YATHA KOE MYO

YATHA KOE MYO ရသကိုးပါး များခံစား ကြည်ပြနှလုံးရွှင်လန်းကြပါစေ

10/11/2024

3MIT Lifetime Class သင်တန်း သူ/သားများ ဒီ ပိုစ့်ကို အများမြင်စေ သိစေရန် share သွားခြင်းဖြင့် ကူညီကြပါ လို့

Online ပေါ်မှာ မဟုတ်တမ်းတရား စွပ်စွဲပြောဆို လုပ်ရပ်များ ရပ်တန်းက ရပ်ဖို့ ထပ်ဆင့် သတိပေးပါရစေ..

ထပ် နှောက်ယှက် သူများ သက်သေနဲ့တကွ ချပြ ပြီး တရားဥပဒေနဲ့အညီ တရားစွဲဆိုမည်။

SMH သင်တန်း Gpထဲမှာ သင်တန်းသား အကောင့် ကိုယူပြီး သင်ခန်းစာ -ခိုး -လေ့လာ ပြီး service လုပ်နေတာကို သိသိ လျက်နဲ့ မသိချင်ယောင်ဆောင် ပြီး...

ကျွန်မတို့ ခွင့်လွှတ်‌ပေး ခဲ့ပေမယ့်
ကျွန်မတို့ကိုပါ‌ စော်ကားပြောဆိုနေခြင်း။
သင်တန်းသားများကို စေ့ဆော်ခြင်း။
vd များ ..ခိုး..ဒေါင်းထားခြင်းများ။

ရပ်တန်း က ရပ်ဖို့ ထပ်ဆင့်သတိပေးလိုက်ပါသည်။

(သတင်းစာ၌ ထည့်သွင်းကာ
အများသိစေရန် ကြေငြာချက်။)

05/09/2023

ရသကိုးပါး
ရသစာပေဆိုတာဘာလဲ.....?
ရသစာပေဆိုတာ နှလုံးသားနဲ့စိတ်ခံစားမှုကို တိုးတက်စေတဲ့ စာပေမျိုးပါ..။
ရသ ဘယ်နှစ်မျိုးရှိလဲ?....
ရသအမျိုးအစား (၉) မျိုး ရှိပါတယ်....
(၁)ဝီရရသ
(၂)သင်္ဂါရ ရသ
(၃)ဟာသ ရသ
(၄)ဂရုဏာ ရသ
(၅)ရုဒ္ဒ ရသ
(၆)ဘယာနက ရသ
(၇)ဝိဘစ္ဆ ရသ
(၈)အဗ္ဘုတ ရသ
(၉)သန္တ ရသ
အကျယ်ရှင်းပြရရင် နံပါတ် (၁) ဝီရ ရသ ကတော့ စာအုပ်တစ်အုပ်၊ ဝတ္ထုတစ်ပုဒ်၊ဇတ်ကားတစ်ကားကို ဖတ်ပြီး၊ကြည့်ပြီးလို့ ကိုယ့်စိတ်မှာ ရဲရင့်လာတယ် သတ္တိရှိလာတယ် ဆိုတဲ့ စိတ်ဖြစ်ပေါ်လာရင် ဒါဟာ ဝီရ ရသကို ခံစားရတာဖြစ်ပါတယ်။ ဥပမာ စစ်သူကြီးမဟာဗန္ဓုလအကြောင်းဖတ်ပြီးတဲ့အခါ ဗန္ဓုလကဲ့သို့ ရဲရင့်လာလိုခြင်းမျိုးဖြစ်ပါတယ်...။
နံပါတ်(၂) သင်္ဂါရ ရသ မှာ စာအုပ်တစ်အုပ်၊ ဝတ္ထုတစ်ပုဒ်၊ ဇတ်ကားတစ်ကားကို ဖတ်ပြီး၊ ကြည့်ပြီးတဲ့အခါ ကိုယ့်စိတ်မှာ မိမိကိုယ်ကိုဖြစ်စေ၊ စာအုပ်ထဲတွင်ပါသော ဇာတ်ဆောင်တစ်ဦးဦးကို ဖြစ်စေ ချစ်ခင်လာတဲ့ စိတ် ဖြစ်ပေါ်လာတာမျိုးပါ။ ဥပမာ မိမိကိုယ်ကိုချစ်ပါ ဆိုတဲ့ ဆောင်းပါးကိုဖတ်ပြီး မိမိကိုယ်ကို ပိုပြီး ချစ်စိတ်ဖြစ်လာတယ်ဆိုရင် ဒါဟာ သင်္ဂါရ ရသကို ခံစားရတာပါ..။
နံပါတ်(၃) ဟာသရသ ၊ ဒီရသကတော့ အထူးတလည်ရှင်းပြနေဖို့လိုမယ် မ
ထင်ပါဘူး... ဟာသဝတ္ထုတစ်အုပ်ကို ဖတ်ပြီး ရယ်မိတယ် ပြုံးမိတယ်ဆိုရင် ဒါဟာ ဟာသရသ ခံစားရတာပါ..။
နံပါတ် (၄) ရသကတော့ ဂရုဏာရသပါ..၊ သနားကြင်နာခြင်း လို့ ခေါ်ပါတယ်..။ ဒဿမတန်း မြန်မာစကားပြေ စာအုပ်ထဲက မိတဆိုးရှင်ပြုဆောင်းပါးကို ဖတ်ပြီးချိန်မှာ ကိုထွန်းကျော်နဲ့ မိတဆိုးသားလေး ငပုကို သနားကြင်နာစိတ်ဖြစ်ပေါ်လာတာမျိုးပါ..။ ဒါကို ဂရုဏာရသလို့ ဆိုပါတယ်..။
နံပါတ် (၅) ရုဒ္ဒရသ ကဟာ ခက်ထန်ကြမ်းကြုတ်ခြင်း ၊ တစ်နည်းအားဖြင့် ဒေါသထွက်ခြင်း၊ စိတ်တိုခြင်း၊ အမျက်ထွက်ခြင်း စသည်ဖြင့် ခေါ်ဆိုပါတယ်။ ဒါဟာလည်း အကျယ်တဝင့်ရှင်းပြစရာမလိုပါဘူး.. စာတစ်အုပ်၊ဝတ္ထုတစ်ပုဒ်ကြောင့် ဒေါသထွက်သွားတယ် စိတ်တိုသွားတယ်ဆိုရင် ဒါဟာ သင့်ကို သင့်ဖတ်လိုက်တဲ့အရာက ပေးတဲ့ ရုဒ္ဒရသ ပါ..။
နံပါတ် (၆) ဘယာနက ရသ ။ ဒီရသရဲ့ အဓိပ္ပါယ် ကတော့ ကြောက်ရွံ့ထိတ်လန့်ခြင်း လို့ ဆိုပါတယ်..။ သရဲတစ္ဆေဝတ္ထုနဲ့ စိတ္တဇလူသတ်ဝတ္ထုတို့မှာ ဒီရသကို အများဆုံးတွေ့ရနိုင်ပါတယ်..။
နံပါတ် (၇) ဝိဘစ္ဆရသ.. ။ စက်ဆုပ်ရွံရှာခြင်း၊စက်ဆုပ်ရွံမုန်းခြင်း လို့ ဆိုပါတယ်။ သင်မကြိုက်တဲ့အရာ ရေးထားတာကို ဖတ်မိလို့ဖြစ်စေ၊ သင်ကြိုက်တဲ့အရာကို အပျက်သဘောနဲ့ရေးထားသည်ကို ဖတ်မိ၍ ဖြစ်စေ ထိုကဲ့သို့ စာများကို ဖတ်မိသည့်အခါ ဤရသကို ခံစားရတတ်ပါတယ်။ ဥပမာ စာရေးသူကို ရွံရှာမုန်းတီးခြင်း။
နံပါတ် (၈) ကတော့ အဗ္ဘုတ ရသ ဖြစ်ပါတယ်။ ဒီရသရဲ့ အဓိပ်ပါယျ ကတော့ အံ့သြခြင်း ပါ။ ဇာတ်လမ်းထဲမှာ ထင်မထားတဲ့ အရာတစ်ခုကြောင့် စာဖတ်သူကို အံ့သြ သွားစေရင် ဒါဟာ အဗ္ဘုတ ရသ ခံစားရတာပါ။
နောက်ဆုံး နံပါတ် (ကိုး) ကတော့ သန္တရသ ဖြစ်ပါတယ်။ အဓိပ္ပါယ် မှာ ငြိမ်းချမ်းခြင်း၊ ငြိမ်းအေးခြင်း ဖြစ်ပါတယ်။ ဥပမာ တရားစာအုပ်တစ်အုပ်ဖတ်မိတဲ့အခါ ကိုယ့်ရဲ့စိတ်မှာ ငြိမ်းချမ်းသွားတာမျိုးကို သန္တရသ လို့ ဆိုပါတယ်.။
တစ်ခါတစ်ရံ အကြောင်းအရာတစ်ခုတည်းမှာပင် ရသ နှစ်မျိုး သုံးမျိုး လောက်နှင့်အထက် ခံစားရတာမျိုး ရှိတတ်ပါတယ်။ ဥပမာပြောရမယ်ဆိုရင် ဇာတ်လမ်းက နှစ်ပေါင်းများစွာပေါက်ကွဲခြင်းမရှိတော့တဲ့ မီးတောင်နားမှာရှိတဲ့ မြို့လေးတစ်မြို့အကြောင်း ဆိုပါစို့။ မြို့ထဲကလူတွေကလည်း မီးတောင်သေကြီးဆိုပြီး အမှုမဲ့အမှတ်မဲ့ပျော်ပျော်ရွှင်ရွှင် နေနေကြတယ်။ တစ်နေ့မှာ ရုတ်တရက် မီးတောင်ကြီးပေါက်ကွဲပြီးတော့ ချော်ရည်ပူတွေ မြို့ထဲစီးဝင်ကာ လူနေအိမ်တွေပျက်စီး၊ လူအနည်းငယ် သေကြေပျက်စီးရတဲ့ ဇာတ်လမ်း။ ဒီမှာ ဘာတွေ့ရမလဲဆိုရင် မြို့ထဲကလူတွေ မီးတောင်ကြီးနားမှာ ပျော်ပျော်ရွှင်ရွှင် နေနေချိန်မှာ စာဖတ်သူဟာလည်း စိတ်ထဲမှာ ပျော်ရွှင်နေမယ်။ ဒါဟာ ဟာသရသကို ခံစားရတာပါ။ အဲ့နောက် မီးတောင်ကြီးပေါက်ကွဲပြီး ချော်ရည်ပူတွေ မြို့ထဲစီးဝင်လာတော့ စာဖတ်သူရဲ့စိတ်မှာ နှစ်ပေါင်းများစွာ မပေါက်ကွဲဘဲရှိလာတဲ့ မီးတောင်ကြီး ပေါက်ကွဲလာတာကြောင့် ဘာလို့ပေါက်ကွဲတာပါလိမ့်ဆိုပြီး အံ့သြသွားမယ်..၊ နောက်တစ်ခု ထိတ်လန့်သွားမယ်...။ နောက် ချော်ရည်ပူတွေ မြို့ထဲဝင်လာပြီး နေအိမ်တွေပျက်စီး၊ လူတွေသေကြတော့ စာဖတ်သူရဲ့စိတ်မှာ သနားလာမယ်...။ ဒါဟာ အဗ္ဘုတရသရယ်၊ ဘယာနကရသရယ်၊ ဂရုဏာရသရယ်ကို တစ်ပြိုင်တည်းခံစားရတာပါ..။
ဝတ္ထုတိုင်းနီးပါး၊ ဆောင်းပါးတိုင်းနီးပါး၊ စာပေအားလုံးနီးပါးမှာ ရသတစ်မျိုးမဟုတ်တစ်မျိုးတော့ ပါပါတယ်။ စာဖတ်သူအနေနဲ့ ကိုယ်ခံစားရတာဟာ ဘာ ရသ လဲ သိစေချင်လို့ ခုလို တင်ပြရခြင်းဖြစ်ပါသည်။
စာပေဝါသနာရှင်များအားလုံးကို လေးစားပါသည်.....။

Crd မောင်ထွန်း(စီဇက်)

ที่อยู่

Bangkok

เบอร์โทรศัพท์

+66957709434

เว็บไซต์

แจ้งเตือน

รับทราบข่าวสารและโปรโมชั่นของ YATHA KOE MYOผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท