28/05/2026
အထူꩻဒေႏသ(၆)၊ ပအိုဝ်ႏစွိုးခွိုꩻအစွိုꩻ(PNO) ဗဟိုႏ အွဥ်ငါသွဥ် ဗွောင်လွေꩻဖေႏ ခွုမ်စာႏရင်ꩻ ပညာႏသွဥ်တန်ꩻ
----------------------------------------------------------------------
လာမေ ၂၈ နီꩻ၊ နေင်ႏ ၂၀၂၆-ဗာႏ၊
အထူꩻဒေႏသ(၆)၊ ဖြောဝ်ꩻခမ်းနယ်ႏ(အခေါဝ်နဝ်)၊ ဝေင်ꩻတောင်ႏကီꩻ၊ ပင်တခွာꩻ စွန်ꩻထီထင်အဖဲ့ꩻပေါင်ꩻစွုမ်ႏ ပြွူႏဖြိုရေꩻသွဥ်တန်ꩻကျောင်ꩻကို ဟန်ႏနီꩻ မေလာ ၂၈ နီꩻ မွူးနီꩻကျာႏသပတေꩻ မွူးရဝ်ꩻခိုႏ(၈:၃၀)အခိန်ႏ ပအိုဝ်ႏစွိးခွိꩻအစွိꩻ(PNO) ဗဟိုႏအွဥ်သွဥ် ဗွောင်လွေꩻဖေႏ ခွုမ်စာႏရင်ꩻ ပညာႏသွဥ်တန်ꩻ အခန်ꩻအနာꩻ အကျောင်ꩻ သေထွꩻဗာႏသွူ။
အခန်ꩻအနာꩻကို ပအိုဝ်ႏစွိုးခွိုꩻအစွိုꩻ(PNA) ခမ်းထီဌာႏနချွုတ်ရွုမ်ꩻ တွယ်ꩻဖက်ထိန်ꩻထွားရေꩻကဲႏ ဒုဗိုလ်မှူးတန် ဖြားတန်ခွန်လှမောင် ယို ဒေါ့ꩻလွေꩻဖေႏ အဗွောင်ငဝ်းငွါ ထွူ တသွုပ်ချင်ႏ ဒုဗိုလ်မှူးတန် ခွန်အောင်မျိုး နဝ်ꩻ ဒေါ့ꩻခြုဲင်းနယ်လွေꩻဖေႏ ကဗွောင်သွဥ် ထွာလွေꩻဒါႏ
သွဥ်တန်ꩻရေႏမိုးချက် အကျောင်ꩻအခရာႏဖုံႏ နဝ်ꩻသွူ။
အောဝ်ႏနောဝ်ꩻထွူ ပိုလ်ႏတန် ခွန်လှမွန် ဒေါ့ꩻခြုဲင်းနယ်လွေꩻဖေႏ ကထင်ႏလွဥ် သွဥ်ထူႏဒါႏ သွဥ်တန်ꩻသားအတာႏ သွဥ်တန်ꩻစီꩻမဥ်ꩻစီꩻကန်ꩻချက်ဖုံႏ အကျောင်ꩻ၊ နဝ်ꩻထွူ သွဥ်တန်ထွာနွောင်ꩻရေꩻ ကောႏမတီႏ တွမ်ႏ သွဥ်တန်ꩻဆရာႏ/ဆရာႏမူႏသီး မိတ်သွုပ်နယ်လွေꩻဖေႏ နမ်းတဖြာꩻစီႏမဥ်ꩻထွူ လွောင်ႏဗူႏလွေꩻပါ သွဥ်တန်ꩻထင်ႏသား အစွိꩻအဗူႏ အကျောင်ꩻ သေထွꩻဗာႏနဝ်ꩻသွူ။
ကဗွောင်သွဥ်လွေꩻဒါႏတန်ꩻယိုနဝ်ꩻ တယ်ႏစ လာမေ ၂၈ နီꩻ ဗꩻလွေꩻ လာသြဂုတ်လိုတဲင် ထွာလွေꩻသွဥ်တန်ꩻကာႏလ သွံလာနဝ်ꩻသွူ။ ကထင်ႏသွဥ်ထူႏလွေꩻဒါႏ ခွုမ်စာႏရင်ꩻသွဥ်တန်ꩻသားယိုနဝ်ꩻ အဝ်ႏလွေꩻ ၇၉ ဖြာꩻတဲင် သွဥ်တန်ꩻဆရာႏ/ဆရာႏမူႏ (၄)ဖြာꩻ အဝ်ႏထူႏတာႏဝွန်ႏ သွဥ်လွေꩻဖေႏအကျောင်ꩻ သေထွꩻဗာႏနဝ်ꩻသွူ။
