What are the opening hours?

Tuesday 10:00 - 19:00 Wednesday 10:00 - 19:00 Thursday 10:00 - 19:00 Friday 10:00 - 20:45 Saturday 10:00 - 19:00 Sunday 10:00 - 19:00

https://connect.viber.com/business/ca08c178-af9d-11ef-9846-729bf7a654c8?utm_source=manage&utm_medium=copy_link

Top Star Smart Gadgets, Yangon (2025)

23/09/2025

အင်္ဂလိပ်စာကို အခြေခံကနေ စနစ်ကျကျ လေ့လာနေသူများအတွက် မသိရင်၊ မဖြစ်တဲ့ Tense ၁၂ မျိုး

အင်္ဂလိပ်သဒ္ဒါမှာ "Tense" ဆိုတာကတော့ ကြိယာ (verb) ရဲ့ ပုံစံကို ပြောင်းလဲအသုံးပြုပြီး အလုပ်တစ်ခု (action) ဒါမှမဟုတ် အခြေအနေတစ်ခု (state) ဟာ ဘယ်အချိန်မှာ ဖြစ်ပျက်ခဲ့တယ်ဆိုတာကို ဖော်ပြတဲ့စနစ်တစ်ခု ဖြစ်ပါတယ်။ အဓိကအားဖြင့် အချိန်ကာလ (Time) သုံးမျိုးဖြစ်တဲ့ ပစ္စုပ္ပန် (Present), အတိတ် (Past) နဲ့ အနာဂတ် (Future) ကို မူတည်ပြီး ခွဲခြားထားပါတယ်။

Tense ၁၂ မျိုး

👉အင်္ဂလိပ်ဘာသာမှာ အဓိက Tense ၁၂ မျိုးရှိပြီး အောက်ပါ ပုံများတွင် ပြသထားသည့်အတိုင်း၊ အချိန်ကာလအလိုက် အုပ်စုခွဲနိုင်ပါတယ်။ ပုံတပုံချင်းစီတွင် အသေးစိတ် ဖော်ပြပေးထားပါတယ်။👈

👉အင်္ဂလိပ်စာ လေ့လာ၊ သင်ယူနေကြသူများ အတွက် Tense က ဘယ်လောက်အရေးပါသလဲ???

Tense ဟာ အင်္ဂလိပ်ဘာသာစကား သင်ယူသူတွေအတွက် အလွန်အရေးကြီးပါတယ်။ အကြောင်းရင်းတွေကတော့...

👉အဓိပ္ပာယ်တိကျစေခြင်း။ Tense ကို မှန်ကန်စွာအသုံးပြုနိုင်မှ မိမိပြောလိုတဲ့ အကြောင်းအရာရဲ့ အချိန်ကာလကို တိတိကျကျ ဖော်ပြနိုင်မှာ ဖြစ်ပါတယ်။ Tense အသုံးမှားရင်၊ အဓိပ္ပာယ်လွဲမှားမှုတွေ ဖြစ်စေနိုင်ပါတယ်။

👉ရှင်းလင်းစွာ ဆက်သွယ်နိုင်ခြင်း။ စာရေးရာတွင်ဖြစ်စေ၊ စကားပြောရာတွင်ဖြစ်စေ Tense ကို မှန်ကန်စွာ သုံးနိုင်ခြင်းက မိမိရဲ့ အတွေးအမြင်နဲ့ အဖြစ်အပျက်တွေကို အစီအစဉ်တကျ ရှင်းလင်းစွာ ဖော်ပြနိုင်စေပါတယ်။

👉ကျွမ်းကျင်မှုကိုပြသခြင်း။ Tense တွေကို ကျွမ်းကျင်စွာ အသုံးပြုနိုင်ခြင်းက မိမိရဲ့ အင်္ဂလိပ်ဘာသာ အရည်အသွေး မြင့်မားကြောင်းကို ပြသပါတယ်။ စာမေးပွဲတွေဖြေဆိုရာမှာ၊ အလုပ်အင်တာဗျူးတွေမှာ အထောက်အကူဖြစ်စေပါတယ်။

👉နားလည်နိုင်စွမ်း တိုးတက်စေခြင်း။ သူတစ်ပါး ပြောဆိုရေးသားတာတွေကို နားထောင်တဲ့အခါ၊ စာဖတ်တဲ့အခါမှာလည်း Tense တွေရဲ့ အဓိပ္ပာယ်ကို နားလည်ထားမှသာ အကြောင်းအရာတစ်ခုလုံးကို တိတိကျကျ သဘောပေါက်နိုင်မှာ ဖြစ်ပါတယ်။

ဒါကြောင့် Tense တွေကို ကောင်းစွာနားလည်ပြီး လက်တွေ့မှာ မှန်မှန်ကန်ကန် အသုံးပြုနိုင်ဖို့ လေ့ကျင့်ခြင်းဟာ အင်္ဂလိပ်စာသင်ယူမှုရဲ့ အခြေခံအကျဆုံးနဲ့ အရေးအကြီးဆုံး အပိုင်းတစ်ရပ်ဖြစ်ပါတယ်။

အင်္ဂလိပ်စာကို အခြေခံကနေ စနစ်တကျ၊ သင်ယူတတ်မြောက်နိုင်ကြပါစေ။

22/09/2025

Premium ကိုယ်ထည်ဒီဇိုင်းနှင့် အမြန် အားသွင်းစနစ် ပါ၀င်သော အရည်အသွေးမြင့် Power Station

ကိုယ်ထည်ပိုင်းကို အရည်အသွေးမြင့် Power Station များတွင် တွေ့ရလေ့ရှိသော (မီးလောင်လွယ်မှု မရှိသော) ABS ပလပ်စတစ်သားဖြင့် ပြုလုပ်ထားပါတယ်။

အမြန်အားသွင်းစနစ်ကို ထောက်ပံ့ပေးထားသော Premium ကိုယ်ထည်၊ ဒီဇိုင်းဖြင့် ပြုလုပ်ထားသော 300W (LiFePO4 Battery) Branded Power Station တလုံးကို၊ စျေးကွက်တွင် ရောင်းနေကြသော သံကိုယ်ထည် 300W Power Station (Lithium Battery) တလုံးရဲ့ စျေးနူန်းသာသာ သို့မဟုတ် သူ့ထက် တန်သော စျေးနူန်းဖြင့် ရပါမည်။

Portable Power Station

Model No: S300

AC Output: 2 x 110V/220V-50Hz 300W (Peak 600W)

Puro Sine Wave

Built-in-Battery: High Quality, Grade A, LiFePO4 Battery

Battery Capacity: 236.25Wh / 63000mAh

Charging Time: 2.5 Hours (DC Input + PD Input)
အားပြည့်ရန် ကြာချိန် ၂ နာရီခွဲ ၀န်းကျင်
👉(PD Input အတွက် Type C ကြိုးနှင့် PD Adapter ထပ်မံ ၀ယ်ယူရန် လိုအပ်ပါသည်)👈

DC Input: 16V/ 4A

MPPT Input: 64W

Dc Output: 12V DC Output x 2/10A, Cigarette Lighter x 1

USB Output: QC3.0 Output x 1, 5V 2.4A, PD65W (bidirectional)

Led Light: 6W LED Light, Red/White warning light

AC Version: US/JP/EU/UK/CN

👉စျေးနူန်း - ၆၈၀၀၀၀ ကျပ်

👉1 Year Warranty👈

👉ဆိုင်လိပ်စာ

Top Online Shop (Smartwatch Shop)

၁၄၄A၊ အောင်မင်္ဂလာလမ်း၊ ‌ကျောက်မြောင်း အရှေ့ရပ်ကွက်၊ တာမွေမြို့နယ်၊ ရန်ကုန်မြို့

ဆိုင်ဖွင့်ချိန် - မနက် ၁၀ နာရီ မှ ည ၇ နာရီ ထိ
👉တနင်္လာနေ့တိုင်း ဆိုင်ပိတ်ပါသည်👈

ဖုန်း - 092527 22330, 098986 19900

m.me/TopOnlineShopYangon

21/09/2025

ဒီနေ့က မလွယ်ကူဘူး။

မနက်ဖြန်က ပိုတောင် ခက်ခဲနိုင်တယ်။

ဒါပေမဲ့ သန်ဘက်ခါကျရင်တော့ အရာအားလုံးက အံ့ဩစရာကောင်းလောက်အောင် လှပနေမှာပါ။

ဆိုးရွားတဲ့ နေ့ရက်တွေ ကြုံတွေ့လာရပြီဆိုရင်...
အသက်ပြင်းပြင်းရှုလိုက်ပါ။ ပြီးရင် မှတ်ထားပါ။

အဲ့ဒါဟာ ဆိုးတဲ့နေ့ တစ်နေ့တော့ ဖြစ်ရင်ဖြစ်မယ်။

ဒါပေမယ့် ဆိုးရွားတဲ့ ဘ၀တော့ ဖြစ်မှာ မဟုတ်ပါဘူး။

ဘဝမှာ အခက်အခဲတွေနဲ့ ကြုံနေရတဲ့အခါ၊ စိတ်ဓာတ်ကျစရာတွေနဲ့ တွေ့နေရတဲ့အခါ ဒီစကားလေးကို အမြဲသတိရပါ။ အခုဖြတ်သန်းနေရတဲ့ နေ့ရက်တွေက ကိုယ့်အတွက် "ဆိုးတဲ့နေ့" တစ်နေ့ ဖြစ်နေနိုင်ပါတယ်။
ဒါပေမဲ့ ဒါဟာ "ဆိုးရွားတဲ့ဘဝ" မဟုတ်ပါဘူး။
အသက်ကို ပြင်းပြင်းရှူပြီး ရှေ့ဆက်ဖို့သာ ပြင်ဆင်လိုက်ပါ။

ဒီနေ့ကြုံနေရတဲ့ အခက်အခဲတွေက မနက်ဖြန်မှာလည်း ဆက်ရှိနေနိုင်ပါသေးတယ်။ ဒါပေမဲ့ အရှုံးမပေးဘဲ ဆက်ကြိုးစားနေသရွေ့ တစ်နေ့နေ့မှာတော့ အရာအားလုံး အကောင်းဆုံးဖြစ်လာမှာ သေချာပါတယ်။

လှပတဲ့ မနက်ဖြန်တွေဆိုတာ ဒီနေ့ရဲ့ ကြိုးစားမှုတွေကနေ မွေးဖွားလာတာပါ။ ဒီအခက်အခဲတွေအားလုံးကို ကျော်ဖြတ်ပြီးရင် လှပတဲ့အနာဂတ်က သင့်ကို စောင့်ကြိုနေပါလိမ့်မည်။ 💪❤️

21/09/2025

✅ကိုယ်ကျင့်သီလနဲ့ ပြည့်စုံတဲ့
ဗုဒ္ဓဘာသာဝင်ကောင်း ဖြစ်ဖို့လိုတယ်။

✅ငါးပါးသီလလုံမှ ကိုယ်ကျင့်သီလနှင့်
ပြည့်စုံတဲ့ ဗုဒ္ဓဘာသာဝင်ဖြစ်တယ်။

✅မဟုတ်ရင် ကိုယ်ကျင့်သီလနဲ့ ပြည့်စုံတဲ့
ဗုဒ္ဓဘာသာဝင် မဖြစ်နိုင်ဘူးတဲ့။

" ✅ဗုဒ်ဓံ သရဏံ ဂစ်ဆာမိ "´လို့
ဆောက်တည် ထားသည့်အတွက်ကြောင့်
ဗုဒ္ဓဘာသာဝင်တော့ ဖြစ်သွားပါရဲ့

✅သို့သော် ငါးပါးသီလကို ကျူးးလွန်
ဖောက်ဖျက် နေသေးတယ် ဆိုရင်
ကိုယ်ကျင့်သီလရှိတဲ့
ဗုဒ္ဓဘာသာဝင်ကောင်း တစ်ယောက် မဖြစ်ဘူး၊
ဒါ အရ မှတ်ရမယ်။

✅အဲ့ဒီတော့
မိမိကိုယ်တိုင် ဗုဒ္ဓဘာသာဝင် ဖြစ်ပြီဆိုရင်
ဗုဒ္ဓဘာသာတို့ရဲ့တာဝန်ဝတ္တရား အားလျော်စွာ
လိုက်နာ ကျင့်သုံးရမှာကတော့ အနည်းဆုံး
ငါးပါးသီလ လုံအောင် ထိန်းမယ်လို့ စိတ်ထဲမှာ
ဒီလို နှလုံးသွင်း ဆင်ခြင်ထားသင့်တယ်။

✅ဟို အကြောင်းပြ ၊ ဒီ အကြောင်းပြ
ဒါတွေ မပြသင့်ဘူးနော်၊

✅ဘဝမှာ တန်ဖိုးရှိတဲ့ အလုပ်ကို လုပ်ဖို့က
အင်မတန်မှ အရေးကြီးတယ်။

✅လူ့လောက လူတွေဟာ ကိုယ်ကျင့်တရားနှင့်
ပတ်သက်လာတဲ့ အခါ ကျလို့ရှိရင်
တခြားအကြောင်းတွေပြပြီး
ကိုယ်ကျင့်သီလကို
ဖောက်ဖျက်တတ်တယ်ပေါ့။

✅အေး အခွင့်အရေးနဲ့ ပတ်သက်လာရင်တော့
လူတွေက Human rights ဆိုပြီး
လူ့အခွင့်အရေးကိုတော့
ကျယ်ကျယ်လောင်လောင်
တောင်းဆို တတ်ကြတယ်။

✅သို့သော်
လူတွေရဲ့ကိုယ်ကျင့်တရားရော ပြည့်ဝရဲ့လား
ဆိုတော့ လူ့ကိုယ်ကျင့်တရား မရှိဘူး၊
လူ့ရဲ့ကိုယ်ကျင့်သိက္ခာ ပြည့်ဝဖို့က ပိုပြီးတော့
အရေးကြီးတယ်၊ တန်ဖိုးရှိတယ်။

✅အဲ့တော့ ဗုဒ္ဓဘာသာဝင် ဖြစ်လာပြီဆိုရင်တော့
ကိုယ်ကျင့်သီလနဲ့ ပြည့်စုံတဲ့
ဗုဒ္ဓဘာသာဝင်ကောင်း ဖြစ်ဖို့ လိုတယ်။
ငါးပါးသီလနှင့် ပြည့်စုံသွားပြီ ဆိုရင်
သီလရှိတဲ့ ဗုဒ္ဓဘာသာဝင် ဖြစ်သွားပြီ။

✅ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

16/09/2025

အလယ်တန်းကနေ အထက်တန်းအထိ ကျက်ထားသင့်တဲ့ Verb form (ကြိယာပုံစံ) ၃၄၆ လုံး။

အင်္ဂလိပ်စာကို အခြေခံ (Basic) ကနေ အလယ်အလတ် (Intermediate) အဆင့်အထိ တိုးပြီး သင်ကြားနေသူများ သိသင့်တဲ့ စကားလုံးတွေလည်း ဖြစ်ပါတယ်။

Thanks to Tr. Khin Zar Tun 🙏

16/09/2025

ဈေးနူန်းလည်း ချိုသာ၊ 4G လည်း ဖြစ်၊ Video Call လည်း ရ၊ အမျိုးအစား ကွာလတီလည်း ကောင်း စတဲ့ အားသာချက်များဖြင့်...

Video Chat အသုံးပြုနိုင်သော 4G အမျိုးအစား ကလေးခြေရာခံ LBS/ WIFI စနစ်သုံး ဖုန်းနာရီ (အာမခံ တနှစ်ပါ)

အင်တာနက် Settings အပြီးအစီး ချိန်ပြီး၊ အကောင့်ဖွင့် အသင့်သုံးရုံ။

နာရီ အမျိုးအစား - ကလေး ခြေရာခံ LBS/ WIFI စနစ်သုံး ဖုန်းနာရီ (4G)

Model - QH 11

စျေးနူန်း - ၁၅၅၀၀၀ ကျပ်

ရရှိနိုင်သော အရောင် - အပြာ၊ ပန်းရောင်၊ အနက်

ဆင်းကဒ် - ရ (GSM Micro SIM 4G)

ဖုန်း အဝင် အထွက် ခေါ်ဆိုနိုင်မှု - ရ

Video Chat - ရ

4G Mobile Internet - ရ

GPS + LBS + WIFI နည်းပညာစနစ် - မပါ

အချိန်နှင့် တပြေးညီ ခြေရာခံနိုင်သော စနစ် (Real-time locating) - ပါ

ကလေးဘက်မှ အသံကို နာရီကနေ တဆင့် အချိန်၊ နေရာ မရွေး မိမိဖုန်းဖြင့် ကလေး မသိအောင် အလိုအလျောက် နားထောင်နိုင်သော စနစ် (Sound Guardian) - ပါ

ကလေးသွားခဲ့သော လမ်းကြောင်းကို ပြန်ကြည့်နိုင်သော စနစ် (History route) - ပါ

သတ်မှတ်ဧရိယာမှ ထွက်သွားလျင် သတိပေးနိုင်သော စနစ် (Electronic fence) - ပါ

မိမိဖုန်းကနေ ကလေး ကင်မရာကို ထိန်းချုပ်ပြီး ပုံများကို ဖုန်းတွင် ပြန်ကြည့်နိုင်သော စနစ် (Remote Camera) - ပါ

တကြောင်းတခုခုကြောင့် နာရီကို ချွတ်ပြီး ၃ မိနစ်အတွင်း ပြန်မပတ်လျင် အုပ်ထိန်းသူကို သတိပေးနိုင်သော စနစ် (Device Removed Alert) - မပါ

Voice Chat - ပါ

နာရီကို အုပ်ထိန်းသူမှ အလုံးစုံ ထိန်းချုပ်နိုင်သော စနစ် (Remote Monitor) - ပါ

အရေးပေါ် အချိန်၌ နာရီတွင် ပါရှိသော SOS ခလုပ်ကို ၃ စက္ကန့် ဖိနှိပ်ရုံဖြင့် သတ်မှတ် ဖုန်း ၃ လုံးကို တလှည့်စီ အလိုအလျောက် ခေါ်ဆိုပေးသော စနစ် (SOS Call) - ပါ

Alarm Clock - ပါ

ကျောင်းချိန် အတွင်း အဝင် Call များကို Silence လုပ်ပေးနိုင်သော စနစ် (Do not disturb mode) - ပါ

သင်္ချာ ဉာဏ်စမ်း ဂိမ်း (Math Game) - ပါ

ခြေလှမ်း အရေအတွက် တိုင်းတာ ပေးနိုင်ခြင်း စနစ် (Pedometer) - ပါ

အိပ်ချိန်ကို တိုင်းတာပေးနိုင်သော စနစ် (Sleep Monitor) - မပါ

LED ဓာတ်မီး - မပါ

ကင်မရာ - ပါ (3 MP)

လက်ပတ် အမျိုးအစား - TPU

လက်ပတ် အလွယ်တကူ ဖြုတ်လဲ - မရ

ရေစိုခံနိုင်စွမ်း - သင့်

Screen Size - 1.44 လက်မ

Resolution - 240 x 240

Capacitive Touch Screen - Yes

Casing Material - Plastic PVC

Bluetooth - ပါ (Version 3.0)

အားသွင်းစနစ် - သံလိုက် အားသွင်းကြိုး

ဘက်ထရီ - 500 mAh (High Quality Lithium Battery)
သုံးစွဲချိန် အနည်း အများပေါ် မှုတည်ပြီး၊ အများဆုံး ၃ ရက်ကျော် အထိ အသုံးခံ

Find Watch Function - ပါ

ဖုန်းဖြင့် ချိတ်ဆက် အသုံးပြုရမည့် App - SeTracker သို့မဟုတ် SeTracker 2

အထက်ပါ App ကို မိမိဖုန်းရဲ့ သက်ဆိုင်ရာ Google Play Store သိုမဟုတ် App Store တွင် အလွယ်တကူ ရှာဒေါင်းနိုင်ပါတယ်။

လုပ်ဆောင်ချက်များ - GPS, WIFI, Bluetooth, 4G SIM Card, Dial call, Answer call, SOS call, Voice Chat, Video Chat, Remote Monitor, Phone Book, Time, Alarm, Camera, History route, Electronic fence, Friends, Sounds Guardian, WeChat, Math games, Music Player, Precise location, pedometer, Calculator, Gallery, Schedule, File Manager and etc...

m.me/TopOnlineShopYangon

15/09/2025

ဘ၀ မတိုးတက်ချင်သူများအတွက်၊ လိုက်နာကျင့်သုံးရမည့် နည်းလမ်းကောင်းများ 😆

၁။ တစ်နေ့လုံး တီဗီကြည့်ပါ။
၂။ Facebook/TikTok ပဲ ပွတ်နေပါ။
၃။ အွန်လိုင်းဂိမ်းတွေ စွဲအောင်ကစားပါ။
၄။ ဘဝအတွက် ရည်မှန်းချက်၊ စိတ်အားထက်သန်မှုတွေ မထားပါနဲ့။
၅။ ငွေရေးကြေးရေးနှင့် ပက်သက်ပြီး ပညာမသင်ပါနဲ့။
၆။ ပြဿနာဖြစ်တိုင်း ငါဘဲမှန်တယ်၊ နင်တို့မှားတာ ဆိုပြီး၊ လူတကာကို အပြစ်တင်ပါ။
၇။ ကိုယ့်ရဲ့လုပ်ရပ်တွေအပေါ် ဘယ်တော့မှ တာဝန်ယူမှု မရှိပါစေနဲ့။
၈။ စာမဖတ်ပါနဲ့၊ အသစ်အသစ်တွေ မသင်ယူပါနဲ့။
၉။ ဝင်ငွေထက်ပိုပြီး ငွေသုံးပါ။
၁၀။ အဆိုးမြင်စိတ်ရှိတဲ့လူတွေနဲ့ပဲ ပေါင်းသင်းပါ။ မိမိကိုယ်တိုင်လည်း တဖက်လူတွေကို အကောင်း မမြင်ပါနင့်။
၁၁။ အဖြေရှာမယ့်အစား အမြဲတမ်း ညည်းညူနေပါ။
၁၂။ အောင်မြင်မှာကို ကြောက်ရွံ့ပြီး၊ ဘာအသစ်အဆန်းမှ စမ်းသပ် မလုပ်ပါနဲ့။
၁၃။ အခွင့်အလမ်းတွေ ရောက်လာရင် လစ်လျူရှုပါ။
၁၄။ အောင်မြင်မှုဆိုတာ ကံကောင်းတဲ့လူတွေအတွက်ပဲလို့ ယုံကြည်ပါ။
၁၅။ ဆင်ခြေအမြဲပေးပါ။
၁၆။ အပြောသမားပဲ လုပ်ပါ။
၁၇။ လောင်းကစား များများ လုပ်ပါ။
၁၈။ ငါဘဲသိ၊ ငါဘဲတတ် ဆိုပြီး အတ္တထားပါ။
၁၉။ စကားကို ဘယ်တော့မှ အမှန် မပြောဘဲ၊ ဟိုလူ့ကို တမျိုး၊ ဒီလူ့ကို တမျိုး အမြဲတမ်း လှည့်ပတ်ပြောပါ။

ကဲ... ပရိတ်သတ်ကြီးရေ... လိုအပ်ချက်တွေ ရှိသေးရင်လည်း Comment မှာ ဖြည့်စွက်ပေးပါဦးနော် 😆
ဘ၀ မတိုးတက်နိုင်တဲ့ နည်းလမ်းကောင်းတွေက 100% မဖြစ်လာမှာ စိုးလို့ပါ။ 😒

P.S, ဘ၀ တိုးတက်ချင်တဲ့သူတွေကတော့ အထက်ပါ နည်းလမ်းတွေကို ပြောင်းပြန်လုပ်ပြီး ကျင့်ကြံကြပါ။ 🫤

14/09/2025

ဆီးပူ၊ ဆီးကျင်၊ ဆီးအောင့်ခြင်း၊ ဆီးလမ်းကြောင်း ပိုးဝင်ခြင်းများ အတွက် သဘာဝကုထုံးများ

ဆီးလမ်းကြောင်း ပို:ဝင်တဲ့အခါ ဆီးလမ်းကြောင်းမှတစ်ဆင့် ဆီးအိမ်၊ ကျောက်ကပ်အတွင်း ဘက်တီးရီးယားပိုး ဝင်တဲ့အခါ ....

ဆီးကျင်ခြင်း၊ ဆီးပူခြင်း၊ မကြာခဏ ဆီးသွားချင်ခြင်း၊ဆီးသွားရတာ မဝခြင်း၊ ဆီးစပ်နာကျင်ကိုက်ခဲခြင်း၊ ဆီးနဲ့အတူ သွေ:အနည်းငယ်ပါခြင်း စတဲ့လက္ခဏာများခံစားကြရပါတယ်။

👉အဖြစ်များဆုံးရောဂါများထဲ တစ်ခုအပါအဝင်ဖြစ်ပြီး၊ အမျိုးသမီးများမှာ ဆီးလမ်းကြောင်းတိုလို့၊ အမျိုးသားများထက် ပိုအဖြစ်များတာကို တွေ့ရပါတယ်။

👉အမျိုးသားများမှာတော့ ဆီးကျိတ်ကြီးနေသူများ ပိုအဖြစ် များတာကို တွေ့ရပါတယ်။

👉ဆီးချိုရောဂါ ရှိသူများ၊ ကိုယ်ခံအားနည်းသူများ လည်း မကြာခဏ ဆီးပို:ဝင်တဲ့ ဝေဒနာ ခံစားရတာ တွေ့ရပါတယ်

👉မကုသပဲထားပါက၊ ကျောက်ကပ်နဲ့ သွေးတွင်း ပိုးပြန့်နှံ့ကာ အရေးပေါ် အခြေအနေ ဖြစ်နိုင်သလို၊ကျောက်ကပ်လည်း ပျက်စီးသွားနိုင်ပါတယ်။

👉လိုအပ်တဲ့ စစ်ဆေးမှုများ ပြုလုပ်နိုင်ဖို့ ကျွမ်းကျင် ပညာရှင်နဲ့ ပြသပြီး ဖြစ်ပွားစေတဲ့ အကြောင်းအရာကိုလည်း ရှာဖွေဖို့လိုပါတယ်။

👉လိုအပ်တဲ့ ကုသမှုများအပြင် သဘာ၀ အစားအသောက်ကိုလည်း သေချာစားဖို့လိုအပ်ပါတယ်။

👉ဆီးလမ်းကြောင်း နဲ့ ကျောက်ကပ်ပိုးဝင်ခြင်းဝေဒနာ များကို သဘာဝအစားအသောက်တွေက သက်သာစေတဲ့အပြင်၊ မကြာခဏ ပြန်လည်ဖြစ်ပွားခြင်းမှ လျော့နည်း ကျန်းမာစေပါတယ်။

👉သက်သာစေတဲ့ သဘာဝ နည်းလမ်းများစွာထဲက အလွယ်တကူ ရနိုင်ပြီး၊ အကျိုးများလှတဲ့ နည်းလမ်း လေးတွေကို ဖော်ပြပေးလိုက်ပါတယ်။

👉ပိုးသတ်ဆေး ပြတ်လို့မရ၊ ဆေးအမြဲသောက်
နေရတဲ့ ဆီးအောင့် ဝေဒနာသည်များအတွက်၊ ပိုးသတ်ဆေးအပြင်...

(၁) ကြက်သွန်နီ အစိမ်းစားပါ။ မြန်မာကြက်သွန်ဥကြီး တစ်နေ့ ၆ လုံး မှ ၁၀ လုံးထိစားပါ။ ဥကြီးမစားနိုင်လျင် ဥသေးလေးများကို များများစားပါ။ တစ်နာရီ ၂ လုံး သို့မဟုတ် အကြိမ်ကြိမ် အဆင်ပြေသလို စားပါ။

အစိမ်းမစားနိုင်လျင် ရေနွေးပွက်ပွက်ထဲ ၁၅ လုံးမှ အလုံး ၂ဝ ထိ စိမ်ပြီး၊ နေ့စဉ် သောက်ပါ။ ရေဆာတိုင်း သောက်နိုင်ပါတယ်။

(၂) ရေများများ သောက်ပါ

(၃)သံပုရာသီး တစ်နေ့ ၂လုံးကို အခွံအပါ၊ blender (ကြိတ်စက်) နဲ့ ကြိတ်ပြီး သောက်ပါ။ အခွံမသောက်လိုလျင်၊ သံပုရာရည်ကို တစ်ခါသောက် ၂ လုံး၊ တစ်နေ့ ၃ ကြိမ် ထမင်းစားပြီးလျင် သောက်၊ အရမ်းကို ထိရောက်ပြီး သက်သာကြတာ တွေ့ရပါတယ်။

ဆေးရုံ၊ ဆေ:ခန်း မကြာခဏ သွားရခြင်းမှ ကင်းဝေးပြီး
ကျန်းမာလာကြတာကို..တွေ့ရပါတယ်။

👉ရောဂါ သက်သာလာပါက ကြက်သွန်နီ၊ သံပုရာရည် စားသုံးတဲ့ ပမာဏ လျော့လို့ရပေမယ့်၊ နေ့စဉ် စားသုံးခြင်းကိုတော့ ပုံမှန် ပြုလုပ်ဖို့လိုပါတယ်။

👉အထူးသတိပြုရန်နှင့် ထပ်ဆောင်းအကြံပြုချက်များ

ရောဂါလက္ခဏာများ ခံစားရပါက ကျွမ်းကျင်တဲ့ ဆရာဝန်နဲ့ ပြသပြီး စနစ်တကျ ရောဂါရှာဖွေ စစ်ဆေးမှု ခံယူဖို့ အလွန်အရေးကြီးပါတယ်။ အထူးသဖြင့် ရောဂါလက္ခဏာများ ဆိုးရွားလာလျှင် (ဥပမာ- ဖျားခြင်း၊ ခါးအလွန်အောင့်ခြင်း၊ အော့အန်ခြင်း) သို့မဟုတ် မကြာခဏ ပြန်ဖြစ်နေပါက ဆေးကုသမှု ခံယူရန် လိုအပ်ပါတယ်။

တစ်ကိုယ်ရေသန့်ရှင်းရေး အထူးသဖြင့် အမျိုးသမီးများအနေဖြင့် တစ်ကိုယ်ရေသန့်ရှင်းရေးကို အထူးဂရုစိုက်သင့်ပါတယ်။ အိမ်သာတက်ပြီးပါက သန့်ရှင်းရေးလုပ်ရာတွင် ရှေ့မှနောက်သို့သာ ပြုလုပ်ခြင်းဖြင့် စအိုမှ ဘက်တီးရီးယားများ ဆီးလမ်းကြောင်းထဲသို့ မဝင်ရောက်အောင် ကာကွယ်နိုင်ပါတယ်။

ဆီးအောင့်မထားပါနှင့် ဆီးသွားချင်စိတ် ဖြစ်ပေါ်လာပါက အောင့်မထားဘဲ ချက်ချင်းသွားပါ။ ဆီးအိမ်ထဲမှာ ဆီးများ အချိန်ကြာကြာ ရှိနေခြင်းက ဘက်တီးရီးယားများ ပေါက်ပွားရန် အခွင့်အလမ်း ပိုပေးသလို ဖြစ်စေပါတယ်။

Cranberry Juice (ဘလူးဘယ်ရီ ဖျော်ရည်) အချို့သော လေ့လာမှုများအရ သကြားမပါသော Cranberry ဖျော်ရည် သောက်သုံးခြင်းသည် ဘက်တီးရီးယားများ ဆီးအိမ်နံရံတွင် တွယ်ကပ်ခြင်းကို တားဆီးပေးနိုင်သောကြောင့် ဆီးလမ်းကြောင်းပိုးဝင်ခြင်းကို ကာကွယ်ရာတွင် အထောက်အကူပြုနိုင်ကြောင်း တွေ့ရှိရပါတယ်။

ဤသဘာဝကုထုံးများသည် ဆီးလမ်းကြောင်း ပိုးဝင်ခြင်းကို သက်သာစေရုံသာမက ရေရှည်ကျန်းမာရေးအတွက်ပါ များစွာ အထောက်အကူပြုနိုင်မှာ ဖြစ်ပါတယ်။

#ကျန်းမာရေးဗဟုသုတ

12/09/2025

အမာရွတ်တွေက ပြောပြတဲ့ ဘဝတန်ဖိုး

👉တချို့အတွေ့အကြုံတွေက စာအုပ်ထဲမှာဖတ်လို့မရဘူး၊ သူများပြောတာနားထောင်ရုံနဲ့လည်း ကိုယ့်အတွက်သွေးသားထဲက သင်ခန်းစာဖြစ်မလာဘူး။ ကိုယ်တိုင် အနာခံပြီးမှ၊ ကိုယ်တိုင် လဲကျပြီးမှ "ဪ...ဒီလိုကို" လို့ နားလည်သဘောပေါက်ရတဲ့ အတွေ့အကြုံမျိုးတွေပါ။

👉ဘဝမှာ...
မမှားဖူးတဲ့သူ မရှိပါဘူး။
မနာကျင်ဖူးတဲ့သူ မရှိပါဘူး။
မျက်ရည်မကျဖူးတဲ့သူ မရှိပါဘူး။
ဒါပေမဲ့ အရေးကြီးတာက အဲ့ဒီနာကျင်မှုတွေ၊ အဲ့ဒီအမှားတွေဆီကနေ ဘာသင်ခန်းစာယူခဲ့သလဲဆိုတာပါပဲ။

🔥 မီး ပူမှန်း သူများပြောတာထက် ကိုယ်တိုင် အပူ လောင်ဖူးသွားရင် မီးကိုဘယ်တော့မှ လက်ဆော့မယ့်သူ မဟုတ်တော့ဘူး။

💔 လူတစ်ယောက်ကို ယုံကြည်လွန်းလို့ အသည်းကွဲဖူးတဲ့အခါ လူတွေရဲ့တန်ဖိုးကို ပိုနားလည်လာပြီး၊ ကိုယ့်ကိုယ်ကို ဘယ်လိုကာကွယ်ရမလဲဆိုတာ ပိုသိလာတယ်။

📉 စီးပွားရေးမှာ ရှုံးနိမ့်ဖူးတဲ့အခါ ငွေရဲ့တန်ဖိုးကိုရော၊ ကြိုးစားမှုရဲ့အရေးပါပုံကိုပါ ပိုပြီးနားလည်လာတယ်။
ဒီနာကျင်မှုတွေ၊ ဒီဒဏ်ရာတွေက ကိုယ့်ကိုဖျက်ဆီးဖို့လာတာမဟုတ်ပါဘူး။ ကိုယ့်ကိုပိုပြီး သန်မာစေဖို့၊ ပိုပြီး ရင့်ကျက်စေဖို့၊ ပိုပြီးကောင်းမွန်တဲ့ ဆုံးဖြတ်ချက်တွေ ချနိုင်ဖို့ လာတဲ့ "ဆရာ" တွေပါ။

👉ဒါကြောင့် ကိုယ့်ဘဝရဲ့ အမာရွတ်တွေကို ရှက်မနေပါနဲ့။ အဲ့ဒါတွေက ရှုံးနိမ့်ခြင်းရဲ့ သင်္ကေတမဟုတ်ဘူး၊ သင်ဘယ်လောက်ထိ ကြံ့ကြံ့ခံပြီး အရှုံးမပေးဘဲ ပြန်ထနိုင်ခဲ့တယ်ဆိုတာ သက်သေတွေပါ။ 💪

သင်ဖြတ်သန်းခဲ့ရတဲ့ နာကျင်မှုတိုင်းဟာ၊ နောင်တစ်ချိန်မှာ သင့်ကို ကာကွယ်ပေးမယ့် "ဒိုင်းလွှား" တစ်ခု ဖြစ်လာမှာပါ။ သင့်ရဲ့ အတွေ့အကြုံတိုင်းကို တန်ဖိုးထားပါ။ အဲ့ဒါတွေအားလုံးက သင့်ကို ပိုကောင်းတဲ့သင် ဖြစ်လာအောင် ပုံဖော်ပေးနေတာပါ။ ✨

12/09/2025

500W, Premium Design, (EU Exported Quality) Power Station

👉𝐑𝐎𝐇𝐒, 𝐒𝐎𝐍𝐂𝐀𝐏, 𝐄𝐔 𝐂𝐄 𝐂𝐞𝐫𝐭𝐢𝐟𝐢𝐜𝐚𝐭𝐢𝐨𝐧 𝐏𝐚𝐬𝐬𝐞𝐝👈

500W (43Ah), Premium Design, (EU Exported Quality) Power Station တလုံးကို၊ စျေးကွက်တွင် ရောင်းနေကြသော သံကိုယ်ထည် Built-in Quality လျော့နည်းတဲ့ Power Station တလုံးရဲ့ စျေးနူန်းသာသာ သို့မဟုတ် သူ့ထက် တန်သော စျေးနူန်းဖြင့် ရပါမည်။

👉1 Year Warranty👈

👉 ထူးရှယ် လျော့စျေး - ၉၅၅၀၀၀ ကျပ် (ပုံမှန်ဈေး - ၁၀၈၀,၀၀၀ ကျပ်)

*ငွေစျေးပေါ် မှုတည်ပြီး စျေးနူန်း အပြောင်းအလဲ ရှိနိုင်ပါသည်*

👉A5 (500W) Model ရဲ့ China CE Certificate လက်မှတ်၊ ဥရောပသမဂ္ဂရဲ့ အသိမှတ်ပြု ထောက်ခံချက် လက်မှတ် (ROHS) နှင့် အခြား သက်ဆိုင်ရာ ထောက်ခံချက် လက်မှတ်တွေကို အောက်ကလင့်ခ်ကနေ တဆင့် ဒေါင်းပြီး ကြည့်နိုင်ပါတယ်။

https://drive.google.com/file/d/1R6d2r75gGTgiZGdHcP8FW5uSGNnUUw5P/view?usp=drivesdk

👉Pure sine wave

ကိုယ်ထည်ပိုင်းကို အမျိုးအစား အလွန်ကောင်းမွန်သော၊ မီးလောင်လွယ်မှု မရှိသော ABS plastic အမာသား + Aluminum Shell ဖြင့် ပြုလုပ်ထားပြီး အရည်အသွေး အထူးကောင်းမွန်၊ အကြမ်းခံနိုင်သော Power Station ဖြစ်ပါတယ်။

👉Model - A5 (High Quality) 500W Power Station

👉Built-in battery - High Quality Lithium Battery

👉Battery capacity - 520Wh

👉Input recharging - DC 15V/6.0A

👉Solar panel charging - DC35135 13V~22V/2.0A

👉DC output -
1X USB 5V~9V/2A Qualcomm QUICK Charge3.0
Output 1X type-c 5V~9V/2A Qualcomm QUICK
Charge3.0 Output 2X USB 5V/2A 5X DC 12V/10A

👉AC output - 2 x AC 230V/110V pure sine wave output

👉AC continuous output power - 500W (1000W Max)

👉Operating temperature - -10℃-40℃

👉Lifecycle - 1500+ times

👉Product protection
a.Short circuit protection
b.Overcurrent protection
c.Overvoltage protection
d.Undervoltage protection
e.Overload protection
f.Over temperature protection

👉Product dimension mm - 306*200*176 mm

👉Net weight - about 6.3KG

👉Material - ABS plastic + aluminum shell, plastic shell fire rating 94-V0;

👉ကြော်ငြာပါ ကုန်ပစ္စည်းနှင့် ပါ၀င်သော အချက်အလက်များ မှန်ကန်ကြောင်း အာမခံဖြင့် ရောင်းချပါသည်။

🙏မိတ်ဟောင်း၊ မိတ်သစ်များ ကိုယ်တိုင်ကိုယ်ကျလည်း လာရောက် ကြည့်ရှု ဝယ်ယူ အားပေးနိုင်ပါတယ် ခင်ဗျာ့ 🙏

Top Star Smart Gadgets (Top Online Shop)

၁၄၄A၊ အောင်မင်္ဂလာလမ်း၊ ‌ကျောက်မြောင်း အရှေ့ရပ်ကွက်၊ တာမွေမြို့နယ်၊ ရန်ကုန်မြို့

ဆိုင်ဖွင့်ချိန် - မနက် ၁၀ နာရီ မှ ည ၇ နာရီ ထိ
👉တနင်္လာနေ့တိုင်း ဆိုင်ပိတ်ပါသည်👈

ဖုန်း - 092527 22330, 098986 19900

🌏Google Maps လမ်းညွန်

https://maps.app.goo.gl/hGKrVgunbSw3vySFA

10/09/2025

ကြက်ဥ မပြုတ်တတ်သူများ အတွက် 😆

မှတ်ချက်။ ။ ရေနွေးဆူပွက်တဲ့ အချိန်ကျမှ ကြက်ဥကို ထည့်ပြီး အချိန်ကို မှတ်ရန်... 🤗

10/09/2025

အမျိုးသမီးတိုင်း ရင်သားကင်ဆာကို အချိန်မီသိ၊ အမြန်ကာကွယ်နိုင်ဖို့

ရင်သားကင်ဆာဆိုတာ အမျိုးသမီးတွေမှာ အဖြစ်များပေမယ့် အချိန်မီသိရင် ကုသပျောက်ကင်းနိုင်ခြေ အရမ်းများပါတယ်။ ဒါကြောင့် ရှေ့ပြေးလက္ခဏာတွေ၊ ဆောင်ရန်၊ ရှောင်ရန်တွေကို သိထားဖို့ အရမ်းအရေးကြီးပါတယ်။

⚠️ သတိထားသင့်တဲ့ ရှေ့ပြေးလက္ခဏာများ

အောက်ပါလက္ခဏာတွေထဲက တစ်ခုခုကို ကိုယ့်ဆီမှာ သတိထားမိတယ်ဆိုရင် မရှက်ပါနဲ့၊ မကြောက်ပါနဲ့။ ဆရာဝန်နဲ့ အမြန်ဆုံးပြသတိုင်ပင်ပါ။

• အလုံးအကျိတ်များ။ ရင်သားမှာဖြစ်ဖြစ်၊ ချိုင်းကြားမှာဖြစ်ဖြစ် အလုံး၊ အကျိတ်၊ အသားမာလိုမျိုး စမ်းမိတာ။ (နာတာ၊ မနာတာ နှစ်မျိုးလုံး ဖြစ်နိုင်ပါတယ်)

• ပုံသဏ္ဌာန်ပြောင်းလဲခြင်း။ ရင်သားတစ်ခုလုံးရဲ့ အရွယ်အစား၊ ပုံသဏ္ဌာန် သိသိသာသာ ပြောင်းလဲလာတာ။

• အရေပြားပြောင်းလဲခြင်း။ ရင်သားပေါ်က အရေပြားဟာ ချိုင့်ဝင်သွားတာ၊ နီရဲနေတာ၊ ယားယံတာ၊ ဒါမှမဟုတ် လိမ္မော်ခွံလို အပေါက်သေးသေးလေးတွေ ဖြစ်လာတာ။

• နို့သီးခေါင်းပြောင်းလဲခြင်း။ နို့သီးခေါင်းက အတွင်းကို ချိုင့်ဝင်သွားတာ၊ နေရာရွေ့သွားတာ၊ ဒါမှမဟုတ် နို့ရည်မဟုတ်တဲ့ အရည်ကြည်၊ သွေး၊ ပြည်တို့ ထွက်တာ။

• အကြောင်းမဲ့နာကျင်ခြင်း။ ရင်သား သို့မဟုတ် နို့သီးခေါင်းတစ်ဝိုက်မှာ အကြောင်းရင်းမရှိဘဲ မပျောက်ဘဲ နာကျင်နေတာ။

✅ ဒါတွေလုပ်ပါ (ဆောင်ရန်များ)

ကျန်းမာတဲ့ နေထိုင်မှုပုံစံနဲ့ ကြိုတင်စစ်ဆေးမှုတွေက အကောင်းဆုံးကာကွယ်ခြင်းပါပဲ။

• လစဉ် မိမိရင်သားကို စစ်ဆေးပါ။ ရာသီလာပြီး ၅ ရက်မှ ၇ ရက်အတွင်းမှာ မှန်ရှေ့ရပ်ပြီး လက်နဲ့စမ်းသပ်တဲ့အကျင့်ကို လုပ်ပါ။ (မသိရင် စစ်ဆေးနည်းကို Google မှာ ရှာကြည့်နိုင်ပါတယ်)

• ကျန်းမာစွာစားပါ။ ဟင်းသီးဟင်းရွက်၊ သစ်သီးဝလံနဲ့ အမျှင်ဓာတ်ကြွယ်ဝတဲ့ အစားအစာတွေကို များများစားပါ။

• ကိုယ်လက်လေ့ကျင့်ခန်းလုပ်ပါ။ တစ်ပတ်ကို အနည်းဆုံး မိနစ် ၁၅၀ လောက် ချွေးထွက်တဲ့ လေ့ကျင့်ခန်းလုပ်ပါ။

• ကိုယ်အလေးချိန်ထိန်းပါ။ အဝလွန်ခြင်းက ရင်သားကင်ဆာဖြစ်နိုင်ခြေကို မြင့်တက်စေလို့ သင့်တင့်တဲ့ ကိုယ်အလေးချိန်ကို ထိန်းသိမ်းပါ။

• ပုံမှန်ကျန်းမာရေးစစ်ဆေးပါ: အသက် ၄၀ ကျော်လာရင် ဆရာဝန်နဲ့တိုင်ပင်ပြီး လိုအပ်သလို Mammogram (ရင်သားဓာတ်မှန်) ရိုက်ပြီး စစ်ဆေးပါ။

❌ ဒါတွေရှောင်ပါ (ရှောင်ရန်များ)

ဖြစ်နိုင်ခြေကို လျှော့ချနိုင်ဖို့ ဒီအချက်တွေကို ရှောင်ကြဉ်သင့်ပါတယ်။

• ဆေးလိပ်နှင့် အရက်: ဆေးလိပ်သောက်ခြင်း၊ အရက်အလွန်အကျွံသောက်ခြင်းကို လုံးဝရှောင်ကြဉ်ပါ။

• အဆီများတဲ့ အစားအစာ: အဆီများတဲ့ အသားတွေ၊ အသင့်စားအစားအစာ (Processed Foods) တွေကို တတ်နိုင်သလောက် လျှော့စားပါ။

• စိတ်ဖိစီးမှု: စိတ်ဖိစီးမှုကို တတ်နိုင်သလောက် လျှော့ချပြီး စိတ်အပန်းဖြေနည်းလမ်းတွေ ရှာဖွေပါ။

• ညဉ့်နက်တဲ့အထိ မအိပ်ခြင်း။ အိပ်ရေးဝဝအိပ်စက်အနားယူဖို့ အရေးကြီးပါတယ်။

👉ဒါကြောင့် ရင်သားကင်ဆာဟာ "အချိန်မီသိရင် အသက်ကယ်နိုင်ပါတယ်" ဆိုတာကို အမြဲသတိရပါ။

အမျိုးသမီးတိုင်း ရင်သားကင်ဆာရောဂါ ကင်း၀ေးကြပါစေ။

#ကျန်းမာရေးဗဟုသုတ

Top Star Smart Gadgets

23/09/2025

22/09/2025

21/09/2025

21/09/2025

16/09/2025

16/09/2025

15/09/2025

14/09/2025

12/09/2025

12/09/2025

10/09/2025

10/09/2025

Address

Opening Hours

Telephone

Website

Alerts

Contact The Business

Shortcuts

Share

Category

ဆုိင္မွာ မရွိတဲ့ Smart Watch ေတြကုိလည္း ၅၀ % စရံေပးၿပီးေတာ့ မွာလုိ႔ ရပါတယ္ဗ်ာ့။ ၾကာခ်ိန္က ၂ ပါတ္ ေစာင့္ေပးရပါတယ္။

Tuesday	10:00 - 19:00
Wednesday	10:00 - 19:00
Thursday	10:00 - 19:00
Friday	10:00 - 20:45
Saturday	10:00 - 19:00
Sunday	10:00 - 19:00