Kachin Star

နေ့စဉ်ထူးခြားသတင်းများကို ကြည့်ရူနိုင်ရန် Kachin Star Page ကို Follow လုပ်ထားလိုက်ပါ။
‌မြန်မာပြည်သူအပေါင်းဘေးရန်အပေါင်းမှ ကင်းဝေးနိုင်ကြပါစေ။

29/06/2026

မန္တလေး-နေပြည်တော် အမြန်လမ်းပေါ်တွင် ထောက်ပို့တပ် ၁၂၁ အတွက် ရိက္ခာဆန် တင်သွင်းပေးနေသူ အငြိမ်းစားဗိုလ်ကြီးသိန်းဇော်ဦး ဖမ်းဆီးခံထားရ (ရုပ်/သံ)

ရုပ်သံအပြည့်အစုံသွားရောက်ကြည့်ရူရန် - https://youtu.be/J57KSrAEfB4?si=ljsGl8c24Znqep_K

ရန်ကုန်၊ ဇွန် ၂၉

မန္တလေး-နေပြည်တော် အမြန်လမ်းပေါ်တွင် အလယ်ပိုင်းတိုင်းစစ်ဌာနချုပ် (နန်းတွင်း) လက်အောက်ရှိ ထောက်ပို့တပ်ရင်း (၁၂၁) အတွက် ရိက္ခာဆန်တင်သွင်းပေးနေသူ အငြိမ်းစားဗိုလ်ကြီးသိန်းဇော်ဦးသည် ဖမ်းဆီးခံထားရကြောင်း စစ်တပ်အတွင်း သတင်းရင်းမြစ်များကိုကိုးကား၍ CDM ဗိုလ်ကြီး ဇင်ယော်က ပြောဆိုသည်။

ဇွန်လ ၁၇ ရက်နေ့ ညပိုင်း အငြိမ်းစားဗိုလ်ကြီးသိန်းဇော်ဦးသည် မန္တလေး- နေပြည်တော် အမြန်လမ်း မိုင်တိုင်အမှတ် ၃၂၀ တွင် ဖမ်းဆီးခံလိုက်ရခြင်းဖြစ်ကြောင်း၊ ဖမ်းဆီးခံရသူ အငြိမ်းစား ဗိုလ်ကြီးသိန်းဇော်ဦးသည် မန္တလေးတိုင်းဒေသကြီးစစ်မှုထမ်းဟောင်းကြီးကြပ်ရေးအဖွဲ့ လက်အောက်ရှိ ချမ်းမြသာစည်မြို့နယ် စစ်မှုထမ်းဟောင်းအဖွဲ့ဝင်ဖြစ်ပြီး ချမ်းမြသာစည်မြို့နယ် အလုပ်အမှုဆောင်အဖွဲ့ (EC) အဖွဲ့ဝင်တစ်ဦးလည်း ဖြစ်ကြောင်း သိရှိရသည်။

အငြိမ်းစား ဗိုလ်ကြီးသိန်းဇော်ဦးသည် ၂၀၂၆ ခုနှစ် ဇွန်လ ၁ ရက်နေ့မှစတင်၍ စစ်မှုထမ်းဟောင်းအဖွဲ့နှင့် အဆက်အသွယ် ပြတ်တောက်နေခဲ့ပြီး ဇွန်လ ၁၄ ရက်နေ့တွင် အလယ်ပိုင်းတိုင်းစစ်ဌာနချုပ် နန်းတွင်းရှိ ထောက်ပို့တပ်ရင်း (၁၂၁) ၌ ရိက္ခာဆန်ကိစ္စ ဆောင်ရွက်နေကြောင်း နောက်ဆုံးအကြိမ် ဆက်သွယ်နိုင်ခဲ့သည်ဟု သိရသည်။

ထို့နောက် ဇွန်လ ၁၇ ရက်နေ့တွင် မန္တလေးမြို့မှ ထွက်ခွာလာစဉ် မန္တလေး-နေပြည်တော် အမြန်လမ်းတစ်နေရာ၌ ဖမ်းဆီးခံခဲ့ရသည်ဟု ဇနီးဖြစ်သူ ဒေါ်နီလာအောင်က စစ်မှုထမ်းဟောင်းအဖွဲ့ထံ အကြောင်းကြားခဲ့ပြီး ယင်းသတင်းကို ချမ်းမြသာစည်မြို့နယ် စစ်မှုထမ်းဟောင်းအဖွဲ့ ဥက္ကဋ္ဌ အငြိမ်းစားဗိုလ်ကြီး ကျော်စိုးက အထက်အဆင့်သို့ တင်ပြခဲ့ကြောင်း သိရှိရသည်။

CDM ဗိုလ်ကြီး ဇင်ယော်ကလည်း အငြိမ်းစားဗိုလ်ကြီးသိန်းဇော်ဦးသည် စစ်ကောင်စီ၏ ထောက်ပို့တပ်ရင်း (၁၂၁) အတွက် ရိက္ခာဆန် တင်သွင်းပေးနေသူဖြစ်ကြောင်းနှင့် မန္တလေး-နေပြည်တော် အမြန်လမ်းတစ်နေရာတွင် ဖမ်းဆီးခံထားရကြောင်း ပြောဆိုထားသည်။

လက်ရှိတွင် အငြိမ်းစားဗိုလ်ကြီးသိန်းဇော်ဦးကို မည်သည့်အဖွဲ့က ဖမ်းဆီးထားပြီး မည်သည့်နေရာတွင် ထိန်းသိမ်းထားကြောင်းနှင့် ၎င်း၏ နောက်ဆက်တွဲအခြေအနေများကို သီးခြားအတည်ပြုနိုင်ခြင်း မရှိသေးပေ။

အငြိမ်းစား ဗိုလ်ကြီး သိန်းဇော်ဦး ဖမ်ဆီးခံရသော ဗီဒီယိုကို ဇနီးဖြစ်သူ ဒေါ်နီလာအောင်က လက်ခံရရှိထားပြီး သိန်း ၅၀၀၀ ဖြင့် ရွေးယူရန် အကြောင်း ကြားမှုကိုပါ ရရှိထားကြောင်း သိရှိရသည်။

27/06/2026

အသိတရားနည်းတဲ့ ခွေးနှစ်ကောင် 😅

27/06/2026

ဖားကန့်မြို့၊ နမ့်မဖြစ်ကျေးရွာမှာ ငွေကျပ် သိန်း ၁၀,၀၀၀/-ကျော် ဓားပြတိုက်ခံရ
၂၀၂၆ခုနှစ်၊ဇွန်လ(၂၇)ရက်

ဖားကန့်မြို့၊ နမ့်မဖြစ်ကျေးရွာ၊ ရပ်ကွက်(၂)ရှိ ကျောက်ကုန်သည်တစ်ဦးအိမ်မှာ ဇွန်(၂၆)မနေ့ည(၉)နာရီခန့်က ကျပ်သိန်း ၁၀,၀၀၀/-ကျော် ဓားပြတိုက်ခံခဲ့ရတယ်လို့ ‌ဖားကန့်သတင်းအရင်းအမြှစ်တွေက ပြောပါတယ်။ ယခုလ(၁၆)ရက်နေ့ကလည်း နမ့်မဖြစ်ရွာ၊ ရပ်ကွက်(၃)မှာ ကျောက်လုပ်ငန်းရှင်တစ်ဦး ဓားပြတိုက်ခံရပြီး ကျပ်ငွေသိန်း ၂,၀၀၀/-ကျော် ပါသွားတယ်လို့ သိရပါတယ်။

လုံးခင်းဘက်က ဓားပြတိုက်လုယက်မှုတွေနဲ့ပတ်သက်ပြီး လုံးခင်းဒေသခံတစ်ဦးရဲ့အဆိုအရ
"ညဘက်ဆိုရင် အိမ်နီးချင်း၃/၄အိမ် စုအိပ်ကြရတာ ဘယ်အချိန်ခြံကျော်ဝင်လာမလဲကိုလဲ ကြောက်နေရတာ ညတိုင်းပဲ" "ဓာပြတိုက်ခံရတာကို လိုင်းပေါ်တင်ရင် အိမ်ကိုမီးရှို့မယ်လို့ ခြိမ်းခြောက်တယ်၊ ဘာမှကိုမပြောရဲဘူး တိုင်စရာလဲမရှိဘူး" လို့ ဓားပြတိုက်ခံခဲ့ရဖူးတဲ့ အမည်မဖော်လိုသူတစ်ဦးက ပြောပါတယ်။

ဓားပြမှုတွေ မကြာခဏ ဖြစ်ပွားလျက်ရှိတဲ့ ဖားကန့်နဲ့လုံးခင်းဒေသတွေဘက်မှာ လူ(၅)ဦးပါဝင်တဲ့ ဓားပြအဖွဲ့ကို KIA/KPDF က ဖမ်းမိထားတယ်လို့ သတင်းတွေထွက်ပေါ်ခဲ့ပေမယ့်လည်း ဒေသတွင်းဓားမြမှုတွေကတော့ ဖြစ်ပွားလျက်ရှိနေပါတယ်။

#လုံးခင်း #ဖားကန့်
#ဓားပြမှု
#ပြည်သူမှပြည်သူသို့သတင်းအချက်အလက်မျှဝေခြင်း

27/06/2026

ချစ်စရာလေး ❤️

27/06/2026

🇧🇫ကချင်ပြည်နယ် မိုးညှင်းမြို့ ရှိလူငယ်များကို SNA စစ်သားသစ်စုဆောင်းပြီး စကစတပ်ထံ လွဲပြောင်းပေးနေကြောင်း သတင်းထွက်လာ

27/06/2026

ပေကျင်း၏ အမြင့်ဆုံး အဆောက်အအုံပေါ်သို့ လေယာဉ်ငယ် ၁ စီး ပျက်ကျ

တရုတ်နိုင်ငံ ပေကျင်းမြို့၏ အမြင့်ဆုံးအဆောက်အအုံဖြစ်သော စီတစ်တာဝါပေါ်သို့ မော်တော်ကားတစီးခန့်အရွယ်ရှိသော လေယာဉ်တစီး ဇွန်လ ၂၆ ရက်နေ့က ပျက်ကျခဲ့ကြောင်း မျက်မြင်သက်သေ နှစ်ဦးက ရိုက်တာသတင်းဌာနသို့ ပြောကြားခဲ့သည်။ ထိုအချိန်တွင် ရဲတပ်ဖွဲ့က မိုးမျှော်တိုက်ကြီး အနီးတဝိုက်ရှိ လမ်းများကို ပိတ်ဆို့ထားခဲ့ပြီး ဖြတ်သန်းသွားလာသူများကိုလည်း အခင်းဖြစ်ပွားရာနေရာအား ဗီဒီယိုရိုက်ကူးခြင်း မပြုရန် တားမြစ်ခဲ့သည်။

စီတစ်တာဝါ (သို့မဟုတ်) ချိုင်းနားဇွန်း ဟု လူသိများသည့် ဤအဆောက်အအုံသည် ပေကျင်းမြို့၏ ဗဟိုစီးပွားရေးဇုန်တွင် တည်ရှိပြီး ၁၀၈ ထပ်ရှိသော မိုးမျှော်တိုက်ကြီးတခု ဖြစ်သည်။ ၎င်းသည် နိုင်ငံပိုင် စီပွားရေးလုပ်ငန်းစုကြီးဖြစ်သော CITIC Group ၏ ဌာနချုပ်လည်း ဖြစ်သည်။

အခင်းဖြစ်ပွားရာနေရာတွင် ရဲတပ်ဖွဲ့ဝင်အမြောက်အမြား ချထားပြီး အဆောက်အအုံသို့ သွားရာလမ်းအချို့ကို ကားများ ဖြတ်သန်းခွင့်မပြုဘဲ ပိတ်ထားခဲ့သည်။ ရဲတပ်ဖွဲ့သည် လူအချို့ကို ဓာတ်ပုံရိုက်ခြင်းမှ တားဆီးခဲ့သလို၊ အခြားသူများကိုလည်း ရိုက်ကူးထားသည့် ဓာတ်ပုံများအား ဖျက်ပစ်ရန် ခိုင်းစေခဲ့ပြီး လူစုလူဝေးကို အဆောက်အအုံနှင့် ဝေးရာသို့ မောင်းထုတ်ခဲ့သည်။

အဆောက်အအုံ၏ အထပ်မြင့်တခုရှိ မှန်ချပ်နှစ်ချပ် ပျက်စီးသွားခဲ့သည်။ ယင်းဖြစ်စဉ်နှင့်ပတ်သက်၍ တရားဝင် ထုတ်ပြန်ချက် ချက်ချင်းထွက်ပေါ်မလာသေးပါ။ ရုံးပိတ်ချိန်ပြင်ပ ဖြစ်နေသဖြင့် ရိုက်တာသတင်းဌာနက ဖက်စ် ဖြင့် ဆက်သွယ်မေးမြန်းမှုကို ပေကျင်းစည်ပင်သာယာရေးအစိုးရအဖွဲ့က ချက်ချင်း ပြန်လည်ဖြေကြားခြင်း မရှိသေးပေ။

အဆောက်အအုံအနီးတွင် ရိုက်တာနှင့် စကားပြောခဲ့သည့် ပါဆယ်ပို့ဆောင်သူ တဦးက ဒေသစံတော်ချိန် ညနေ ၆ နာရီခန့်တွင် အနီးအနားတနေရာ၌ ရှိနေစဉ်၊ မော်တော်ကားတစီးအရွယ်ရှိသည့်လေ ယာဉ်တစီး အဆောက်အအုံကို တိုက်မိပြီး ကျယ်လောင်သော အုန်းခနဲမြည်သံကြီး ကြားရသဖြင့် စီတစ်တာဝါထံသို့ အပြေးအလွှား သွားရောက်ခဲ့ကြောင်း ပြောသည်။

"အသံက အရမ်းကျယ်တာ၊ ဗျောက်အိုးဖောက်သံထက်တောင် ကျယ်သေးတယ်" ဟု ၎င်းက ဆိုသည်။

၎င်းက အဆောက်အအုံတွင် ညပ်နေသည့် လေယာဉ်၏ ဗီဒီယိုကို ရိုက်ကူးခဲ့သော်လည်း ရဲတပ်ဖွဲ့၏ ဖမ်းဆီးခြင်းခံရမည်ကို ကြောက်ရွံ့သဖြင့် နောက်ပိုင်းတွင် ပြန်ဖျက်ပစ်ခဲ့ကြောင်း ပြောကြားခဲ့သည်။

ရိုက်တာနှင့် စကားပြောခဲ့သည့် အခြားပါဆယ်ပို့ဆောင်သူတဦးကမူ အဆောက်အအုံဘေးရှိ လမ်းပေါ်တွင် လေယာဉ်ငယ်တစီး၏ ပျက်စီးနေသော အစိတ်အပိုင်းများကို ပြသနေသည့် အတည်မပြုနိုင်သေးသော လူမှုကွန်ရက်ဓာတ်ပုံများကို မြင်တွေ့ရပြီးနောက် အခင်းဖြစ်ပွားရာနေရာသို့ သွားရောက်ခဲ့ခြင်းဖြစ်ကြောင်း ပြောသည်။

ဇွန်လ ၂၆ ရက်နေ့က တင်ခဲ့သည့် အဆိုပါအဆောက်အအုံနှင့် ပတ်သက်သော ပို့စ် များကို တရုတ်လူမှုကွန်ရက်စာမျက်နှာများပေါ်မှ အလျင်အမြန် ဖယ်ရှားပစ်ခဲ့ကြသည်။ Xiaohongshu အက်ပ် (App) တွင် ထိုအဆောက်အအုံအမည်ဖြင့် ရှာဖွေရာ၌ ဇွန်လ ၂၅ ရက်နေ့က တင်ထားသည့် ပို့စ်များသာ ကျန်ရှိတော့သည်။

အဆောက်အအုံပတ်ပတ်လည်ရှိ လမ်းများတွင် ရဲကားအစီးရေ ဒါဇင်ပေါင်းများစွာနှင့် မီးသတ်ကားအချို့ တန်းစီရပ်ထားခဲ့ကြသည်။

ရဲအရာရှိတဦးက ရိုက်တာသတင်းထောက်များကို အခင်းဖြစ်ပွားရာနေရာမှ ထွက်ခွာသွားရန် ပြောကြားခဲ့သည်။ ဘာကြောင့် ထွက်ခွာရသလဲဟု မေးမြန်းရာတွင် အဆိုပါရဲအရာရှိက "ငါတို့အားလုံး ဘာကြောင့်လဲဆိုတာ သိကြသားပဲ။" ဟု ပြန်လည်ဖြေကြားခဲ့သည်။

Reuters သတင်းဌာန၏သတင်းတပုဒ်ဖြစ်သော "Small aircraft crashes into Beijing’s tallest building, say witnesses" ကို ဘာသာပြန်သည်။

#တရုတ်နိုင်ငံပေကျင်းမြို့
#စီတစ်တာဝါ
#လေယာဉ်ပျက်ကျ