KIMO MEDIA

KIMO MEDIA Kimo Media (KM), A free, Independent and impartial media organization.

ချင်းပြည်နယ်၊ ပလက်ဝမြို့ကို စစ်ကော်မရှင်က လေကြောင်းဗုံးကြဲတိုက်ခိုက်၊ ဆယ်ကျော်သက်အရွယ် အမျိုးသမီးငယ် ၂ ဦး ဒဏ်ရာရ========...
12/08/2026

ချင်းပြည်နယ်၊ ပလက်ဝမြို့ကို စစ်ကော်မရှင်က လေကြောင်းဗုံးကြဲတိုက်ခိုက်၊ ဆယ်ကျော်သက်အရွယ် အမျိုးသမီးငယ် ၂ ဦး ဒဏ်ရာရ
===========
Kimo Media | ဩဂုတ် ၁၂၊ ၂၀၂၆

ချင်းပြည်နယ်၊ ပလက်ဝမြို့ကို စစ်ကော်မရှင်က လေကြောင်းဗုံးကြဲတိုက်ခိုက်ခဲ့တာကြောင့် အပြစ်မဲ့ အရပ်သား ဆယ်ကျော်သက်အရွယ် အမျိုးသမီးငယ် ၂ ဦး ဒဏ်ရာရရှိခဲ့တယ်လို့ ဒေသခံတွေဆီက သိရပါတယ်။

၂၀၂၆ ခုနစ် ဩဂုတ်လ ၁၁ ရက် မနက် ၇ နာရီ ၂၈ မိနစ်ခန့်မှာ ဖြစ်ပွားခဲ့တာဖြစ်ပြီး ပလက်ဝမြို့အဝင် ဆိုင်းဘုတ်အနီးကို ဂျက်ဖိုက်တာတစ်စီးနဲ့ လာရောက်ဗုံးကြဲတိုက်ခိုက်ခဲ့တာလို့ သိရပါတယ်။ လေကြောင်းတိုက်ခိုက်မှုကြောင့် အသက် ၁၉ နှစ်အရွယ် မထွေးစိန်နဲ့ အသက် ၁၃ နှစ်အရွယ် မသန္တာထိုက်တို့ ဒဏ်ရာရရှိခဲ့ပါတယ်။

“အိမ်မှာ ဗီဒီယိုကြည့်နေကြတဲ့ အချိန် ဂျက်ဖိုက်တာတစ်စီးက လာပြီး ဗုံးကြဲချခဲ့သောကြောင်း ကျမတို့အိမ်မှာ အစတွေ ရောက်လာပြီး ခြေထောက်တွေကို ထိသွားပါတယ်” လို့ ဒဏ်ရာရရှိသူ မထွေးစိန်က ပြောပါတယ်။

မထွေးစိန်ဟာ ၉ တန်းအထိ ပညာသင်ယူခဲ့ပြီးနောက် ကျောင်းနားထားသူဖြစ်ပါတယ်။ မသန္တာထိုက်ကတော့ ပီချောင်းဖျားရေတံခွန် ကျေးရွာကနေ ပလက်ဝမြို့မှာ လာရောက်နေထိုင်ကာ ၆ တန်းပညာ သင်ယူနေသူဖြစ်တယ်လို့ သိရပါတယ်။

ဒဏ်ရာရရှိသူ အမျိုးသမီးငယ် ၂ ဦးစလုံးဟာ ခူမီးလူမျိုးတွေဖြစ်ပြီး ပလက်ဝမြို့နယ်အတွင်း အရပ်သားတွေ ထိခိုက်သေဆုံးခဲ့တဲ့ လေကြောင်းတိုက်ခိုက်မှုတွေ ဆက်လက်ဖြစ်ပွားနေပြီး မတ်လ ၂၉ ရက်ကလည်း ပလက်ဝမြို့နယ်၊ ကြောင်ချောင်းကျေးရွာကို ဂျက်ဖိုက်တာ ၂ စီးနဲ့ ဗုံးကြဲတိုက်ခိုက်ခဲ့တာကြောင့် အရပ်သား ၇ ဦး သေဆုံးပြီး ၄ ဦး ဒဏ်ရာရရှိခဲ့ကြသည်။

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

08/08/2026

Kimo Media | ဩဂုတ် ၈၊ ၂၀၂၆

၂၀၂၁ ခုနှစ် စစ်အာဏာသိမ်းပြီးနောက်ပိုင်း ချင်းပြည်နယ်တွင် လက်နက်ကိုင်ပဋိပက္ခများကြောင့် လူဦးရေ ၂၀၀,၀၀၀ မှ ၂၅၀,၀၀၀ ခန့် နေရပ်စွန့်ခွာခဲ့ရပြီး အနည်းဆုံး လူ ၁,၀၀၀ ခန့် အသက်ဆုံးရှုံးခဲ့ရသည်။

🗣️ P. THAWNG BAWI
"လူသားချင်းစာနာထောက်ထားမှု၏ အဓိကရည်ရွယ်ချက်မှာ ဒုက္ခရောက်နေသူများ၏ အသက်ရှင်သန်ရေး၊ လုံခြုံရေးနှင့် လူ့ဂုဏ်သိက္ခာကို ကာကွယ်ထိန်းသိမ်းပေးရန် ဖြစ်ပါတယ်။"

🗣️ DAVID LAI
"လူသားချင်းစာနာထောက်ထားမှုသည် လက်ဆောင်တစ်ခုမဟုတ်ဘဲ အခက်အခဲကြုံတွေ့နေသူများကို လူမျိုး၊ ဘာသာ၊ နိုင်ငံရေးနောက်ခံ မခွဲခြားဘဲ လိုအပ်ချက်အပေါ် အခြေခံ၍ ကူညီပံ့ပိုးပေးခြင်း ဖြစ်ပါတယ်။"

🗣️ BENJAMIN SUM
"အကူအညီများ မျှတစွာရရှိစေရန်မှာ အဖွဲ့အစည်းများ၏ တာဝန်တစ်ခုတည်း မဟုတ်ပါ။ ပြည်သူလူထုအနေဖြင့်လည်း မှန်ကန်သော သတင်းအချက်အလက်များကို မျှဝေပြီး အမှန်တကယ် လိုအပ်နေသူများကို ဦးစားပေးနိုင်ရန် ပူးပေါင်းပါဝင်ရန် လိုအပ်ပါတယ်။"

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

ချင်းအမျိုးသားတက္ကသိုလ်နှင့် ICFAI University တို့ ပညာရေးပူးပေါင်းဆောင်ရွက်ရေး MOA လက်မှတ်ရေးထိုး==============Kimo Medi...
07/08/2026

ချင်းအမျိုးသားတက္ကသိုလ်နှင့် ICFAI University တို့ ပညာရေးပူးပေါင်းဆောင်ရွက်ရေး MOA လက်မှတ်ရေးထိုး
==============

Kimo Media | ဩဂုတ် ၈၊ ၂၀၂၆

ချင်းပြည် (Chinland) အစိုးရ၊ ပညာရေးဝန်ကြီးဌာန လက်အောက်ရှိ ချင်းအမျိုးသားတက္ကသိုလ် (Chin National University - CNU) နှင့် အိန္ဒိယနိုင်ငံ၊ မီဇိုရမ်အခြေစိုက် ICFAI University တို့အကြား ပညာရေးပူးပေါင်းဆောင်ရွက်ရေး သဘောတူစာချွန်လွှာ (MOA) ကို ဩဂုတ်လ ၃ ရက်နေ့တွင် လက်မှတ်ရေးထိုးခဲ့ကြောင်း သိရသည်။

အဆိုပါ MOA အရ ချင်းပြည်မှ ကျောင်းသား၊ ကျောင်းသူများ ICFAI University တွင် ပညာသင်ကြားနိုင်ရေး၊ ပညာသင်ဆု (Scholarship) အစီအစဉ်များ ဖော်ဆောင်ပေးရေးနှင့် တက္ကသိုလ်နှစ်ခုအကြား ပညာရေးနှင့် မဟာဌာနဆိုင်ရာ ပူးပေါင်းဖွံ့ဖြိုးတိုးတက်ရေးတို့ကို အဓိက ပူးပေါင်းဆောင်ရွက်သွားမည်ဖြစ်သည်။

လက်မှတ်ရေးထိုးပွဲသို့ ချင်းပြည် ပညာရေးဝန်ကြီး Salai James၊ နိုင်ငံခြားရေးဝန်ကြီး Dr. Sui Khar၊ ရှေ့နေချုပ် Dr. Tial Hnin၊ CNU အဓိပတိ Dr. Duh Bik Cem နှင့် ICFAI University ၏ Vice Chancellor အပါအဝင် တာဝန်ရှိသူများ တက်ရောက်ခဲ့ကြကြောင်း သိရသည်။

#ချင်းအမျိုးသားတက္ကသိုလ်_ICFAI_ပူးပေါင်းရေး #ပညာရေးပူးပေါင်းဆောင်ရွက်မှု

ဓာတ်ပုံ −Crd

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

07/08/2026

Kimo Media | ဩဂုတ် ၇၊၂၀၂၆

ထိုင်းပြည်သူ့ပါတီ (People's Party) က မြန်မာစစ်ခေါင်းဆောင် မင်းအောင်လှိုင်၏ ထိုင်းခရီးစဉ်အတွင်း ထိုင်းအစိုးရအနေဖြင့် နယ်စပ်နှင့် လူ့အခွင့်အရေးဆိုင်ရာ အရေးကြီးတောင်းဆိုချက် (၆) ချက်ကို တိုက်ရိုက်တင်ပြပေးရန် တိုက်တွန်းခဲ့သည်။ ထို့ပြင် မင်းအောင်လှိုင်အား တရားဝင်ကြိုဆိုခြင်းသည် ထိုင်းနိုင်ငံ၏ ဒီမိုကရေစီနှင့် လူ့အခွင့်အရေးဆိုင်ရာ ရပ်တည်ချက်အပေါ် မေးခွန်းထုတ် စရာ ဖြစ်စေကြောင်းလည်း ပြောသည်။

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

07/08/2026

မကြာသေးမီက Popular သတင်းဌာန နဲ့ Interview တွင် "မြန်မာစစ်ခေါင်းဆောင် မင်းအောင်လှိုင်က မြန်မာနိုင်ငံ၏ လက်ရှိလုံခြုံရေးနှင့် လက်နက်ကိုင်ပဋိပက္ခများသည် နောက်ထပ် ၁၅ နှစ်ခန့်အထိ ဆက်လက်ကြာမြင့်နိုင်သည်" ဟု ပြောကြားခဲ့သည်။

ထိုင်းအစိုးရဧည့်သည်တော်မှတ်တမ်းတွင် မင်းအောင်လှိုင် ရေးသားခဲ့သည့် လက်ရေးနှင့် သတ်ပုံများအပေါ် လူမှုကွန်ရက်တွင် ဝေဖန်မှုမ...
06/08/2026

ထိုင်းအစိုးရဧည့်သည်တော်မှတ်တမ်းတွင် မင်းအောင်လှိုင် ရေးသားခဲ့သည့် လက်ရေးနှင့် သတ်ပုံများအပေါ် လူမှုကွန်ရက်တွင် ဝေဖန်မှုများနေ
============
Kimo Media | ဩဂုတ် ၆၊ ၂၀၂၆

ထိုင်းနိုင်ငံသို့ သွားရောက်ခဲ့သည့် စစ်ကောင်စီဥက္ကဋ္ဌ မင်းအောင်လှိုင်က ထိုင်းအစိုးရအိမ်တော် ဧည့်သည်တော်မှတ်တမ်း (Guest Book) တွင် ကိုယ်တိုင်ရေးသားခဲ့သည့် လက်ရေးမူနှင့် လက်မှတ်ပုံရိပ်များသည် ဩဂုတ်လ ၆ ရက်နေ့တွင် လူမှုကွန်ရက်များ၌ ပျံ့နှံ့လာပြီးနောက် ဝေဖန်မှုများ နေသည်။

အဆိုပါ ဧည့်သည်တော်မှတ်တမ်းတွင် မင်းအောင်လှိုင်က “၂၀၂၆ ခုနှစ်၊ ဩဂုတ်လ ၆ ရက်” ဟု ရက်စွဲတပ်၍ ထိုင်းနိုင်ငံ၏ ယဉ်ကျေးမှုနှင့် သမိုင်းဝင်အမွေအနှစ်များကို လေ့လာခွင့်ရသည့်အတွက် ဂုဏ်ယူဝမ်းမြောက်ကြောင်း၊ ထိုင်းဝန်ကြီးချုပ်နှင့် ချစ်ကြည်ရင်းနှီးစွာ တွေ့ဆုံဆွေးနွေးနိုင်ခဲ့သဖြင့် နှစ်နိုင်ငံအကြား ပူးပေါင်းဆောင်ရွက်မှုများ ပိုမိုခိုင်မာအားကောင်းလာမည်ဟု ယုံကြည်ကြောင်း စသည့် အကြောင်းအရာများကို ကိုယ်တိုင်လက်ရေးဖြင့် ရေးသားထားသည်ကို တွေ့ရသည်။

ယင်းလက်ရေးမူတွင် စာလုံးပေါင်း၊ သတ်ပုံနှင့် ရေးသားပုံတို့အပေါ် လူမှုကွန်ရက်အသုံးပြုသူများနှင့် ဝေဖန်သုံးသပ် သူများက မှုများရှိပြီး စာရေးသားမှုအရည်အသွေးနှင့် ပတ်သက်၍ ဝေဖန်မှအမြင် နေသည်။

မင်းအောင်လှိုင်သည် ယခင်က ပြောကြားခဲ့သည့် မိန့်ခွန်းတစ်ခုတွင် တော်လှန်ရေးတွင် ပါဝင်နေသူများအား “ပညာမတတ်၊ စာမတတ်သူများ” ဟု ရှုံ့ချဝေဖန်ပြောဆိုခဲ့သည်။

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

06/08/2026

မလေးရှားနိုင်ငံ ကန်ပုန်းဒေသတွင် လူဝင်မှုကြီးကြပ်ရေး စစ်ဆင်ရေးပြုလုပ်၊ မြန်မာနိုင်ငံသားအချို့ ဖမ်းဆီးခံရ
==============

Kimo Media | ဩဂုတ် ၆၊ ၂၀၂၆

မလေးရှားနိုင်ငံ၊ ကန်ပုန်း (Kampung) ဒေသ၊ လမ်း (၇) တွင် ဩဂုတ်လ ၆ ရက် ညပိုင်းက လူဝင်မှုကြီးကြပ်ရေး အာဏာပိုင်များ၏ စစ်ဆင်ရေး (Operation) ပြုလုပ်ခဲ့ပြီး မြန်မာနိုင်ငံသားအချို့ ဖမ်းဆီးခံခဲ့ရကြောင်း ဒေသခံမြန်မာနိုင်ငံသားများ၏ ပြောကြားချက်အရ သိရသည်။

အဆိုပါ စစ်ဆင်ရေးအတွင်း အာဏာပိုင်များက နေအိမ်များကို ဝင်ရောက်စစ်ဆေးခဲ့ပြီး လမ်းထွက်ပေါက်များ၌လည်း လုံခြုံရေးတပ်ဖွဲ့ဝင်များ နေရာယူထားသဖြင့် ထွက်ပြေးရန် အခွင့်အလမ်းမရှိခဲ့ကြောင်း မျက်မြင်တွေ့ရှိသူတစ်ဦးက Kimo Media သို့ ပြောသည်။

“ကိုယ့်အိမ်ရှေ့ မျက်နှာချင်းဆိုင်အိမ်က လူတွေအားလုံးကို ဖမ်းသွားတယ်။ အိမ်အောက်ထွက်ပေါက်မှာလည်း ရဲတွေဝိုင်းထားလို့ ထွက်ပြေးဖို့ လမ်းမရှိခဲ့ဘူး။ ကိုယ့်အိမ်ကို မတက်လာလို့ပဲ တော်သေးတယ်။ အရမ်းကြောက်ခဲ့ရတယ်” ဟု ၎င်းက ပြောသည်။

ယင်းစစ်ဆင်ရေးကြောင့် မြန်မာနိုင်ငံသားအများအပြား ဖမ်းဆီးခံခဲ့ရသည်ဟု ဒေသခံများက ဆိုသော်လည်း ဖမ်းဆီးခံရသူအရေအတွက် နှင့် ၎င်းတို့၏ ဥပဒေရေးရာ အခြေအနေကို သက်ဆိုင်ရာ မလေးရှားအာဏာပိုင်များက တရားဝင် ထုတ်ပြန်ထားခြင်း မရှိသေးပေ။

မလေးရှားနိုင်ငံတွင် နေထိုင်အလုပ်လုပ်ကိုင်နေသည့် မြန်မာနိုင်ငံသားများအနေဖြင့် လူဝင်မှုကြီးကြပ်ရေး စစ်ဆေးမှုများ မကြာခဏ ပြုလုပ်လေ့ရှိသဖြင့် တရားဝင် နေထိုင်ခွင့်နှင့် အလုပ်လုပ်ခွင့် စာရွက်စာတမ်းများကို အမြဲဆောင်ထားရန်နှင့် သက်ဆိုင်ရာ ဥပဒေများကို လိုက်နာကြရန် ဒေသခံများက သတိပေးထားသည်။

Kimo Media အနေဖြင့် အဆိုပါဖြစ်စဉ်နှင့်ပတ်သက်၍ သက်ဆိုင်ရာ အာဏာပိုင်များ၏ တရားဝင် ထုတ်ပြန်ချက်နှင့် ဖမ်းဆီးခံရသူအရေအတွက်ကို သီးခြား အတည်ပြုနိုင်ရန် ဆက်လက်စုံစမ်းနေပါသည်။

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

06/08/2026

မလေးရှား ဒူးရင်းခြံတွင် ကျားလိုက်ခံရပြီး ဒူးရင်းပင်ပေါ် တက်ရှောင်ခဲ့သည့် ချင်းအမျိုးသား
=============
Kimo Media | ဩဂုတ် ၆၊ ၂၀၂၆

မလေးရှားနိုင်ငံရှိ ဒူးရင်းခြံတွင် အလုပ်လုပ်ကိုင်နေသည့် ချင်းအမျိုးသားတစ်ဦးသည် ပိုးသတ်ဆေးဖြန်းနေစဉ် ကျားတစ်ကောင်၏ လိုက်လံတိုက်ခိုက်မှုနှင့် ကြုံတွေ့ခဲ့ကြောင်း သိရသည်။ အဆိုပါဖြစ်စဉ်အတွင်း ၎င်းသည် အသက်အန္တရာယ်မှ လွတ်မြောက်ရန် ဒူးရင်းပင်ပေါ်သို့ အချိန်မီ တက်ရောက်နိုင်ခဲ့ပြီး ဖြစ်စဉ်ကို မှတ်တမ်းတင်ထားသည့် ဗီဒီယိုဖိုင်မှာ လူမှုကွန်ရက်များတွင် ပျံ့နှံ့လျက်ရှိသည်။

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

မင်းတပ်–ကန်ပက်လက်ထိုးစစ်အတွင်း CPU/CPA တပ်ဖွဲ့ဝင် အမျိုးသမီးတစ်ဦးကို NUG လက်အောက်အဖွဲ့များက ဖမ်းဆီးထား================K...
05/08/2026

မင်းတပ်–ကန်ပက်လက်ထိုးစစ်အတွင်း CPU/CPA တပ်ဖွဲ့ဝင် အမျိုးသမီးတစ်ဦးကို NUG လက်အောက်အဖွဲ့များက ဖမ်းဆီးထား
================
Kimo Media | ဩဂုတ် ၅၊ ၂၀၂၆

ချင်းပြည်နယ်တောင်ပိုင်း မင်းတပ်နှင့် ကန်ပက်လက်ဒေသများတွင် အာဏာသိမ်းစစ်တပ်၏ ထိုးစစ်များ ဆက်လက်ပြင်းထန်နေချိန်အတွင်း CDF.Kanpetlet (ယခု CPU/CPA တပ်မဟာ-၁) နှင့် ဆက်စပ်သည့် အမျိုးသမီးတပ်ဖွဲ့ဝင်တစ်ဦး ဖမ်းဆီးခံထားရသည်ဟု အဖွဲ့အစည်းဘက်က ထုတ်ပြန်ထားသည်။

"ရဲမေ မိုင်သူဇာ" အမျိုးသမီးတပ်ဖွဲ့ဝင်ကို ၂၀၂၆ ခုနှစ် ဇူလိုင် ၂၉ ရက်တွင် National Unity Government (NUG) ၏ Ministry of Defence (MoD) လက်အောက်ရှိ မကွေးတိုင်းဒေသကြီးအဆင့် ပအဖ၊ ပကဖ၊ ပလဖ အဖွဲ့များက ဖမ်းဆီးခဲ့ကြောင်း သိရသည်။

ဩဂုတ် ၄ ရက်အထိ ဖမ်းဆီးခံထားရသည်မှာ (၇) ရက်ရှိလာပြီဖြစ်သော်လည်း ဖမ်းဆီးရသည့် အကြောင်းရင်းနှင့် ပတ်သက်၍ တရားဝင် ရှင်းလင်းချက် မရရှိသေးကြောင်း ဖော်ပြထားသည်။

ထို့အပြင် တပ်ဖွဲ့ဝင်တစ်ဦးအပေါ် အရေးယူဆောင်ရွက်ရန် လိုအပ်ပါက သက်ဆိုင်ရာ မိခင်အဖွဲ့အစည်း သို့မဟုတ် အထက်အရာရှိများနှင့် ညှိနှိုင်းဆောင်ရွက်သင့်ကြောင်း၊ ယခုကဲ့သို့ ကြိုတင်အကြောင်းကြားခြင်းမရှိဘဲ ဖမ်းဆီးခြင်းသည် လုပ်ထုံးလုပ်နည်းနှင့် မကိုက်ညီကြောင်း CPU/CPA ဘက်က ဝေဖန်ထားသည်။

မကွေးတိုင်းဒေသကြီးက တော်လှန်ရေးတပ်ဖွဲ့ခေါင်းဆောင်တွေနဲ့ ချင်းပြည်နယ်၊တောင်ပိုင်းက တော်လှန်ရေးခေါင်းဆောင်တွေဟာ သဘောထားတိုက်ဆိုင်သည်ဖြစ်စေ၊မတိုက်ဆိုင်သည်ဖြစ်စေ နယ်နိမိတ်အရ မခေါ်လို့မရ၊မတွေ့လို့မရ၊မပူးပေါင်းလို့မရတဲ့ အခြေအနေတွေရှိပါတယ်။ ယခု NUG/MoD လက်အောက် မကွေးတိုင်း ပသုံးလုံးတွေလုပ်နေသလို အပြန်အလှန် ဖမ်းဆီးစတမ်းဆိုရင် သူ့ဖက်ကိုယ့်ဖက် ခက်ခဲမယ့်အရာတော့ မဟုတ်ပါဘူး လိုလည်းဆိုထားသည်။

ဖမ်းဆီးခံရသူသည် တိုက်ပွဲပြင်းထန်နေသည့် ကာလအတွင်း ထောက်ပို့တာဝန်များ ဆောင်ရွက်နေစဉ် ဖမ်းဆီးခံရခြင်းဖြစ်ကြောင်းလည်း ဖော်ပြထားသည်။

ထို့ပြင် မကွေးတိုင်းနှင့် ချင်းပြည်နယ်တောင်ပိုင်းရှိ တော်လှန်ရေးအင်အားစုများအကြား ပူးပေါင်းဆောင်ရွက်မှု ဆက်လက်တည်တံ့ရေးအတွက် အငြင်းပွားမှုများကို ညှိနှိုင်းဖြေရှင်းသင့်ကြောင်းနှင့် ဖမ်းဆီးခံထားရသူကို အမြန်ဆုံး ပြန်လွှတ်ပေးရန် မျှော်လင့်ကြောင်း အဖွဲ့အစည်းဘက်က တောင်းဆိုထားသည်။

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

ပလက်ဝမြို့နယ်မှ ခူမီးအမျိုးသား ၄ ဦးကို ULA/AA က ဖမ်းဆီ ထိန်းသိမ်းထား================Kimo Media | ဩဂုတ် ၃၊ ၂၀၂၆ ချင်းပြ...
03/08/2026

ပလက်ဝမြို့နယ်မှ ခူမီးအမျိုးသား ၄ ဦးကို ULA/AA က ဖမ်းဆီ ထိန်းသိမ်းထား
================
Kimo Media | ဩဂုတ် ၃၊ ၂၀၂၆

ချင်းပြည်နယ်၊ ပလက်ဝမြို့နယ်၊ ကုလက်ချောင်းနှင့် ရှင်းလက်ချောင်းဒေသမှ ဒေသခံအမျိုးသား ၄ ဦးကို ULA/AA က ဇူလိုင်လ ၂၉ ရက်နေ့တွင် ဖမ်းဆီးထိန်းသိမ်းထားပြီး လက်ရှိအချိန်အထိ မိသားစုဝင်များနှင့် အဆက်အသွယ်မရရှိသေးကြောင်း ဒေသခံတစ်ဦးက ပြောသည်။

ဖမ်းဆီးထိန်းသိမ်းခံထားရသူများမှာ ကုလက်ချောင်းထဲရှိ အုန်းသီးဝကျေးရွာမှ ကျေးရွာဥက္ကဋ္ဌ ဦးထွန်းလှ၊ ရွှေလိုင်ပွီကျေးရွာမှ ဦးအောင်ဖါ၊ ပေါက်တူဝကျေးရွာမှ ကျေးရွာဥက္ကဋ္ဌ ဦးကာလီနှင့် ရှင်းလက်ချောင်းဒေသ ဆင်အိုးဝကျေးရွာမှ ဦးကျော်ရှိန်းတို့ ဖြစ်ကြောင်း သိရသည်။

"ဖမ်းဆီးခံထားရသူ ၄ ဦးကို ဒိုးချောင်းဝကျေးရွာရှိ နေအိမ်တစ်လုံးတွင် ထိန်းသိမ်းထားသည်ဟု သိရပြီး ကျေးရွာ အုပ်စု စာရေးများက သွားရောက်တွေ့ဆုံရန် ကြိုးပမ်းခဲ့သော်လည်း ULA/AA ဘက်က တွေ့ခွင့်မပြုခဲ့ကြောင်း" သိသည်။

ထို့အပြင် ဖမ်းဆီးခံထားရသူများသည် ခူမီးပြည်သူ့တပ်မတော် (KPF) နှင့် မည်သည့်ဆက်နွယ်မှုရှိသည်ကို မသိရှိရသေးဘဲ ကျေးရွာအတွင်း အေးချမ်းစွာ နေထိုင်ကြသူများသာဖြစ်ကြောင်း ပြောသည်။

"သူတို့ ၄ ယောက်ကို မသင်္ကာမှုနဲ့ ULA/AA က ဖမ်းဆီးတာပါ။ မီဇိုရမ်ပြည်နယ် လောင်တလိုင်မှာ ဇူလိုင်လ ၂၂ ရက်နေ့က KNCP/KPF ရဲ့ အစည်းအဝေးကို တက်ရောက်ဖို့ ဖိတ်ကြားခံရတာဆိုပြီး မသင်္ကာမှုနဲ့ ဖမ်းဆီးထိန်းသိမ်းခံရတာ ဖြစ်တယ်။ KNCP/KPF ရဲ့ အစည်းအဝေးပြုလုပ်မယ့်အကြောင်းကို ULA/AA က ကြိုတင်သတင်းရရှိထားတာကြောင့် အခုလို လုပ်ဆောင်တာဖြစ်တယ်" ဟု သိရသည်။

ဖမ်းဆီးခံရသူ ၄ ဦးသည် မီဇိုရမ်ပြည်နယ်၊ လောင်တလိုင်မြို့တွင် ပြုလုပ်ခဲ့သည့် KNCP/KPF အဖွဲ့အစည်း၏ အစည်းအဝေးဖိတ်ကြားမှုနှင့် ဆက်နွယ်သည်ဟု ယူဆခံရခြင်းကြောင့် ဖမ်းဆီးခံရတာ ဖြစ်နိုင်ကြောင်း သိရသည်။

လက်ရှိတွင် အဆိုပါ ဒေသခံ ၄ ဦးအား ဖမ်းဆီးထိန်းသိမ်းရသည့် အကြောင်းရင်းအတိအကျ၊ ထိန်းသိမ်းထားသည့်နေရာနှင့် ကျန်းမာရေးအခြေအနေတို့ကို သီးခြားအတည်ပြုနိုင်ခြင်း မရှိသေးသလို ULA/AA ဘက်မှလည်း ယင်းကိစ္စနှင့်ပတ်သက်၍ တရားဝင် ထုတ်ပြန်ချက် တစ်စုံတစ်ရာ မရှိသေးပေ။

ယင်းဖြစ်စဉ်နှင့်ပတ်သက်၍ ULA/AA ဘက်၏ တုံ့ပြန်ချက်ကို ရရှိနိုင်ရန် ဆက်လက်စုံစမ်းနေပြီး သက်ဆိုင်ရာဘက်များ၏ ရှင်းလင်းချက်ရရှိပါက ဆက်လက်ဖော်ပြသွားမည်ဖြစ်သည်။

ချင်းပြည်နယ် ပလက်ဝမြို့နယ်ကို ULA/AA ထိန်းချုပ်မှုအောက်တွင်ရောက်ရှိပြီးနောက် ဒေသခံပြည်သူများ လုံခြုံရေးစိုးရိမ်းမှုများမြင့် တက်နေကြောင်း သိရသည်။

ဓာတ်ပုံ− ချင်းပြည်နယ်၊ပလက်ဝမြို့နယ်ကို ULA/AA ထိန်းချုပ်ထားပုံ

#ကီမိုမီဒီယာသည် ချင်းပြည်နယ် ပလက်ဝအခြေစိုက် သတင်းဌာနတစ်ခုဖြစ်သည်။

ที่อยู่

Bangkok

เว็บไซต์

แจ้งเตือน

รับทราบข่าวสารและโปรโมชั่นของ KIMO MEDIAผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท