိုၼ်းတူၵ်းၼႆႉ မၼ်းၵွင်ႉၵၢႆႇၵၼ်တင်း ၵၢၼ်သိုဝ်ႉၶၢႆ ၼ်ႂးလွၵ်းၵၢတ်ႇဝႆႉယူႇ မိူဝ်ႈႁူဝ်ပီၼၼ်ႉ ၶူဝ်းၶွင်ၼႆႉ ဢဝ်ငိုၼ်းၵႃႈႁိုဝ်သေသိုဝ်ႉလႆႈယူႇ ပေႃးထိုင်ႁၢင်ပီမႃးသမ်ႉ ၶူဝ်းၶွင်ၼႆႉ သိုဝ်ႉဢမ်ႇလႆႈ ၵႃႈၶၼ်ၼၼ်ႉယဝ်ႉ ၵႃႈၶၼ်မိူဝ်ႈႁူဝ်ပီ လႄႈ မိူဝ်ႈႁၢင်ပီ ၵႂႃႇၵၼ်/ပိူင်ႈၵၼ်ၵႂႃႇၵႃႈႁိုဝ်ၼႆ တူၺ်းၸိူင်ႉၼႆသေ ၼပ်ႉသွၼ်ႇႁူႉလႆႈယူႇဝႃႈ ၶၼ်ငိုၼ်းတူၵ်းၵႂႃႇၵႃႈႁိုဝ် (ႁႅင်းသိုဝ်ႉလႆႈ Buying Power) ယွမ်းၵႂႃႇၵႃႈႁိုဝ် "

လၢႆးၼပ်ႉသွၼ်ႇၼႆႉတႄႉ ပဵၼ်လၢႆးၼမ်ႉဢၼ်ၵူၼ်းၸ်ႂႉတိုဝ်းၼမ် Consumer Price Index (CPI)
ပိူင်တႅၵ်ႈမၼ်း ဢဝ်ၵႃႈၶၼ်ၶူဝ်းၶွင်မိူဝ်ႈလဵဝ် ႁၢင်ပီ CPI (Current CPI) သေ မႃးထွၼ်တင်း ၵႃႈၶၼ်ၶူဝ်းၶွင် ႁူဝ်ပီ CPI (Initial CPI) ၸိူင်ႉၼႆတေႁူႉလႆႈယူႇယဝ်ႉ"
ၵႃႈၶၼ် ႁၢင်ပီ CPI (Current CPI) 105 / ႁူဝ်ပီ CPI (Initial CPI) 100
105-100 = 5 100/5%
ၼႆႉတႄႉ တေပဵၼ် လၢႆးၼပ်ႉသွၼ်ႇ Inflation Rate ဢၼ်ငၢႆႈလိူဝ်သေပိူၼ်ႈယဝ်ႉ " ၵူၺ်းၵႃႈ ဢဝ်ၶူဝ်းၶွင် ဢၼ်လဵဝ်သေမႃးၼပ်ႉသွၼ်ႇတႄႉ တေဢမ်ႇလႆႈ တေလႆႈၼပ်ႉသွၼ်ႇ ၵႃႈၶၼ်ၶူဝ်းၶွင် ၵူႈလွင်ႈလွင်ႈ မိူၼ်ၼင်ႇ ၶူဝ်းၶွင်ၵုၼ်ႇႁႅင်ႈ / ၵုၼ်ႇယမ်း / ၶူဝ်းၶွင် ၶိူင်ႈၵိၼ် ၶိူင်ႈၸ်ႂႉတၢင်းတိုဝ်း / ၵၢၼ်ပၢႆးပိင်ႇၺႃႇ ၸႃႉၵႂႃႇၵူႈလွင်ႈသေ ၸွင်ႇတေၼပ်ႉသွၼ်ႇလႆႈယဝ်ႉ " ၵူၼ်းမိူင်းတင်းၼမ်တႄႉ ဢမ်ႇတၢပ်ႈလူဝ်ႇၼပ်ႉသွၼ်ႇႁင်းၵူၺ်းၵေႃႈလႆႈယူႇ ၵၢၼ်ၼမ်ႉသွၼ်ႇၼႆႉတႄႉ ၽူႈလူင်ႉလႅၼ်ႇပၢႆးမၢၵ်ႈမီးၶဝ် ( Economic ) လူင်ပွင်ၸိုင်ႈၶဝ် တေၼမ်ႉသွၼ်ႇသေ ႁဝ်းလူဝ်ႇႁႃတူၺ်း Inflation Rate Of Myanmar ၼႆၵူၺ်းၵေႃႈ ႁူႉလႆႈယဝ်ႉ"

ယွၼ်ႉသင်လႆႈပဵၼ် ၶၼ်ငိုၼ်းတူၵ်း Inflation ?

လွင်ႈတၢင်းဢၼ် ႁဵတ်းႁ်ႂႈပဵၼ် ၶၼ်ငိုၼ်းတူၵ်း Inflation ၼႆႉ ၼမ်ၼႃႇ ယွၼ်ႉ မိူင်းႁိူဝ်ႈႁိူင်းၶိုၼ်ႈယ်ႂႇမႃး / ယွၼ်ႉ ၶူဝ်းၶွင် သူင်ႇၼ်ႂးမိူင်းၼမ် / ယွၼ်ႉ ၶူဝ်းၶွင်ဢၼ်သူင်ႇၼွၵ်ႈမိူင်းၵေႇ / ယွၼ်ႉ တူဝ်ငိုၼ်း ပၼ်ႇၼ်ႂးလွၵ်းၵၢတ်ႇ ၼမ်လိူဝ်ၵႂႃႇ / ယွၼ်ႉ ၵူၼ်းဢမ်ႇႁွမ်ငိုၼ်းဝႆႉသေ ဢဝ်ငိုၼ်းႁဵတ်းၵၢၼ် ပၢႆးမၢၵ်ႈမီးၼမ်ၶိုၼ်ႈမႃး / ယွၼ်ႉ ၶၼ်ငိုၼ်းၼွၵ်ႈမိူင်း Dollar ၶိုၼ်ႈသုင် / ယွၼ်ႉ Policy ပၵ်းပိူင်ဢၼ်လူင်ပွင်ၸိုင် ပၼ်ၶီငိုၼ်း ၼမ် ၵေႇ / ယွၼ်ႉလူင်ပွင်ၸိုင်ႈ ဢိတ်ႇဢွၵ်ႇငိုၼ်းၼမ် / ယွၼ်ႉ ၵူၼ်းႁၢမ်းၵၢၼ် ၼ်ႂးမိူင်းၼမ် ၼ်ႂးမိူင်းဢမ်ႇမီးၵၢၼ်ႁဵတ်း / ယွၼ်ႉ ဝၢၼ်ႈမိူင်းဢမ်ႇၼိမ်သဝ်း ပဵၼ်ပၢင်တိုၵ်း သိုၵ်းသိူဝ် ၸႃႉၵႂႃႇ
ၸိူဝ်းဢၼ် လၢတ်ႈမႃးၸိူဝ်းၼႆႉ ၸၢင်ႈႁဵတ်းႁ်ႂႈပဵၼ် ၶၼ်ငိုၼ်းတူၵ်း/ၶၼ်ငိုၼ်းၶိုၼ်ႈ ယူႇယဝ်ႉ"

လူင်ပွင်ၸိုင်ႈ ၵုမ်းၵမ် လွင်ႈၶၼ်ငိုၼ်းတူၵ်း Inflation ၼႆႉၸိူင်ႉႁိုဝ် ?

သင်ၸိူဝ်ႉဝႃႈ ပဵၼ် Inflation မႃးယဝ်ႉၼႆ ၶဝ်ၵႆႉ မေးတမ်းဝၢင်းပၵ်းပိူင် Policy လႄႈ လၢႆးၵုမ်းၵမ် ငိုၼ်းယူႇယဝ်ႉ "
မိူၼ်ၼင်ႇ ၼ်ႂးမိူင်းၼႆႉ ၵၢၼ်သိုဝ်ႉၶၢႆ ငိုၼ်းတေႃႇလႃႇ Dollar ၼမ်ၶိုၼ်ႈမႃး ၵူၼ်းႁႃသိုဝ်ႉတေႃႇလႃႇၼမ်မႃး ပေႃးၼႆ ၶၼ်ငိုၼ်းတေႃႇလႃႇၵေႃႈတေၶိုၼ်ႈယဝ်ႉ ပေႃးၶၼ်ငိုၼ်းတေႃႇလႃႇ ၶိုၼ်ႈႁႅင်းၵေႃႈ ၸၢင်ႈႁဵတ်းႁ်ႂႈ ၶၼ်ငိုၼ်းမၢၼ်ႈတူၵ်းယဝ်ႉ
မိူဝ်ႈၸိူင်ႉၼၼ်ၼႆ ၼင်ႇႁိုဝ်တေဢမ်ႇ တုမ်ႉတိူဝ်ႉငိုၼ်း ႁဵတ်းႁ်ႂႈၶၼ်ငိုၼ်းမၢၼ်ႈတူၵ်းၼၼ်ႉ လူင်ပွင်ၸိုင်ႈၶဝ် လႆႈၶိုၼ်းဢဝ်ဢွၵ်ႇၶၢႆပၼ် ငိုၼ်းတေႃႇလႃႇ ပၼ်ၵူၼ်းမိူင်းယူႇယဝ်ႉ "
မိူၼ်ၼၼ်ၼင်ႇၵဝ်ႇ သင်ဝႃႈ ၶၼ်ငိုၼ်းတေႃႇလႃႇ Dollar ၼ်ႂးမိူင်းတူၵ်းယဝ်ႉ ၼင်ႇႁိုဝ်တေဢမ်ႇၸၢင်ႈတုမ်ႉတိူဝ်ႉၵၢၼ်ပၢႆးမၢၵ်ႈမီးၼ်ႂးမိူင်းၼၼ်ႉ ၶဝ်လႆႈသိုဝ်ႉၶိုၼ်း ငိုၼ်းတေႃႇလႃႇ ယူႇယဝ်ႉ "

ထႅင်ႈလၢႆးၼိုင်ႈတႄႉ ၼင်ႇႁိုဝ်တေၵုမ်းၵမ်လႆႈ Inflation ၶၼ်ငိုၼ်းတူၵ်းၼၼ်ႉ ၶဝ်လႅၵ်ႈလၢႆႈ / တိူဝ်းယွမ်း လွင်ႈပၼ် % ၶီႈငိုၼ်း ( အတိုးနူန်း) ယဝ်ႉ % ၶီႈငိုၼ်းၼႆႉ ၶဝ်တေပၼ်ဝႆႉ ယွမ်းလိူဝ်သေ ၶၼ်ငိုၼ်းတူၵ်း " မိူၼ်ၼင်ႇ ၼိုင်ႈပီၼႆႉ Inflation Rate ၶၼ်ငိုၼ်းတူၵ်း မီး 10% ၼႆႉ ၶဝ်တေပၼ်ဝႆႉ ၶီႈငိုၼ်း 7%-8% ၸိူဝ်းၼႆႉၵူၺ်းယဝ်ႉ သင်ဝႃႈဢဝ်ငိုၼ်းၵႂႃႇဝႆႉ ၼ်ႂးပၼ်ႇ Bank ၼႆ တေလႆႈ 7%-8% ၵူၺ်း ၼ်ႂးၶၢဝ်းတၢင်းၼိုင်ႈပီ "
ဢမ်ႇပဵၼ်ၼင်ႇၼၼ်သေ သင်ဝႃႈ ၶဝ်သမ်ႉပၼ်ဝႆႉ % ၶီႈငိုၼ်း ၼမ်လိူဝ်ၵႂႃႇ 15%-20% ၸိူဝ်းၼႆႉၼႆ ၵူၼ်းမိူင်းတင်းၼမ် တေၸ်ႂယ်ႂႇပ်ႂႉၵိၼ် % ၶီႈငိုၼ်းသေ တေဢဝ်ငိုၼ်းၶဝ် မႃးဢၢပ်ႈဝႆႉၼ်ႂးပၼ်ႇ Bank ၵူၺ်းယဝ်ႉ ၵူၼ်းမိူင်းတေဢမ်ႇဢဝ်ငိုၼ်းၶဝ်ၵႂႃႇလူင်းတိုၼ်း ႁဵတ်းၵၢၼ်ယဝ်ႉ ပေႃးပဵၼ်ၸိူင်ႉၼၼ်ၼႆ ငိုၼ်းဢၼ်ႁဵတ်းၵၢၼ် ငိုၼ်းဢၼ်ၸ်ႂႉၼ်ႂးလွၵ်းၵၢတ်ႇ Market ၵေႃႈတေယွမ်းမႃးလႄႈ ၵၢၼ်ပၢႆးမၢၵ်ႈမီးတေတူၵ်းသေ ၸၢင်ႈႁဵတ်းႁ်ႂႈပဵၼ် ၶၼ်ငိုၼ်းတူၵ်း Inflation ယဝ်ႉ"

ၵူၺ်းၵႃႈ သင်ဝႃႈ ၶဝ်သမ်ႉပၼ်ဝႆႉ % ၶီႈငိုၼ်း ၵေႇႁႅင်းၼႃႇ ၼႆၵေႃႈ ၵူၼ်းမိူင်းတေဢမ်ႇဢဝ်ငိုၼ်းမႃးဝႆႉၼ်ႂးပၼ်ႇ Bank သေယဝ်ႉ တေဢဝ်ငိုၼ်းၶဝ်ၵႂႃႇႁႃ လူင်းတိုၼ်း ႁဵတ်းၵၢၼ်ပၢႆးမၢၵ်ႈမီးတၢင်းၼွၵ်ႈသေ ဝၢႆးၼၼ်ႉ ငိုၼ်းတေပၼ်ႇဝႆႉၼ်ႂးလွၵ်းၵၢတ်ႇ Market ၼမ်လိူဝ်ၵႂႃႇ ပၢႆးမၢၵ်ႈမီးၵေႃႈ တေၶိုၼ်ႈယ်ႂႇမႃး မိူဝ်ႈၸိူင်ႉၼၼ်ၵေႃႈ ၸၢင်ႈမီး (side effect) ၸၢင်ႈႁဵတ်ႈပဵၼ် ၶၼ်ငိုၼ်းတူၵ်း Inflation ယူႇၼင်ႇၵွၼ်ႇယဝ်ႉ "

ယွၼ်ႉၼၼ်လႄႈ ၶဝ်လႆႈၵုမ်းဝႆႉ တမ်းဝႆႉပိူင်မၼ်း ႁ်ႂႈပေႃးမၢၼ်ႇမႅၼ်ႈ ပဵၼ်ပၢၼ်ၵၢင် ၼင်ႇႁိုဝ် ၶၼ်ငိုၼ်းတေၵႂႃႇပၢၼ်ၵၢင် ဢမ်ႇလိူဝ် ဢမ်ႇယွမ်းၼၼ်ႉယူႇၶႃႈယဝ်ႉ !

Inflation ၶၼ်ငိုၼ်းတူၵ်းၼႆႉ တေမီးၽွၼ်းယွၼ်ႈမၼ်းထိုင်လ်ႂ ?
Inflation ၶၼ်ငိုၼ်းတူၵ်းၼႆႉ လီႁ ႁၢႆႉႁ ?
Inflation ၶၼ်ငိုၼ်းတူၵ်းၼႆႉ တေမီးၽွၼ်းလီ တွၼ်ႈတႃႇၵူၼ်းၸိူဝ်းလ်ႂ ?
ၼႆ ပ်ႂႉသိုပ်ႇလူဢၢၼ်ႇတူၺ်းထႅင်ႈ တွၼ်ႈတၢင်းၼႃႈ ၶႃႈၼေႃ

သင်ဝႃႈလူဢၢၼ်ႇတူၺ်းယဝ်ႉ လႆႈတၢင်းႁူႉ မီးၽွၼ်းလီတွၼ်ႈတႃႇ ၽူႈလူလိၵ်ႈႁဝ်းၶဝ်ယူႇ ပေႃးဝႃႈၼႆၸိုင် ၶႅၼ်းတေႃႈ ယႃႇပေလိုၼ်း ႁဵတ်းပၼ် Follow လႄႈ တဵၵ်းပၼ် Like & Share သေၵမ်းၶႃႈ

ွင်ႈၶၼ်ငိုၼ်းတူၵ်း တွၼ်ႈ (1)

Khun Zai ၶုၼ်ၸၢႆး - Strategic
Business Consultant

27/10/2022

လၢႆးသထေးၶဝ် ၸ်ႂႉငိုၼ်း မိူဝ်ႈပၢႆးမၢၵ်ႈမီးတူၵ်း ......

Safe Haven Assets... ဢမ်ႇၼၼ် ... တီႈလိုဝ်ႈ ဢၼ်မီးလွင်ႈလွတ်ႈၽေး

ပေႃးဝႃႈ ငဝ်းလၢႆး ၼ်ႂးမိူင်းၼွၵ်ႈမိူင်း သုၵ်ႉသၵ်ႉ ယုင်ႈဢူၼ်ဢၢၼ် ၼႆၵေႃႈ ၸၢင်ႈတိူဝ်ႉၶိူၵ်ႈ ၵၢၼ်ပၢႆးမၢၵ်ႈမီးသေ မီးၽွၼ်းယွၼ်ႈထိုင် ၵူၼ်းၵူႈၵေႃႉယူႇယဝ်ႉ "

တၢင်ႇမိူင်းႁိုဝ် ၼ်ႂးမိူင်းႁူမ်ႈတုမ် ၼႆႉၵေႃႈလီ သင်ဝႃႈ ဝၢၼ်ႈမိူင်းဢမ်ႇၼိမ်သဝ်းလႄႈ ၵၢၼ်ပၢႆးမၢၵ်ႈမီးတေတူၵ်းယဝ်ႉ ၼႆၸိုင် ၵႃႈၶၼ် ၶမ်း ၼႆႉသုတ်ႉၶိုၼ်ႈၵႂႃႇၵမ်းလဵဝ်ယဝ်ႉ ၵူၼ်းၵေႃႈ ဢွၼ်ၵၼ်လႅၼ်ႈသိုဝ်ႉၶမ်းဝႆႉယဝ်ႉ "

ၶမ်းၼႆႉပဵၼ်ဢီႈသင် လႄႈ ပဵၼ်သင်ၵႃႈၶၼ်မၼ်းပေႉၶိုၼ်ႈသုင် ၵႃႈၶၼ်မၼ်းၶိုၼ်ႈယူႇၵေႃႈ ပိူၼ်ႈပေႉမႃးဢွၼ်ၵၼ်သိုဝ်ႉ ???

ယွၼ်ႉသင်လႃႇၼႆ ယွၼ်ႉပိူဝ်ႈဝႃႈ ၶမ်း ၼႆႉ ပဵၼ်ဝႆႉၶူဝ်းၶွင် ဢၼ် ႁွင်ႉဝႃႈ ( Safe Haven Assets ၶူဝ်းၶွင်ဢၼ်မီးလွင်ႈလွတ်ႈၽေး) ၼၼ်ႉယဝ်ႉ " သင်ၸိူဝ်ႉဝႃႈ ၵၢၼ်ပၢႆးမၢၵ်ႈမီးတေတူၵ်းယဝ်ႉၼႆ (ၽူႈလူင်းတိုၼ်း Investor) ၶဝ်ၼႆႉ ၼႅတ်ႈဢဝ်ငိုၼ်းၶဝ် ဢၼ်ၵႂႃႇလူင်းတိုၼ်းဝႆႉတၢင်ႇတီႈ လႄႈ ငိုၼ်းဢၼ်မီးဝႆႉၼၼ်ႉသေ ႁႃသိုဝ်ႉဝႆႉ (ၶူဝ်းၶွင်ဢၼ်မီးလွင်ႈလွတ်ႈၽေး Safe Haven Assets ) ၼၼ်ႉၵမ်းလဵဝ်ယူႇယဝ်ႉ ယွၼ်ႉၼၼ်လႄႈ ၵူၼ်းသိုဝ်ႉၶမ်းၼႆႉ ၼမ်မႃးသေ (ႁႅင်းသိုဝ်ႉ Demand) ၵေႃႈၼမ်ၶိုၼ်းမႃးၸွမ်း (ႁႅင်းၵမ်ႉၸွႆႈ Supply) ၶမ်းသမ်ႉၵေႇမႃးလႄႈ ၵႃႈၶၼ်ၶမ်း ၸွင်ႇလႆႈၶိုၼ်ႈသုင်ၵႂႃႇၼၼ်ႉယဝ်ႉ "

Safe haven assets ဢၼ်ဝႃႈၼႆႉ ပဵၼ်တီႈလိုဝ်ႈ ဢၼ်မီးလွင်ႈလွတ်ႈၽေး ၼႆၵေႃႈဝႃႈလႆႈယူႇ " ပေႃးဝႃႈ ဝၢၼ်ႈမိူင်းဢမ်ႇၼိမ်သဝ်းသေ ၵၢၼ်ပၢႆးမၢၵ်ႈမီးတူၵ်းၼႆ Assets ၶူဝ်းၶွင်ဢၼ်ႁဝ်းမီးဝႆႉ ငိုၼ်းဢၼ်ႁဝ်းယိပ်းဝႆႉ ၸိူဝ်းၼႆႉ ၵႃႈၶၼ်မၼ်းတေတူၵ်းယွမ်းၵႂႃႇယူႇယဝ်ႉ ၼႆႉပဵၼ်လွင်ႈ သၽႃႇဝ " Assets ၶူဝ်းၶွင် ၵမ်ႉၼမ်တႄႉ ၵႃႈၶၼ်တူၵ်းယွမ်းၵႂႃႇသေတႃႉ ၵူၺ်းၵႃႈ ယွၼ်ႉပၢႆးမၢၵ်ႈမီးတူၵ်းလႄႈ Assets ၶူဝ်းၶွင်ဢၼ် ၵႃႈၶၼ်ၶိုၼ်ႈၸွမ်းၼၼ်ႉၵေႃႈမီးယူႇတၢင်းၼမ် " မိူၼ်ၼင်ႇ မိူင်းႁူမ်ႈတုမ်ၼႆႉ သုၵ်ႉယုင်ႈ လႄႈ ၶၼ်ငိုၼ်းမၢၼ်ႈ တူၵ်ႈၵႂႃႇပဵၼ် 30% ပၢႆပၢႆ သေတႃႉၼႆၵေႃႈ ငိုၼ်း Dollar တႄႉ ၼိမ်သဝ်းယူႇလႄႈ မိူဝ်ႈဢွၼ်တၢင်း ၼိုင်ႈ Dollar ၼႆႉ လႆႈသိုဝ်ႉ 1500 ၵူၺ်း မိူဝ်ႈလဵဝ် ထိုင်ၵႂႃႇ 3500 ယဝ်ႉ ၼႆႉပဵၼ်ယွၼ်ႉဝႃႈ ငိုၼ်း Dollar ၼႆႉ ပဵၼ်ဝႆႉ ၶူဝ်းၶွင်ဢၼ်မီးလွင်ႈလွတ်ႈၽေး Safe Haven Assets ၼၼ်ႉယူႇယဝ်ႉ " ၵူၼ်းဢၼ် မီးငိုၼ်း 100သႅၼ် သွင်ၵေႃႉ ၵေႃႉၼိုင်ႈ တႄႉ လႅၵ်ႈယိပ်းဝႆႉ ငိုၼ်း Dollar လႄႈ ပၢႆးမၢၵ်ႈမီးတူၵ်းၵေႃႈ ငိုၼ်းဢၼ်မီးဝႆႉၼၼ်ႉ ၵႃႈၶၼ်မၼ်းဢမ်ႇတူၵ်းၵႂႃႇၸွမ်း" ၼႆႉပွင်ႇဝႃႈ ငိုၼ်း Dollar ၼႆႉ ပဵၼ်ဝႆႉတီႈလိုဝ်ႈ ဢၼ်မီးလွင်ႈလွတ်ႈၽေး Safe haven တွၼ်ႈတႃႇငိုၼ်းမၼ်း ၼၼ်ႉယဝ်ႉ "

ပေႃးပဵၼ်ၼၼ် တေလႆႈသိုဝ်ႉယိပ်းငိုၼ်း Dollar ဝႆႉတိၵ်းတိၵ်းႁ ၼႆၵေႃႈ ဢမ်ႇၶ်ႂႈဝႃႈၼင်ႇၵွၼ်ႇ "
ပၢႆးမၢၵ်ႈမီးတူၵ်းၼႆႉ ဢမ်ႇၸ်ႂႈဝႃႈ မီးမိူင်းႁူမ်ႈတုမ်ၼႆႉၵူၺ်း မိူင်းၵူႈမိူင်းမိူင်း ၼ်ႂးလုမ်ႈၾႃႉၼႆႉ ပဵၼ်မိူၼ်ၵၼ်မူတ်းယဝ်ႉ
မိူၼ်ၼင်ႇ မိူင်းရတ်ႉသျႃး လႄႈ မိူင်းယူႇၶရဵၼ်း ပဵၼ်ပၢင်တိုၵ်းၵၼ်ၼႆႉ ၽွၼ်းယွၼ်ႈမၼ်း တုမ်ႉတိူဝ်ႉ ၵၢၼ်ပၢႆးမၢၵ်ႈမီး တၢင်းလုမ်ႈၾႃႉယဝ်ႉ " ယွၼ်ႉၵၢၼ်မိူင်းသုၵ်ႉႁိုဝ် ဢမ်ႇၼၼ် ယွၼ်ႉၵူၼ်းၼ်ႂးမိူင်း ဢၼ်သိုဝ်ႉယိပ်းဝႆႉ ငိုၼ်း Dollar ၸိူဝ်းၼၼ်ႉ ၶိုၼ်းဢဝ်ငိုၼ်းၶဝ်ဢွၵ်ႇ ၶၢႆၼမ်ၼႆၵေႃႈ ၸၢင်ႈႁဵတ်းႁ်ႂႈ ၶၼ်ငိုၼ်း Dollar ၼ်ႂးမိူင်းတူၵ်းသေ ငိုၼ်းDollar ၵေႃႈ ဢမ်ႇပဵၼ်လႆႈ ၶူဝ်းၶွင်ဢၼ်မီးလွင်ႈလွတ်ႈၽေး Safe Haven Assets ၼၼ်ႉယဝ်ႉ

Safe Haven Assets ၶူဝ်းၶွင် ဢၼ်မီးလွင်ႈလွတ်ႈၽေး ဢၼ်ဝႃႈၼၼ်ႉ ပၢႆးမၢၵ်ႈမီးတူၵ်းသေတႃႉၵေႃႈ တေလႆႈပဵၼ် ၶူဝ်းၶွင်ဢၼ် ၵႃႈၶၼ်မၼ်းဢမ်ႇတူၵ်းၸွမ်း သေဢမ်ႇၵႃး ၵႃႈၶၼ်မၼ်းၵေႃႈ တေလႆႈမီးလွင်ႈၶိုၼ်ႈၽၢႆႇလဵဝ်ၵူၺ်း ၸိူင်ႉၼၼ်ၸွင်ႇ ႁွင်ႉဝႃႈ Safe Haven Assets ယဝ်ႉ

Safe Haven Assets ၼႆႉ မီးယူႇလၢႆလၢႆသႅၼ်းယူႇ ၶမ်းၼႆႉတႄႉ ပဵၼ်ဢၼ်မီးလွင်ႈလွတ်ႈၽေးလိူဝ်သေပိူၼ်ႈၼႆယဝ်ႉ လိူဝ်သေၼၼ်ႉတႄႉ ပဵၼ် တီႈလိၼ် / ႁိူၼ်း / ၼမ်ႉမၼ်းမဵၼ် (ရေနံ) / ငိုၼ်း ၼွၵ်ႈမိူင်း / ၵႅဝ်ႈသႅင်ငိုၼ်းၶမ်း / Crypto currency / ငွေတိုက်စာချူပ် / လူတ်ႉၵႃး / ၶိူင်ႈၸၢၵ်ႈ / ၸႃႉၵႂႃႇ ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်ပၢႆးမၢၵ်ႈမီးတူၵ်းၼၼ်ႉသေယဝ်ႉၵေႃႈ ၸၢင်ႈပဵၼ်လႆႈ ၶူဝ်းၶွင်ဢၼ်မီးလွင်ႈလွတ်ႈၽေး Safe Haven Assets ၼၼ်ႉယူႇ

ႁ်ႂႈပေႃးႁူႉလႆႈဝႃႈ ၶူဝ်းၶွင်ၸိူင်ႉႁိုဝ်တေပဵၼ်လႆႈ Safe Haven Assets တေႉၼႆၼၼ်ႉ တေလႆႈႁူႉဝႃႈ တွၼ်ႈလ်ႂမီးလွင်ႈယၢပ်ႇၽိုတ်ႇ လွင်ႈၵၢၼ်ၵႃႉၶၢႆ ပေႃးယၢပ်ႇၽိုတ်ႇၸိူင်ႉၼႆ သမ်ႉတေမီးၽွၼ်းယွၼ်ႈထိုင်လ်ႂ တေတုမ်ႉတိူဝ်ႉၵၢၼ်ပၢႆးလ်ႂ ၸႃႉၵႂႃႇၸိူဝ်းၼႆႉယဝ်ႉ "
လိူဝ်သေၼၼ်ႉ တေလႆႈႁူႉဝႆႉထႅင်ႈ လွင်ႈၶူဝ်းၶွင်ဢၼ်ဝႃႈ Positively Correlated / Negatively correlated /Uncorrelated / သၢမ်ဢၼ်ၼႆႉသေၵွၼ်ႇ "

ၶူဝ်းၶွင် Positively Correlated ဢၼ်ဝႃႈၼၼ်ႉ ၶူဝ်းၶွင် ဢၼ်ၼိုင်ႈလႄႈ ဢၼ်ၼိုင်ႈ ၵွင်ႉၵၢႆႇၵၼ်သေ သင်ဝႃႈ ၽၢႆႇၼိုင်ႈ ၵႃႈၶၼ်မၼ်းၶိုၼ်ႈၵေႃႈ ထႅင်ႈၽၢႆႇၼိုင်ႈၼၼ်ႉၵေႃႈ ၵႃႈၶၼ်မၼ်းတေၶိုၼ်ႈၸွမ်း " မိူၼ်ၼင်ႇ ပေႃးၶၼ်ၼမ်ႉမၼ်းမဵၼ် (ရေနံ) ၶိုၼ်ႈၼႆ ၶၼ်ၼမ်ႉမၼ်းၸၢၵ်ႈလူတ်ႉၵႃး Octane 92-95-97 ၵေႃႈ တေၶိုၼ်ႈမႃးၸွမ်းသေ ၶူဝ်ၶွင်ၵုၼ်ႇၵႃႉတၢင်းၶၢႆ ဢၼ်လႆႈၸ်ႂႉၸၢၵ်ႈ ၸ်ႂႉလူတ်ႉၵႃး သေႁဵတ်းၼၼ်ႉၵေႃႈ ၵႃႈၶၼ်မၼ်းတေၶိုၼ်ႈၸွမ်းယဝ်ႉ " သင်ၸိူဝ်ႉဝႃႈ ၶၼ်ၼမ်ႉမၼ်းမဵၼ် တူၵ်းၼႆၵေႃႈ ၵႃႈၶၼ်ၸိူဝ်းၼၼ်ႉ တေတူၵ်းၸွမ်းယဝ်ႉ " ၼႆႉတႄႉပဵၼ် ၶူဝ်းၶွင် Positively Correlated ယဝ်ႉ "

ၶူဝ်းၶွင် Negatively correlated ဢၼ်ဝႃႈၼၼ်ႉတႄႉ သင်ဝႃႈ ၶူဝ်ၶွင်ဢၼ်ၼိုင်ႈ ၵႃႈၶၼ်ၶိုၼ်ႈၼႆ မၼ်းသမ်ႉၵႃႈၶၼ်တေလူင်းယဝ်ႉ မိူၼ်ၼင်ႇ သင်ႇဝႃႈ ၶၼ်ငိုၼ်း Dallor ၶိုၼ်ႈၼႆ ၶၼ်ၶမ်းၼႆႉတူၵ်းယဝ်ႉ / သင်ဝႃႈ ၶၼ်ငိုၼ်းမၢၼ်ႈၶိုၼ်ႈၼႆ ၶၼ်ၼင်လိၼ် ႁိူၼ်း ၸိူဝ်းၼႆႉ လူင်းယဝ်ႉ " ပဵၼ်ဢၼ်ပိၼ်ႈၽူၼ်ဝႆႉၼၼ်ႉယဝ်ႉ "

ၶူဝ်းၶွင် Uncorrelated ၼၼ်ႉတႄႉ ဢမ်ႇမိူၼ်ပိူၼ်ႈ ဢမ်ႇပိုင်ႈဢိင်ၽ်ႂ ဢမ်ႇမိူၼ်ၼင်ႇ ၶူဝ်းၶွင် သွင်ဢၼ်တၢင်းၼိူဝ်ၼၼ်ႉ ၶူဝ်းၶွင်ဢၼ်ၼႆႉ ၵႃႈၶၼ်မၼ်းၼိမ်ၼႃႇ ဢမ်ႇပေႃးၵႆႉၶိုၼ်ႈ ဢမ်ႇပေႃးၵႆႉလူင်း "

သင်ဝႃႈ ႁူႉဝႆႉဝႃႈ ထႅင်ႈတၢင်းၼႃႈၼႆႉ ၵၢၼ်ပၢႆးမၢၵ်ႈမီးတေတူၵ်းယဝ်ႉ ပေႃးဝႃႈၼႆၸိုင် တေလႆႈႁူႉဝႃႈ မၼ်းတေတူၵ်းၸိူင်ႉႁိုဝ် တေတိူဝ်ႉၼ်ႂးၵၢၼ်ၵႃႉၶၢႆ တွၼ်ႈလ်ႂၼႆ ပေႃးႁူႉၸိူင်ႉၼၼ်ယဝ်ႉၵေႃႈ တေၼပ်ႉလႆႈပႃးဝႃႈ ၶူဝ်းၶွင်ဢၼ်လ်ႂ ၵႃႈၶၼ်တေတူၵ်း / တေၶိုၼ်ႈ ပေႃးၸိူင်ႉၼၼ်ၸင်ႇ ၶူဝ်းၶွင်ဢၼ်ႁဝ်းသိုဝ်ႉၼၼ်ႉ တေပဵၼ်လႆႈ Safe Haven Assets ယဝ်ႉ

ၽူႈလူင်းတိုၼ်း Investor ၶဝ်တႄႉ ၶဝ်သိုဝ်ႉဝႆႉ ၶူဝ်းၶွင် Safe Haven Assets မိူဝ်ႈၵၢၼ်ပၢၵ်းမီးတူၵ်းသေ ငိုၼ်းၶဝ်ၼႆႉ ဢမ်ႇယွမ်းၵႂႃႇသေ ၵႃႈၶၼ်ငိုၼ်းၶဝ်သမ်ႉပၢႆၼမ်ၶိုၼ်းမႃးလိူဝ်သေၵဝ်ႇၵွၼ်ႇ ဝၢႆးသေ ဝၢၼ်ႈမိူင်းၶိုၼ်းၼိမ်သဝ်းမႃးၼၼ်ႉ ၼႅတ်ႈၶၢႆၶိုၼ်းဝႆးဝႆးသေယဝ်ႉ ဢဝ်ငိုၼ်းၶဝ်ႁဵတ်းၵၢၼ် ပၢႆးမၢၵ်ႈမီးဢၼ်ယ်ႂႇလိူဝ်သေၼၼ်ႉယူႇယဝ်ႉ ""

သင်ၸိူဝ်ႉဝႃႈ လူယဝ်ႉလႄႈ လႆႈတၢင်းႁူႉသေ မီးၽွၼ်းလီတွၼ်ႈတႃႇတူဝ်ၸဝ်ႈၵဝ်ႇယူႇပေႃးဝႃႈၼႆၸိုင် ယွၼ်းႁ်ႂႈႁဵတ်းပၼ် Follow လႄႈ တဵၵ်းပၼ် Like & Share သေၵမ်းၶႃႈ """

Khun Zai ၶုၼ်ၸၢႆး - Strategic
Business Consultant