26/12/2024
ႁိူဝ်ႉၼႃႇဢူၼ်ႈၼႃႇၼႆၵေႃႈဢမ်ႇတွၼ်ႉႁၼ်မၼ်းဝႃႈသေပွၵ်ႈ
ႁၼ်မိူဝ်ႈလႂ်ၵေႃႈ သမ်ႉပေႃႈၸိုၼ်ႈသႂ်ယူႇတႃႇသေႇ......
ၶေႃႈၵႂၢမ်းၸိူဝ်းၼႆႉ ၸဝ်ႈၵဝ်ႇေတႉဢမ်ႇထၢင်ႇဝႃႈ
ပဵၼ်ၶေႃႈၵႂၢမ်းယုၵ်ႉယွင်ႈ....
ၵူၼ်းႁဝ်းၵမ်ႉပႃႈၼမ် တေမေႃႁၼ်ထိုင်
ၽၢႆႇၼွၵ်ႈမၼ်းၵူၺ်းလူးၼေႃႈ....
တႃႇၵူၼ်းၼိုင်ႈၵေႃႉ....
ဢၼ်ႁၢင်ႈႁၢႆႉသုတ်းတေႉ ၽူႈယိင်းႁဝ်းၼိုင်ႈၵေႃႉၼႆႉ
လွင်ႈဢၼ်ၽႂ်ဢမ်ႇႁူႉၸွမ်း
လွင်ႈၸဵပ်းသႅပ်ႇၼၼ်ႉမီးဝႆႉတင်းၼမ်ၵေႃႈၸင်ႈပဵၼ်လႆႈ။
ၽွင်းယၢမ်းမိူဝ်ႈ ဢမ်ႇၶႆႈႁၼ်ၽႂ်သေၵေႃႉ
ၸႂ်ၵေႃႈဢမ်ႇၼိမ် ၸႂ်ႁူၵ်းႁၢႆႉၸႃႉ
တေၼွၼ်းၶူတ်းယူႇၼႂ်းၽႃႈ ၵေႃႈမီးမႃးယူႇ။
ၵူၺ်းၵႃႈ.....
မိူဝ်ႈၼႆႉ သင် သမ်ႉၸဝ်ႈၵဝ်ႇလိုဝ်ႈၵႂႃႇ...ၼႆၸိုင် ပေႃး
တၢင်းဝူၼ်ႉၼၼ်ႉၶဝ်ႈမႃးေၵႃႈ ၼႅတ်ႈၽုၼ်ႇၽၢၼ်ႇလုၵ်ႉၵမ်းလဵဝ်ယဝ်ႉ။
ၸၢတ်ႈပၢၼ်ၼႆႉ ႁိူဝ်ႉၼႃႇတုၵ်ႉၼႃႇ သင်ၵုမ်ႇၶၢင်းယူႇ
သမ်ႉတေမီးလွင်ႈသင် ၸဝ်ႈၵဝ်ႇ ၵေႃႈပဵၼ်ၵူၼ်းၵေႃႉၼိုင်ႈမိူၼ်ပိူၼ်ႈၵူၺ်းလူး ဢမ်ႇၶၢင်းပွင်ႉသေ မၢင်ပွၵ်ႈမၢင်လႂ်ၵေႃႈ ၸဵမ်တူဝ်လႄႈၸႂ်
ႁိူဝ်ႉဢူၼ်ႈၼူၼ်းမႃးတင်းၼမ်ဢိူဝ်ႈ။
ၵႅၼ်ႇၶႅင်ၼေၵေႃႈဢမ်ႇၸႂ်ႈလေႃႇ....
တၢင်းဝူၼ်ႉၸဝ်ႈၵဝ်ႇ မၢင်ပွၵ်ႈ သင်ဢမ်ႇမီးၸဝ်ႈၵဝ်ႇယဝ်ႉ
ၵူႈၸိူဝ်းၵူႈလွင်ႈ မိူၼ်ဝႃႈမၼ်းၸူမ်ႁၢႆၵႂႃႇလႄႈ လုမ်ႉႁိူဝ်တေလႆႈဝႃႈၼႆသေ
ၶၢမ်ႇၸုၵ်းဝႆႉယူႇတီႈၵဝ်ႇယဝ်ႉ။
ၵူၼ်းမၢင်ၸိူဝ်း သမ်ႉလၢတ်ႈဝႃႈ မႃႇၼႃႉယႂ်ႇၼႃႇ
တေဝႃႈမေႁႃငိုၼ်းၼႆယူဝ်ႉ ထၢင်ႇယႂ်ႇတူင်ၵျ ၼႆၵေႃႈတေမီးယူႇ။
တီႈတေႉတေႉမၼ်း.....
ၼင်ႇၸႂ် ၶႆႈႁႆႈ ဢၼ်ၶႆႈႁွင်ႉသႅၼ်ႇ ၼၼ်ႉတေႁၢႆလၢႆ
လႆႈၸိုၼ်ႇ လႆႈယိုၼ်ႉ ၼင်ႇႁိူဝ်ၼမ်ႉတႃ တေဢမ်ႇတူၵ်းၼၼ်ႉ
လွမ်ယၵ်ႉမုင်ႈတူၺ်း ႁႅၼ်ၵႂႃႇတီႈၼိူဝ်တွင်ႉၽႂႃႉ သေ ထိုင်တီႈ
ၼႃႈတႃၸဝ်ႈၵဝ်ႇၶဵင်ႈၶႅင်မိူၼ်ၵူၼ်းၶႃႇၵေႇ ယဝ်ႉမေးၶိုၼ်းၵေႃႈႁိူဝ်လႆႈ။
ပေႃးလႆႈငိၼ်း ၶေႃႈၵႂၢမ်း ဢၼ်လၢတ်ႈဝႃႈ
ၽူႈယိင်းၵေႃႉၼႆႉ မၼ်းပဵၼ်ၵူၼ်းမီးၼမ်ႉၸႂ်ၵႅၼ်ႇၶႅင်မီးလွင်ႈယိုၼ်ႉၵၼ်ႈတေႉဢိူဝ်ႈၼႆ မၢင်ပွၵ်ႈ လၵ်ႉလွမ်ၶႆႈၶူဝ်ဝႆႉၵွၼ်ႇ.....
တီႈတေႉမၼ်း....
ယွၼ်ႉလွင်ႈတၢင်းၵူႈၸိူဝ်းသေ မၼ်းႁိူဝ်ႉတေႉယဝ်ႉ
ယွၼ်ႉဝႃႈ လူမ်ႉႁိူဝ်တေလႆႈ ၼႆသေ သိုပ်ႇပႆၵႂႃႇၵူၺ်းဢိူဝ်ႈ။
ပိၼ်ႇ(တႅမ်ႈ)👉 #ဢေးၼွတ်း
