14/06/2026
🚨 ရန်ကုန်အနီး ၄ ရက်အတွင်း ငလျင် ၂ ကြိမ်လှုပ်၊ မြို့ခံများ စိုးရိမ်
ရန်ကုန်မြို့နဲ့ အနီးတစ်ဝိုက်မှာ ငလျင်တွေ ဆက်တိုက်လှုပ်ခတ်နေလို့ ဒေသခံတွေကြား စိုးရိမ်မှုတွေ ရှိနေပါတယ်။
📍 ယနေ့ငလျင်အခြေအနေ (ဇွန် ၁၄)
အချိန်: ညနေ ၅ နာရီ ၉ မိနစ်ခန့်
ပမာဏ: ရစ်ခ်တာစကေး ၄.၁ အဆင့်
ဗဟိုချက်: သန်လျင်မြို့နယ်၊ ပဲခူးမြစ်အနီးရှိ ရွာသစ်ကုန်းကျေးရွာ (မြေအောက်အနက် ၁၀ ကီလိုမီတာ)
ခံစားရမှု: လမ်းမတော်မြို့နယ် အပါအဝင် ရန်ကုန်မြို့ခံအချို့ ငလျင်လှုပ်ခတ်မှုကို သိသိသာသာ ခံစားခဲ့ရပါတယ်။
🕒 ၄ ရက်အတွင်း ဒုတိယအကြိမ်မြောက်
ပြီးခဲ့တဲ့ ဇွန်လ ၁၁ ရက်ကလည်း တွံတေးမြို့အနီးကို ဗဟိုပြုပြီး ရစ်ခ်တာစကေး ၄.၀ အဆင့် ငလျင်တစ်ခု လှုပ်ခတ်ခဲ့ပါသေးတယ်။ မေလနဲ့ ဇွန်လအတွင်း ရန်ကုန်မှာ ငလျင်တွေ မကြာခဏ လှုပ်ရှားနေတာ ဖြစ်ပါတယ်။
⚠️ ပညာရှင်များ၏ သတိပေးချက်
ရန်ကုန်မြို့ဟာ ဒေးဒရဲပြတ်ရွေ့၊ ရန်ကုန်မြစ်ဝအနီးရှိ ပြတ်ရွေ့များနှင့် ထိုးစိုက်ဇုန်များကြောင့် ငလျင်လှုပ်နိုင်ခြေ ရှိသလို၊ ပဲခူးအနီးက စစ်ကိုင်းပြတ်ရွေ့တောင်ဘက်စွန်း လှုပ်ရှားရင်လည်း ရန်ကုန်မှာ ပြင်းထန်တဲ့ သက်ရောက်မှု ရှိနိုင်တယ်လို့ ပညာရှင်တွေက သတိပေးထားပါတယ်။
