07/02/2025
ပၢင်ပိုတ်ႇ ပွႆးဝၼ်းၸိူဝ်ႉၸၢတ်ႈ ၸိုင်ႈတႆး ၶွပ်ႈၶူပ်ႇ (78) ပီႊ လႄႈ လၵ်းသဝ်ႁိၼ်လိၵ်ႈႁူမ်ႈမၢႆၵိုတ်းတိုၵ်းပတ်းပိုၼ်ႉၸိုင်ႈမိူင်းႁူမ်ႈတုမ် (NCA)
မိူဝ်ႈၼႆႉ ဝၼ်းထီႉ 6 February 2025 (လိူၼ်သၢမ်မႂ်ႇ 9 ၶမ်ႈ ပီႊတႆး 2119 ၼီႈ) ယၢမ်း 9:00 မူင်း ၽူႈယႂ်ႇၵူၼ်းလူင် ၼႂ်းၶွင်ႇသီႇဢဝ်ၶိုၼ်းၸိုင်ႈတႆး လႄႈ ပေႃႈမႄႈၵူၼ်းမိူင်း ႁူမ်ႈၵၼ် ပိုတ်ႇပၢင်ပွႆးဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ 78ပီႊ ၊ လႄႈ ပိုတ်ႇ လၵ်းသဝ်ႁိၼ်မၢႆတွင်း လိၵ်ႈႁူမ်ႈမၢႆၵိုတ်းတိုၵ်းပတ်းပိုၼ်ႉၸိုင်ႈမိူင်း တီႈပၢင်ပွႆးငမ်း ယဵၼ် ထုင်ႉၼႃးသႃလေး ဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း။
ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး (RCSS/SSA) လႄႈ လုင်းဢေႃးၸေႇယ တူၼ်ႈတီး၊ လုင်းၵၼ်ႇတမႃႇ ပၢင်ႇတဝိ သၼ်လွႆၵုင်းမၢဝ်း လၢင်းၶိူဝ်း ၊ လုင်းမွင်ႇသေႃး၊ ၼၢင်းယိင်းၼွင်ႉ(TYO) ႁူမ်ႈၵၼ်ၵႅတ်းမႆလိပ်ႉ ပွႆႇမၢၵ်ႇပွင်းလူမ်းလႄႈ ပိုတ်ႇပၢင်ပွႆးဝၼ်းၸိူဝ်ႉၸၢတ်ႈ ၸိုင်ႈတႆး ၶွပ်ႈၶူပ်ႇ (78) ပီႊသေ သိုပ်ႇၼၼ်ႉ ႁူဝ်ပဝ်ႈလူင် လႆႈဢွၼ်ၼမ်း ၽူႈမႃးၶဝ်ႈႁူမ်ႈပၢင်ပွႆး တၢင်ႇၸွမ်ပိဝ်ၸိူဝ်ႉၸၢတ်ႈၸိုင်ႈတႆး တီႈလၵ်း ပၢင်ပွႆးငမ်းယဵၼ် ၊ၽူႈမီးပုၼ်ႈၽွၼ်း ဢွၼ်ႁွင်ႉၵႂၢမ်းတၢင်ႇၸွမ်းပိဝ် ၼပ်ႉယမ်ၸွမ်ပိဝ်ၵႂႃႇ။
သိုပ်ႇသေၼၼ်ႉ ၽူႈယႂ်ႇၵူၼ်းလူင် ပေႃႈမႄႈၵူၼ်းမိူင်း ဢဝ်တီႈယူႇၼႃႈ လၵ်းသဝ်ႁိၼ် မၢႆတွင်း ၵၢၼ်ၵိုတ်းတိုၵ်းၸိုင်ႈပတ်းပိုၼ်ႉၸိုင်ႈမိူင်း (NCA) သေ ၊ ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး ဢိၵ်ႇတင်း ဝုၼ်ႇၼၵျေႃႇထိၼ်ႇ လုင်းမဵဝ်းတၢၼ်ႉ ၊ လုင်းၵၼ်ႇတမႃႇ ပၢင်ႇတဝိ ၵႅတ်းမႆလိပ်ႉ ပိုတ်ႇလၵ်းသဝ်ႁိၼ်မၢႆတွင်းလိၵ်ႈႁူမ်ႈမၢႆၵၢၼ်ၵိုတ်းတိုၵ်းပတ်းပိုၼ်ႉၸိုင်ႈမိူင်း(NCA) သေယဝ်ႉလႄႈ ထႆႇၶႅပ်းႁၢင်ႈႁူမ်ႈၵၼ်လႄႈ ၽုၵ်ႇတူၼ်ႈမႆႉ ပဵၼ်တီႈမၢႆတွင်းၵႂႃႇ။
ၼင်ႇႁိုဝ် ၼႃႈတီႈပၢင်ႇပၢင်ပွႆးငမ်းယဵၼ် လႄႈ ၵေႃႉသိုၵ်းၵေႃႉႁၢၼ် ပေႃႈမႄႈၵူၼ်းမိူင်းတင်းသဵင်ႈ ပေႃးတေမီးၼႃႈၵၢၼ်ႁႂ်ႈဢွင်ႇမၢၼ်ၼႆလႄႈ သၢင်ႇၶႃႇၸဝ်ႈ လႆႈလွတ်ႈႁေႃးပၼ် မင်ႇၵလႃႇသုတ်ႈ၊ မႅတ်ႉသႃႇတသုတ်ႈ၊ ပူပ်ႉပၼႃႇသသုတ်ႈ သေယဝ်ႉ ပၢင်ပိုတ်ႇ ပၢင်ပွႆးဝၼ်းၸိူဝ်ႉ ၸၢတ်ႈယဝ်ႉတူဝ်ႈၵႂႃႇလီငၢမ်း။
လၵ်းသဝ်ႁိၼ် လိၵ်ႈႁူမ်ႈမၢႆၵိုတ်းတိုၵ်းပတ်းပိုၼ်ႉၸိုင်ႈမိူင်း (NCA) ၼၼ်ႉ ၵေႃႇသၢင်ႈႁဵတ်းမိူဝ်ႈပီႊ 11 December 2024 ဝၼ်း ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး ၸွမ်သိုၵ်းလူင် ယွတ်ႈသိုၵ်း ဢွၼ်ႁူဝ်ၼမ်းၼႃႈသေ ထိုင်မႃးပီႊ 19 January 2025 ၵေႃႇသၢင်ႈဢွင်ႇမၢၼ်ယဝ်ႉတူဝ်လီငၢမ်း တီႈဝၢၼ်ႈၼႃးသႃလေး ဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း။
လိၵ်ႈႁူမ်ႈမၢႆ NCA ၼႆႉ လႆႈလူင်းၼၢမ်းတီႈ Myanmar International Convention Center (MICC2)၊ ၼႂ်းပီႊ2015သေ တီႈၼၼ်ႉ လူင်ပွင်ၸိုင်ႈမိူင်းႁူမ်ႈတုမ် မိူင်းမၢၼ်ႈ တင်း ၸုမ်းလုၵ်ႉၽိုၼ်ႉၸၢဝ်းၶိူဝ်း(8)ၸုမ်း လႄႈ ၽူႈႁူႉႁၼ်ၸွမ်း(သၢၵ်ႈသေႇ) 6 ၸိုင်ႈမိူင်းလႆႈၶိုၼ်ႈႁွတ်ႈယူႇယဝ်ႉ။
ၸုမ်းလႄႈၽူႈၶဝ်ႈႁူမ်ႈလူင်းလၢႆးမိုဝ်း လိၵ်ႈႁူမ်ႈမၢႆၵိုတ်းတိုၵ်းပတ်ႉပိုၼ်ႉၸိုင်ႈ မိူင်း(NCA)
ၽၢႆႇလူင်ပွင်ၸိုင်ႈမိူင်းႁူမ်ႈတုမ်
1) ၸွမ်ၸိုင်ႈမိူင်းႁူမ်ႈတုမ် ဢူးတဵင်းၸဵင်ႇ
2) ၵႅမ်ၸွမ်ၸိုင်ႈမိူင်းႁူမ်ႈတုမ် တွၵ်ႇတႃႇၸၢႆးမွၵ်ႇၶမ်း
3) ၵႅမ်ၸွမ်ၸိုင်ႈမိူင်းႁူမ်ႈတုမ် ဢူးၺၢၼ်ႇထုၼ်း
4) တူႇရဢူးသူၺ်ႇမၢၼ်း ၽူႈၶဝ်ႈပႃး ငဝ်ႈငုၼ်းၵေႃႇမတီႇပွင်ႇသၢင်ႈလွင်ႈငမ်းယဵၼ်မိူင်းႁူမ်ႈတုမ်
5) ၸိၵ်းၸွမ်သိုၵ်း မိၼ်းဢွင်ႇလႆႇ − ၽူႈၵွၼ်းတပ်ႉမတေႃႇ
6) ၵႅမ်ၸိၵ်းၸွမ်သိုၵ်း ၸူဝ်းဝိၼ်း − ၵႅမ်ၽူႈၵွၼ်းတပ်ႉမတေႃႇ၊ ၽူႈပွင်ၵၢၼ်သိုၵ်းတပ်ႉမတေႃႇ
7) ဢူးဢွင်ႇမိၼ်း − ၽွင်းလူင်မိူင်းႁူမ်ႈတုမ်၊ ၵႅမ်ႁူဝ်ပဝ်ႈ ၵေႃႇမတီႇပွင်ၵၢၼ်လွင်ႈငမ်းယဵၼ်မိူင်းႁူမ်ႈတုမ်
8) ဢူးတဵင်းၸေႃႇ − ႁူဝ်ပဝ်ႈ သၽႃးၵူၼ်းမိူင်း
ၸုမ်းယိပ်းၵွင်ႈၵၢင်ႇလုၵ်ႉၽိုၼ်ႉၸၢဝ်းၶိူဝ်း (8)ၸုမ်း
1) ၶွင်ႇသီႇဢဝ်ၶိုၼ်းၸိုင်ႈတႆး (RCSS)
ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈလူင်
ၵႅမ်ၸွမ်ႁၢၼ် ပွင်ၶိူဝ်း ၵႅမ်ၽူႈပွင်ၵၢၼ်သိုၵ်း
ၸဝ်ႈသိုၵ်းလူင် ၸၢႆးလႃႉ ၽူႈၼမ်းၼႂ်း−2
2) ႁူမ်ႈတုမ်ၸိူဝ်ႈၸၢတ်ႈယၢင်း (KNU)
ၸွမ်သိုၵ်းလူင် မူႇတူးၸေးၽူဝ်း ႁူဝ်ပဝ်ႈလူင် KNU
ၸွမ်သိုၵ်းလူင် ၸေႃးၵျေႃႇၼီႇ ၽူႈပွင်ၵၢၼ်သိုၵ်း
ပတူဝ်ႇၸေႃးၵွႆႇထူးဝိၼ်း ၽူႈၼမ်းၼႂ်းၵူႈလွင်ႈလွင်ႈ
3) ႁူမ်ႈတုမ်ၸိူဝ်ႉၸၢတ်ႈယၢင်း KNU/ တပ်ႉသိုၵ်းလွတ်ႈလႅဝ်းၸိူဝ်ႉၸၢတ်ႈယၢင်း (ၶွင်ႇသီႇငမ်းယဵၼ်) KNLA-PC
ၸွမ်သိုၵ်းလူင် ၸေႃးထဵင်ႇမွင်ႇ ႁူဝ်ပဝ်ႈလူင်
ၸွမ်သိုၵ်း ၸေႃးယိၼ်ႇၼူႉ ၽၢႆႇၵမ်ႉၸွႆႈသိုၵ်း(စစ်ထောက်ချုပ်)
ၸေႃးၼေႇၸူဝ်းမျႃႉ ၽၢႆႇတပ်ႉသိုၵ်း (စစ်ရေးချုပ်)
4) တပ်ႉသိုၵ်းၸိူဝ်ႉၸၢတ်ႈၶျၢင်း(CNF)
ပူးၼၢၼ်ႇလၢၼ်ႇထၢၼ်ႇ ႁူဝ်ပဝ်ႈလူင်
ပူးၸိၼ်ႇၵျုင်း ၽူႈၼမ်းၼႂ်းၵူႈလွင်ႈလွင်ႈ
ၵႅမ်ၸွမ်ႁၢၼ် ႁႃႇယၢၼ်ႇတိၼ်ႇထႆႉ ၽူႈပွင်ၵၢၼ်သိုၵ်း
5) တပ်ႉသိုၵ်းပွင်ၽွၼ်းပၢင်ႈတီႇမူဝ်ႇၶရေႇၸီႇ (DKBA)
ၸွမ်သိုၵ်း ၸေႃးလၽွႆႇ ၽူႈပွင်ၵၢၼ်သိုၵ်း
ၸွမ်ႁၢၼ် ၸေႃးမူဝ်ႇသျေး ၵႅမ်ၽူႈပွင်ၵၢၼ်သိုၵ်း
ၸဝ်ႈႁၢၼ် ၸေႃးၸဵင်ႇဝိၼ်း ၽၢႆႇတပ်ႉသိုၵ်း (စစ်ရေးချုပ်)
6) မုၵ်ႉၸုမ်းပူတ်းပွႆႇၸိူဝ်ႉၸၢတ်ႈပဢူဝ်း (PNLO)
ၶုၼ်မိၼ်ႉထုၼ်း ႁူဝ်ပဝ်ႈလူင်
ၸဝ်ႈသိုၵ်းလူင် ၶုၼ်တူႇရဵင်ႇ ၽူႈပွင်ၵၢၼ်သိုၵ်း
ၸဝ်ႈသိုၵ်းလူင် ၶုၼ်ဢူၵ်ႉၵႃႇ ၼႃႇယၵႃႉ
7) တပ်ႉသိုၵ်းလုၵ်ႈႁဵၼ်းမိူင်းမၢၼ်ႈ (ABSDF)
ယႄးပေႃႇ တၢၼ်ႇၶႄး ႁူဝ်ပဝ်ႈလူင်
ယႄးပေႃႇ မဵဝ်းဝိၼ်း ၵႅမ်ႁူဝ်ပဝ်ႈ
ယႄးပေႃႇ ယႄးထုတ်ႉ ၽူႈၼမ်းၼႂ်း ၵေႃႇမသျိၼ်ႇၽၢႆသိုၵ်း
8) ပႃႇတီႇပူတ်ႇပွႆႇမိူင်းရၶႅင်ႇ (ALP)
ၶႆႇၸူဝ်းၼႆႇဢွင်ႇ ၵႅမ်ႁူဝ်ပဝ်ႈ
ၵႅမ်ၸွမ်ႁၢၼ် ၶႆႇထုၼ်းဝိၼ်း ၽူႈပွင်ၵၢၼ်သိုၵ်း
ၸေႃးမျႃႉယႃႇၸႃႇလိၼ်း ၵေႃႇမတီႇငဝ်ႈငုၼ်း
သၢၵ်ႈသေႇ လိၵ်ႈႁူမ်ႈမၢႆ(NCA)
1) ၸၢတ်ႈၸိုင်ႈလုမ်ႈၾႃႉ(UN)
His Excellency Mr.Vijay Nambiar United Nations Special Advisor
2) ၸၢတ်ႈၸိုင်ႈယူးရူပ်ႉ(EU)
His Excellency Mr. Roland Kobia
The European Union Ambassador to Myanmar
3) မိူင်းၶႄႇ (CHINA)
His Excellency Mr. Sun Guoxiang
The Special Envoy on Asian Affairs of the People’s Republic of China
4) မိူင်းဢိၼ်းတီးယႃး (INDIA)
His Excellency Mr. Gautam Mukhapadhaya
Ambassador Extraordinary and Plenipotentiary Of the Republic of India to the Republic of the Union of Myanmar
5) မိူင်းထႆး (THAILAND)
His Excellency Mr. Apichart Chinwanno
Permanent Secretary of the Ministry of foreign Affairs Special Envoy of the Foreign Minister of Thailand
6) မိူင်းၵျပၢၼ်ႇ (JAPAN)
His Excellency Mr. Yohei SASAKAWA
Special Envoy of the Government of Japan For National Reconciliation in Myanmar
တႆးလွတ်ႈလႅဝ်း
