เว็บไซต์คืออะไร?

https://www.facebook.com/1115744071943405/

Media One, Bangkok (2025)

17/08/2025

အမေ့အပေါ်ကို ဘယ်တော့မှ အပြစ်မမြင်မိပါစေနဲ့။

သားသမီးပေါ်ထားတဲ့ အမေ့မေတ္တာဟာ နက်ရိူင်းလွန်းလှပါတယ်။

လိမ်မာတဲ့သားသမီးမို့ တမျိုး၊ ဆိုးတဲ့ သားသမီး အတွက် တဖုံ အချစ်တွေ
မပျယ်တာ အမေပါ။

17/08/2025

ကိုယ့်ကို မဆီးကြိုတဲ့ တံခါးကို အားကုန်သုံးပြီး ဆက်ခေါက်နေရတာလောက် ပင်ပန်းဆင်းရဲရတာ မရှိပါဘူး။

ဒါကြောင့်ကိုယ့် တန်ဖိုးကို မမြင်တဲ့သူတစ်ယောက်အတွက် ကိုယ့်ရဲ့ တန်ဖိုးရှိတဲ့ မျက်ရည်တွေ၊ အချိန်တွေကို မဖြုန်းတီးပါနဲ့တော့။

ကိုယ့်ကို မလိုချင်တဲ့သူ့နောက်ကို အရိပ်တစ်ခုလို တကောက်ကောက်လိုက်နေမယ့်အစား၊ ကိုယ့်ရဲ့ တန်ဖိုးကို နားလည်ပြီး လေးစားတန်ဖိုးထားမယ့်သူကို ရှာဖွေပါ။

တကယ်တော့ အချစ်ဆိုတာ တောင်းခံယူရတဲ့အရာမဟုတ်သလို၊ အတင်းအကျပ် ဖန်တီးယူလို့ရတဲ့အရာလည်း မဟုတ်ပါဘူး။

ကိုယ့်ကို မပေးနိုင်တော့တဲ့ သူ့အချစ်တွေအစား ကိုယ်ပိုင်လမ်းကိုသာ ရဲရဲဝံ့ဝံ့ လျှောက်လှမ်းပါ။

17/08/2025

လူ့ဘဝခရီးလမ်းမှာ အချိန်တွေကုန်လွန်ပြီးမှ တကယ်တန်ဖိုးရှိတာ ဒါပါလား လို့ နောင်တနဲ့အတူ သိမြင်ရတတ်တဲ့ အရာတွေ အများကြီးရှိပါတယ်။

အဲ့ဒီထဲမှာမှ အရေးအကြီးဆုံးတစ်ခုကတော့ ကိုယ့်ဘဝရဲ့ နေနဲ့လ ဖြစ်တဲ့ မိဘနှစ်ပါးကို ကိုယ်တိုင် ပြန်လည်ပြုစုစောင့်ရှောက်ခွင့်ရနေတဲ့ အချိန်ပါ။

လူတော်တော်များများက ဒါကို တာဝန် လို့မြင်ကြပေမယ့်၊ အမှန်တကယ်တော့ ဒါဟာ ဘဝကပေးတဲ့ အကြီးမြတ်ဆုံးသော အခွင့်အရေး တစ်ခု၊ ကုသိုလ်တရားရဲ့ တံခါးကို ကိုယ်တိုင်ဖွင့်ခွင့်ရတဲ့ မင်္ဂလာတစ်ပါးပါ။

အချိန်ဆိုတာ ရပ်တန့်နေတဲ့အရာတခုမဟုတ်ပါဘူး။

လက်ရှိ အနားမှာ ရှိနေတဲ့ မိဘတွေဟာ နောင်တချိန်မှာ ကိုယ့်နဲ့ ရှိနေချင်မှ ရှိနေတော့မှာပါ။

ဒါကြောင့် မိဘနှစ်ပါးရဲ့ လက်တွေကို နွေးထွေးစွာ ဆုပ်ကိုင်ထားနိုင်ခွင့်၊ မိဘတွေရဲ့ အပြုံးကို မြင်တွေ့ခွင့်ရနေသေးတဲ့ ဒီအချိန်ဟာ ကိုယ့်ဘဝရဲ့ ရွှေရောင် အချိန်တွေပါပဲ။

လက်ရှိအချိန်မှာ နေ နဲ့ လ ဖြစ်တဲ့ မိဘနှစ်ပါးကို ပြန်လည်လုပ်ကျွေးပြုစုခွင့်ရနေခြင်းဟာ ကိုယ့်ဘဝရဲ့ အမြင့်မြတ်ဆုံးသော အောင်မြင်ခြင်း၊ အကြီးမားဆုံးသော ကံကောင်းခြင်းဖြစ်တယ်ဆိုတာကို အမြဲတမ်း နှလုံးသွင်းထားပါ။

ကိုယ့် အနီးနားမှာ မိဘ နှစ်ပါးလုံး ကွယ်ပျောက်သွားချိန်မှာတော့ နောင်တ တရားတွေနဲ့ မကျန်ရစ်ခဲ့ပါစေနဲ့။

17/08/2025

ကိုယ်မကျွမ်းကျင်တဲ့ နယ်ပယ်ကို မဝင်နဲ့။

ကိုယ်မသိတဲ့သူတွေကို အယုံမလွယ်မိစေနဲ့။

ကိုယ်နဲ့မဆိုင်တဲ့အကြောင်းရာတွေပေါ်မှာ ခေါင်းမခံပါနဲ့။

ကိုယ့်မှာမရှိသေးရင် အသုံးစွဲမကြမ်းပါနဲ့။

ကိုယ့်ကို မချစ်တဲ့သူအပေါ် တွယ်ကပ်မနေပါနဲ့။

ကိုယ့်မပျော်တဲ့ အလုပ်မှာ အချိန်မဖြုန်းပါနဲ့။

ကိုယ့်အပေါ် မနာလိုသူတွေကို အချိန်ကုန်ခံပြီး ဂရုစိုက်မနေပါနဲ့။

ကိုယ့်မိသားစု အပေါ် အချိန်ပေးဖို့ မမေ့ပါနဲ့။

ကိုယ့်အပေါ် မယုံကြည်သူတွေကို အလုပ်နဲ့သာ လက်တွေ့ပြပါ။

ကိုယ့်ရဲ့ပျော်ရွှင်ခြင်းတွေကို တပါးသူဆီက ရဖို့ မမျော်လင့်ပါနဲ့။

16/08/2025

မပြည့်စုံတဲ့ မိဘတွေရဲ့ ဘဝဟာ အကောင်းစားပစ္စည်းတွေ၊ ဇိမ်ခံပကာသနတွေနဲ့ ဝန်းရံခံထားရတဲ့ ဘဝမျိုး မဟုတ်ပါဘူး။

ဒါပေမဲ့. အမေနဲ့ အဖေဟာ သားသမီးတွေအတွက် သာယာစိုပြေပြီး လုံခြုံငြိမ်းချမ်းတဲ့ အရိပ်အာဝါသတစ်ခုကို ပေးစွမ်းဖို့ စိတ် ရှိကြသူတွေပါ။

အဖေနဲ့ အမေဟာ ကိုယ့်ဘဝသာယာဖြောင့်ဖြူးဖို့ နောက်ကွယ်မှာ သူတို့ ဘယ်လောက်အထိ ရင်းနှီးပေးဆပ်ခဲ့ရသလဲဆိုတာကို တွေးကြည့်ဖူးချင်မှ တွေးကြည့်ဖူးကြပါလိမ့်မယ်။

သားသမီးတွေ ရဲ့ ခြေလှမ်းတိုင်း ဘေးကင်းဖို့ သူတို့ရဲ့ ညတွေကို အိပ်စက်အနားယူဖို့ မေ့ပစ်ခဲ့ကြတယ်။

သားသမီးတွေ ရဲ့ ဝမ်းဗိုက်ပြည့်အင့်နေဖို့ သူတို့ရဲ့ ဆာလောင်မှုကို မျက်ကွယ်ပြုခဲ့ကြတယ်။

သားသမီးတွေရဲ့ အနာဂတ်လှပဖို့ သူတို့ရဲ့ ကိုယ်ပိုင်အိပ်မက်တွေကို စတေးခဲ့ကြတယ်။

ဒါကြောင့် သားသမီးတွေ ဘဝ ပြည့်စုံမူရှိဖို့အတွက် သူတို့ရဲ့ မပြည့်စုံမှုတွေနဲ့ လဲလှယ်ယူထားတာကြသူတွေပါ။

ကိုယ့်ရဲ့ ပျော်ရွှင်မှုတိုင်းဟာ သူတို့ရဲ့ ချွေးစက်သွေးစက်တွေနဲ့ တည်ဆောက်ထားတယ်ဆိုတာကို ဘယ်တော့မှ မမေ့ပါနဲ့။ မျက်ကွယ်မပြုမိစေပါနဲ.။

သူတို့ရဲ့ ကြမ်းတမ်းခဲ့တဲ့ လက်ဖဝါးတွေ၊ ပင်ပန်းနွမ်းနယ်ခဲ့တဲ့ မျက်ဝန်းတွေကို အချိန်ခဏပေးပြီး ကြည့်ကြည့်ပါ။

နားလည်တန်ဖိုးထားခြင်းထက် ကြီးမြတ်တဲ့ ကျေးဇူးဆပ်ခြင်းဟာ လောကမှာ မရှိပါဘူး။

16/08/2025

ကိုယ့်အပေါ် လူတိုင်းကောင်းမယ်လို့ မမျော်လင့်နဲ့။

16/08/2025

အသက်အရွယ်ရလာတာနဲ့အမျှလူတယောက်ဟာ ဘယ်လိုနေရာမှာ ပါဝင်သင့်ပြီး၊ ဘယ်လိုနေရာကနေ ကျောခိုင်းထွက်လာရမလဲဆိုတာ သဘောပေါက်ရပါမယ်။

တန်ဖိုးအရှိဆုံးအရာဟာ အနိုင်ရခြင်းမဟုတ်ဘဲ၊ ကိုယ့်ရဲ့ စိတ်ငြိမ်းချမ်းမှုကို ထိန်းသိမ်းနိုင်ခြင်းဖြစ်တယ်ဆိုတဲ့ အမှန်တရားကို မြင်လာရတယ်။

ဒါကြောင့်ကိုယ်ရဲ့ စိတ်တည်ငြိမ် အေးချမ်းမူကို ဖျက်စီးဖို့ ဖိတ်ခေါ်နေတဲ့ ဒေါသစကားလုံးတွေနဲ့တွေ့ရင်၊ ကိုယ့်ရဲ့မာနကို လာစမ်းသပ်တဲ့ အငြင်းပွားမှုတွေနဲ့ကြုံရင်၊ အကျိုးမရှိတဲ့ တဲ့ ပြဿနာနွံအိုင်ထဲကို ဆွဲခေါ်ခံနေရတဲ့ အရှုပ်အထွေးတွေနဲ့ ရင်ဆိုင်ရရင် အဲ့ဒီနွံထဲကို ခြေတစ်လှမ်းတောင် မချမိပါစေနဲ့။

စိတ်လိုက်မာန်ပါ တုံ့ပြန်လိုက်ခြင်းဟာ သူတစ်ပါးထွန်းညှိတဲ့မီးကို ကိုယ့်ရဲ့စွမ်းအင်နဲ့ ဆက်ပြီးတောက်လောင်စေတာပဲ။ စကားနိုင်လုခြင်းဟာလည်း အတ္တနှစ်ခုရဲ့ အပြန်အလှန်ဖျက်ဆီးခြင်းကလွဲလို့ ဘာမှမပိုဘူး။

အဲ့ဒီအစား ကိုယ့်လုပ်ရမယ့် မှန်ကန်တဲ့အလုပ်တခုရှိတယ်။ အဲ့ဒါကတော့ တိတ်ဆိတ်စွာ ထွက်ခွာခြင်း ပါပဲ။

ကိုယ်လုပ်ရမှာက အငြင်းပွားဖို့မဟုတ်ဘူး၊ ရှင်းပြဖို့လည်း မဟုတ်ဘူး။ ကိုယ့်ရဲ့ တန်ဖိုးကို နားမလည်တဲ့နေရာ၊ ကိုယ့်ရဲ့ ငြိမ်းချမ်းမှုကို ဖျက်ဆီးနေတဲ့ ပတ်ဝန်းကျင်ကနေ ကိုယ့်ရဲ့ တည်ရှိမှုကို အပြီးတိုင် ထွက်ခွာလိုက်ဖို့ပဲ။

ဒီလိုထွက်ခွာလိုက်တာဟာ စိတ်ထဲကနေ သူတို့ကို အပြီးတိုင် ဖယ်ထုတ်လိုက်တာ၊ ကိုယ့်ရဲ့ အနာဂတ်မှာ သူတို့အတွက် ဘယ်လိုနေရာမျိုးမှ မပေးတော့ဘူးဆိုတဲ့ အပြီးသတ်ဆုံးဖြတ်ချက်ပဲဖြစ်တယ်။

အဲ့ဒါဟာ အရှုံးမဟုတ်ဘူး၊ ကိုယ့်ရဲ့ စိတ်ကိုအောင်နိုင်တဲ့ အကြီးမားဆုံး အောင်မြင်မူပဲဖြစ်တယ်။

16/08/2025

အိမ်ထောင်တစ်ခုရဲ့ သာယာပျော်ရွှင်မူကို တိုင်းတာချင်ရင် လင်နဲ့မယားဟာ တယောက်နဲ့ တယောက် လေးစားမှုနဲ့ မျှတမူ ဘယ်လောက်ရှိသလဲဆိုတဲ့ အပေါ်မှာ မှီတည်ပါတယ်။။

ယောကျ်ားဖြစ်သူက အိမ်ထောင်ဦးစီး ဆိုတဲ့ ဂုဏ်ပုဒ်ကို အလွဲသုံးပြီး ဇနီးသည်ရဲ့ ဉာဏ်ပညာ၊ အကြံဉာဏ်ပေးမူနဲ့ ခံစားချက်တွေကို နှိမ့်ချဖိနှိပ်မယ်ဆိုရင် ဒါဟာ အိမ်ရဲ့ အဓိကဒေါက်တိုင်တစ်တိုင်ကို ကိုယ်တိုင်ပဲ ပုဆိန်နဲ့ ထွင်းနေသလိုပါပဲ။

အချိန်ကြာလာတဲ့အခါ အဲ့ဒီတိုင်ဟာ ယိုင်နဲ့လာမယ်၊ အိမ်တစ်ခုလုံးရဲ့ ဝန်ကို မနိုင်တော့ဘဲ တစ်နေ့မှာတော့ ပြိုလဲပျက်စီးခြင်းဆီကိုပဲ ဦးတည်သွားမှာ အသေအချာပါပဲ။

အဲ့ဒီလိုအိမ်မျိုးမှာလည်း အိမ်ထောင်သာယာမူဆိုတာ ဘယ်တော့မှ‌ ရှိနိုင်မှာ မဟုတ်ပါဘူး။

မေတ္တာဓာတ်ခံပြည့်ဝတဲ့ ခင်ပွန်းတစ်ယောက်ဟာ ဇနီးသည်ကို သူ့ရဲ့ လက်အောက်ငယ်သားလို မသတ်မှတ်ဘဲ၊ ဘဝခရီးရဲ့ အဖော်မွန်၊ ပါရမီဖြည့်ဖက်အဖြစ် တန်ဖိုးထားတယ်။

အခက်အခဲမှန်သမျှကို အတူတိုင်ပင်တယ်။ သူမရဲ့ အမြင်ကို လေးစားတန်ဖိုးထားတယ်။

အဲ့ဒီအခါမှာတော့ အိမ်ထောင်ဆိုတဲ့ ဒေါက်တိုင် နှစ်တိုင်ဟာ အပြန်အလှန် ထောက်ကန်အားဖြည့်ပြီး အိမ်ထောင်တစ်ခုလုံးကို မုန်တိုင်းထန်တဲ့ လောကဓံကြားမှာတောင် မားမားမတ်မတ် ရပ်တည်နိုင်အောင် စောင့်ရှောက်ပေးနိုင်ပါတယ်။

အဲ့ဒီလို အိမ်ထောင်မျိုးကသာ ကြီးပွားတိုးတက်ခြင်းဆိုတဲ့ အသီးအပွင့်တွေနဲ့ ဝေဆာပြီး ပျော်ရွှင်ချမ်းမြေ့ခြင်းဆိုတဲ့ အရိပ်အာဝါသကို ပေးစွမ်းနိုင်မှာပါ။

16/08/2025

ဘဝခရီးတစ်ဝက်လောက်ကို လျှောက်လှမ်းပြီးတဲ့အခါမှာ အချိန်နဲ့ စိတ်စွမ်းအင်ဟာ ဘယ်လောက်တန်ဖိုးရှိတယ်ဆိုတာကို လူတိုင်းနားလည်လာကြတယ်။

လူငယ်ဘဝတုန်းကလို လူတိုင်းကို မိတ်ဆွေဖွဲ့၊ အသိုင်းအဝိုင်းတိုင်းထဲ ခြေစုံပစ်ဝင်ဖို့ထက် ကိုယ့်ရဲ့ တည်ငြိမ်အေးချမ်းတဲ့ ကမ္ဘာလေးကို ကိုယ်တိုင်ဖန်တီးနိုင်ဖို့က ပိုအရေးကြီးလာတယ်။

ကိုယ့် ရဲ့ တည်ငြိမ်အေးချမ်းမူတွေကို ဖျက်ဆီးမယ့် ဒေါသကြီးသူတွေ၊ ကိုယ့်ရဲ့ ရေလောင်း ပေါင်းသင်းမူတွေကို အသိအမှတ်မပြုဘဲ အမြစ်ကိုပါ ခြောက်သွေ့စေမယ့် ကျေးဇူးတရားမဲ့သူတွေ၊ သူတစ်ပါးအကြောင်းတွေပြောပြီး ကိုယ့်ရဲ့စိတ်ကို ရူပ်ထွေးအောင်လုပ်မယ့် အတင်းအဖျင်းသမားတွေ နဲ့ အဝေးဆုံးမှာ နေထိုင်ဖို့စိတ်ကူး အကောင်ထည်ဖော်ပါ။

ကိုယ့်ရဲ့ စိတ်ကို ကြည်လင်လန်းဆန်းစေတဲ့သူတွေ၊ ကိုယ့်ရဲ့ ပျော်ရွှင်မှုကို မြင်ရင် ပီတိဖြစ်ပြီး အတူတကွ ဝမ်းမြောက်ပေးနိုင်တဲ့သူတွေကိုသာ ကိုယ့်နှလုံးသားထဲမှာ နေရာပေးပါ။

ဒီနိယာမဟာ သွေးသားတော်စပ်မှု၊ ခင်မင်ရင်းနှီးမှုဆိုတဲ့ အမည်တပ်ထားတဲ့ နံရံတွေကိုပါ ဖြိုဖျက်ပစ်နိုင်စွမ်းရှိတယ်။

ဆွေမျိုးမတော်စပ်ပေမယ့် ကိုယ့်ကို စိတ်ချမ်းသာစေရင် သူဟာ ကိုယ့်ရဲ့ မိတ်ရင်းတွေကောင်းပါပဲ။

သွေးသားအရင်းအခြာဖြစ်ပေမယ့် ကိုယ့်ကို စိတ်ဆင်းရဲစေရင်တော့ သူဟာ ကိုယ်နဲ့ အဝေးမှာ နေသင့်တဲ့သူပါပဲ။

အမှန်တကယ်တော့ ကိုယ့်ရဲ့ မိတ်ကောင်း၊ ဆွေမွန်စစ်စစ်ဆိုတာဟာ ရာထူးဂုဏ်ရှိန်၊ ခင်မင်မှုသက်တမ်းတွေနဲ့ တိုင်းတာလို့ရတဲ့အရာမဟုတ်ဘဲ၊ကိုယ့်ရဲ့ စိတ်ကို အေးချမ်းမူအစစ်ပေးနိုင်သလားဆိုတဲ့ တန်ဖိုးနဲ့သာ တိုင်းတာရမှာဖြစ်ပါတယ်။

16/08/2025

"အိမ်ထောင်ရေးဆိုတာ အိမ်တစ်လုံးလိုပဲ”

ခိုင်မာတဲ့ အခြေခံအုတ်မြစ်တွေနဲ့ တည်ဆောက်ရတယ်။ နေ့စဉ် ပြုပြင်ထိန်းသိမ်းရတယ်။ ပြီးတော့ ချစ်ခြင်းမေတ္တာတွေနဲ့ ဖြည့်စွက်ပေးနေရတယ်။

16/08/2025

“အကောင်းဆုံးအိမ်ထောင်ရေးဆိုတာ”

ပြဿနာလုံးဝမရှိတဲ့ အိမ်ထောင်ရေးမဟုတ်ဘဲ၊ ပြဿနာတွေကို နှစ်ယောက်အတူတူ လက်တွဲဖြေရှင်းနိုင်တဲ့ အိမ်ထောင်ရေးဖြစ်ပါတယ်။

16/08/2025

အသွေးအသားထဲမှာ ကိန်းအောင်းနေပြီးသား မူလဗီဇဆိုတာဟာ မေတ္တာရေစင်နဲ့ ဖျန်းပက်ပြီး ပြုပြင်လို့ရတဲ့ အရာမျိုးမဟုတ်ဘူး။ ဗီဇပါရင် ဘာနဲ့မှဖျောက်လို့မရဘူး။

Media One

17/08/2025

17/08/2025

17/08/2025

17/08/2025

16/08/2025

16/08/2025

16/08/2025

16/08/2025

16/08/2025

16/08/2025

16/08/2025

16/08/2025

ที่อยู่

เว็บไซต์

แจ้งเตือน

ทางลัด

แชร์

ประเภท